سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج یوتھ لیگ (میلان) اٹلی کے زیراہتمام مورخہ 03 جولائی 2010ء کو "منہاج کرکٹ میلہ" کی اختتامی تقریب میلان کے گاؤں چنیرانو بوسکو سپورٹس سٹیڈیم میں منعقد ہوئی۔ منہاج یوتھ لیگ کے زیراہتمام منعقد کی جانے والی تین روزہ کرکٹ ٹورنامنٹ میں سری لنکا، بنگلہ دیش، افغانستان اور پاکستان سمیت اٹلی کی تقریبا 36 ٹیموں نے حصہ لیا۔
شیخ الاسلام نے مجلس شوریٰ کے اجلاس میں اظہار خیال کرتے ہوئے کہا کہ ملک میں بڑھتی ہوئی دہشت گردی کی لہر کو روکنے والا کوئی نہیں ہے بلکہ دہشت گردوں کو تحفظ دینے والے پارلیمنٹ میں بیٹھے ہیں۔ ایسے چہروں کو بے نقاب کرنے کے لیے میڈیا سیاستدان کا گریبان پکڑے اور قوم کو بتایا جائے کہ اسلحہ کہاں سے کس کے ذریعے پنجاب میں پہنچ رہا ہے۔
تحريک منہاج القرآن کے بانی و سرپرست اعلیٰ شيخ الاسلام ڈاکٹر محمد طاہر القادری نے داتا دربار لاہور ميں ہونے والے اندوہناک خودکش حملوں کي شديد الفاظ ميں مذمت کی ہے۔
منہاج القرآن علماء کونسل کے مرکزی ناظم سید فرحت حسین شاہ نے مزار داتا صاحب کے باہر احتجاجی مظاہرے سے خطاب کرتے ہوئے کہا کہ امن، محبت اور سلامتی کے مرکز داتا صاحب کے مزار پر خودکش حملہ کرنے والے جانوروں سے بھی بد ترین ہیں اور ان کا اسلام سے کوئی تعلق نہیں ہے۔
منہاج القرآن انٹرنیشنل آسٹریا کے صدر خواجہ محمد نسیم نے مورخہ یکم جولائی 2010ء بروز جمعرات کو مرکزی سیکرٹریٹ کا دورہ کیا، صدر منہاج القرآن آسٹریا جو آجکل اپنے نجی دورہ پر پاکستان آئے ہوئے ہیں نے خصوصی طور پر مرکز کا وزٹ کیا اور مرکزی قائدین سے ملاقات کی۔
منہاج القرآن انٹرنیشنل آسٹریا کے صدر خواجہ محمد نسیم کی رہائش گاہ پر مورخہ 29 مئی 2010ء کو آسٹرین خاتون مس الزبتھ نے اسلام کی تعلیمات سے متاثر ہو کر اسلام قبول کیا۔ مس الزبتھ جو کہ کافی عرصہ سے اسلام کی تعلیمات کا مطالعہ کر رہی تھیں اور شیخ الاسلام ڈاکٹر محمد طاہرالقادری کی فکر، ان کے خطابات سننے اور بالاخر دہشت گردی اور فتنہ خوارج پر لکھے گئے مبسوط تاریخ فتویٰ کے مطالعہ کے بعد اپنا مذہب چھوڑ کر اور تائب ہو کر صاحبزادہ حسن محی الدین صدر سپریم کونسل منہاج القرآن انٹرنیشنل کے ہاتھ پر اسلام قبو ل کیا۔
قاضی محمد انور (صدر سپریم کورٹ بار ایسوسی ایشن پاکستان) مورخہ 29 جون 2010ء کو یورپ کے تین روزہ دورہ پر فرانس پہنچے اور منہاج القرآن اسلامک سنٹر فرانس کا دورہ کیا۔ قاضی محمد انور کو منہاج القرآن اسلامک سنٹر آمد پر خوش آمدید کہا گیا اور شیخ الاسلام ڈاکٹر محمد طاہر القادری کی طرف سے دہشت گردی اور فتنہ خوارج پر لکھاگیا تاریخی فتوی بطور تحفہ پیش کیا گیا۔
منہاج القرآن انٹرنيشنل لندن کے زيراہتمام تیسرا سالانہ حلقہ درود و سلام کا روحاني اجتماع 28 جون 2010ء کو لندن ميں ہوا۔ منہاج اسلامک سنٹر لندن میں ہونے والے اس پروگرام کي صدارت منہاج القرآن انٹرنيشنل کي سپريم کونسل کے صدر صاحبزادہ حسن محي الدين قادري نے کي۔
جھنگ میں تحریک منہاج القرآن کا ضلعی سیکریٹریٹ قائم کر دیا گیا ہے۔ تفصیل کے مطابق حاجی محمد صدیق اور ان کی اہلیہ نے جھنگ میں ایک خوبصورت عمارت تعمیر کر کے تحریک منہاج القرآن کے لیے وقف کر دی ہے۔ جنرل بس اسٹینڈ کے نزدیک جھنگ سٹی روڈ پر واقع اس پرشکوہ عمارت کو منہاج القرآن جھنگ کا ضلعی سیکرٹریٹ قرار دیا گیا ہے۔
سفیر یورپ علامہ حافظ نذیر احمد خاں منہاج القرآن انٹرنیشنل اٹلی کے تنظیمی و تربیتی دورہ کے بعد مورخہ 28 جون 2010ء کو ہالینڈ واپس روانہ ہوگئے۔ اپنے دورہ اٹلی کے دوران علامہ حافظ نذیر احمد خاں نے منہاج القرآن دیزیو اٹلی میں درس قرآن وحدیث کا 3 ماہ کا کورس مکمل کروایا۔
منہاج القرآن انٹرنیشنل (بیرگاموں) اٹلی میں مورخہ 28 جون 2010ء کو ماہانہ گیارہویں شریف کا اہتمام کیا گیا جس میں خاور بشیر بٹ مہمان خصوصی تھے۔ محفل کا باقاعدہ آغاز تلاوت کلام پاک سے ہوا جبکہ محمد اصغر، ارشد حسین اویسی، محمد علی اوراویس برادران نے آقائے دوجہاں صلی اللہ علیہ وآلہ وسلم کی بارگاہ میں گلہائے عقیدت پیش کئے۔
منہاج القرآن انٹرنیشنل (دیزیو) اٹلی کے زیر اہتمام مورخہ 26 جون 2010ء بروز ہفتہ مشنری ساوریانی ہال میں درس قرآن و حدیث کی آخری کلاس منعقد ہوئی جس میں خواتین و حضرات کے علاوہ طلبہ و طالبات کی کثیر تعداد نے شرکت کی۔ خواتین اور طالبات کے لئے علیحدہ ہال میں انتظام کیا گیا تھا جہاں سے انہوں نے ایک بڑی TV سکرین کے ذریعے پروگرام کی کارروائی دیکھی۔
منہاج القرآن انٹرنیشنل اوڈنسے ڈنمارک میں ڈینش نوجوان نے اسلامی تعلیمات، قرآن مجید کی تلاوت میں موجود سوزوگداز اور اسلام کے جسمانی اور روحانی پاکیزگی کے نظام سے متاثر ہو کر ڈائریکٹر منہاج القرآن اوڈنسے حافظ ندیم یونس کے ہاتھ پر اسلام قبول کیا۔ اسلام قبول کرنے کی تقریب مورخہ 26 جون 2010ء بروز ہفتہ کو منعقد ہوئی جس میں صدر منہاج القرآن اوڈنسے حاجی محمد فاروق، عامر حسین بٹ (جنرل سیکرٹری)، رضوان افضل (جوائنٹ سیکرٹری)، مطلوب حسین (ناظم اجتماعات) اور منہاج یوتھ لیگ اوڈنسے کے نوجوانوں نے شرکت کی۔
منہاج القرآن انٹرنیشنل آریزو (اٹلی) کے زیراہتمام مورخہ 26 جون 2010 ء بروز ہفتہ بعد نماز مغرب مرکز منہاج القرآن آریزو میں حضرت علی رضی اللہ تعالیٰ عنہ کی ولادت کے حوالہ سے شاندار محفل کا اہتمام کیا گیا، جس میں ساجد محمود (صدر پاکستان فیڈریشن)، احمد یار تارڑ (صدر منہاج القرآن آریزو) اور سید فہیم شاہ نے خصوصی شرکت کی جبکہ لوگوں کی ایک بڑی تعداد بھی محفل میں شریک ہوئی۔
منہاج القرآن انٹرنیشنل انٹرنیشنل (میچراتا) اٹلی کے زیراہتمام مورخہ 26 جون 2010ء کو حضرت علی رضی اللہ تعالیٰ عنہ کے یوم ولادت کے حوالہ سے ایک عظیم علمی اور روحانی محفل کا اہتمام کیا گیا جس میں وابستگان و رفقاء کی کثیر تعداد شریک ہوئی۔
3.8M
فیس بک
1.9M
ٹوٹر
© 1994 - 2025 Minhaj-ul-Quran International.
