اہم سرگرمياں

منہاج القرآن انٹرنیشنل سویڈن کے صدر سید محمود شاہ الازھری کی والدہ محترمہ کیلئے دعائیہ تقریب

منہاج القرآن انٹرنیشنل سویڈن کے صدر سید محمود شاہ الازھری کی والدہ محترمہ کیلئے دعائیہ تقریب

منہاج القرآن انٹرنیشنل سویڈن کے صدر سید محمود شاہ الازھری کی والدہ محترمہ کے ایصال ثواب کیلئےمرکزی سیکرٹریٹ دعائیہ تقریب کا انعقاد کیا گیا، جس میں چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری اور صدر منہاج القرآن انٹرنیشنل ڈاکٹر حسین محی الدین قادری نے کی شرکت کی۔

دعائیہ تقریب کا آغاز تلاوت قرآن پاک سے ہوا اور ظہیر بلالی برادران نے بارگاہِ رسالت مآب میں ہدیہ عقیدت پیش کیا، اس موقع پر ڈاکٹر حسن محی الدین قادری نے ’’والدین کی عظمت و شان‘‘ کے حوالے سے گفتگو کی۔ آخر میں ڈاکٹر حسین محی الدین قادری نے مرحومہ کے لیے بلندی درجات کی دعا کی۔

20 اپریل 2022ء

شہر اعتکاف کی تیاریاں مکمل، ہزاروں فرزندان توحید شہر اعتکاف کے مکین بنیں گے

شہر اعتکاف کی تیاریاں مکمل، ہزاروں فرزندان توحید شہر اعتکاف کے مکین بنیں گے

منہاج القرآن انٹرنیشنل کے زیراہتمام رمضان المبارک کے آخری عشرے سے شروع ہونے والے شہر اعتکاف کو معتکفین کے لیے سجا دیا گیا ہے، اندرون بیرون ملک سے ہزراہا معتکفین شریک ہوں گے، شیخ الاسلام ڈاکٹر محمد طاہرالقادری نماز تراویح کے بعد ویڈیو لنک پر ''طہارۃ القلوب'' کے موضوع پر خطابات کریں گے، اس حوالے سے سیکرٹری شہر اعتکاف جواد حامد نے بتایا کہ معتکفین کے آرام و سکون کے لیے جملہ انتظامات مکمل کر لیے گئے ہیں، انھوں نے بتایا کہ معتکفین کے لیے کورونا ویکسینیشن کارڈ ہمراہ لانا ضروری ہے اور سکیورٹی کے فول پروف انتظامات کئے گئے ہیں۔

20 اپریل 2022ء

نظام المدارس کو پروفیشنل بورڈ کے طور پر چلایا جائے: ڈاکٹر حسن محی الدین قادری کی نظام المدارس کے مرکزی عہدیداروں سے ملاقات میں گفتگو

نظام المدارس کو پروفیشنل بورڈ کے طور پر چلایا جائے: ڈاکٹر حسن محی الدین قادری کی نظام المدارس کے مرکزی عہدیداروں سے ملاقات میں گفتگو

نظام المدارس پاکستان کے سرپرست و چیئرمین سپریم کونسل ڈاکٹر حسن محی الدین قادری نے کہا ہے کہ مختصر وقت میں اصلاح شدہ دینی نصاب کی تیاری و نفاذ اور نئے نصاب کے تحت ہزار ہا طلبہ کے کامیاب امتحانات کا انعقاد بہت بڑی کامیابی ہے۔ نظام المدارس پاکستان مدارس دینیہ کی ترقی و استحکام اور نئے تعلیمی و تربیتی عہد کے آغاز کے حوالے سے سنگ میل ثابت ہوا ہے۔ ان خیالات کا اظہار انہوں نے نظام المدارس پاکستان کے وائس چیئرمین بورڈ آف گورنرز خرم نواز گنڈاپور، صدر نظام المدارس پاکستان علامہ الحاج امداد اللہ خان قادری، ناظم اعلیٰ علامہ میر آصف اکبر، ناظم امتحانات علامہ عین الحق بغدادی، ڈاکٹر شفاقت بغدادی، مفتی خلیل حنفی، علامہ اشفاق چشتی سے ملاقات کے دوران کیا۔

19 اپریل 2022ء

ڈاکٹر حسن محی الدین قادری کا منہاج القرآن گجرات کے رہنماء چوہدری گلریز اختر وڑائچ ایڈووکیٹ سے اظہار تعزیت

ڈاکٹر حسن محی الدین قادری کا منہاج القرآن گجرات کے رہنماء چوہدری گلریز اختر وڑائچ ایڈووکیٹ سے اظہار تعزیت

چیئرمین سپریم کونسل ڈاکٹر حسن محی الدین قادری نے گجرات میں منہاج القرآن گجرات کے رہنماء چوہدری گلریز اختر وڑائچ ایڈووکیٹ سے ان کی رہائش پر ان کے والد محترم چوہدری محمد خان وڑائچ مرحوم کے انتقال پر اظہارِ تعزیت کیا۔ انہوں نے مرحوم کی تحریک منہاج القرآن کے لیے خدمات کو خراج تحسین پیش کیا اور ان کی بخشش و مغفرت کی دعا بھی کی۔

18 اپریل 2022ء

ڈاکٹر حسن محی الدین قادری کا منہاج القرآن گجرات کے بانی ممبر غلام سرور قادری مرحوم کے بیٹوں سے اظہار تعزیت

ڈاکٹر حسن محی الدین قادری کا منہاج القرآن گجرات کے بانی ممبر غلام سرور قادری مرحوم کے بیٹوں سے اظہار تعزیت

چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے گجرات آمد پر تحریک منہاج القرآن گجرات کے بانی ممبر غلام سرور قادری (مرحوم) کے بیٹوں سے ان کی رہائش گاہ پر ملاقات کی اور ان کے والد گرامی کے انتقال پر اظہارِ تعزیت کیا۔ اس موقع پر انہوں نے مرحوم کے لیے بلندی درجات کی دعا بھی کی۔

18 اپریل 2022ء

تحریک منہاج القرآن کا شہر اعتکاف (تزکیۂ نفس، تصفیۂ قلب، فہمِ دین، اصلاحِ احوال، تہذیبِ اخلاق اور روحانی تربیت و ترقی کا ‏مرکز)

تحریک منہاج القرآن کا شہر اعتکاف (تزکیۂ نفس، تصفیۂ قلب، فہمِ دین، اصلاحِ احوال، تہذیبِ اخلاق اور روحانی تربیت و ترقی کا ‏مرکز)

تحریک منہاج القرآن کا امتیازی وصف یہ ہے کہ اِس نے فرد کے در قلب پر دستک دی ہے اور روحوں کا زنگ اتار کر دلوں کا میل بھی دھو دیا ہے۔ اس کی ایک مثال جامع المنہاج (بغداد ٹاؤن) لاہور میں ہر سال آباد ہونے والا شہرِ اعتکاف ہے۔ 1990ء میں شیخ الاسلام ’جامع شیخ الاسلام‘ مسجد ماڈل ٹاؤن میں معتکف ہوئے تو آپ کے ساتھ 50 افراد بھی وہیں گوشہ نشین ہو گئے۔ 1991ء میں یہ تعداد مزید بڑھی تو اس مسجد کی وسعت تنگ محسوس ہونے لگی، 1992ء میں ٹاؤن شپ میں واقع جامع المنہاج باقاعدہ اجتماعی اعتکاف کے انعقاد کی مستقل جگہ قرار پائی، اور معتکفین کی تعداد 1500 ہوگئی۔ 1992ء سے معتکفین کی تعداد سال بہ سال بڑھتی گئی جو 2019 میں 20 ہزار تک پہنچ چکی ہے۔

19 اپریل 2022ء

گجرات: منہاج القرآن انٹرنیشنل فرانس کے سینئر رہنماء حاجی گلزار احمد کی والدہ مرحومہ کیلئے قل خوانی

گجرات: منہاج القرآن انٹرنیشنل فرانس کے سینئر رہنماء حاجی گلزار احمد کی والدہ مرحومہ کیلئے قل خوانی

منہاج القرآن انٹرنیشنل فرانس کے بانی ممبر و سینئر رہنما حاجی گلزار احمد کی والدہ مرحومہ کے ایصال ثواب کیلئے جامع مسجد صفہ حرم نیو شادمان کالونی گجرات میں ختم قل خوانی منعقد ہوئی، جس میں چیئرمین سپریم کونسل ڈاکٹر حسن محی الدین قادری نے خصوصی شرکت کی۔ اس موقع پر انہوں نے خطاب کرتے ہوئے حاجی گلزار احمد کی تحریک منہاج القرآن کے لیے خدمات کو سراہا۔

18 اپریل 2022ء

تحریک منہاج القرآن کے شہر اعتکاف کی تیاریاں و انتظامات آخری مراحل میں داخل

تحریک منہاج القرآن کے شہر اعتکاف کی تیاریاں و انتظامات آخری مراحل میں داخل

تحریک منہاج القرآن کے زیراہتمام شہر اعتکاف کی تیاریاں و انتظامات آخری مراحل میں داخل ہو گئے، تحریک منہاج القرآن کے زیراہتمام حرمین شریفین کے بعد دنیائے اسلام کے سب سے بڑے شہر اعتکاف میں ملک بھر اور بیرون ممالک سے جامع المنہاج میں ہزاروں افراد اجتماعی اعتکاف بیٹھیں گے۔ شیخ الاسلام ڈاکٹر محمد طاہرالقادری دامت برکاتہم العالیہ اجتماعی اعتکاف کے موقع پر طہارۃ القلوب باطنی امراض اور ان کا علاج کے موضوع پر خصوصی خطابات فرمائیں گے۔

19 اپریل 2022ء

منہاج ویلفیئر فاؤنڈیشن کے زیراہتمام رمضان المبارک میں راشن کی تقسیم

منہاج ویلفیئر فاؤنڈیشن کے زیراہتمام رمضان المبارک میں راشن کی تقسیم

منہاج ویلفیئر فاؤنڈیشن کے زیراہتمام رمضان المبارک کے مقدس و بابرکت مہینے میں مستحق خاندانوں میں راشن تقسیم کرنے کی تقریب منعقد ہوئی، جس میں سینکڑوں خاندانوں کو کھانے پینے کی اشیاء پر مشتمل راشن بیگ دیئے گئے۔ اس موقع پر ناظم اعلیٰ تحریک منہاج القرآن خرم نواز گنڈاپور، منہاج ویلفیئر فاؤنڈیشن پاکستان کے کنٹری ڈائریکٹر سید امجد علی شاہ، خرم شہزاد، شہباز طاہر و دیگر رہنما موجود تھے۔

20 اپریل 2022ء

منہاجینز ڈے کے موقع پر سیشن 2016 کے منہاجینز کا آنلائن اجلاس

منہاجینز ڈے کے موقع پر سیشن 2016 کے منہاجینز کا آنلائن اجلاس

جامعہ اسلامیہ منہاج القرآن، منہاج یونیورسٹی سے فارغ التحصیل طلباء منہاجینز سیشن 2016 کا آنلائن اجلاس منہاجینز ڈے کے موقع پر 17 اپریل کو بذریعہ زوم ایپ ہوا۔ اس موقع پر ملک بھر اور دنیا بھر میں خدمات سرانجام دینے والے منہاجینز نے اجلاس میں شرکت کی۔ اجلاس میں ناظم منہاجینز علامہ راجہ محمد حنیف بھی شریک ہوئے۔ تلاوت و نعت کے بعد اجلاس میں شیخ الحدیث علامہ حافظ محمد معراج الاسلام رحمۃ اللہ علیہ کے یوم وصال کی مناسبت سے آپ کے افکار و نظریات، تعلیم و تربیت، تصوفانہ پہلو، للہیت اور آپ کی 50 سالہ تدریسی و حدیث مبارکہ کی خدمات پر لیکچر ہوا اور سیر حاصل گفتگو ہوئی۔

17 اپریل 2022ء

شہر اعتکاف میں شیخ الاسلام ڈاکٹر محمد طاہرالقادری ’’طہارۃ القلوب‘‘ کے موضوع پر خطابات کریں گے

شہر اعتکاف میں شیخ الاسلام ڈاکٹر محمد طاہرالقادری ’’طہارۃ القلوب‘‘ کے موضوع پر خطابات کریں گے

تحریک منہاج القرآن کے اجتماعی شہر اعتکاف 2022ء میں شیخ الاسلام ڈاکٹر محمد طاہرالقادری دامت برکاتہم العالیہ روزانہ خصوصی خطابات فرمائیں گے۔ آپ نے شہر اعتکاف کے لیے ’’طہارۃ القلوب‘‘ باطنی امراض اور ان کا علاج، کا موضوع منتخب کیا ہے۔ شیخ الاسلام کے خطابات منہاج ٹی وی اور آپ کے آفیشل یوٹیوب چینل ڈاکٹر قادری کے ذریعے روزانہ براہ راست نشر کیے جائیں گے۔

16 اپریل 2022ء

تحریک منہاج القرآن بھکر کے سابق ناظم شیخ ظہور احمد انتقال کر گئے

تحریک منہاج القرآن بھکر کے سابق ناظم شیخ ظہور احمد انتقال کر گئے

تحریک منہاج القرآن بھکر کے سابق ناظم شیخ ظہور احمد انتقال کر گئے، انا للہ و انا الیہ راجعون۔ چیئرمین سپریم کونسل ڈاکٹر حسن محی الدین قادری نے مرحوم کے بیٹے شیخ شوکت معین سے اظہار تعزیت کیا اور قائد تحریک منہاج القرآن شیخ الاسلام ڈاکٹر محمد طاہرالقادری مدظلہ العالیٰ کا تعزیتی پیغام بھی دیا۔ ڈاکٹر حسن محی الدین قادری نے کہا کہ شیخ ظہور احمد مرحوم تحریک منہاج القرآن کے دیرینہ رفیق تھے، ان کی تحریک منہاج القرآن کیلئے گرانقدر خدمات ہیں۔

16 اپریل 2022ء

رمضان المبارک قلبی طہارت کے حصول کا مہینہ ہے: ڈاکٹر حسین محی الدین قادری کا جامع شیخ الاسلام میں جمعۃ المبارک کے اجتماع سے خطاب

رمضان المبارک قلبی طہارت کے حصول کا مہینہ ہے: ڈاکٹر حسین محی الدین قادری کا جامع شیخ الاسلام میں جمعۃ المبارک کے اجتماع سے خطاب

صدر منہاج القرآن انٹرنیشنل و منہاج یونیورسٹی لاہور کے بورڈ آف گورنرز کے ڈپٹی چیئرمین ڈاکٹر حسین محی الدین قادری نے جامع شیخ الاسلام میں جمعۃ المبارک کے عظیم الشان اجتماع سے خطاب کرتے ہوئے کہا ہے کہ رمضان المبارک ہر طرح کے باطنی فساد سے نجات اور قلبی طہارت کے حصول کا مہینہ ہے۔ ہم خوش قسمت ہیں کہ اللہ رب العزت نے ہمیں رمضان المبارک کی عظیم نعمت عطا فرمائی ہے اس کے ایک ایک لمحے کی برکات سمیٹی جائیں۔ انہوں نے کہا کہ مہنگائی کی وجہ سے اس سال بھی غریب روزہ داروں کو تکلیف سے گزرنا پڑ رہا ہے، دنیا کے تھوڑے سے منافع اور آسودگی کیلئے آخرت کو خراب کرنا سراسر گھاٹے کا سودا ہے۔

15 اپریل 2022ء

بچوں کی تربیت میں ماں ’’اکیڈمی‘‘ کا درجہ رکھتی ہے: علامہ محمد لطیف مدنی کا حاصل پور میں درس قرآن سے خطاب

بچوں کی تربیت میں ماں ’’اکیڈمی‘‘ کا درجہ رکھتی ہے: علامہ محمد لطیف مدنی کا حاصل پور میں درس قرآن سے خطاب

تحریک منہاج القرآن حاصل پور کے زیراہتمام پانچ روزہ دروس عرفان القرآن کے سلسلہ کی پانچویں اور آخری نشست 13 اپریل 2022ء کو نماز فجر کے بعد منعقد ہوئی، اس موقع پر علامہ محمد لطیف مدنی نے درس قرآن دیا۔ انہوں نے ’’بچوں کی تربیت اور والدین کی ذمہ داری‘‘ کے موضوع پر گفتگو کرتے ہوئے کہا کہ اسلام نے انسان کی ہر سطح پر تربیت کا ایک جامع پلیٹ فارم مہیا کیا ہے۔ بچوں میں 7 سال کی عمر سے نماز کی فرضیت اس بات کا اعلان ہے کہ عملی طور پر بچہ ذمہ داری میں داخل ہو گیا ہے۔

13 اپریل 2022ء

کارکن کسی کی سیاسی جنگ کا حصہ نہ بنیں: شیخ الاسلام ڈاکٹر محمد طاہرالقادری کی ہدایت

کارکن کسی کی سیاسی جنگ کا حصہ نہ بنیں: شیخ الاسلام ڈاکٹر محمد طاہرالقادری کی ہدایت

تحریک منہاج القرآن کے بانی و سرپرست شیخ الاسلام ڈاکٹر محمد طاہرالقادری نے موجودہ سیاسی صورت حال کے تناظر میں کارکنان اور مرکزی ذمہ داران کو پالیسی گائیڈ لائن دیتے ہوئے کہا ہے کہ کارکن اور سوشل میڈیا ایکٹیوسٹس کسی سیاسی لڑائی، جھگڑے کا حصہ نہ بنیں۔ پرائی لڑائی میں کودنے کی ضرورت نہیں ہے۔ انہوں نے ویڈیو لنک پر ہدایات دیتے ہوئے کہا کہ ایک طرف اقتدار میں وہ لوگ آگئے ہیں جو ہمارے بے گناہ کارکنان کے قاتل ہیں اور دوسری طرف اقتدار سے بے دخل ہونے والے وہ لوگ ہیں جنہوں نے شہید کارکنوں کے انصاف کیلئے رتی برابر تعاون نہیں کیا بلکہ حال تک نہیں پوچھا۔ شہدائے ماڈل ٹاؤن کا انصاف ہمارے ایمان کا حصہ ہے اس سے پیچھے نہیں ہٹ سکتے۔

12 اپریل 2022ء

Admissions Open Minhaj University Lahore

eLearning by Minhaj-ul-Quran International

Official WhatsApp Group Dr Qadri

Ijazat Chains of Authority

Top