سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
آغوش گرائمر سکول سیالکوٹ کی چوتھی سالانہ تقریب تقسیم انعامات منعقد ہوئی جس میں ڈائریکٹر منہاج ویلفیئر فاؤنڈیشن سید امجد علی شاہ، معاون خصوصی وزیراعظم پاکستان عثمان ڈار، چیئرمین زکوۃ کمیٹی ضلع سیالکوٹ عارف احمد خواجہ، پروفیسر منیر احمد، سرفراز احمد چودھری نے خصوصی شرکت کی۔ تقریب میں بچوں کے والدین کے علاوہ علاقہ بھر کے معززین نے شرکت کر کے بچوں کی حوصلہ افزائی کی۔
منہاج القرآن کے آن لائن تعلیمی پراجیکٹ ای لرننگ کے زیراہتمام شیخ الاسلام ڈاکٹر محمد طاہرالقادری کی 69ویں سالگرہ کا کیک کاٹا گیا، اس موقع پر صدر منہاج القرآن ڈاکٹر حسین محی الدین قادری نے خصوصی شرکت کی، تقریب میں منہاج القرآن کے مرکزی قائدین، کالج آف شریعہ اینڈ اسلامک سائنسز کے لیکچررز، پروفیسرز شریک ہوئے۔
تحریک منہاج القرآن کھپرو سندھکے زیراہتمام مولائے کائنات حضرت علی علیہ السلام منایا گیا، آپ کی ولادت کی خوشی میں کیک کاٹا گیا۔ اس موقع پرڈویژنل کوارڈینیٹر تحریک منہاج القرآن نوابشاہ عبدالستار چوہان، صدر تحریک منہاج القرآن کھپرو شوکت علی خان قائم خانی، عبداللہ کمبھار، امداد کمبھار محمد طیب قادری ،محمد طلحہ قادری اور کارکنان بھی موجود تھے۔
منہاج القرآن لودھراں کے زیراہتمام استحکام پاکستان کنونشن منعقد ہوا، جس میں چیئرمین سپریم کونسل منہاج القرآن انٹرنیشنل مہمان خصوصی تھے۔ کنونشن میں ناظم اعلیٰ خرم نواز گنڈاپور، نائب ناظم اعلیٰ جنوبی پنجاب سردار شاکر خان مزاری اور منہاج القرآن لودھراں کے قائدین بھی موجود تھے۔ کنونشن میں قائد تحریک منہاج القرآن ڈاکٹر محمد طاہرالقادری نے ویڈیو لنک پر خطاب کرتے ہوئے کہا کہ انصاف کے بول بالا سے پاکستان مستحکم اور خوشحال ہو گا، جہاں انصاف نہیں ہوتا وہاں امن نہیں ہوتا۔
چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے ضلعی صدر تحریک منہاج القرآن لودہراں چودھری عبد الغفار سنبل کے والد کی وفات پر اور ضلعی ناظم تحریک منہاج القرآن ملک انور قادری کی زوجہ محترمہ شمشاد انور قادری کی وفات پر اظہار تعزیت کیا۔ اس موقع پر آپ نے مرحومین کی بلندی درجات کے لیے دعا بھی کی۔
منہاج القرآن لودھراں کے زیراہتمام ’’استحکام پاکستان کنونشن‘‘ میں گرینڈ اوتھ سرمنی منعقد ہوئی، جس میں چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے خصوصی شرکت کی۔ تقریب حلف برداری میں ڈاکٹر حسن محی الدین قادری نے جنوبی پنجاب کے تمام منہاج القرآن جنوبی پنجاب زون کی تمام یونین کونسلز، پی پی حلقہ جات اور ضلعی عہدیداران سے حلف لیا اور سب کو مبارکباد پیش کی۔
ڈاکٹر حسن محی الدین قادری نے جنوبی پنجاب کے دو روزہ وزٹ کے دوران منہاج القرآن اسلامک سنٹر لودھراں کا افتتاح کیا۔ آپ نے فیتہ کاٹ کر تختی کی نقاب کشائی کی۔ اس موقع پر ناظم اعلیٰ منہاج القرآن خرم نواز گنڈاپور اور سردار شاکر مزاری بھی موجود تھے۔ افتتاح کے بعد ڈاکٹر حسن محی الدین قادری نے منہاج اسلامک سنٹر میں منہاج القرآن ویمن لیگ کی طرف سے قرآن کلاسز کا جائزہ لیا۔
مؤرخہ 8 مارچ منہاج القرآن ویمن لیگ اور منہاج سسٹر لیگ ڈنمارک نے مرکز منہاج القرآن ڈنمارک پہ معراج النبی ﷺ کانفرنس منعقد کی جس میں خواتین اور یوتھ کی ایک کثیر تعداد نے شرکت کی۔ درس نظامی کی طالبہ آنسہ خدیجہ سجاد نے تلاوت کلام پاک کی سعادت حاصل کی اور محترمہ رخسانہ افضل صاحبہ نے حمد باری تعالیٰ پیش کی۔ مریم ادریس، ناہید خان، سمیرہ سلیم، سسٹر لیگ کی آنسہ فروہ حسین، نیلم یاسین اور کومل جنید نے عقیدت کے پھول بحضور سرورِ کونین ﷺ نچھاور کیے۔
قائد تحریک منہاج القرآن ڈاکٹر محمد طاہرالقادری نے کہا ہے کہ عمران خان کے دور حکومت میں ڈاکٹر توقیر شاہ سمیت سانحہ ماڈل ٹاؤن کے تمام ملزم اور چھوٹے بڑے کردار پہلے سے بہتر عہدوں پر تعینات ہو چکے ہیں، سابق دور حکومت میں سانحہ کے ملزم حکومت بدلنے پر اپنی گرفت ہونے کے خوف میں مبتلا تھے آج پرکشش تعیناتیاں ملنے پر وہ بے خوف ہیں۔ سانحہ ماڈل ٹاؤن کے ملزمان کو ترقیاں ملنے اور شاندار تبدیلی پر وزیراعظم کو مبارکباد دینے کے لیے الفاظ نہیں مل رہے۔
خانیوال میں سیدنا صدیق اکبر رضی اللہ تعالٰی عنہ کانفرنس منعقد ہوئی، جس میں چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری مہمان خصوصی تھے۔ کانفرنس میں ناظم اعلیٰ منہاج القرآن خرم نواز گنڈاپور و دیگر مقامی قائدین و کارکنان سمیت مختلف شعبہ ہائے زندگی سے تعلق رکھنے والی شخصیات اور اہل علاقہ کی بڑی تعداد شریک ہوئی۔
منہاج القرآن خانیوال کے زیراہتمام چک 79-10R میں ورکرز کنونشن منعقد ہوا، جس میں چیئرمین سپریم کونسل ڈاکٹر حسن محی الدین قادری نے خصوصی شرکت کی۔ اس موقع پر ناظم اعلیٰ منہاج القرآن انٹرنیشنل خرم نواز گنڈاپور، نائب ناظم اعلیٰ جنوبی پنجاب سردار شاکر خان مزاری، ملک بشیر اعوان، قاضی فیض الاسلام، محمد اقبال خان، راؤ عارف رضوی، راجہ مظہر قادری، معین قادری و دیگر قائدین و کارکنان کی بڑی تعداد بھی پروگرام میں شریک ہوئی۔
چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے ملتان میں زیرِ تعمیر جامع مسجد منہاج القرآن و ایجوکیشنل کمپلیکس کا وزٹ کیا۔ اس موقع پر ناظم اعلیٰ منہاج القرآن خرم نواز گنڈاپور، ڈاکٹر زبیر اے خان، یاسر ارشاد دیوان راؤ عارف رضوی و دیگر قائدین اور کارکنان بھی موجود تھے۔ اس موقع پر چیئرمین سپریم کونسل نے پراجیکٹ کے قیام و تکمیل پر تحریک منہاج القرآن ملتان کی پوری ٹیم کو مبارکباد دی۔
منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے خانیوال میں بین الاقوامی تعلیمی سہولیات اور معیار کے حامل منہاج کالج برائے خواتین کا دورہ کیا۔ اس موقع پر آپ نے کہا کہ خواتین کے عالمی دن کے موقع پر منہاج القرآن کی طرف سے منہاج گرلز کالج جنوبی پنجاب کی بہنوں اور بیٹیوں کے لیے ایک تحفہ ہے۔
چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری یورپ کے کامیاب تنظیمی دورہ کے بعد جمعرات کی صبح وطن پہنچ گئے۔ لاہور میں علامہ اقبال انٹرنیشنل ائیرپورٹ پر منہاج القرآن اور پاکستان عوامی تحریک کے مرکزی راہنماؤں نے آپ کا استقبال کیا۔ آپ نے ایک ماہ کے دورہ یورپ کے دوران ڈنمارک، سویڈن، ناروے، اٹلی، فرانس، یوکے، جرمنی، سپین اور آسٹریا کا تنظیمی وزٹ کیا۔
منہاج القرآن علماء کونسل کے زیراہتمام ’’اتحاد امت کانفرنس‘‘ جامعہ اشرف الجمال لاہور میں منعقد ہوئی۔ کانفرنس میں منہاج القرآن انٹرنیشنل کے صدر ڈاکٹر حسین محی الدین قادری نے خصوصی شرکت کی۔ اس موقع پر ڈاکٹر حسین محی الدین قادری نے خطاب کرتے ہوئے کہا کہ معاشرے میں بھائی چارے، رواداری، برداشت اور تحمل کے جذبات کو فروغ دینے کی ضرورت ہے۔
4M
فیس بک
2M
ٹوٹر
© 1994 - 2025 Minhaj-ul-Quran International.
