سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآن انٹرنیشنل کے صدر ڈاکٹر حسین محی الدین قادری نے کہا ہے کہ میڈیکل سائنس اور بیماریوں کی تشخیص میں جہاں حیرت انگیز ایجادات ہوئی ہیں اور علاج کی سہولیات میں ماضی کی نسبت کہیں زیادہ اضافہ ہوا ہے، وہاں امراض کی تشخیص اور علاج بھی انتہائی مہنگا ہوا ہے اور کم آمدنی والے افراد کے لئے علاج کے اخراجات ناقابل برداشت ہو چکے ہیں، ایسے حالات میں عام آدمی کے لئے نفع و نقصان کی سوچ کے بغیر سستے اور فوری علاج کی سہولیات کے لیے اقدامات کرنا، میڈیکل کیمپ لگانا بہت بڑی انسانی خدمت اور عبادت ہے۔
منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری 4روزہ تنظیمی دورہ پر ڈنمارک پہنچ گئے۔ سویڈن سے گوپن ہیگن ائیرپورٹ پر پہنچنے پر منہاج القرآن سویڈن کے رہنماوں نے آپ کا استقبال کیا۔ اس موقع پر سید محمود شاہ، چوہدری اکرم جوڑا، ڈاکٹر عرفان ظہور احمد، رضوان احمد چوہدری، فیصل نجیب، ظل حسن، اویس وڑائچ، بابر شفیع شیخ، بلال اوپل، قیصر نجیب، صبغت ریاض، شفقت ریاض، علی عمران اور منہاج القرآن انٹرنیشنل ڈنمارک کے جملہ فورمز (یوتھ لیگ، ویمن لیگ، سسٹر لیگ) کے ذمہ داران اور رفقاء و وابستگان نے ڈاکٹر حسن محی الدین قادری کا شاندار اور پرتپاک استقبال کیا۔
قائد تحریک شیخ الاسلام ڈاکٹر محمد طاہرالقادری کے پرسنل اسسٹنٹ بصیر احمد اور کالج آف شریعہ کے آئی ٹی مینجر تنویر احمد کی والدہ محترمہ کی نماز جنازہ مرکزی سیکرٹریٹ ماڈل ٹاؤن میں ادا کی گئی، نماز جنازہ منہاج القرآن انٹرنیشنل کے صدر ڈاکٹر حسین محی الدین قادری نے پڑھائی، نماز جنازہ کے بعد انہوں نے دعا بھی کرائی۔ اس موقع پر انہوں نے بصیر احمد، تنویر احمد اور فیملی ممبران کے ساتھ تعزیت بھی کی۔
چیئرمین سپریم کونسل ڈاکٹر حسن محی الدین قادری نے منہاج القرآن انٹرنیشنل سویڈن کے مختلف فورمز کے سربراہان و کارکنان سے ملاقات کی۔ اس موقع پر سید محمود شاہ اور منہاج القرآن سویڈن کے دیگر ذمہ داران بھی موجود تھے۔ ڈاکٹر حسن محی الدین قادری نے نشست میں تربیتی گفتگو کی۔
منہاج القرآن انٹرنیشنل Hallunda Folkets Hus سویڈن کے زیراہتمام منعقدہ کانفرنس میں خطاب کرتے ہوئے چیئرمین سپریم کونسل ڈاکٹر حسن محی الدین قادری نے خطاب کیا۔ انہوں نے کانفرنس سے ’’اسلام میں اتحاد و اتفاق کی اہمیت‘‘ کے موضوع پر خطاب کرتے ہوئے کہا کہ اسلام کی کلی تعلیمات سراپا امن و سلامتی ہیں۔ اسلام کو انتہاء پسندی اور دہشت گردی کے ساتھ جوڑنا تعصب اور ایک بہت بڑا فکری مغالطہ ہے۔ انہوں نے کہا کہ اسلام نے انسان ہی نہیں، نباتات حیوانات اور الغرض ہر ذی روح کے حقوق و فرائض کا تعین اور تحفظ کیا ہے۔
تحریک منہاج القرآن کے زیراہتمام شبِ برات کے مقدس و بابرکت موقع پر ’’محفل شب برات و ماہانہ مجلس ختم الصلٰوۃ علی النبی ﷺ‘‘ جامع شیخ الاسلام ماڈل ٹاؤن لاہور میں منعقد ہوئی، جس میں قائد تحریک شیخ الاسلام ڈاکٹر محمد طاہرالقادری دامت برکاتہم العالیہ نے بذریعہ ویڈیو لنک ’’شب برات اور آداب سوال‘‘ کے موضوع پر خطاب کرتے ہوئے کہا کہ یہ رات اللہ سے التجا کرنے اور سوال کرنے کا ادب سیکھنے کی رات ہے، آقا کریم ﷺ فرماتے ہیں نصف شعبان کی رات اللہ تبارک و تعالیٰ آسمان دنیا پر اپنی شان کے مطابق نزول اِجلال فرماتا ہے اور مانگنے والی کی ہر دعا قبول کرتا ہے۔ یہ رات اللہ سے التجا کرنے اور سوال کرنے کا ادب سیکھنے کی رات ہے، اگر مانگنے کا ادب آ جائے تو سوالی کو اس بارگاہ کے ساتھ جڑنے کا پتہ چلتا ہے۔
سابق ٹیسٹ کرکٹر مشتاق احمد نے منہاج القرآن کے مرکزی سیکرٹریٹ میں کالج آف شریعہ اینڈ اسلامک سائنسز کے زیراہتمام منعقدہ کل پاکستان بین الاکلیاتی ہفتہ تقریبات کے تیسرے روز تقریری مقابلوں کی تقریب میں بطور مہمان خصوصی خطاب کرتے ہوئے کہا کہ اسلام کردار کا نام ہے۔ پیغمبر اسلام ﷺ کی تعلیمات کا اسی صورت فائدہ ہوگا جب ہم انہیں اپنی زندگی کے ہر گوشے پر نافذ کریں گے۔ ہمیں اپنے مقام اور وقار کے لئے اپنے کردار سنوارنے پر توجہ دینی ہو گی۔
ڈاکٹر محمد طاہرالقادری کی 71ویں سالگرہ کے سلسلہ میں قائد ڈے تقریب سابق صدر منیر احمد گجر کی رہائش گاہ جلیب الشیوخ میں 24 فروری 2022ء کو منعقد ہوئی۔ تقریب میں پیرامیڈیکل اسٹاف کے معززین، وفرہ سے فیاض احمد اور سعید احمد کھوکھر ڈپٹی جنرل سیکریٹری PPP نے بھی شرکت کی۔ اس موقع پر شیخ الاسلام کی 71ویں سالگرہ کا کیک کاٹا گیا۔
قائد تحریک منہاج القرآن شیخ الاسلام ڈاکٹر محمد طاہرالقادری کے پرسنل اسسٹنٹ بصیر احمد، آئی ٹی مینجر تنویر احمد کی والدہ ماجدہ کی نماز جنازہ جامع المصطفٰی مسی ساگا، کینیڈا میں ادا کر دی گئی۔ شیخ الاسلام ڈاکٹر محمد طاہرالقادری نے مرحومہ کی نمازِ جنازہ پڑھائی اور ان کیلئے بلندیٔ درجات کی دعا فرمائی۔ نمازِ جنازہ میں منہاج القرآن انٹرنیشنل کینیڈا کے قائدین، رفقاء و وابستگان اور پاکستانی کمیونٹی کی مختلف شعبہ ہائے زندگی سے تعلق رکھنے والی شخصیات نے شرکت کی۔
کالج آف شریعہ اینڈ اسلامک سائنسز میں جاری 4 روزہ ہفتہ تقریبات کے آخری روز ”زوال کا سبب نظام ہے عوام نہیں“ کے موضوع پر اردو مباحثہ اور مقابلہ مضمون نویسی ہوا۔ ملک بھر سے 50 سے زائد یونیورسٹیز اور کالجز کے طلبا و طالبات نے ان مقابلوں میں شرکت کی۔ تقریب میں معروف قانون دان محمد اظہر صدیق ایڈووکیٹ، ناظم اعلیٰ منہاج القرآن انٹرنیشنل خرم نواز گنڈاپور، زیب سجادہ آستانہ عالیہ حضرت میاں میر سرکار پیر سید ہارون گیلانی، سابق نائب صدر لاہور بار ایسوسی ایشن ایم ایچ شاہین ایڈووکیٹ، معروف اداکار، ہدایتکار اور کامیڈین ہنی البیلا نے خصوصی شرکت کی۔
منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری 4 روزہ تنظیمی دورے پر سویڈن کے شہر مالمو پہنچ گئے۔ کوپن ہیگن ایئرپورٹ پر منہاج القرآن انٹرنیشنل یورپ زون ون کے صدر سید محمود شاہ الازھری، صدر MQI ڈنمارک ڈاکٹر عرفان ظہور، صدر منہاج ایجوکیشن بورڈ یورپ علی عمران قادری، جنرل سیکریٹری سویڈن بابر شفیع شیخ، صدر MQI مالمو عامر صادق، نائب صدر منھاج ویلفیر سویڈن شیخ اعجاز و دیگر عہدیداران نے چیئرمین سپریم کونسل کا پر پرتپاک استقبال کیا۔ اس موقع پر میاں عمران الحق صدر MQI جرمنی اور ڈاکٹر چن نصیب جنرل سیکریٹری MQI جرمنی بھی آپ کے ہمراہ موجود تھے۔
چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے دورہ جرمنی کے دوران ووپڑتال میں منعقدہ تنظیمی و تربیتی نشست میں خطاب کیا۔ اس موقع پر تربیتی نشست میں علامہ فرحت حسین شاہ ڈائریکٹر منہاج القرآن انٹرنیشنل میونخ، علامہ حافظ حسین برمین، علامہ حافظ علی طارق، میاں عمران صدر NEC اور چن نصیب سیکرٹری جنرل NEC نے شرکت کی۔ اس موقع پر گفتگو کرتے ہوئے ڈاکٹر حسن محی الدین قادری نے کہا کہ منہاج القرآن کے رفقاء ایک فیملی ہیں، اگر ایک دوسرے کا درد، غم محسوس کریں گے تو خیر بڑھتی جائے گی۔
منہاج القرآن انٹرنیشنل کویت کے زیراہتمام محفل معراج النبی صلی اللہ علیہ وآلہ وسلم 4 مارچ 2222 کو الطاہر ہاؤس سالمیہ منعقد ہوئی، جس میں منہاج القرآن کے قائدین، رفقاء واراکین اور دیگر عاشقان مصطفیٰ نے شرکت کی۔ محفل کا باقاعدہ آغاز تلاوت و نعت سے ہوا، طاہر محمود پروانہ نے تلاوت قرآن مجید کی۔ پروگرام کی نقابت کے فرائض الحاج عبدالرؤف بھٹی نے ادا کئے۔
منہاج القرآن انٹرنیشنل جرمنی کے تعاون سے پاکستان جرمن ایوریئنس اینی شیٹیو فورم کے زیراہتمام ڈاکٹر حسن محی الدین قادری کے اعزاز میں ایک ملاقاتی عشائیہ کا انعقاد کیا گیا، جس میں جرمنی میں مقیم پاکستانی کمیونٹی کے مختلف ماہرین نے شرکت کی۔ اس موقع پر چئیرمین سپریم کونسل منہاج القرآن انٹرنیشنل ڈاکٹر حسن محی الدین قادری نے جرمنی میں موجود نوجوان نسل میں مذہبی شعور کے حوالے سے گفتگو کی۔ نشست میں اس بات پر اتفاق کیا گیا کہ جرمنی میں مختلف مذاہب کے درمیان مذہبی رواداری، بین المذاہب امور اہم اہنگی کے تبادلہ اور باہمی احترام مذہب کے شعور کو مزید فروغ دینا ہم سب کی اجتماعی ذمہ داری ہے۔
کالج آف شریعہ اینڈ اسلامک سائنسز بزم منہاج کے زیراہتمام بین الکلیاتی مقابلوں کے دوسرے روز خطاب کرتے ہوئے صدر منہاج القرآن انٹرنیشنل ڈاکٹر حسین محی الدین قادری نے کہا کہ تعلیمات مصطفی ؐ اور سیرت مصطفی ؐ میں زندگی کے ہر شعبے میں درپیش مسائل کا حل اور گائیڈ لائن موجود ہے۔ ریاست مدینہ ایک ایسا انتظامی، سیاسی، سماجی ماڈل ہے جو قیامت تک کے لئے گائیڈ لائن مہیا کرتا ہے۔ ریاست مدینہ کے قیام سے پہلی بار سیاسی عدم استحکام کا خاتمہ ہوا۔
4M
فیس بک
2M
ٹوٹر
© 1994 - 2025 Minhaj-ul-Quran International.
