سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے جامعہ عروۃ الوثقیٰ میں ”وحدت امت و منہج رسالت کانفرنس“ سے خطاب کرتے ہوئے کہاکہ امت کو آج اتحاد کی ضرورت ہے۔ تمام مسالک جدا جدا خوشبو والے خوشنما پھول ہیں۔ یہ پھول یکجا ہوں تو اسلام کا گلدستہ مکمل ہوتا ہے۔ نقطہ نظر کے احترام سے اتحاد امت فروغ پائے گا۔ اللہ اور اس کے رسول ﷺ کی اطاعت ہی صراط مستقیم ہے۔
کنگ ایڈورڈ میڈیکل یونی ورسٹی کے سابق وائس چانسلر اور شیخ الاسلام ڈاکٹر محمد طاہرالقادری کے معالج پروفیسر ڈاکٹر ممتاز الحسن قضاے اِلٰہی سے انتقال فرما گئے ہیں، إنا لله وإنا إليه راجعون۔ شیخ الاسلام ڈاکٹر محمد طاہرالقادری نے اپنے تعزیتی پیغام میں کہا کہ مرحوم بلا شبہ ایک درد مند دل کے حامل، اِنسانیت نوازی کے جذبے سے سرشار اور ہمہ وقت مخلوقِ خدا کی خدمت کے لیے مستعد ہستی تھے۔
تحریک منہاج القرآن کے زیراہتمام تحریک منہاج القرآن کے روحانی سرپرست حضور قدوۃ الاولیاء پیر سیدنا طاہرعلاؤالدین القادری الگیلانی البغدادی ؒ کے یوم ولادت کے موقع پر دعائیہ تقریب مرکزی سیکرٹریٹ میں منعقد ہوئی، جس میں چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے خصوصی شرکت و دعا کی۔
بانی و سرپرست اعلیٰ تحریک منہاج القرآن شیخ الاسلام ڈاکٹر محمد طاہرالقادری کی بنگلا دیش میں نئی طبع ہونے والی چار کتب کی تقریبِ رونمائی ڈھاکہ کے ایک مقامی ہوٹل میں منعقد ہوئی۔ نئی کتب میں عرفان القرآن (انگریزی ترجمۂ قرآن)، عرفان القرآن (بنگالی ترجمہ قرآن)، سیرتِ نبوی ﷺ کا اصل خاکہ (انگریزی ورژن) اور سیرتِ نبوی کا اصل خاکہ (بنگالی ترجمہ) شامل ہیں۔
خانہ فرہنگ اسلامی جمہوریہ ایران لاہور میں ہفتہ وحدت کی مناسبت سے’’ اتحاد بین المسلمین قرآن کی نگاہ میں‘‘ کے عنوان سے کانفرنس منعقد کی، جس میں منہاج القرآن انٹرنیشنل کی نمائندگی مرکزی نائب ناظم اعلیٰ کوآرڈینیشن انجینئر محمد رفیق نجم نے کی۔ کانفرنس کی میزبانی قونصل جنرل محمد رضا ناظری اور ڈائریکٹر جنرل خانہ فرہنگ جعفر روناس نے کی۔ اس موقع پر انجینئر محمد رفیق نجم نے خانہ فرہنگ قونصلیٹ جنرل اسلامی جمہوریہ ایران کو پروگرام کے انعقاد پر مبارکباد دی۔
منہاج القرآن انٹرفیتھ ریلیشنز کے زیراہتمام تحریک منہاج القرآن کے مرکزی سیکرٹریٹ پر جاری 12 روزہ محافل میلاد النبی ﷺ و ضیافت میلاد میں مسلم، مسیحی، ہندو، سکھ رہنماؤں اور مختلف مکاتب فکرکے جید علماء کرام نے شرکت کی۔ تقریب میں تحریک منہاج القرآن کے مرکزی قائدین ممتاز، سیاسی، سماجی و دیگر دیگر شعبہ ہائے زندگی سے تعلق رکھنے والی شخصیات نے بھی شرکت کی۔ صدر منہاج القران انٹرنیشنل ڈاکٹر حسین محی الدین قادری نے تقریب کی صدارت کی جبکہ مسیحی رہنما، ڈائریکٹر کرسچن سٹڈی سنٹر بشپ رابرٹ سیموئیل عزرایا مہمان خصوصی تھے۔
معروف ماہر معیشت، ایک سو سے زائد ریسرچ پیپرز اور کتب کے مصنف منہاج القرآن انٹرنیشنل کے صدر ڈاکٹر حسین محی الدین قادری پروفیسر آف اکنامکس کے عہدہ پر ترقی پا گئے ہیں۔ وہ 2017ء سے سکول آف اکنامکس اینڈ فنانس منہاج یونیورسٹی لاہور میں ایسوسی ایٹ پروفیسر کے طور پر خدمات انجام دے رہے تھے۔ منہاج یونیورسٹی لاہور کے فیکلٹی ممبرز نے پروفیسر کا اعزاز ملنے پر انہیں مبارکباد دی ہے۔ ڈاکٹر حسین محی الدین قادری منہاج یونیورسٹی لاہور کے بورڈ آف گورنرز کے ڈپٹی چیئرمین بھی ہیں۔
منہاج القرآن انٹرنیشنل ہانگ کانگ کے زیراہتمام سالانہ محفل استقبال ربیع الاول مورخہ 24 ستمبر بروز ہفتہ بعد نماز عشاء جامع مسجد کولون میں منعقد ہوئی، جس کا آغاز علامہ اسد صدیق نے تلاوت قرآن کریم سے کیا جبکہ نعت شریف ثقلین ریاض نے پیش کی۔ علامہ حافظ محمد نسیم خان نقشبندی ڈائریکٹر منہاج القرآن ہانگ کانگ نے اپنے خطاب میں کہا کہ ہمارے ایمان کی بقا فقط تعلق و عشق مصطفی صلی اللہ علیہ واٰلہ وسلم میں ہے۔ صحابہ کرام رضی اللہ عنہم کی کامیابی کا راز اسی میں تھا کہ وہ پیارے آقا کریم صل اللہ علیہ واٰلہ وسلم کی محبت، عشق اور ادب میں فنا تھے۔
شیخ الاسلام ڈاکٹر محمد طاہرالقادری نے جامعہ اسلامیہ منہاج القرآن کے چھٹے کانووکیشن میں شریک طلباء و طالبات و اساتذہ سے خطاب کرتے ہوئے کہا کہ علم کے سفر میں چار چیزیں پیش نظر رکھی جائیں ان میں تعلیم العلم، تعلیم الادب، تعلیم الخلق، تعلیم التربیۃ شامل ہیں یعنی علم کے ساتھ ساتھ ادب بھی سیکھو، اچھی تربیت اور اخلاق سنوارنے پر توجہ دو۔
الازہر یونیورسٹی کے سابق وائس چانسلر ڈاکٹر ابراہیم صالح السید سلیمان اور شیخ احمد محمود حسن شریف نے منہاج یونیورسٹی لاہور کا دورہ کیا۔ اس موقع پر منہاج یونیورسٹی کے ڈپٹی چیئرمین بورڈ آف گورنرز ڈاکٹر حسین محی الدین قادری نے معزز مہمانوں کو منہاج یونیورسٹی آمد پر خوش آمدید کہا اور یونیورسٹی کا تفصیلی دورہ کروایا۔
منہاج القرآن انٹرنیشنل کے زیراہتمام مسی ساگا مسلم کمیونٹی سنٹر اونٹاریو میں سالانہ میلاد کانفرنس منعقد ہوئی، جس کی صدارت شیخ حماد مصطفیٰ المدنی القادری نے کی۔ انہوں نے میلاد کانفرنس میں ’’محمد مصطفی ﷺ کی آمد بحیثیت محسن انسانیت کے موضوع پر خطاب کرتے ہوئے کہا کہ تاجدارِ کائنات حضرت محمد ﷺ کی آمد سے دنیا سے جہالت کے اندھیرے چھٹ گئے اور رشد و ہدایت کے دور کا آغاز ہوا۔ آپ ﷺ نے انسانیت کی عزت و تکریم کا درس دیا اور ریاست مدینہ کو ایک مکمل انسانی معاشرہ بنایا جہاں مذہب، قبیلے، برادری اور لسانی بنیادوں کی بجائے قومیت کا نظریہ دیا گیا اور سب کو ایک قوم بنا دیا گیا۔
منہاج القرآن انٹرنیشنل کے زیرِاہتمام مینارِ پاکستان لاہور پر منعقد ہونے والی 39ویں عظیم الشان عالمی میلاد کانفرنس 2022ء میں شرکت کے لیے مصر سے بطور مہمان خصوصی تشریف لانے والے سابق رئیس جامعۃ الازہر الشیخ الدکتور ابراہیم صلاح الھدھد اور فضیلۃ الشیخ سید احمد محمود الازہری (جامع الازہر، مصر) نے ڈاکٹر حسن محی الدین قادری کی معیت میں مرکز علم و تحقیق فرید ملتؒ ریسرچ انسٹی ٹیوٹ کا علمی دورہ فرمایا۔
شیخ الاسلام ڈاکٹر محمد طاہرالقادری نے 39ویں عالمی میلاد کانفرنس سے خطاب کرتے ہوئے کہا کہ مذہب کے نام پر جھگڑنے اور علمی اختلاف رائے کو دشمنی میں تبدیل کرنے والے مصطفوی تعلیمات کو بھول گئے۔ اسلام اول روز سے دین امن و سلامتی رہا ہے۔ وحدت و یکجہتی اور خوشحالی و استحکام امت کیلئے سیرت النبی ﷺ کی پیروی کرنا ہو گی۔
عید میلاد النبی ﷺ کی مناسبت سے منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری اور صدر منہاج القرآن انٹرنیشنل ڈاکٹر حسین محی الدین قادری کی طرف سے ایوانِ قائد پر محفلِ نعت اور ضیافتِ میلاد کا اہتمام کیا گیا۔
تحریک منہاج القرآن کی 39ویں عالمی میلاد کانفرنس 11 اور 12 ربیع الاول کی درمیانی شب 8 اکتوبر کو مینار پاکستان کے سبزہ زار میں ہوگی، تیاریاں مکمل ہوگئیں۔ شیخ الاسلام ڈاکٹر محمد طاہرالقادری کانفرنس سے خصوصی خطاب کریں گے۔ مینار پاکستان کے سبزہ زار میں روزانہ ضیافت میلاد کا اہتمام کیا جا رہا ہے۔ 39ویں عالمی میلاد کانفرنس کیلئے مینار پاکستان میں مرد و خواتین کے لئے الگ الگ پنڈال بنائے گئے ہیں۔
4M
فیس بک
2M
ٹوٹر
© 1994 - 2025 Minhaj-ul-Quran International.
