سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
مرکز منہاج القرآن انٹرنیشنل جاپان باندو سٹی اباراکی کین میں مورخہ 10 اکتوبر 2009ء کو جاپان کی تاریخ میں پہلی امام اعظم کانفرنس کا انعقاد کیا گیا، جس میں ٹوکیو، چیبا، سائتاما، توچیگی، اباراکی، گماگین اور دور دراز کی مسافت طے کرکے آنے والے عشاقان مصطفیٰ صلی اللہ علیہ وآلہ وسلم کی ایک کثیر تعداد نے شرکت کی۔
گلوبل مشن اویئرنیس کے 8 احباب کے امریکی عیسائی وفد نے لیٹف ہٹلینڈ کی قیادت (صدارت) میں 16 اکتوبر 2009ء کو منہاج القرآن انٹرنیشنل کے مرکزی سیکرٹریٹ کا وزٹ کیا۔
تحريک منہاج القرآن کے گوشہ درود کي ماہانہ مجلس ختم الصلوۃ علي النبي صلي اللہ عليہ وآلہ وسلم ميں ماہ اکتوبر کا روحاني اجتماع 8 اکتوبر 2009ء کو منعقد ہوا۔ گوشہ درود کے روحاني اجتماع کو " فيميلز کے ليے حلقہ ہائے درود کا افتتاحي پروگرام" کا نام ديا گيا۔
منہاج القرآن کلچرل سنٹر فرینکفرٹ میں عید الفطر کے مبارک موقع پر فرینکفرٹ کے ایک خوبصورت ہال میں نماز عیدالفطر کی ادائیگی کا اہتمام کیا گیا۔ عید کے اس اجتماع کے انتظامات کو حتمی شکل دینے کیلئے صدر منہاج القرآن فرینکفرٹ شبیر احمد کھوکھر کی سربراہی میں ایک کمیٹی تشکیل دی گئی۔
منہاج القرآن ویمن لیگ کے زیراہتمام سالانہ خصوصی دو روزہ تربیتی ورکشاپ بھمبر، میرپور اور کوٹلی آزاد کشمیر میں 29 اور 30 ستمبر کو منعقد ہوئی۔ اس تربیتی ورکشاپ کا مقصد منہاج القرآن ویمن لیگ کی کارکنان، ذمہ داران اور وابستگان کی اخلاقی، فکری، تحریکی، تنظیمی اور انتظامی تربیت تھا۔
تحریک منہاج القرآن کے بانی و سرپرست اعلی شیخ الاسلام ڈاکٹر محمد طاہرالقادری نے صاحبزادہ حسین محی الدین قادری کو تحریک منہاج القرآن انٹرنیشنل کی مرکزی مجلس (Federal Council) کا صدر نامزد کر دیا۔ تحریک کے مرکزی قائدین نے ان کی نامزدگی پر اظہار مسرت کیا اور انہیں مبارکباد دی۔
تحریک منہاج القرآن کے بانی و سرپرست اعلیٰ ڈاکٹر محمد طاہر القادری نے اسلام آباد میں اقوام متحدہ کے دفتر میں بم دھماکے کی شدید ترین الفاظ میں مذمت کرتے ہوئے کہا کہ دہشت گرد انسانیت کے بد ترین دشمن ہیں اور ان کا کوئی مذہب نہیں۔
منہاج القرآن یورپین کونسل کے امیر علامہ حسن میرقادری نے ساؤتھ اٹلی کا تنظیمی ودعوتی دورہ کیا۔ اس دورے کا مقصد یتیم اور بے سہارا بچوں کی کفالت کے لئے جاری پروجیکٹ آغوش کے متعلق رفقاء و اراکین کو بریفنگ دینا تھا۔ امیر یورپین کونسل نے اس دورہ کے دوران کارپی، چنیتو، بلونیا، آریزو، میچراتا، ویچنزا اور بلونیا کا دورہ کیا۔
بابا گرونانک کی برسی کے موقع پر سکھ یاتری بھارت سے پاکستان آئے۔ ان کے اعزاز میں متروکہ وقف املاک بورڈ حکومت پاکستان کی جانب سے اواری ہوٹل میں عشائیہ کا اہتمام کیا گیا۔ بورڈ کے چیئرمین سید آصف ہاشمی کی دعوت پر منہاج القرآن انٹرنیشنل کے ڈائریکٹر انٹرفیتھ ریلیشنز سہیل احمد رضا کی قیادت میں وفد نے شرکت کی۔
صدر میڈیا کوآرڈینیشن بیورو منہاج القرآن یورپ راؤ خلیل احمد اور منہاج القرآن انٹرنیشنل شارجہ کے ممبر فہیم احمد نے ناظم اعلیٰ ڈاکٹر رحیق احمد عباسی سے ملاقات کی۔ اس موقع پر ڈائریکٹر امورخارجہ منہاج القرآن انٹرنیشنل؛ جی ایم ملک بھی موجود تھے۔
منہاج القرآن انٹرنیشنل یونان کے ناظم محمد رمضان قادری نے مرکزی سیکرٹریٹ کا وزٹ کیا۔ انہوں نے اپنے دورے کے دوران ناظم اعلیٰ ڈاکٹر رحیق احمد عباسی اور ناظم امورخارجہ جی ایم ملک کو یونان کی تنظیمی صورتحال کے حوالے سے رپورٹ پیش کی۔ اس موقع پر ڈاکٹر رحیق احمد عباسی نے منہاج القرآن انٹرنیشنل یونان کی تنظیمی کارکردگی اور مشن کے فروغ کے لئے خدمات کو سراہا، کام میں مزید بہتری کے لئے ہدایت کی اور نئی انتظامیہ کے لئے نیک خواہشات کا اظہار کیا۔
علامہ محمد اقبال اعظم نے کہا کہ دنیا یتیم خانوں کے نام سے بے سہارا بچوں کو پناہ دیتی ہے لیکن شیخ الاسلام نے معصوم بچوں کی عزت نفس کو برقرار رکھتے ہوئے اور انہیں معاشرہ میں برابر مقام دینے کی خاطر پاکستان میں یتیم و بے سہارا بچوں کے لیے پناہ گاہ کو ’’آغوش‘‘ جیسا خوبصورت نام دیا۔
منہاج القرآن انٹرنیشنل میلان، اٹلی کے زیراہتمام لیلۃ القدر کا عظیم الشان روحانی اجتماع ہوا۔ یہ اجتماع منہاج القرآن اسلامک سنٹر ڈیزیو، میلان میں منعقد ہوا۔ نماز عشاء کے بعد صلوٰۃ التسبیح باجماعت ادا کی گئی۔
مرکز منہاج القرآن انٹرنیشنل لاکورنیو فرانس میں عید الفطر کے پر مسرت موقع پر نماز عید کے لئے چار 4 جماعتوں کا انتظام کیا گیا تھا، اس مرتبہ عید کے اجتماع میں یہ بات دیکھنے میں آئی کہ پاکستانیوں کی ایک ریکارڈ تعداد نے شرکت کی۔
اسلامی جمہوریہ ایران کے ناروے میں مقیم سفیر محترم غزالی اور ویلفیئر اتاشی جمشید پرویزی نے گذشتہ روز منہاج القرآن انٹرنیشنل درامن، ناروے کے مرکز کا وزٹ کیا اور منہاج القرآن انٹرنیشنل درامن کے قائدین سے ملاقات کی اور ایک ساتھ روزہ افطار کیا۔
4M
فیس بک
2M
ٹوٹر
© 1994 - 2025 Minhaj-ul-Quran International.
