سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج ویلفیئر فاؤنڈیشن کے زیراہتمام شادیوں کی 9ویں سالانہ اجتماعی تقریب میں 4 مسیحی اور 20 مسلمان جوڑے شادی کے مقدس رشتہ میں بندھ گئے۔ منہاج یونیورسٹی کے نیو کیمپس میں ہونے والی پروقار تقریب میں سماجی اور دانشور شخصیات کے علاوہ شوبز کی ممتاز شخصیات نے بھی شرکت کی۔
ڈاکٹر محمد طاہر القادری نے کہا ہے کہ الیکشن کمیشن کے تماشے طشت از بام ہو چکے۔ موجودہ نظام انتخاب کے تحت ہونے والے الیکشن کے نتیجے میں جعلی جمہوریت پھر آ جائے گی جو ملک کا بیڑا غرق کر نے کے مترادف ہو گا۔ سب کچھ الیکشن کمیشن کی آنکھوں کے سامنے ہو رہا ہے اسکی بے بسی اور بے کسی اس لئے ہے کہ سارے واقعات By Design ہو رہے ہیں۔ بدقسمتی کہ پاکستان کے ادارے ریاست کیلئے نہیں بد عنوانی کی سیاست کو تحفظ دینے کیلئے کام کر رہے ہیں۔
پاکستان عوامی تحریک کے سیکرٹری جنرل خرم نواز گنڈا پور نے ریلی سے خطاب کرتے ہوئے کہا کہ آج کا سب سے بڑا المیہ ہے کہ پاکستان قوم کو تلاش کر رہا ہے۔ ہم پنجابی، سندھی، بلوچی اور پٹھان تو ہیں مگر پاکستانی نہیں رہے۔ آج گروہوں میں بٹے رہنے کی روش سے تائب ہو کر پھر سے قوم بننا ہو گا۔
ڈاکٹر حسین محی الدین قادری نے محفل کے شرکاء سے خطاب کرتے ہوئے کہا کہ ارشاد باری تعالیٰ ہے کہ ‘‘بے شک اﷲ اور اس کے فرشتے حضور نبی اکرم صلی اللہ علیہ وآلہ وسلم پر درود بھیجتے ہیں اے ایمان والو تم بھی ان پر (کثرت کے ساتھ) درود اور خوب سلام بھیجا کرو۔’’
ڈاکٹر حسن محی الدین قادری نے کولون مسجد ہانگ کانگ میں نماز جمعہ کے عظیم الشان اجتماع سے خطاب کرتے ہوئے کہا کہ اللہ رب العزت نے قرآن مجید میں جہاں اپنی اطاعت کا ذکر کیا وہیں اپنے ذکر کے ساتھ اپنے نبی مکرم صلی اللہ علیہ وآلہ وسلم کا ذکر کر کے ہمیں بتا دیا کہ اگر اللہ پاک کی رضا، خوشنودی اور قُرب حاصل کرنا ہے تو نبی پاک صلی اللہ علیہ وآلہ وسلم کی اطاعت کرنا ہو گی۔
ڈاکٹر طاہر القادری نے کہا ہے کہ مک مکا الیکشن کمیشن کو صورتحال کا اندازہ تھا اس لئے وفاداروں نے بڑے ڈیفالٹرز کیلئے نامزدگی فارم میں پہلے ہی چور دروازہ رکھا ہوا ہے۔ عدالتوں اور مالیاتی اداروں سے با آسانی سٹے لے لیا جائے گا۔ بڑے ڈاکو چھوٹ جائیں گے چند چوروں کو دکھاوے کیلئے دھرا جا رہا ہے۔ الیکشن کمیشن ‘‘کمیشن’’ کا الیکشن کرا رہا ہے اس لئے عوام دھرنوں میں شرکت کر کے اسے مسترد کر دیں۔ لولی لنگڑی سکروٹنی جمہوریت کی روح مسخ کرنے کے مترادف ہے۔
ڈاکٹر محمد طاہر القادری نے کہا ہے کہ Vote For None کی آپشن کی کوئی اہمیت نہیں۔ جمہوریت کی دھجیاں بکھیری جا رہی ہیں اس لئے مطالبات کے ایک جزو کو ماننے کی کوئی حیثیت نہیں۔ پاکستان عوامی تحریک کے پر امن دھرنے الیکشن ڈے پر ہر صورت ہوں گے۔ پاکستان عوامی تحریک موجودہ نظام انتخاب کے خلاف عوام میں شعور بیدار کرنے کا سلسلہ جاری رکھے گی اور اسکا بہترین مظاہرہ پولنگ ڈے پر دھرنوں کی صورت میں ہو گا۔
ڈاکٹر محمد طاہر القادری نے کہا ہے کہ آنے والے الیکشن اور کرپشن جڑواں بھائی اور الیکشن کمیشن ان کا باپ ہے۔ ان کے ذریعے حقیقی جمہوریت ملک میں کبھی نہیں آئے گی۔ عوام ظلم سے رہائی چاہتے ہیں تو اس سارے خاندان کو اٹھاکر باہر پھینکنا ہو گا۔ عوام پولنگ ڈے کو نظام انتخاب کے خلاف پاکستان عوامی تحریک کے دھرنوں میں شرکت کریں اسی سے کرپٹ نظام کو بدلنے کی راہ ہموار ہو گی۔
منہاج القرآن ویمن لیگ جہلم کے زیراہتمام مورخہ 31 مارچ 2013ء کو صبح 10:00 بجے تحصیلی سیکرٹریٹ جادہ میں تربیتی کیمپ کا انعقاد کیا گیا، 07 اپریل 2013ء کو کرپٹ نظام انتخابات کے خلاف جہلم میں نکالی جانے والی احتجاجی ریلی اور 11 مئی کو الیکشن ڈے پر کرپٹ نظام کے خلاف دئیے جانے والے دھرنے سے متعلق مرکزی نگران نظامتِ تربیت پروفیسر محمد سلیم احمدچوہدری، سابقہ نائب ناظمہ تربیت محترمہ شازیہ شاہین اور ناظمہ ویمن لیگ جہلم صفیہ رفعت نے بریفینگ دی۔
لندن: برطانیہ میں ہاؤس آف لارڈ کے پاکستان نژاد ممبر لارڈ نذیر احمد نے لندن میں شیخ الاسلام ڈاکٹر محمد طاہرالقادری سے ملاقات کی۔ دونوں راہنماؤں کے درمیان دو گھنٹے تک جاری رہنے والی طویل ملاقات میں پاکستانی سیاسی و انتخابی نظام زیر بحث رہا۔
منہاج ایشئین کونسل کے زیر اہتمام منہاج القرآن انٹرنیشنل کی سپریم کونسل کے صدر صاحبزادہ ڈاکٹر حسن محی الدین قادری کا دورہ ہانگ کانگ و جاپان شروع ہوگیا۔ صدر سپریم کونسل مورخہ 29 مارچ 2013ء بروز جمعہ کو ہانگ کانگ پہنچے گئے۔
مصطفوی سٹوڈنٹس موومنٹ کی سنٹرل کیبنٹ نے شیخ الاسلام ڈاکٹر محمد طاہر القادری سے خصوصی ملاقات کی۔ مرکزی صدر تجمل حسین انقلابی نے ایم ایس ایم کی کارکردگی اور پاکستان بھر میں قائم تنظیمی نیٹ ورک سے متعلق بریفنگ دی۔ تجمل حسین انقلابی نے بتایا کہ ایم ایس ایم تنظیمی لحاظ سے پاکستان کی سب سے بڑی طلبہ تنظیم بن چکی ہے اور پچھلے دو سال میں پنجاب کے علاوہ کشمیر سمیت دیگر صوبہ جات میں بھی مستحکم تنظیمی نیٹ ورک قائم ہو چکا ہے۔
21 مارچ کو بہائی فیتھ اور پارسی مذہب کے پیروکار بطور عید مناتےہیں۔ اس سلسلہ میں پاکستان میں ہزاروں کی تعداد میں بہائی فیتھ اور پارسی مذہب کے پیروکاروں نے اپنی عبادت گاہ بہائی سنٹر لاہور میں ایک پروقار تقریب کا اہتمام کیا جس میں پاکستان کے تمام مذاہب کے رہنماؤں کو مدعو کیا گیا۔
ڈاکٹر محمد طاہر القادری نے کہا ہے کہ پاکستان عوامی تحریک کے لاکھوں کارکن اور ساری قوم 11 مئی کو پرامن دھرنے دے کر اس استحصالی نظام انتخاب کو مسترد کریں گے۔ پاکستان کی 65 سالہ تاریخ کا یہ پہلا واقعہ ہوگا جہاں لوگ ووٹ ڈالیں گے وہاں لاکھوں افراد پولنگ سٹیشنوں سے دور رہ کر اور امن و امان برقرار رکھتے ہوئے اس نظام کو یکسر مسترد کرینگے۔ پاکستان کے تمام شہروں میں دھرنے ہونگے۔ دھرنے کے شرکاء کسی کو ووٹ ڈالنے سے نہیں روکے گیں بلکہ صرف اس کرپٹ نظام انتخاب کے خلاف اپنا احتجاج ریکارڈ کرائیں گے اور قوم کو یہ بتائیں گے کہ کرپٹ نظام سے لڑنا ہو گا 11 مئی کو دھرنا ہو گا۔
ڈاکٹر طاہرالقادری نے کہا کہ پاکستان کی تاریخ میں پہلی بار لوگ پولنگ کے دن پورے ملک میں دھرنے کی صورت میں کرپٹ نظام کے خلاف اپنی آواز بلند کریں گے۔ انہوں نے کہا کہ ہم الیکشن کے بعد حکومت کو کارکردگی دکھانے کا وقت دیں گے تاکہ قوم سمجھ سکے، جس کے بعد ہماری جدوجہد مزید واضح ہوجائے گی۔ مئی کے اختتام تک قوم کو دھوکہ دہی پر مبنی پولنگ کے نتیجے میں بدترین معلق حکومت دیکھنے کو ملے گی۔
4M
فیس بک
2M
ٹوٹر
© 1994 - 2025 Minhaj-ul-Quran International.
