سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
تحریک منہاج القرآن چنیوٹ پی پی 94، 95 کا ماہانہ اجلاس اور ٹریننگ ورکشاپ کا انعقاد کیا گیا، جس میں مرکزی نائب ناظم اعلیٰ تنظیمات انجینئر رفیق نجم نے خصوصی شرکت کی۔
تحریک منہاج القرآن کے بانی و سرپرست شیخ الاسلام ڈاکٹر محمد طاہرالقادری کی سیرت النبی ﷺ کے موضوع پر 3 نئی کتب شائع ہوگئی ہیں۔ان میں ”حضور نبی اکرم ﷺ کا پیکر جمال“ ”نبوت محمدیﷺ کا آغاز کب ہوا؟“ اور ”حضور نبی اکرم ﷺ کے خصائل مبارکہ“ شامل ہیں۔ ”حضور نبی اکرم ﷺ کا پیکر جمال“ ایک ایسی خوبصورت اور ایمان افروز کتاب ہے جس کا مطالعہ کرنیوالے کائنات کی افضل ترین ہستی کو چشم تصور میں دیکھتا ہوا محسوس کرتے ہیں۔
تحریک منہاج القرآن کے مرکزی گوشہ درود کے قیام کے 15 سال مکمل ہو گئے، گوشہ درود کے قائم کردہ نظام کے تحت اب تک 4 کھرب 35 ارب 57 کروڑ 20 لاکھ 51 ہزار اور 657 بار پڑھا جا چکا ہے۔ ماہ نومبر 2020ء میں 10 ارب 10 کروڑ 45 لاکھ 20 ہزار 472 مرتبہ درود پاک پڑھا گیا۔ گوشہ درود کا باقاعدہ آغاز یکم دسمبر 2005ء کو ہوا تھا۔
درگاہ عالیہ وارثیہ لاہور کے سجادہ نشین اور انٹرنیشنل نعت کونسل کے سرپرست اعلیٰ صاحبزادہ پیر سید حسنین محبوب گیلانی وارثی نے چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری سے القادریہ ہاؤس میں ملاقات کی۔
منہاج القرآن انٹرنیشنل ویلبی ڈنمارک کے زیراہتمام بچوں کے درمیان درود پاک پڑھنے کا مقابلہ منعقد کیا گیا۔ اس منفرد مقابلہ میں شامل بچوں کے لیے آن لائن تقریب کا اہتمام کیا گیا، جس میں عبدالقادر نے 5 لاکھ 53 ہزار اور 923 مرتبہ درودِ پاک پڑھ کر پہلی پوزیشن حاصل کی۔
منہاج القرآن انٹرنیشنل فرانس کے سیکرٹری جنرل طاہر ارشد اور ناظم مالیات اعظم جاوید پر مشتمل وفد نے چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری سے ماڈل ٹاؤن میں القادریہ ہاؤس میں ملاقات کی۔ اس موقع پر انہوں نے منہاج القرآن انٹرنیشنل فرانس کے تنظیمی کارکردگی کے حوالے سے بتایا۔ ڈاکٹر حسن محی الدین قادری نے منہاج القرآن انٹرنیشنل فرانس کے تنظیمی کام کو سراہا۔
منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے کہا ہے کہ سوشل میڈیا کا بہترین استعمال اللہ اور اس کے رسول ﷺ کا پیغام پہنچانا ہے۔ نوجوان خرافات شیئر کرنے کی بجائے آیت قرآنی، احادیث نبوی ﷺ اور قصص القرآن ایک دوسرے سے شیئر کریں، موبائل کے استعمال کا یہ طریقہ اور عمل عبادت بن جائے گا۔ امت محمدیہ کو دعوت دین کی پیغمبرانہ ذمہ داری سونپی گئی ہے۔
تحریک منہاج القرآن لاہور اور پاکستان عوامی تحریک کی قیادت نے حضرت پیر سید علی حسین زنجانی کاظمی چشتی نظامی ؒ آستانہ عالیہ خانوہارنی شریف لاہور کے سالانہ عرس مبارک میں شرکت کی۔ اس موقع پر منہاج القرآن کے وفد نے سجادہ نشین پیر سید ذاکر سجاد شاہ زنجانی کاظمی، پیر سید جعفر حسین شاہ زنجانی کاظمی اور پیر سید زین العابدین شاہ زنجانی کاظمی سے ملاقات بھی کی۔
تحریک منہاج القرآن لاہور کے سینئر رہنماء محمد جنید وارثی کی والدہ محترمہ انتقال کر گئیں، انا اللہ وانا الیہ راجعون۔ چیئرمین سپریم کونسل منہاج القرآن ڈاکٹر حسن محی الدین قادری نے منہاج القرآن محمد جنید وارثی کی والدہ محترمہ کی نماز جنازہ پڑھائی اور مرحومہ کیلئے بلندی درجات کی دعا کی۔
سکھ مذہب کے بانی بابا گرونانک دیوجی کے 551 ویں جنم دن کی سالانہ تقریبات گوردوارہ جنم استہان ننکانہ صاحب میں منعقد ہوئی، تقریبات میں ڈائریکٹر انٹرفیتھ منہاج القرآن سہیل احمد رضا نے خصوصی شرکت کی۔ تقریبات میں وفاقی وزیر مذہبی امور ڈاکٹر نورالحق قادری مہمان خصوصی تھے۔
منہاج یوتھ لیگ کے 32 ویں یومِ تاسیس کے موقع پر ’’یوتھ کنونشن‘‘ مرکزی سیکرٹریٹ ماڈل ٹاؤن میں منعقد ہوا، جس میں چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے خصوصی شرکت کی۔ یوتھ کنونشن میں ڈاکٹر حسن محی الدین قادری نے خصوصی خطاب کیا۔
جامعہ اسلامیہ منہاج القرآن کے طالبعلم حافظ نعلين مصطفی جاوید الازہری جو 2010 میں حکومت مصر کی سکالرشپ پر جامعہ الازهر الشريف مصر میں چلے گئے تھے، انہوں نے حال ہی میں الازهر یونیورسٹی سے ایم فل مکمل کر لیا ہے۔ ان کے تحقیقی مقالے کا موضوع ’الاحکام الشرعیہ المبنیۃ علیٰ استقراء فی فقہ الاسلامی‘ تھا۔
معروف مذہبی و روحانی شخصیت سجادہ نشین حسین آباد شریف سرگودھا پیر سید شمس الرحمان مشہدی نے چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری سے ملاقات کی۔ اس موقع پر راجہ زاہد محمود، نور اللہ صدیقی، ناظم منہاج القرآن علما کونسل علامہ میر آصف اکبر، عارف چوہدری، عمران ملک ایڈووکیٹ و دیگر رہنما بھی موجود تھے۔
علامہ غلام شبیر جامی نے منہاج القرآن پتوکی کے زیراہتمام ماہانہ درس عرفان القرآن سے خطاب کرتے ہوئے کہا کہ حضور نبی اکرم صلی اللہ علیہ وآلہ وسلم کی ذات مبارکہ تمام انسانیت کے لیے رحمت بن کر مبعوث ہوئی۔ جہاں جہاں اللہ رب العزت کی کبریائی موجود ہے، وہاں پر حضور نبی اکرم صلی اللہ علیہ وآلہ وسلم کی رحمت بھی موجود ہے۔
صدر منہاج القرآن انٹرنیشنل ڈاکٹر حسین محی الدین قادری نے صوبائی وزیر اوقاف و مذہبی امور پیر سید سعید الحسن شاہ سے لاہور میں انکی رہائش گاہ پر ملاقات کی۔ ڈاکٹر حسین محی الدین قادری نے پیر سید سعید الحسن شاہ کے چھوٹے بھائی سید فیض الحسن شاہ کی وفات پر اظہار افسوس و تعزیت کرتے ہوئے مرحوم کی مغفرت، درجات کی بلندی اور لواحقین کے لئے صبر جمیل کی دعا کی۔
4M
فیس بک
2M
ٹوٹر
© 1994 - 2025 Minhaj-ul-Quran International.
