تحریک منہاج القرآن پاکستان کی خبریں

ہر فرد کو انتہا پسندی کے خاتمے کیلئے کردار ادا کرنا ہو گا: ڈاکٹر حسین محی الدین قادری کا ننکانہ صاحب میں سیرت النبی ﷺ کانفرنس سے خطاب

ہر فرد کو انتہا پسندی کے خاتمے کیلئے کردار ادا کرنا ہو گا: ڈاکٹر حسین محی الدین قادری کا ننکانہ صاحب میں سیرت النبی ﷺ کانفرنس سے خطاب

منہاج القرآن انٹرنیشنل کے صدر ڈاکٹر حسین محی الدین قادری نے سیرت النبی ﷺ کانفرنس سے خطاب کرتے ہوئے کہا کہ سیالکوٹ واقعہ نے پوری انسانیت کا سر شرم سے جھکا دیا۔ اس واقعہ کے بعد قوم کے ہر فرد کو انتہا پسندی، تنگ نظری اور جہالت کے خاتمے تک اپنا کردار ادا کرنا ہو گا۔ ان عظیم مقاصد کے حصول کی کوششوں کی قیادت ریاست پاکستان کو کرنا ہو گی۔ تعلیم انسان کا زیور ہے، تعلیم و تربیت کے بغیر کسی قوم اور معاشرے کا کوئی مستقبل نہیں۔ انہوں نے اپنے خطاب میں کہا کہ تاریخ میں مسلمان جب بھی زوال کا شکار ہوئے تو وقار کی بحالی کے لئے تعلیم و تحقیق سے رشتہ مضبوط کیا گیا اور حضور نبی اکرم ؐ کی تعلیمات کے ساتھ ٹوٹے ہوئے تعلق کو جوڑا گیا۔

11 دسمبر 2021ء

نظام المدارس پاکستان کی تین روزہ تدریسی ورکشاپ اختتام پذیر

نظام المدارس پاکستان کی تین روزہ تدریسی ورکشاپ اختتام پذیر

اختتامی روز علماء سے خطاب کرتے ہوئے چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے کہا کہ استاد اور علماء نئی نسل کو تعلیم دینے کے ساتھ ساتھ انہیں ادب اور اخلاق سکھائیں، اختلاف رائے کا مطلب دشمنی اور دنگا فساد نہیں ہوتا۔ ائمہ و محدثین کے درمیان فقہی امور پر اختلاف رائے ہوتا تھا مگر ان کے درمیان ادب و احترام کا رشتہ قائم و دائم رہتا تھا۔ علمی اختلاف پر کبھی قطع تعلق نہیں ہوتا تھا، افسوس آج گردنیں کاٹی جاتی ہیں، اس متشدد رویے کا مصطفوی تعلیمات سے کوئی تعلق نہیں ہے۔ ڈاکٹر حسن محی الدین قادری نے تین روزہ تدریسی ورکشاپ میں شرکت کرنے والے مدرسین و مدرسات، ناظمین و ناظمات کو مبارکباد دی۔

09 دسمبر 2021ء

انسانی جان کاناحق قتل گناہ کبیرہ ہے: نظام المدارس کی ٹریننگ ورکشاپ کے دوسرے روز مقررین کا خطاب

انسانی جان کاناحق قتل گناہ کبیرہ ہے: نظام المدارس کی ٹریننگ ورکشاپ کے دوسرے روز مقررین کا خطاب

نظام المدارس پاکستان کے زیر اہتمام 3 روزہ ٹریننگ ورکشاپ کے دوسرے روز لیکچرز دیتے ہوئے مذہبی سکالرز اور ماہرین تعلیم نے کہاکہ کسی انسانی جان کا قتل بدترین گناہ کبیرہ ہے۔ حضور نبی اکرم صلی اللہ علیہ وآلہ وسلم نے فرمایا قیامت کے دن لوگوں کے درمیان سب سے پہلے خون ریزی کا فیصلہ ہو گا۔ پیغمبر امن و سلامتی نے فرمایا اللہ تعالیٰ کے نزدیک پوری دنیا کا ختم ہو جانا بھی کسی شخص کے قتل ناحق کے مقابلے میں کم تر ہے۔ سیالکوٹ جیسے سانحات کو روکنا اور عدم برداشت و انتہا پسندانہ رویوں کو ختم کرنا ہر مسلمان بالخصوص علمائے کرام، اساتذہ، مدرسین کی اولین دینی، قومی و ملی ذمہ داری ہے۔

08 دسمبر 2021ء

نظام المدارس پاکستان کے زیراہتمام 3 روزہ ٹیچرز ٹریننگ ورکشاپ کا آغاز

نظام المدارس پاکستان کے زیراہتمام 3 روزہ ٹیچرز ٹریننگ ورکشاپ کا آغاز

نظام المدارس پاکستان کے زیر اہتمام 3روزہ ٹیچر ٹریننگ ورکشاپ کا آغاز ہو گیا ہے۔ 200 سے زائد مدارس دینیہ کے سینکڑوں اساتذہ نے شرکت کی۔ 3 روزہ ٹیچر ٹریننگ پروگرام کے پہلے روز جدید طرز کے تقاضوں کے مطابق تربیت یافتہ ماہرین تعلیم نے لیکچررز دیئے۔ ماہرین تعلیم نے اپنے لیکچرز میں تعلیم میں جدت اور مدارس میں ٹیکنالوجی کے استعمال پر زور دیا۔ جدید دور کے تقاضوں کو پورا کرتے ہوئے ٹریننگ ورکشاپ میں شریک اساتذہ کو منفرد انداز میں تعلیم و تدریس کے طریقے بتائے گئے۔

07 دسمبر 2021ء

تحریک منہاج القرآن لاہور کا اجلاس

تحریک منہاج القرآن لاہور کا اجلاس

تحریک منہاج القرآن لاہور کا اجلاس مرکزی سیکرٹریٹ میں ہوا، اجلاس کی صدارت رانا محمد ادریس نائب ناظم اعلی و نگران لاہور نے کی۔ اجلاس میں رانا نفیس حسین قادری صدر تحریک منہاج القرآن لاہور سمیت دیگر زونل و ضلعی عہدیداران نے شرکت کی۔ اجلاس میں لاہور زون و ضلعی تنظیمات بھی شریک ہوئیں۔

06 دسمبر 2021ء

تعلیم یافتہ نوجوان خوشحالی کی کنجی ہیں: شیخ الاسلام ڈاکٹر محمد طاہرالقادری کا منہاج یونیورسٹی لاہور کے کانووکیشن سے خطاب

تعلیم یافتہ نوجوان خوشحالی کی کنجی ہیں: شیخ الاسلام ڈاکٹر محمد طاہرالقادری کا منہاج یونیورسٹی لاہور کے کانووکیشن سے خطاب

منہاج یونیورسٹی لاہور کے کانووکیشن سے خطاب کرتے ہوئے شیخ الاسلام ڈاکٹر محمد طاہرالقادری نے کہا کہ ترقی اور خوشحالی کی چابی تعلیم یافتہ باکردار نوجوانوں کے ہاتھ میں ہے، تربیت کے بغیر تعلیم بے فائدہ ہے۔ نوجوان علم و تحقیق کے ساتھ دائمی رشتہ استوار کریں اور کردار کو شفاف رکھیں، انہوں نے تعلیم مکمل کرنے والے طلبا و طالبات کو مبارکباد باد دی۔ کانووکیشن میں 35 سو سے زائد فارغ التحصیل طلبا و طالبات کو ڈگریوں سے نوازا گیا، کانووکیشن کی تقریب میں وزیراعظم کے مشیر شہباز گل، سابق وزیراعظم راجہ پرویز اشرف، پنجاب حکومت کے ترجمان حسان خاور، ناظم اعلیٰ منہاج القرآن انٹرنیشنل خرم نواز گنڈا پور اور میاں عمران مسعود نے خصوصی شرکت کی۔

05 دسمبر 2021ء

منہاج ویلفیئر فاؤنڈیشن کے زیراہتمام فیصل آباد میں 12 شادیوں کی اجتماعی تقریب

منہاج ویلفیئر فاؤنڈیشن کے زیراہتمام فیصل آباد میں 12 شادیوں کی اجتماعی تقریب

منہاج ویلفیئر فاؤنڈیشن کے زیر اہتمام 5 دسمبر 2021ء کو 12 جوڑوں کی اجتماعی شادیوں کی پروقار تقریب منہاج القرآن اسلامک سنٹرگلفشاں کالونی کے سامنے وسیع گراؤنڈ میں منعقد ہوئی۔ اس تقریب کی صدارت پاکستان عوامی تحریک کے مرکزی سینئر نائب صدر چوہدری بشارت جسپال نے کی۔ تقریب میں شریک ہر دلہن کو2 لاکھ روپے سے زائد مالیت کاسامان، جن میں قرآن پاک، جائے نماز، برتنوں والی الماری، ڈبل بیڈ، کرسیاں، میز، پیٹی، ڈرمی آٹے والی، اٹیچی کیس، سلائی مشین، واشنگ مشین، پنکھا، استری، کلاک، سٹیل برتن، ڈنر سیٹ، پلاسٹک برتن، رضائی ڈبل بیڈ، تکیے، کھیس، دریاں، واٹر سیٹ، ٹی کپ، میک اپ سامان ودیگر ضروریات زندگی کا تمام سامان اور دلہن کوسلامی اور دلہا کوگھڑی کا تحفہ دیا گیا۔

05 دسمبر 2021ء

گوشۂ درود کی مجلس ختم الصلوٰۃ علی النبی صلی اللہ علیہ وآلہ وسلم

گوشۂ درود کی مجلس ختم الصلوٰۃ علی النبی صلی اللہ علیہ وآلہ وسلم

تحریک منہاج القرآن کے مرکزی گوشۂ درود کی مجلس ختم الصلوٰۃ علی النبی صلی اللہ علیہ وآلہ وسلم کا روحانی اجتماع مرکزی سیکرٹریٹ میں منعقد ہوا۔ جس میں ماہ نومبر 2021ء میں 4 ارب 43 کروڑ 38 لاکھ 74 ہزار اور 752 مرتبہ پڑھا گیا درود پاک حضور صلی اللہ علیہ وآلہ وسلم کی بارگاہ میں پیش کیا گیا، تحریک منہاج القرآن کے گوشۂ درود میں 2005 سے اب تک مجموعی طور پر پڑھے گئے درود پاک کی تعداد 4 کھرب 94 ارب 58 کروڑ 65 لاکھ 54 ہزار اور899 ہو گئی ہے۔

04 دسمبر 2021ء

منہاج القرآن انٹرنیشنل کی سنٹرل ورکنگ کونسل کا اجلاس

منہاج القرآن انٹرنیشنل کی سنٹرل ورکنگ کونسل کا اجلاس

منہاج القرآن انٹرنیشنل کی سنٹرل ورکنگ کونسل کا اجلاس مرکزی سیکرٹریٹ میں منعقد ہوا، جس میں چیئرمین سپریم کونسل ڈاکٹر حسن محی الدین قادری نے واقعہ سیالکوٹ پر بڑی تشویش اور فکر مندی کا اظہار کیا اور ذمہ داروں کے خلاف سخت کارروائی کا مطالبہ کیا۔ انہوں نے اجلاس میں اظہار خیال کرتے ہوئے کہا کہ شیخ الاسلام ڈاکٹر محمد طاہرالقادری اور تحریک منہاج القرآن نے انتہا پسندی، تنگ نظری کے خلاف علمی، فکری محاذ پر انتھک جدوجہد کی اور اسلام کی امن و سلامتی، اعتدال، رواداری کی تعلیمات کو پاکستان سمیت دنیا کے کونے کونے میں اجاگر کیا۔ اس وقت اعتدال، رواداری اور برداشت پر مبنی مصطفوی تعلیمات کو مزید فروغ دینے کی ضرورت ہے تاکہ سوسائٹی میں پائی جانے والی تنگ نظری اور انتہا پسندی کا خاتمہ کیا جا سکے۔

04 دسمبر 2021ء

ڈاکٹر حسن محی الدین قادری کا لاہور بار ایسوسی ایشن کے زیراہتمام فکری نشست ”ریاست مدینہ کا دستور اور اس کا عملی نفاذ“ سے خطاب

ڈاکٹر حسن محی الدین قادری کا لاہور بار ایسوسی ایشن کے زیراہتمام فکری نشست ”ریاست مدینہ کا دستور اور اس کا عملی نفاذ“ سے خطاب

منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے لاہور بار ایسوسی ایشن کے زیراہتمام ”ریاست مدینہ کا دستور اور اس کا عملی نفاذ“کے موضوع پر ایوان عدل میں منعقدہ علمی و فکری نشست سے خطاب کرتے ہوئے کہا کہ ریاست مدینہ کی انتظامی بنیاد امن و انصاف اور رول آف لاء پر قائم ہوئی۔ حضور نبی اکرم ﷺ نے اُمت کو بلدیاتی نظام، صوبائی خودمختاری، فنانشل مینجمنٹ اور جسٹس سسٹم دیا۔ ریاست مدینہ کا دستور ذات پات رنگ نسل سے بالا تر خالصتاً قانون و انصاف کی بالا دستی کے تصورات پر مشتمل تھا۔

02 دسمبر 2021ء

منہاج یوتھ لیگ کے 33ویں یوم تاسیس کی تقریب

منہاج یوتھ لیگ کے 33ویں یوم تاسیس کی تقریب

منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے منہاج یوتھ لیگ کے 33ویں یوم تاسیس کے موقع پر مرکزی سیکرٹریٹ میں منعقدہ خصوصی تقریب میں شرکت کی اور کیک کاٹا۔ اس موقع پر اظہار خیال کرتے ہوئے چیئرمین سپریم کونسل نے کہا کہ نوجوانوں کو تعلیم و تربیت دینا بہترین قومی خدمت ہے۔ منہاج یوتھ لیگ کے 33 سالوں کا سفر علم، ادب اور فروغ امن کا سفر ہے۔ منہاج یوتھ لیگ نے شیخ الاسلام ڈاکٹر محمد طاہرالقادری سے یہ عہد کیا تھا کہ وہ کسی بھی حال میں اپنے ہاتھوں سے قلم اور کتاب کو کبھی گرنے نہیں دیں گے اور الحمدللہ منہاج یوتھ لیگ کے جوانوں نے اپنے قائد سے کئے گئے اس عہد کو نبھایا ہے۔

30 نومبر 2021ء

منہاج ڈیجیٹل انسائیکلوپیڈیا کی ڈویلپنگ ٹیم کی ڈاکٹر حسن محی الدین قادری سے ملاقات اور MDE پراجیکٹ پر بریفنگ

منہاج ڈیجیٹل انسائیکلوپیڈیا کی ڈویلپنگ ٹیم کی ڈاکٹر حسن محی الدین قادری سے ملاقات اور MDE پراجیکٹ پر بریفنگ

منہاج ڈیجیٹل انسائیکلوپیڈیا (MDE) کی ڈویلپنگ ٹیم نے منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری سے ملاقات کی اور ڈیجیٹل انسائیکلوپیڈیا پراجیکٹ کے بارے میں بریفنگ دی۔ MDE کی ٹیم نے پراجیکٹ کے امتیازات اور خصوصیات کے بارے میں چیئرمین سپریم کونسل کو بریفنگ دیتے ہوئے بتایا کہ اس ڈیجیٹل پروگرام میں ایپ وزیٹرز اور ریسرچرز کے لئے Google کی طرز پر برق رفتار searching سہولت دسیتاب ہو گی۔ بریفنگ میں بتایا گیا کہ منہاج ڈیجیٹل انسائیکلوپیڈیا کے پہلے فیز میں قرآنی انسائیکلوپیڈیا کے 5 ہزار موضوعات کے علاوہ شیخ الاسلام ڈاکٹر محمد طاہرالقادری کے خطابات اور مختلف موضوعات پر تحقیقات شامل کی گئی ہیں۔

26 نومبر 2021ء

آغوش آرفن کیئر ہوم میں رابعہ خادم کی تقریب رخصتی

آغوش آرفن کیئر ہوم میں رابعہ خادم کی تقریب رخصتی

منہاج القرآن انٹرنیشنل کے فلاحی ادارے آغوش آرفن کیئر ہوم میں 8 سال سے زیر تعلیم و رہائش پذیر رابعہ خادم کی گزشتہ روز تقریب رخصتی منعقد ہوئی۔ رابعہ خادم کو منہاج القرآن انٹرنیشنل کے صدر و چیئرمین آغوش کمپلیکس ڈاکٹر حسین محی الدین قادری، فضہ حسین قادری، نائب صدر بریگیڈیئر (ر) اقبال احمد خان، ناظم اعلیٰ خرم نواز گنڈا پور، وزیراعلیٰ ٹاسک فورس برائے ویمن امپاورمنٹ تنزیلہ عمران، سماجی رہنما و سابق وزیراعلیٰ پنجاب میاں منظور احمد وٹو کی صاحبزادی جہاں آراء وٹو، ڈائریکٹر آغوش کمپلیکس کرنل (ر) مبشر اقبال، منیجنگ ڈائریکٹر منہاج ویلفیئر فاؤنڈیشن انٹرنیشنل فیصل مشہدی، سید امجد علی شاہ، نوراللہ صدیقی، منہاج ویمن لیگ کی مرکزی صدر ڈاکٹر فرح ناز، سدرہ کرامت نے یتیم بیٹی رابعہ خادم کو دعاؤں کے ساتھ رخصت کیا۔

23 نومبر 2021ء

نعت خواں شہباز سمیع اور محمد علی جرال کی ڈاکٹر حسن محی الدین قادری سے ملاقات

نعت خواں شہباز سمیع اور محمد علی جرال کی ڈاکٹر حسن محی الدین قادری سے ملاقات

معروف ثنا خوان مصطفیٰ ﷺ شہباز سمیع اور محمد علی جرال نے منہاج القرآن انٹرنیشنل کی سپریم کونسل کے چیئرمین ڈاکٹرحسن محی الدین قادری سے ان کی رہائش گاہ پر ملاقات کی۔ اس موقع پر دونوں مہمانان گرامی نے تحریک منہاج القرآن کی لائف ممبر شپ حاصل کی اور لائف مبرشپ کی اسناد ڈاکٹر حسن محی الدین قادری سے وصول کیں۔

23 نومبر 2021ء

حضور غوث الاعظم شیخ عبدالقادر جیلانی رضی اللہ تعالیٰ عنہ نے ساری زندگی اسوہ رسول ﷺ پر عمل کرنے کی تعلیمات دیں: ڈاکٹر حسن محی الدین قادری

حضور غوث الاعظم شیخ عبدالقادر جیلانی رضی اللہ تعالیٰ عنہ نے ساری زندگی اسوہ رسول ﷺ پر عمل کرنے کی تعلیمات دیں: ڈاکٹر حسن محی الدین قادری

چیئرمین سپریم کونسل منہاج القرآن انٹرنیشنل ڈاکٹر حسن محی الدین قادرینے ایوان اقبال لاہور میں آستانہ عالیہ چشتیہ آباد کامونکی کے زیراہتمام منعقدہ محفل شانِ سیّدنا غوث الاعظمؓ سے خطاب کرتے ہوئے کہا کہ آج اگر امت مسائل و آلام سے نجات، باطنی سکون اور نفس مطمئنہ چاہتی ہے تو حضور غوث الاعظم شیخ عبد القادر جیلانی رضی اللہ عنہ کی تعلیمات پر عمل کرے۔ آپ کی ساری زندگی علم اور انسانیت کے ساتھ محبت کرتے ہوئے گزری۔ آپ فنا فی الرسول ﷺ تھے۔

22 نومبر 2021ء

Admissions Open Minhaj University Lahore

تعارف‬‎

تحریک منہاج القرآن ایک وسیع البنیاد اسلامی تنظیم ہے، جو اسلام کے اجتہادی تصورات کو عام کرنے اور دہشت گردی و تنگ نظری کے خلاف امن اور تعامل باہمی کی تعلیمات کو فروغ دینے میں مصروف ہے۔ اس تحریک کی بنیاد شیخ الاسلام ڈاکٹر محمد طاہرالقادری نے 1980 میں لاہور میں رکھی تھی۔

eLearning by Minhaj-ul-Quran International

Official WhatsApp Group Dr Qadri

Ijazat Chains of Authority

Top