تحریک منہاج القرآن پاکستان کی خبریں

تحریک منہاج القرآن کی 38ویں سالانہ عالمی میلاد کانفرنس

تحریک منہاج القرآن کی 38ویں سالانہ عالمی میلاد کانفرنس

منہاج القرآن انٹرنیشنل کے زیراہتمام مینار پاکستان پر منعقدہ 38 ویں عالمی میلاد کانفرنس کے موقع پر تحریک منہاج القرآن کے بانی و سرپرست شیخ الاسلام ڈاکٹر محمد طاہرالقادری نے گفتگو کرتے ہوئے کہا کہ 20سال قبل تفسیرِ قرآن کے کام کا آغاز کیا تھا۔ الحمدللہ 12 ربیع الاول کے مبارک دن یہ کام مکمل ہو گیا۔ تفسیر قرآن کا یہ کام عربی زبان میں ہے اور 16 جلدوں پر مشتمل ہے۔ اس کے ساتھ ساتھ 5 جلدوں پر تفسیر کا ملخص بھی تیار کر لیا ہے بہت جلد اس کے اردو اور انگریزی تراجم بھی تیار ہو جائیں گے۔ اس اعلان پر ہزاروں شرکاء نے کھڑے ہو کر ڈاکٹر محمد طاہرالقادری کو خراج تحسین پیش کیا۔

18 اکتوبر 2021ء

منہاج القرآن انٹرنیشنل کے نائب صدر بریگیڈیئر ریٹائرڈ اقبال احمد خاں کی اہلیہ محترمہ انتقال کر گئیں

منہاج القرآن انٹرنیشنل کے نائب صدر بریگیڈیئر ریٹائرڈ اقبال احمد خاں کی اہلیہ محترمہ انتقال کر گئیں

منہاج القرآن انٹرنیشنل کے نائب صدر بریگیڈیئر ریٹائرڈ اقبال احمد خاں کی اہلیہ محترمہ انتقال کر گئیں، انا للہ وانا الیہ راجعون۔ ان کی نماز جنازہ مورخہ 17 اکتوبر بروز اتوار لاہور DHA فیز 7 قبرستان میں بعد نمازِ ظہر دن 2 بجے ادا کی جائے گی۔ مرحومہ کے انتقال پر شیخ الاسلام ڈاکٹر محمد طاہرالقادری نے اظہار تعزیت کرتے ہوئے کہا ہے کہ اللہ تعالیٰ ان کی بخشش و مغفرت فرمائے اور انہیں جنت الفردوس میں اعلیٰ مقام عطا فرمائے۔

17 اکتوبر 2021ء

منہاج القرآن کا 4 دہائیوں کا سفر علم، امن اور اعتدال کے فروغ پر مشتمل ہے: 41 ویں یوم تاسیس پر شیخ الاسلام ڈاکٹر محمد طاہرالقادری کا پیغام

منہاج القرآن کا 4 دہائیوں کا سفر علم، امن اور اعتدال کے فروغ پر مشتمل ہے: 41 ویں یوم تاسیس پر شیخ الاسلام ڈاکٹر محمد طاہرالقادری کا پیغام

تحریک منہاج القرآن کے بانی و سرپرست شیخ الاسلام ڈاکٹر محمد طاہرالقادری نے تحریک منہاج القرآن کے 41 ویں یوم تاسیس کے موقع پر اپنے خصوصی بیان میں کہا ہے کہ اللہ رب العزت کے فضل و کرم اور نعلین پاک کے تصدق سے خدمت دین اور خدمت انسانیت کے باب میں تحریک منہاج القرآن نے چار دہائیوں کے مختصر عرصہ میں بہت سارے سنگ میل عبور کئے ہیں۔ الحمدللہ تحریک منہاج القرآن نے نوجوانوں کی تعلیم و تربیت کیلئے پاکستان سمیت دنیا بھر میں مثالی ادارے قائم کئے جن سے مستفید ہونے والوں کی تعداد لاکھوں میں ہے۔

17 اکتوبر 2021ء

ملتان: تحریک منہاج القرآن کے 41 ویں یومِ تاسیس کی تقریب

ملتان: تحریک منہاج القرآن کے 41 ویں یومِ تاسیس کی تقریب

تحریک منہاج القرآن کے مرکزی نائب ناظم اعلیٰ سردار شاکر مزاری نے ملتان میں تحریک کے 41 ویں یومِ تاسیس کی تقریب سے خطاب کرتے ہوئے کہا کہ اللہ تعالیٰ نے اس صدی میں تجدید و احیائے دین کا شرف تحریک منہاج القرآن کو عطا فرمایا۔ تحریک منہاج القرآن کوئی روایتی مذہبی جماعت نہیں بلکہ احیاء و تجدید دین کی عالمگیر اور فروغ عشق رسول کی تحریک ہے۔

17 اکتوبر 2021ء

گوردوارہ جنم استھان گرونانک ننکانہ صاحب میں ”جشن ولادت محسن انسانیت“ کی تقریب آج (16 اکتوبر کو) ہو گی

گوردوارہ جنم استھان گرونانک ننکانہ صاحب میں ”جشن ولادت محسن انسانیت“ کی تقریب آج (16 اکتوبر کو) ہو گی

منہاج القرآن انٹرنیشنل انٹرفیتھ ریلیشنز اور پنجابی سکھ سنگت (PPS)کے زیراہتمام ”جشن ولادت محسن انسانیت“ کے عنوان سے ننکانہ صاحب میں خصوصی تقریب 16 اکتوبر بروز ہفتہ شام 5 بجے ہو گی۔ منہاج القرآن انٹرنیشنل کے صدر ڈاکٹر حسین محی الدین قادری خطاب کریں گے۔ یہ تقریب گوردوارہ جنم استھان شری گرونانک دیوجی، ننکانہ صاحب میں ہو گی۔ تقریب میں معروف سیاسی، سماجی، مذہبی شخصیات شرکت کریں گی، اس حوالے سے ڈائریکٹر انٹرفیتھ ریلیشنز سہیل احمد رضا نے کہا کہ منہاج القرآن بین المذاہب رواداری کے فروغ کیلئے کوشاں ہے۔ شیخ الاسلام ڈاکٹر محمد طاہرالقادری نے اتحاد امت، بین المذاہب رواداری کیلئے جتنا کام کیا وہ تاریخ کا سنہرا باب ہے۔

16 اکتوبر 2021ء

منہاج القرآن کی 38ویں عالمی میلاد کانفرنس کی تیاریاں مکمل

منہاج القرآن کی 38ویں عالمی میلاد کانفرنس کی تیاریاں مکمل

تحریک منہاج القرآن کی 38ویں عالمی میلاد کانفرنس 11 اور 12 ربیع الاول کی درمیانی شب 18 اکتوبر کو مینار پاکستان کے سبزہ زار میں ہوگی، تیاریاں مکمل ہوگئیں۔ عالمی میلاد کانفرنس میں شرکت کے لئے شہر لاہور سے پچاس ہزار سے زائد گھرانوں کو شرکت کی دعوت دی گئی ہے۔ اہلیان لاہور مرد و خواتین ہزاروں کی تعداد میں کانفرنس میں شرکت کرکے آقائے دوجہاں ﷺ سے محبت کا اظہار کریں گے۔ تحریک منہاج القرآن کے رہنماؤں و کارکنان نے لاہور میں عوامی رابطہ مہم کا آغاز کر رکھا ہے۔ شیخ اسلام ڈاکٹر محمد طاہرالقادری کانفرنس سے خصوصی خطاب کریں گے۔

16 اکتوبر 2021ء

گوردوارہ جنم استھان ننکانہ صاحب میں تاریخ کی پہلی ’’محسن انسانیت کانفرنس‘‘ کا انعقاد، ڈاکٹر حسین محی الدین قادری کا خطاب

گوردوارہ جنم استھان ننکانہ صاحب میں تاریخ کی پہلی ’’محسن انسانیت کانفرنس‘‘ کا انعقاد، ڈاکٹر حسین محی الدین قادری کا خطاب

گوردوارہ جنم استھان ننکانہ صاحب میں پنجابی سکھ سنگت کے زیراہتمام تاریخ میں پہلی مرتبہ حضور صلی اللہ علیہ وآلہ وسلم کے یوم ولادت کو منایا گیا، اس سلسلہ میں گوردوارہ ننکانہ صاحب میں محسنِ انسانیت کانفرنس کا انعقاد کیا گیا، جس میں صدر منہاج القرآن ڈاکٹر حسین محی الدین قادری نے خصوصی خطاب کیا۔ اس موقع پر آپ نے کہا کہ آج ننکانہ صاحب کی سرزمین پر تاریخ رقم ہو گئی ہے کہ جنم استھان ننکانہ صاحب میں سرور کائنات صلی اللہ علیہ وآلہ وسلم کی ولادت کا جشن منایا جا رہا ہے۔ ایک نئی تاریخ لکھی گئی ہے، جسے زمانہ یاد رکھے گا۔ انہوں نے کہا کہ بین المذاہب ہم اہنگی میں یہ پاکستان کا پرامن چہرہ ہے۔

16 اکتوبر 2021ء

منہاج یونیورسٹی لاہور کے زیراہتمام قومی کرکٹ ہیرو عبدالقادر کی یاد میں تقریب

منہاج یونیورسٹی لاہور کے زیراہتمام قومی کرکٹ ہیرو عبدالقادر کی یاد میں تقریب

منہاج یونیورسٹی لاہور کے زیراہتمام قومی کرکٹ ہیرو، عظیم لیگ سپن باؤلر عبدالقادر (مرحوم) کی یاد میں خصوصی تقریب کا انعقاد کیا گیا، تقریب میں بین الاقوامی شہرت یافتہ نامور کرکٹرز نے عبدالقادر (مرحوم) کو خراج تحسین پیش کیا۔ تقریب میں عبدالقادر (مرحوم) کے بیٹے سلمان قادر ان کی بیٹی نور فاطمہ ان کی نواسی اور خاندان کے دیگر افراد نے خصوصی طور پر شرکت کی۔

14 اکتوبر 2021ء

ڈاکٹر حسین محی الدین قادری کا جی سی یونیورسٹی فیصل آباد میں انٹرنیشنل سیرت النبی ﷺ کانفرنس سے خطاب

ڈاکٹر حسین محی الدین قادری کا جی سی یونیورسٹی فیصل آباد میں انٹرنیشنل سیرت النبی ﷺ کانفرنس سے خطاب

ڈپٹی چیئرمین بورڈ آف گورنرز منہاج یونیورسٹی لاہور ڈاکٹر حسین محی الدین قادری نے جی سی یونیورسٹی فیصل آباد میں منعقدہ انٹرنیشنل سیرت النبی ﷺ کانفرنس میں خصوصی شرکت کی۔ اس موقع پر آپ نے ’’دعوتِ دین اور عصری تقاضے (سیرت النبی ﷺ کی روشنی میں)‘‘ کے موضوع پر خطاب کیا۔ کانفرنس میں وائس چانسلر جی سی یونیورسٹی فیصل آباد پروفیسر ڈاکٹر شاہد کمال، پروفیسر ڈاکٹر ابوسفیان اصلاحی (علی گڑھ یونیورسٹی انڈیا)، پروفیسر ڈاکٹر غلام شمس الرحمن، ڈاکٹر شیر علی، ڈاکٹر محمد ندیم سہیل، الحاج شیخ محمد ارشد، محمد افضل سعید، پروفیسر ڈاکٹر ہمایوں شمس، محمد عثمان صدیقی اور دیگر پروفیسرز نے بھی شرکت کی۔

13 اکتوبر 2021ء

فیصل آباد: ڈاکٹر حسین محی الدین قادری کا ورکرز کنونشن سے خطاب

فیصل آباد: ڈاکٹر حسین محی الدین قادری کا ورکرز کنونشن سے خطاب

صدر منہاج القرآن انٹرنیشنل ڈاکٹر حسین محی الدین قادری نے فیصل آباد وزٹ کے دوران تحریک منہاج القرآن و جملہ فورمز فیصل آباد کے ورکرز کنونشن سے خطاب کیا۔ اس موقع پر نائب ناظم اعلیٰ رانا محمد ادریس، میاں عبد القادر، اللہ رکھا نعیم، میاں کاشف محمود، رانا غضنفر علی، علامہ عزیز الحسن، شعیب طاہر اور دیگر قائدین بھی موجود تھے۔

13 اکتوبر 2021ء

کالج آف شریعہ اینڈ اسلامک سائنسز کے زیراہتمام ضیافت میلاد

کالج آف شریعہ اینڈ اسلامک سائنسز کے زیراہتمام ضیافت میلاد

تحریک منہاج القرآن کے مرکزی سیکرٹریٹ میں کالج آف شریعہ اینڈ اسلامک سائنسز کے زیراہتمام ضیافت میلاد منعقد ہوئی، جس میں کالج آف شریعہ کے اساتذہ کرام اور طلباء نے شرکت کی۔ اس موقع پر جواد حامد، غلام مرتضیٰ علوی، صاحبزادہ محمد محب اللہ اظہر، صابر حسین نقشبندی، سرور صدیق، قاری خلیل الازہری، ضیاء المصطفٰی مکی، کفایت اللہ قادری، جمیل حیدر الازہری، سجاد حیدر شاہ، رانا محمد اکرم اور بلال ہاشمی بھی محفل میں شریک ہوئے۔

12 اکتوبر 2021ء

رسولِ اکرم ﷺ کی عظمت و فضیلت آپ ﷺ کا خلق عظیم ہے: ڈاکٹر حسین محی الدین قادری

رسولِ اکرم ﷺ کی عظمت و فضیلت آپ ﷺ کا خلق عظیم ہے: ڈاکٹر حسین محی الدین قادری

صدر منہاج القرآن انٹرنیشنل ڈاکٹر حسین محی الدین قادری نے سیرت النبی ﷺ کانفرنس سے خطاب کرتے ہوئے کہا کہ حضور نبی اکرم ﷺ کی عظمت و فضیلت آپ ﷺ کا خلق عظیم ہے۔ پورے قرآن کو آپ ﷺ کا خلق قرار دیا گیا ہے۔ آپ ﷺ کے مخالف بھی آپ ﷺ کے اسوہ حسنہ کے معترف تھے۔ آپ ﷺ گفتگو، اٹھنے، بیٹھنے، سونے، جاگنے، معاملات اور عبادات ہر حوالے سے متوازن شخصیت کے مالک تھے۔ آپ ﷺ کمزورں کے مفادات کے محافظ تھے۔ آپ ﷺ نے یتیموں کے سر پر ہاتھ رکھا، آپ ﷺ وعدے کے پکے تھے۔ آپ ﷺ امانت و دیانت میں اپنی مثال آپ تھے۔ آپ ﷺ صادق و امین تھے۔

11 اکتوبر 2021ء

ضیافت میلاد علی وقار قادری کا خطاب، محسن پاکستان ڈاکٹر عبدالقدیر خان کے لیے فاتحہ خوانی

ضیافت میلاد علی وقار قادری کا خطاب، محسن پاکستان ڈاکٹر عبدالقدیر خان کے لیے فاتحہ خوانی

تحریک منہاج القرآن کے مرکزی سیکرٹریٹ پر منعقدہ ضیافتِ میلاد میں محسن پاکستان ڈاکٹر عبدالقدیر خان کے لیے فاتحہ خوانی ہوئی۔ اس موقع پر جی ایم ملک نے ڈاکٹر عبدالقدیر خان کے بلندی درجات کے لیے دعا کرائی۔ ضیافت میلاد میں علامہ حافظ وقار قادری نے میلاد مصطفیٰ کے موضوع پر خطاب کیا۔

09 اکتوبر 2021ء

منہاج القرآن کے مرکزی سیکرٹریٹ پر ضیافت میلاد شروع

منہاج القرآن کے مرکزی سیکرٹریٹ پر ضیافت میلاد شروع

ماہ ربیع الاول کی آمد اور جشن میلاد مصطفیٰ صلی اللہ علیہ وآلہ وسلم کی خوشی میں تحریک منہاج القرآن کے مرکزی سیکرٹریٹ پر ضیافت میلاد کا اہتمام کیا جاتا ہے۔ مرکزی سیکرٹریٹ پر یکم ربیع الاول سے 11 ربیع الاول تک ہر شب نماز عشاء کے بعد ضیافت میلاد باقاعدہ منعقد ہوتی ہے۔ اس سلسلہ میں یکم ربیع الاول کو ربیع الاول کا چاند نظر آنے کے بعد ضیافت میلاد کا آغاز ہو گیا۔

08 اکتوبر 2021ء

منہاج القرآن حیدرآباد کے کارکن محمد یونس القادری انتقال کر گئے، شیخ الاسلام کا اظہار تعزیت

منہاج القرآن حیدرآباد کے کارکن محمد یونس القادری انتقال کر گئے، شیخ الاسلام کا اظہار تعزیت

حریک منہاج القرآن حیدرآباد کے انتہائی وفادارو مخلص کارکن اور شیخ الاسلام کے فیض یافتہ اور 35 سال سے منہاج القرآن کے تاحیات رفیق محمد یونس القادری انتقال کر گئے، انا للہ و انا الیہ راجعون۔ شیخ الاسلام ڈاکٹر محمد طاہرالقادری، چیئرمین سپریم کونسل ڈاکٹر حسن محی الدین قادری اور صدر منہاج القرآن ڈاکٹر حسین محی الدین قادری نے محمد یونس القادری کے انتقال پر ان کے اہلخانہ سے اظہار تعزیت کیا ہے۔

08 اکتوبر 2021ء

Admissions Open Minhaj University Lahore

تعارف‬‎

تحریک منہاج القرآن ایک وسیع البنیاد اسلامی تنظیم ہے، جو اسلام کے اجتہادی تصورات کو عام کرنے اور دہشت گردی و تنگ نظری کے خلاف امن اور تعامل باہمی کی تعلیمات کو فروغ دینے میں مصروف ہے۔ اس تحریک کی بنیاد شیخ الاسلام ڈاکٹر محمد طاہرالقادری نے 1980 میں لاہور میں رکھی تھی۔

eLearning by Minhaj-ul-Quran International

Official WhatsApp Group Dr Qadri

Ijazat Chains of Authority

Top