سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
برصغیر کی تاریخ میں پہلی بار کیتھولک کیتھڈرل چرچ (ریگل چوک)، لاہور میں میلاد مصطفی صلی اللہ علیہ وآلہ وسلم کی خصوصی نشست کا اہتمام کیا گیا جس سے ڈاکٹر رحیق عباسی، فادر جوزف شہزاد، ڈاکٹر جمیز چنن، کاشف نواب، پنڈت بھگت، یوسف بنجوری، فیض الرحمن درانی، جی ایم ملک، راجہ زاہد، غلام مرتضیٰ علوی، قاضی فیض اور سہیل احمد رضا نے خطاب کیا۔ اقلیتی رہنماؤں نے میلاد مصطفی کی تقریب کے انعقاد پر اسلامیان پاکستان کو مبارکباد دیتے ہوئے کہا کہ حضور نبی اکرم صلی اللہ علیہ وآلہ وسلم دنیا میں امن، محبت اور رواداری کا پیغام لیکر آئے۔
ہیوسٹن: سربراہ پاکستان عوامی تحریک ڈاکٹر طاہرالقادری نے کہا ہے کہ تعلیمی اداروں کو دہشت گردی کے خطرات کے پیش نظر بند کرنا دہشت گردوں کے مقاصد کی تکمیل ہے۔ ہیوسٹن سے جاری اپنے ایک بیان میں ڈاکٹر طاہرالقادری کا کہنا تھا کہ پوری قوم دہشت گردی کے خلاف جنگ میں متحد ہے لیکن حکومت کی جانب سے تعلیمی اداروں کو بند کرنا کوئی دانش مندی نہیں ہے۔ انہوں نے کہا کہ اس طرح کے اقدامات سے دہشت گردوں کی حوصلہ افزائی ہو گی۔
ڈاکٹر طاہرالقادری نے کانفرنس سے خطاب کرتے ہوئے کہا کہ حضور صلی اللہ علیہ وآلہ وسلم کی سیرت تو انسانیت سے محبت ہے۔ اسلام اور سیرت مصطفی صلی اللہ علیہ وآلہ وسلم میں ظلم و تشدد کیلئے کوئی جگہ نہیں، اسلام تو مردہ انسانوں کو تکریم دیتا ہے، چاہے مسلم ہو یا غیر مسلم۔ انہوں نے کہا پشاور میں دہشت گردوں نے معصوم بچوں اور ماڈل ٹاؤن میں ریاستی دہشت گردی کے ذریعے معصوم لوگوں کو شہید کیا گیا۔ انہوں نے کہا کہ یہ فیصلے کا وقت ہے، قدم نہ لڑ کھڑائیں، اگر اب بھی دہشتگردوں کو بچانے کے راستے نکالے گئے تو پھر ملک کا اللہ ہی حافظ ہے۔
تحریک منہاج القرآن کے زیر اہتمام 31 ویں عالمی میلاد کانفرنس 3 جنوری 2014ء کو مینار پاکستان گراؤنڈ میں منعقد ہو گی، کانفرنس سے سربراہ عوامی تحریک ڈاکٹر طاہر القادری ویڈیو لنک پر خصوصی خطاب کریں گے۔ عالمی میلاد کانفرنس میں شرکت کیلئے تحریک انصاف، پیپلز پارٹی، ایم کیو ایم، مسلم لیگ ق، جماعت اسلامی، سنی اتحاد کونسل، مجلس وحدت المسلمین کو باضابطہ دعوت نامہ بھجوا دیا گیا ہے۔ کانفرنس میں ممتاز علمائے کرام اور مشائخ عظام کو بھی دعوت نامہ بھجوا دیا گیا ہے۔
مجلس برائے بین المذاہب مکالمہ پاکستان کے زیراہتمام آواری ہوٹل لاہور میں سال نو کی خوشی میں تقریب کا انعقاد کیا گیا جس کے مہمان خصوصی آرچ بشپ سبسٹین فرانسس شاء اور ڈاکٹر ولیم رابنسن تھے، جبکہ ڈائریکٹر انٹرفیتھ ریلیشنز سہیل احمد رضا کو بھی خصوصی طور پر مدعو کیا گیا تھا۔ تقریب میں نئے سال کی خوشی میں کیک کاٹا گیا اور وطن عزیز کے لیے خصوصی طور پر دعا کی گئی۔
ڈاکٹر طاہرالقادری نے نئے سال کی آمد پر اپنے بیان اور کارکنوں کے نام پیغام میں کہا ہے کہ اللہ رب العزت سے دعا ہے کہ 2015 آپریشن ضرب عضب کی 100 فیصد کامیابی، آئی ڈی پیز کی بحافظت گھروں کو واپسی اور پاکستان ہر مذہب اور طبقہ کے افراد کیلئے امن سلامتی اور خوشحالی کا سال ثابت ہو۔ انہوں نے کہا کہ آپریشن ضرب عضب کے حقیقی ثمرات اسی وقت سامنے آئیں گے جب دہشت گردی اور انتہا پسندی کو جڑ سے کاٹا جائے گا۔
نیشنل کونسل فار انٹرفیتھ ڈائیلاگ کے زیر اہتمام سینٹ میری چرچ گلبرگ میں بین المذاہب سال نو دعائیہ تقریب کا اہتمام، ریورنڈ فادر فرانسس ندیم نے کیا۔ جس میں آنے والے سال 2015 کے لیے مختلف مذاہب کے قائدین نے اجتماعی دعا کی۔
منہاج القرآن ویمن لیگ کی مرکزی صدر راضیہ نوید نے کہا ہے کہ حضور صلی اللہ علیہ وآلہ وسلم کے میلاد کی دھوم مچانا ہر امتی کی اولین ترجیح ہونی چاہیے، کیونکہ نبی اکرم صلی اللہ علیہ وآلہ وسلم کی ذات سے محبت تعلیمات مصطفی صلی اللہ علیہ وآلہ وسلم پر عمل کرنے کی تحریک دیتی ہے۔ ربیع الاول کے مبارک مہینے کی خوشیوں کے آگے ہماری ذاتی اور اجتماعی خوشیاں ہیچ ہیں۔
پاکپتن شریف کے گاؤں چک 20 ایس پی میں منہاج ویلفئر فاؤنڈیشن کے زیراہتمام فری میڈیکل قائم کیا گیا۔ میڈیکل کیمپ کی نگرانی منہاج ویلفئر فاؤنڈیشن کے ضلعی ناظم میاں ثناء اللہ سکھیرا کر رہے تھے۔ ایک روزہ میڈیکل کیمپ میں آئی، ناک کان گلہ، آرتھو پیڈک، جنرل فزیشن، جگر و معدہ، چلڈرن اور دیگر امراض کے معروف سپیشلسٹ ڈاکٹرز نے خدمات انجام دیں۔
ماہ ربیع الاول اپنی آغوش میں ولادت مصطفی صلی اللہ علیہ وآلہ وسلم کی خوشیاں لیے امت مسلمہ پرسایہ فگن ہے۔ اللہ کے فضل وکرم سے تحریک منہاج القرآن جس جوش و جذبہ ایمانی سے میلاد اور استقبال ربیع الاول کے سلسلے میں میلاد مارچ کرتی ہے وہ اپنی مثال آپ ہے۔ اور پوری دنیا اسکی مثال دینے سے قاصر ہے۔
منہاج القرآن ویمن لیگ بھنگالی شریف حلقہ پی پی 4 کے زیراہتمام سالانہ عظیم الشان محفل میلاد مصطفی صلی اللہ علیہ وآلہ وسلم کا انعقادر چوہدری عبدالحمید کی رہائش گاہ پر کیا گیا۔ محفل کی صدارت مسز سید عبدالقادر شاہ ہمدانی (مرحوم) مائی صاحبہ آستانہ عالیہ بھنگالی شریف نے کی۔
تحریک منہاج القرآن تحصیل چکوال کے زیراہتمام استقبال ربیع الاول کے سلسلہ میں عظیم الشان میلاد مارچ ہوا جس کی قیادت ڈاکٹر سہیل محمود جنجوعہ ضلعی ناظم تحریک منہاج القرآن، حافظ محمد خان صدر تحریک منہاج القرآن، مرکزی صدر نائب صدر مصطفوی سٹوڈنٹس موومنٹ محمد رضی طاہر، حاجی محمد صفدر، چوہدری ساجد حسین اعوان، توقیر اعوان، توقیر مغل، طارق محمود، محمد ارسلان قادری و دیگرنے کی۔
ڈاکٹر حسین محی الدین قادری نے تقریب کے شرکا سے خطاب کرتے ہوئے کہا کہ ہر فرد دوسروں کو خوشیاں بانٹنے کا عظیم کام ضرور کرے کیونکہ غربت، جہالت اور پسماندگی کا خاتمہ کرنا سُنتِ رسول صلی اللہ علیہ وآلہ وسلم ہے۔ ڈاکٹر محمد طاہرالقادری نے بے سہارہ اور یتیم بچوں کے منصوبے آغوش سمیت دیگر فلاحی اور تعلیمی منصوبوں کو دوسروں کے لئے مثال بنا دیا ہے۔
منہاج القرآن یوتھ لیگ جہلم کے زیراہتمام میلاد مصطفی صلی اللہ علیہ وآلہ وسلم ریلی منعقد کی گئی۔ ریلی صبح 10:00 بجے ضلعی دفتر جادہ جہلم سے شروع ہوئی۔ ریلی کی صدارت جناب سید ابرار حسین شاہ صاحب (ضلعی نائب صدر پاکستان عوامی تحریک جہلم) نے کی۔ مہمان خصوصی جناب جاوید قریشی (سٹی صدر پاکستان پیپلز پارٹی جہلم) تھے۔
قائداعظم محمد علی جناح رحمۃ اللہ علیہ کے یوم پیدائش کے موقع پر پاکستان عوامی تحریک کے مرکزی سیکرٹریٹ پر دعائیہ تقریب کا اہتمام کیا گیا، جس میں ناظم اعلی تحریک منہاج القرآن خرم نواز گنڈاپور، ڈائریکٹر انٹرفیتھ ریلیشنز سہیل احمد رضا اور دیگر قائد تحریک منہاج القرآن و پاکستان عوامی تحریک نے شرکت کی۔
4M
فیس بک
2M
ٹوٹر
© 1994 - 2025 Minhaj-ul-Quran International.
