سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
بانی و سرپرست تحریک منہاج القرآن شیخ الاسلام ڈاکٹر محمد طاہرالقادری نے تحریک منہاج القرآن اسلامک سنٹر ڈنمارک کے سابق ڈائریکٹر و ممبر سپریم کونسل سیدمحمود الحسن شاہ کے انتقال پر جامع شیخ الاسلام میں منعقدہ تعزیتی ریفرنس سے خطاب کرتے ہوئے کہاکہ اللہ رب العزت نے دیار غیر میں سید محمود الحسن شاہ سے خدمت دین کا بے مثال کام لیا۔ وہ تحریک منہاج القرآن کے سرگرم رہنما اور ہر وقت خدمت خلق کے جذبہ سے سرشار رہتے تھے۔
منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری کی تصنیف ”دستور مدینہ اور فلاحی ریاست کا تصور“ کی تقریب رونمائی 26 جنوری 2024ء بروز جمعۃ المبارک شام 6 بجے ایوانِ اقبال لاہور میں ہو گی۔
منہاج القرآن انٹرنیشنل کے صدر پروفیسر ڈاکٹر حسین محی الدین قادری کی مصطفوی سٹوڈنٹس موومنٹ کے بانی راہنما ملک سعید عالم کے والدِ گرامی کے لیے منعقدہ دعائیہ تقریب میں شرکت، مصطفوی سٹوڈنٹس موومنٹ کے بانی راہنما ملک سعید عالم کے والدِ گرامی حاجی ملک شیر عالم (مرحوم) کے ایصال ثواب کے لئے منہاج القرآن کے مرکزی سیکرٹریٹ گوشہ درود میں قرآن خوانی کی گئی۔
تحریک منہاج القرآن کے بانی و سرپرست شیخ الاسلام ڈاکٹر محمد طاہرالقادری نے منہاج القرآن کے مرکزی سیکرٹریٹ میں منہاج القرآن علماء کونسل کے زیر اہتمام منعقدہ شانِ صدیق اکبر رضی اللہ عنہ کانفرنس سے خطاب کرتے ہوئے کہا کہ سورۃ توبہ آیت نمبر 40 میں سیدنا ابوبکر صدیق رضی اللہ عنہ کی صحابیت اور صدیقیت پر نص قرآنی وارد ہوئی، یہ فضیلت قرآن کی عطاء کردہ ہے۔
پاکستان عوامی تحریک کے مرکزی نائب صدر میاں زاہد اسلام کے والد میاں اسلام (مرحوم) کے ایصال ثواب کے لئے منہاج القرآن کے مرکزی سیکرٹریٹ گوشہ درود میں قرآن خوانی کی گئی۔ دعائیہ تقریب میں منہاج القرآن انٹرنیشنل کے صدر پروفیسر ڈاکٹر حسین محی الدین قادری نے خصوصی شرکت و دعا کروائی اور میاں زاہد اسلام سے اظہار تعزیت کیا۔
پاکستان عوامی تحریک کے مرکزی نائب صدر میاں زاہد اسلام کے والد میاں اسلام کی نماز ادا کر دی گئی۔ نماز جنازہ منہاج القرآن انٹرنیشنل کے صدر پروفیسر ڈاکٹر حسین محی الدین قادری نے پڑھائی۔ نماز جنازہ میں ناظم اعلیٰ خرم نواز گنڈا پور سمیت نائب ناظمین اعلیٰ، ڈائریکٹر شعبہ جات، فورمز کے صدور اور پاکستان عوامی تحریک کے مرکزی قائدین و کارکنان نے بڑی تعداد میں شرکت کی۔
ڈپلومہ ان قرآن سٹڈیز 2023ء کی اختتامی تقریب مرکز منہاج القرآن پر منعقد ہوئی۔ جس کی صدارت بریگیڈیئر اقبال احمد خان نائب صدر تحریک منہاج القرآن انٹرنیشنل نے کی۔ تقریب میں ڈائریکٹر نظامت ایجوکیشن اینڈ پروفیشنل ڈویلپمنٹ حافظ محمد سعید رضا بغدادی نے خصوصی شرکت کی۔
تحریک منہاج القرآن کے بانی و سرپرست شیخ الاسلام ڈاکٹر محمد طاہرالقادری نے منہاج القرآن انٹرنیشنل کی سپریم کونسل کے ممبر، سینئر مرکزی راہ نما علامہ سید محمود شاہ الازہری کے انتقال پر گہرے دکھ اور غم کا اظہار کیا ہے
ڈائریکٹر جنرل ریلیجس ایجوکیشن میجر جنرل (ر) ڈاکٹر غلام قمر نے نظام المدارس پاکستان کے مرکزی سیکرٹریٹ کا دورہ کیا۔ مرکزی سیکرٹریٹ پہنچنے پر ڈپٹی چیئرمین نظام المدارس پاکستان خرم نواز گنڈاپور، نائب صدر بریگیڈیئر(ر) اقبال احمد خان، ناظم امتحانات علامہ عین الحق بغدادی، ڈاکٹر ممتاز الحسن باروی، محمد فاروق رانا، علامہ اشتیاق چشتی، ساجد برہانی، نوراللہ صدیقی نے ان کا استقبال کیا۔ ڈائریکٹر رجسٹریشن ریلیجس ایجوکیشن فیصل شیر بھی ان کے ہمراہ تھے۔
بانی پاکستان قائد اعظم محمد علی جناحؒ کے 148ویں یوم ولادت کے موقع پر تحریک منہاج القرآن کے زیراہتمام مرکزی سیکرٹریٹ میں پروقار تقریب کا انعقاد کیا گیا۔ تقریب کی صدارت صدر منہاج القرآن انٹرنیشنل پروفیسر ڈاکٹر حسین محی الدین قادری نے کی۔ تقریب میں بانی پاکستان قائد اعظم محمد علی جناحؒ کو زبردست خراج عقیدت پیش کیا گیا، کیک کاٹا گیا، ملکی سلامتی و خوشحالی کیلئے دعا کی گئی۔
تحریک منہاج القرآن کے بانی و سرپرست شیخ الاسلام ڈاکٹر محمد طاہرالقادری عمرہ کی سعادت حاصل کرنے کے لئے سعودی عرب پہنچ گئے ہیں۔ منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری بھی اہل خانہ کے ہمراہ عمرہ کی سعادت حاصل کرنے کے لئے سعودی عرب میں ہیں۔
یکسپو سینٹر کراچی میں منعقدہ پانچ روزہ عالمی کتب میلے میں منہاج القرآن پبلی کیشنز کا بک سٹال عوامی توجہ کا مرکز بنا رہا۔ اس موقع پر لوگوں نے منہاج القرآن پبلی کیشنز کے بک سٹال سے شیخ الاسلام ڈاکٹر محمد طاہرالقادری، ڈاکٹر حسن محی الدین قادری اور پروفیسر ڈاکٹر حسین محی الدین قادری کی سیکڑوں کتب کی خریداری کی۔
منہاج القرآن انٹرنیشنل کے صدر پروفیسر ڈاکٹر حسین محی الدین قادری نے ”ضرورت مذہب اور وجود باری تعالیٰ“کے موضوع پر جامع شیخ الاسلام میں نماز جمعہ کے اجتماع سے فکر انگیز خطاب کرتے ہوئے کہا کہ فقط بیمار ذہنیت خدا کے وجود سے انکار کر سکتی ہے۔ دنیا کا ہر الہامی اور غیر الہامی مذہب اور سائنس خدا کے وجود کی معترف ہے۔
انٹرفیتھ ریلیشنز منہاج القرآن کے زیراہتمام مسیحی برادری سے اظہار یکجہتی کیلئے کرسمس کے حوالے سے تقریب منعقد ہوئی۔ تقریب میں پاکستان کی سلامتی،خوشحالی اور امن کیلئے دعا کی گئی۔ تقریب میں پاسٹر الائنس شاہدرہ کے مسیحی رہنماؤں نے خصوصی شرکت کی۔
شیخ عبدالمولی عبدالباری خطیب جامع مسجد کویت کو پاکستان عوامی سوسائٹی کے ذمہ داران نے حضور شیخ الاسلام ڈاکٹر محمد طاہرالقادری دامت برکاتہم العالیہ کی تصنیف الموسوعۃ القادریہ فی العلوم الحدیثیہ بطور تحفہ پیش کیا۔
4M
فیس بک
2M
ٹوٹر
© 1994 - 2025 Minhaj-ul-Quran International.
