سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
سربراہ حوزہ علمیہ العروۃ الوثقیٰ علامہ سید جواد نقوی نے منہاج یونیورسٹی لاہور کا دورہ کیا اور ڈپٹی چیئرمین بورڈ گورنرز منہاج یونیورسٹی لاہور ڈاکٹر حسین محی الدین قادری سے ملاقات کی۔ اس موقع پر حوزہ علمیہ عروۃ الوثقی کی سینیئر مینجمنٹ بھی ان کے ہمراہ تھی۔ سید جواد نقوی نے منہاج یونیورسٹی لاہور کے مختلف ڈیپارٹمنٹس اور دفاتر کا وزٹ کیا۔ دورہ کے بعد انہوں نے کہا کہ منہاج یونیورسٹی لاہور کے تعلیمی ڈگری پروگرامز عصری ضروریات سے ہم آہنگ ہیں۔
تحریک منہاج القرآن کے روحانی مرکز گوشہ درود کی مجلس ختم الصلوٰۃ علی النبی ﷺ کا ماہ جنوری 2021ء کا ماہانہ پروگرام 2 جنوری کو مرکزی سیکرٹریٹ میں منعقد ہوا۔ گوشہ درود کے قائم کردہ نظام کے تحت ماہ دسمبر 2020ء میں بارگاہِ رسالتمآب ﷺ میں سات ارب چھیاسی کروڑ اکسٹھ لاکھ پینتیس ہزار ایک سو سڑسٹھ (7866135167) درود پاک کا نذرانہ پیش کیا گیا جبکہ مجموعی طور پر اب تک پڑھے جانے والے درود پاک کی تعداد 4 کھرب 43 ارب 43 کروڑ 81 لاکھ 86 ہزار اور 824 ہوگئی ہے۔
منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے ہری پور ہزارہ میں منہاج القرآن کے دیرینہ رفیق مقتول سجاول خان مصطفوی کے گھر جا کر ان کے اہل خانہ سے اظہارِ تعزیت کیا۔ انہوں نے مرحوم کے لیے بخشش و مغفرت اور بلندی درجات کی دعا بھی کی۔ اس موقع پر راجہ زاہد محمود، سرپرست تحریک منہاج القرآن ضلع ہری پور حاجی غلام شبیر، زونل انچارج ہزارہ ڈویژن محمد جاوید القادری اور منہاج القرآن ہری پور کے رفقاء و کارکنان کی بڑی تعداد بھی موجود تھی۔
منہاج القرآن انٹرنیشنل اباراکی جاپان کے زیراہتمام سال 2020ء کے اختتام پر 31 دسمبر 2020ء کی شب محفل ذکر و درود اور شب توبہ کا انعقاد کیا گیا، اس موقع پر محفل میں منہاج القرآن جاپان سینٹر کے خطیب اور ڈاکٹر طاہرالقادری کے شاگرد عبدالمصطفی القادری نے خطاب کیا۔
سجادہ نشین دربار عالیہ داد والی شریف سے پیر فیض شاہد فیضی نے القادریہ ہاؤس میں چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری سے ملاقات کی۔ اس موقع پر پیر فیض شاہد فیضی کے رفقاء کار بھی ان کے ساتھ موجود تھے۔ ملاقات کے دوران انہوں نے شیخ الاسلام ڈاکٹر محمد طاہرالقادری کی امتِ مسلمہ اور پاکستان کیلئے تاریخی خدمات کو خراجِ عقیدت پیش کیا۔
قائد تحریک منہاج القرآن شیخ الاسلام ڈاکٹر محمد طاہرالقادری نے تربیتی فکری نشست سے خطاب کرتے ہوئے کہا کہ اسلام وہ واحد ضابطہ حیات ہے جو انسان کو پیدائش سے لے کر آخری سانس تک زندگی کے جملہ امور و افعال میں رہنمائی مہیا کرتا ہے۔ خوراک صحت مند انسانی زندگی کے حوالے سے بنیادی کردار کی حامل ہے۔ اسلام انسانی زندگی کے تحفظ اور صحت و تندرستی کے لئے مکمل گائیڈ لائن فراہم کرتا ہے۔
تحریک منہاج القرآن پتوکی کے زیراہتمام درس عرفان القرآن سے خطاب کرتے ہوئے علامہ غلام شبیر جامی نے کہا کہ شریعت میں نبی کا فعل حجت ہوتا ہے۔ اگر اللہ کا ولی کوئی عمل کرے تو وہ باعث خیر اور باعث برکت ہوتا ہے مگر شریعت میں حجت نہیں بنتا۔ حضرت خضر علیہ السلام ایک ولی ہیں اور حضرت موسیٰ علیہ السلام جلیل القدر نبی اور اللہ کے رسول ہیں۔ ایک نبی ولی کی تلاش میں نکلا ہے، تو اس سے معلوم ہوا کہ ولی کی تلاش میں جانا انبیاء کی سنت ہے۔
تحریک منہاج القرآن کی مرکزی نظامتِ تربیت کے شعبہ تنظیمی تربیت کے زیراہتمام 5 روزہ ’’استقبالیہ و تربیتی کیمپ‘‘ برائے رفقاء تحریک منہاج القرآن کا آغاز ہو گیا۔ افتتاحی روز شیخ الاسلام ڈاکٹر محمد طاہرالقادری نے بذریعہ ویڈیو لنک خصوصی گفتگو کی۔ شیخ الاسلام ڈاکٹر محمد طاہرالقادری نے گفتگو کرتے ہوئے تمام رفقاء کو تحریک منہاج القرآن کی فیملی کا حصہ بننے پر مبارکباد پیش کی اور خوش آمدید کہا۔
منہاج القرآن انٹرنیشنل نارتھ یوکے کے صدر سیرت علی خان نے وفد کیساتھ تحریک منہاج القرآن کے مرکزی سیکرٹریٹ کا دورہ کیا۔ وفد میں پی ٹی آئی حسن ابدال کے رہنماء نصرت سردار بھی ان کیساتھ تھے۔ اس موقع پر انہوں نے چئیرمین سپریم کونسل منہاج القرآن انٹرنیشنل ڈاکٹر حسن محی الدین قادری، ناظٖم اعلیٰ خرم نواز گنڈا پور، نائب صدر بریگیڈئیر ریٹائرڈ اقبال احمد خان اور دیگر قائدین سے ملاقات کی۔
منہاج القرآن انٹرنیشنل جموں اینڈ کشمیر پلوامہ کے زیراہتمام بچوں کے درمیان مقابلہ نعت خوانی کا اہتمام کیا گیا۔ جامع مسجد امام اعظم ابوحنیفہ رحمۃ اللہ علیہ میں منعقدہ مقابلہ نعت خوانی میں مختلف 15 جامعات و درسگاہوں سے نعت خواں طلباء و طالبات نے شرکت کی اور نعت خوانی میں اپنے فن کا بھرپور مظاہرہ کیا۔
تحریک منہاج القرآن پشاور کے زیراہتمام مرکزی نظامت دعوت کے اشتراک سے تنظیمی تربیتی ورکشاپ منعقد ہوئی، جس میں مرکزی نائب ناظم اعلیٰ تنظیمات انجینئر رفیق نجم اور ڈائریکٹر دعوت و تربیت علامہ غلام مرتضیٰ علوی نے شرکت کی۔
منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے کہا ہے کہ قائداعظم محمد علی جناح کی مدبرانہ اور ولولہ انگیز قیادت میں قوم کو آزادی کی عظیم نعمت نصیب ہوئی۔ عظیم قائد کے خوابوں کو شرمندہ تعبیر کرنے کے لیے نوجوان علم، امن اور تحقیق کا راستہ اختیار کریں، ان خیالات کا اظہار انہوں نے بانیٔ پاکستان کے یوم ولادت کے موقع پر کیک کاٹنے کی تقریب کے موقع پر کیا۔ تقریب میں سینئر رہنما جی ایم ملک، راجہ زاہد محمود، شہزاد رسول، سہیل احمد رضا، حاجی محمد اسحاق، میاں طاہر یعقوب شریک تھے۔
منہاج ویلفیئر فاؤنڈیشن کے زیراہتمام لاہور کے مقامی چرچ میں مسیحی برادری کیساتھ اظہار یکجہتی کے لیے کرسمس تقریب میں ظہرانہ دیا گیا۔ 25 دسمبر 2020ء کو کرسمس کے موقع پر منعقدہ تقریب میں منہاج ویلفیئر فاؤنڈیشن کے ڈائریکٹر سید امجد علی شاہ نے شرکت کی۔ انہوں نے منہاج ویلفیئر فاؤنڈیشن کی طرف سے کرسمس تقریب کے شرکاء کو خصوصی کھانا دیا۔
تحریک منہاج القرآن شور کوٹ کے زیراہتمام وریام والا پی پی 128 میں منہاج القرآن اسلامک سنٹر کا افتتاح کیا گیا، منہاج القرآن اسلامک سنٹر کی افتتاحی تقریب میں انجینئر رفیق نجم نے شرکت کی۔ اس موقع پر منہاج القرآن شورکوٹ کے عہدیدار اور اہل علاقہ کی بڑی تعداد بھی تقریب میں موجود تھی۔
سیدنا حضرت عیسیٰ ابن مریم علیھم السلام کی ولادت کے موقع پر 25 دسمبر 2020ء کو پاکستان کی مسیحی برادری نے کرسمس تقریبات کا انعقاد جوش و جذبہ سے کیا۔ لاہور میں سیکرڈ ہارٹ کیتھڈرل کیتھو لک چرچ آف پاکستان کے آرچ بشپ سیبسٹین فرانسس شاء، نولکھا پریسبٹرین چرچ یونائٹیڈ کرسچین ہاسپٹل آف پاکستان کے ڈاکٹر مارڈیریٹر ڈاکٹر مجید ایبل، پیس سنٹر کیتھولک ڈومنیکن آرڈر آف پاکستان کے ڈائریکٹر فادر جیمز چنن اور کیتھڈرل ریزوریکشن چرچ آف پاکستان دی مال روڈ لاہور کے بشپ عرفان جمیل کی دعوت پر ڈائریکٹر انٹرفیتھ ریلشنز منہاج القرآن سہیل احمد رضا اور ڈپٹی ڈائریکٹر محمد شہزاد احمد خان نے شرکت کی۔
4M
فیس بک
2M
ٹوٹر
© 1994 - 2025 Minhaj-ul-Quran International.
