سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآن انٹرنیشنل یونان کے زیرِاہتمام کرسمس اور بانی پاکستان قائد اعظم محمد علی جناح رحمۃ اللہ علیہ کے یومِ ولادت کے حوالے سے عظیم و الشان تقریب منعقد کی گئی جس میں منہاج القرآن یونان کے قائدین کے علاوہ کمیونٹی کے ہر شعبہ سے تعلق رکھنے والی شخصیات سیاسی، سماجی، مذہبی اور پریس کلب کے رہنماؤں سمیت گریک کے نامور وکلا اور کرسچن کمیونٹی کی کثیر تعداد نے شرکت کی۔
منہاج القران نٹال ساوتھ افریقہ کی تمام ذیلی تنظیمات کے صدور اور عہدیداران نے علامہ طاہر رفیق نقشبندی صدر MQI کی رہائش گاہ پر نئی تنظیم سازی اور مشن کے فروغ کے حوالہ سے 25 دسمبر 2019 کو ملاقات کی۔
شیخ الاسلام ڈاکٹر محمد طاہر القادری سے مدینہ منورہ میں شیخ محمد ہشام کبانی نے ملاقات کی۔ شیخ الاسلام ڈاکٹر محمد طاہرالقادری ان دنوں عمرہ کی ادائیگی کے سلسلہ میں سعودی عرب میں ہیں۔ شیخ محمد ہشام کبانی لبنانی نژاد امریکی صوفی اسکالر ہیں۔ وہ تصوف کے سلسلہ نقشبندیہ سے تعلق رکھتے ہیں اور یورپ و امریکہ میں تصوف اور تعلیماتِ صوفیاء کے فروغ میں گراں قدر خدمات سرانجام دے رہے ہیں۔
تحریک منہاج القرآن کے سینئر رہنما، معروف روحانی شخصیت کالج آف شریعہ اینڈ اسلامک سائنسز کے بانی فاضل صاحبزادہ سید ہدایت رسول شاہ قادری کو ہزاروں سوگواروں کی موجودگی میں سپرد خاک کر دیا گیا۔ فیصل آباد کے دھوبی گھاٹ میں ان کی نماز جنازہ صدر منہاج القرآن انٹرنیشنل ڈاکٹر حسین محی الدین قادری نے پڑھائی۔ مرحوم کی نماز جنازہ میں تحریک منہاج القرآن، پاکستان عوامی تحریک کے مرکزی، صوبائی، ضلعی رہنماؤں، کارکنان سمیت معزز علاقہ، سیاسی، سماجی شخصیات، علماء مشائخ اور عوام الناس نے بڑی تعداد میں شرکت کی۔
فاضل جامعہ اسلامیہ منہاج القرآن، تحریک منہاج القرآن کے عظیم رہنماء سید ہدایت رسول شاہ قادری انتقال کر گئے ہیں (إِنَّا لِلّهِ وَإِنَّـا إِلَيْهِ رَاجِعونَ)، انکی نمازِ جنازہ کل مورخہ 22 دسمبر 2019ء بروز اتوار دن 12:30بجے دھوبی گھاٹ فیصل آباد میں ادا کی جائے گی۔
تحریک منہاج القرآن کے فلاحی ادارہ آغوش آرفن کیئرہوم میں زیرتعلیم یتیم بچوں کی گریجوایشن تقریب 21 دسمبر 2019ء کو منعقد ہوئی، تقریب میں صوبائی وزیر محسن لغاری اور گورنر پنجاب چوہدری محمد سرور کی اہلیہ بیگم پروین سرور چودھری مہمان خصوصی تھیں۔ تقریب میں صدر منہاج القرآن ڈاکٹر حسین محی الدین قادری، صوبائی وزیر محسن لغاری، جمشید چیمہ، مسرت چیمہ، خرم نواز گنڈاپور، نے بھی خصوصی شرکت کی۔
عربی زبان کے عالمی دن کے موقع پر اسلام آبادمیں متحدہ عرب امارات کے سفارت خانہ اور ”نیشنل یونیورسٹی آف ماڈرن لینگویجز“ کے شعبہ عربی کے باہمی اشتراک سے ”آل پاکستان انٹر یونیورسٹیز عربی تقریری مقابلہ“ منعقد ہوا۔ جس میں وطن عزیز کی 22 یونیورسٹیزکے طلبا نے حصہ لیا۔ اس تقریری مقابلہ میں شعبہ عربی منہاج یونیورسٹی لاہور کے ایم فل کے طالبعلم محمد عتیق الرحمن واصل نے پہلی پوزیشن حاصل کی۔ اس شاندار کامیابی پر چیئرمین بورڈ آف گورنرز ڈاکٹر حسین محی الدین قادری اور یونیورسٹی کے دیگر اساتذہ و سٹاف نے انہیں مبارکباد پیش کی ہے۔
بین الاقوامی شہرت کے حامل عظیم خطاط استاد شفیق الزماں کی منہاج القرآن کے مرکزی سیکرٹریٹ ماڈل ٹاؤن میں آمد، خطاط مسجد نبوی شریف، اسلامی فن خطاطی کو نئی جہت دینے والے اور دنیا بھر میں پاکستان کا نام روشن کرنے والے عظیم خطاط نے صدر منہاج القرآن انٹرنیشنل ڈاکٹر حسین محی الدین قادری سے ملاقات کی۔ اس موقع پر نائب صدر تحریک منہاج القرآن بریگیڈیئر (ر) اقبال احمد خان، ناظم اعلیٰ خرم نواز گنڈاپور، ڈائریکٹر فارن افیئرز جی ایم ملک، انجینئر محمد سلیم، جواد حامد، خواجہ حسنین فارقلیط، سید امجد علی شاہ، علامہ رانا محمد ادریس و دیگر رہنما بھی موجود تھے۔
پیر سید عبدالقادر جمال الدین القادری الگیلانی کی شیخ الاسلام ڈاکٹر محمد طاہر القادری سے مدینہ منورہ میں ملاقات ہوئی، اس موقع پر ڈاکٹر حسن محی الدین قادری، راجہ زاہد محمود، شیخ حماد مصطفیٰ المدنی القادری اور شیخ احمد مصطفیٰ العربی القادری بھی موجود تھے۔
تحریک منہاج القرآن کوئٹہ کے زیراہتمام غوث الاعظم کانفرنس مؤرخہ 18 دسمبر 2019 کو منعقد ہوئی، جس سے خطاب کرتے ہوئے علامہ احمد حسن فاروقی نے کہا کہ زمین اور آسمان کا مالک صرف اللہ تعالیٰ ہے لہذا جو اللہ تعالیٰ کا ہو جاتا ہے وہ دنیا اور آخرت میں کامیاب ہو جاتا ہے اس کے برعکس اگر بندہ اللہ تعالیٰ کے حکم کی نافرمانی کرتا ہے تو دنیا اور آخرت میں ناکام ہوتا ہے، غوث الاعظم روئے زمین پر اللہ کے بندوں میں سے ایک عظیم ہستی ہیں ان کی تعلیمات پر عمل کر کے ہم معاشرے کو پرامن اور ترقی یافتہ بنا سکتے ہیں۔
سانحہ اے پی ایس کی 5ویں برسی پر منہاج القرآن کے مرکزی سیکرٹریٹ میں دعائیہ تقریب کا انعقاد کیا گیا۔ دعائیہ تقریب منہاج القرآن کے مرکزی گوشہ درود میں منعقد ہوئی۔ دعائیہ تقریب میں مرکزی سیکرٹری جنرل خرم نواز گنڈاپور، جی ایم ملک، نوراللہ صدیقی، جواد حامد، شہزاد رسول، علامہ محمد لطیف مدنی و دیگر سینئر رہنماؤں اور گوشہ نشینوں نے شرکت کی۔ انہوں نے سانحہ کے شہداء کے لیے فاتحہ خوانی اور ملک و قوم کے استحکام کیلئے دعا کی۔
کالج آف شریعہ اینڈ اسلامک سائنسز میں بزم منہاج کے زیراہتمام ”قائداعظم اور آج کا پاکستان“ کے عنوان سے مقابلہ حسن تقریر ہوا، جس سے طلبہ مقررین نے خطاب کرتے ہوئے کہا کہ بانی پاکستان ایک وکیل تھے اور انہوں نے غاصب انگریز کے خلاف آزادی کی جدوجہد کرتے ہوئے بھی کبھی قانون ہاتھ میں لیا اور نہ ہی اس کی کبھی کسی کو اجازت دی۔
پیر سید ارشاد حسین شاہ رحمۃ اللہ علیہ کے 22 ویں سالانہ عرس کی تقریب دربار عالیہ چراغیہ پیر کالونی والٹن لاہور میں 10 دسمبر 2019ء کی شب منعقد ہوئی۔ صدر تحریک منہاج القرآن ڈاکٹر حسین محی الدین قادری نے صوبائی وزیر مذہبی امور پنجاب صاحبزادہ سید سعید الحسن شاہ کی خصوصی دعوت پر ان کے والد گرامی کے سالانہ عرس کی تقریب میں شرکت کی اور خصوصی خطاب کیا۔
منہاج سکول آف اسلامک سائنسز ڈنمارک کے درس نظامی کے پہلے بیج کے طلباء و طالبات نے تین سال کی محنت سے جامعہ اسلامیہ منہاج القرآن لاہور کے نصاب کے مطابق الشہادۃ الثانویہ کی تکمیل کرکے منہاج القرآن انٹرنیشنل کی دنیا بھر کی تنظیمات میں پہلا اعزاز حاصل کر لیا۔ اس پرمسرت موقع پر نظامت تعلیمات کی طرف سے طلباء و طالبات کو اسناد و انعامات سے نوازنے کے لئے عظیم الشان کانووکیشن کا انعقاد کیا گیا۔ جس میں منہاج القرآن انٹرنیشنل ڈنمارک کے قائدین، رفقاء، کارکنان، اساتذہ کرام، والدین اور کمیونٹی کے افراد نے شرکت کی۔
تحریک منہاج القرآنکے ڈائریکٹر ایڈمن جواد حامد کی والدہ مرحومہ کے ایصال ثواب کےلئے ضیافت میلاد 9 دسمبر 2019ء کو لاہور میں منعقد ہوئی، جواد حامد کی رہائش گاہ پر منعقدہ میلاد پروگرام میں چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری اور منہاج القرآن انٹرنیشنل کے صدر ڈاکٹر حسین محی الدین قادری نے خصوصی شرکت کی۔
4M
فیس بک
2M
ٹوٹر
© 1994 - 2025 Minhaj-ul-Quran International.
