سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
شیخ الاسلام ڈاکٹر محمد طاہر القادری نے ماہ ربیع الاول شریف کے آغاز پر مسلم امہ کے نام اپنے پیغام میں کہا ہے کہ میلاد کے مبارک ماہ کا آغاز پوری مسلم دنیا کیلئے خوشی اور مسرت کا عجیب احساس لے کر آتا ہے۔ اس مبارک مہینے کی خوشیوں کے آگے ہماری ذاتی اور اجتماعی خوشیاں ہیچ ہیں۔ تحریک منہاج القرآن کے وابستگان اور کارکنان پوری دنیا میں محافل میلاد کا انعقاد کر کے دنیا کو امن، سلامتی، محبت، برداشت اور احترام انسانیت کا پیغام دیں۔
کالج آف شریعہ اینڈ اسلامک سائنسز منہاج یونیورسٹی میں بزم منہاج سیشن 13-2012 کے زیراہتمام ماہ ربیع الاول شریف کا استقبالی جلوس نکالا گیا۔ 24 جنوری 2012ء کو جلوس کی قیادت وائس پرنسپل اکیڈمک ڈاکٹر اصغر جاوید قادری الازھری نے کی۔
کالج آف شریعہ اینڈ اسلامک سائنسز منہاج یونیورسٹی کے نیو کیمپس بغداد ٹاون میں ربیع الاول کا استقبالیہ جلوس نکالا گیا۔ جو 24 جنوری 2012ء کو منعقد ہوا۔ بزم منہاج سیشن 13-2012 کے زیراہتمام ہونے والے اس عظیم الشان استقبالیہ جلوس کی قیادت میاں محمد عباس نقشبندی نے کی۔ ان کے علاوہ پروفیسر ظفر اقبال، منہاج یونیورسٹی کے اساتذہ و سٹاف اور طلبہ نے جلوس میں بھر پور شرکت کی۔
تحریک منہاج القرآن گوجرخان 2012ء کو سال میلاد کے طور پر منائے گی۔ انہوں نے کہا کہ ہمارا مقصد آقا علیہ الصلوٰۃ والسلام کے ساتھ ٹوٹے ہوئے تعلق کو پھر سے بحال کرنا ہے اور محبت و عشق میں مزید پختگی لانی ہے۔ تحریک منہاج القرآن اس سال ہر سطح پر پورا سال محافل میلاد کا انعقاد کریگی۔
تحریک منہاج القرآن حلقہ پی پی 4 دولتالہ کے زیراہتمام 22 جنوری 2012ء بروز اتوار عظیم الشان استقبال ربیع الاول کانفرنس (برائے ایصال ثواب راجہ محمد اکرم پٹواری مرحوم) کا انعقاد بھیر رتیال (یونین کونسل جاتلی) میں ہوا۔ پروگرام کے مہمان خصوصی الحاج محمد یوسف بختاور (سابق امیر تحریک کویت) تھے جبکہ خصوصی شرکت ملک امتیاز اعوان (رہنما تحریک منہاج القرآن تلہ گنگ) نے۔
تحریک منہاج القرآن (حلقات درودوفکر) کے ناظم محمد لطیف مدنی نے منہاج اسلامک یونیورسٹی فائنل ائیر کے طلبہ کے تربیتی کیمپ سے خطاب کرتے ہوئے کہا کہ تحریک منہاج القرآن امت کا کمزور اور ٹوٹا ہوا رشتہ ذات مصطفی صلی اللہ علیہ وآلہ وسلم سے مستحکم اور مضبوط کر رہی ہے۔ جدید دور میں جدید تقاضوں کے مطابق تحریک منہاج القرآن علم اور محبت رسول صلی اللہ علیہ وآلہ وسلم کی خیرات تقسیم کر رہی ہے۔
تحریک منہاج القرآن ہری پور کے زیراہتمام استقبال ربیع الاول ریلی کا انعقاد کیا گیا جس میں کثیر تعداد میں لوگوں نے شرکت کی۔ ریلی کی صدارت مرکزی ناظم تنظیمات تحریک منہاج القرآن ساجد محمود بھٹی نے کی جبکہ ناظم علما کونسل تحریک منہاج القرآن سید فرحت حسین شاہ، طیب ضیاء (نمائندہ یوتھ لیگ) اور عرفان یوسف (نمائندہ ایم ایس ایم) نے بھی خصوصی شرکت کی۔
تحریک منہاج القرآن شکرگڑھ کی یونین کونسل بارہ منگا کے زیراہتمام 22 جنوری بروز اتوار بسلسلہ استقبال ماہ ربیع الاول ایک عظیم الشان میلاد مارچ و محفل میلاد مصطفیٰ صلی اللہ علیہ وآلہ وسلم کا انعقاد ہوا۔ میلاد مارچ کا آغاز دن 12 بجے ایجنسی موڑ سے بارہ منگا تک عظیم الشان موٹر سائیکل ریلی سے ہوا جس میں کثیر تعداد میں لوگوں نے شرکت کی۔
منہاج القرآن انٹرنیشنل انٹرنیشنل روٹرڈیم (ہالینڈ) کی خصوصی دعوت پر مورخہ 22 جنوری 2012ء بروز اتوار کو منہاج یورپین کونسل کے اراکین نے منہاج اسلامک سنٹر روٹرڈیم (ہالینڈ) کا دورہ کیا اور مقامی تنظیم کے عہدیداران سے ملاقات کی، اس موقع پر منہاج القرآن روٹرڈیم نے مہمانوں کے اعزاز میں ظہرانہ بھی دیا۔
منہاج القرآن ویمن لیگ ملتان کے زیراہتمام مورخہ 22 جنوری 2012 کو رضا ہال (ملتان) میں سیدہ زینب رضی اللہ عنہا کانفرنس منعقد ہوئی جس میں ملتان کے تمام ٹاؤنز سے سینکڑوں خواتین شریک ہوئیں۔ اس پروگرام میں منہاج القرآن ویمن لیگ کی مرکزی نائب ناظمہ ساجدہ صادق اور نائب ناظمہ دعوت نائلہ جعفر نے خصوصی شرکت کی۔
گزشتہ روز منہاج القرآن ویمن لیگ تحصیل شکرگڑھ کے زیراہتمام ٹی ایم اے لان میں عظیم الشان محفل میلاد مصطفی صلی اللہ علیہ وآلہ وسلم کا انعقاد ہوا۔ محفل میں خصوصی شرکت ڈاکٹر نصرت زاہد (وینرٹری آفیسر ضلع نارووال)، محترمہ نویدہ چوہدری (ہیڈ مسٹریس گورنمنٹ ہائی سکول شکرگڑھ)، محترمہ رقیہ رشید (ہیڈ مسٹریس گورنمنٹ گرلز ہائی سکول سرجال) اور حاجن کنیز فاطمہ نے کی۔ انکے علاوہ علاقہ بھر سے ہزاروں کے تعداد میں خواتین نے شرکت کی۔
منہاج یورپین کونسل کا اجلاس مورخہ 21 جنوری 2012ء بروز ہفتہ ہالینڈ کے شہر دی ہیگ میں منعقد ہوگا جس میں شرکت کے لئے کونسل کے ممبران یورپ کے مختلف ممالک سے ہالینڈ پہنچ چکے ہیں۔ اجلاس میں منہاج یورپین کونسل کی ممبر تنظیمات اپنے ممالک کی کارکردگی رپورٹس پیش کریں گی اور آئندہ سال کے لئے منہاج القرآن انٹرنیشنل کے دعوتی، علمی، بین المذہبی اور فلاحی کاموں کی منصوبہ بندی کی جائے گی
مرکز منہاج القرآن انٹرنیشنل ریندی(یونان) کے زیر اہتمام مورخہ 21 جنوری 2012ء بروز ہفتہ کو خصوصی محفل ذکر ونعت کا اہتمام کیا گیا، محفل میں ریندی کے گرد و نواح سے مسلمان کمیونٹی کی کثیر تعداد نے شرکت کی۔
منہاج القرآن انٹرنیشنل ہانگ کانگ کے زیر اہتمام استقبال ربیع الاول کے سلسلہ میں مورخہ 21 جنوری 2012 کو بعد نماز عشاء جامع مسجد کولون کے کمیونٹی ہال میں عظیم الشان محفل نعت منعقد ہوئی۔ محفل میں حاضرین کے لئے بذریعہ قرعہ اندازی عمرہ کے ٹکٹ کا بھی اہتمام کیا گیا تھا۔ہانگ کانگ میں منہاج القرآن کے پلیٹ فارم سے اپنی نوعیت کی ایک منفرد محفل ہوتی ہے جس کا سارا سال پاکستانی کمیونٹی کو انتظار ہوتا ہے۔
منہاج یورپین کونسل کی ایگزیکٹو باڈی کا سالانہ اجلاس مورخہ 21 جنوری 2012ء بروز ہفتہ کو ہالینڈ کے شہر دی ہیگ میں منعقد ہوا۔اجلاس کی صدارت چودھری اعجاز احمد وڑائچ نے کی۔ اجلاس میں ممبر ممالک اور یورپین کونسل کے شعبہ جات کی کارکردگی رپورٹس پیش کی گئیں اور رواں سال کے لئے منصوبہ بندی کی گئی۔ اجلاس صبح 10 بجے سے رات 10 بجے تک جاری رہا۔
4M
فیس بک
2M
ٹوٹر
© 1994 - 2025 Minhaj-ul-Quran International.
