سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
شیخ الاسلام ڈاکٹر محمد طاہرالقادری کے آبائی گھر دارالفرید القادریہ جھنگ میں آپ کی 71ویں سالگرہ پر سالانہ قائد ڈے تقریب 19 فروری 2022ء کو منعقد ہوئی، جس کی صدارت صاحبزادہ الحاج صبغت اللہ قادری نے کی۔ تقریب میں تحریک منہاج القرآن جھنگ کے مقامی قائدین، کارکنان اور اہل علاقہ کے معززین نے بڑی تعداد میں شریک ہوئے۔
منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے اپنے دورہ برطانیہ کے چوتھے روز منہاج القرآن انٹرنیشنل کے عہدیدراوں اور پاکستانی کمیونٹیز کے نمائندہ افراد کی طرف سے دیئے گئے عشائیہ میں اظہار خیال کرتے ہوئے کہا کہ انتہا پسندی، عدم برداشت اور فرقہ واریت امہ کو درپیش بڑے چیلنج ہیں۔ ان چیلنجز سے نمٹنے کیلئے منہاج القرآن انٹرنیشنل شیخ الاسلام ڈاکٹر محمد طاہرالقادری کی قیادت میں ہمہ جہتی تعلیمی، فکری و اصلاحی کردار ادا کر رہی ہے۔ انہوں نے کہا کہ اتحاد امت، بین المذاہب رواداری اور انسداد دانتہا پسندی تحریک منہاج القرآن کے دعوتی اہداف ہیں۔
منہاج یونیورسٹی لاہور کے ڈائریکٹر تعمیرات محمد فرحان جاوید اور محمد عدنان جاوید (مرحوم) کے والد ڈاکٹر جاوید اقبال کے ایصال ثواب کیلئے جامع شیخ الاسلام ماڈل ٹاؤن لاہور میں دعائیہ تقریب کا اہتمام کیا گیا۔ دعائیہ تقریب میں صدر منہاج القرآن انٹرنیشنل ڈاکٹر حسین محی الدین قادری نے شرکت کی۔ اس موقع پر ناظم اعلیٰ خرم نواز گنڈاپور، جی ایم ملک، راجہ زاہد محمود، علامہ رانا محمد ادریس، نور اللہ صدیقی، میاں زاہد اسلام، سید امجد علی شاہ، جواد حامد، عبدالرحمٰن ملک، علی وقار قادری، علی محی الدین و دیگر قائدین، مرحوم کے عزیز و اقارب اور مرکزی سیکرٹریٹ کے جملہ سٹاف ممبران بھی دعائیہ تقریب میں شریک ہوئے۔
صدر منہاج القرآن انٹرنیشنل ڈاکٹر حسین محی الدین قادری نے کالج آف شریعہ اینڈ اسلامک سائنسز کے زیراہتمام منعقدہ شیخ الاسلام ڈاکٹر محمد طاہرالقادری کی 71ویں سالگرہ کے سلسلہ میں منعقدہ قائد ڈے تقریب میں اظہار خیال کرتے ہوئے کہا کہ حصولِ علم کے لئے تگ و دو کرنا اور علم کو انسانی فلاح و بہبود کے لئے استعمال کرنا پیغمبرانہ سنت ہے۔ علم سے قوموں کی تقدیریں بدلتیں اور کردار نکھرتے ہیں۔ اس موقع پر مفتی عبدالقیوم خان ہزاروی، پروفیسر نواز ظفر، ڈاکٹر ممتاز الحسن باروی، پروفیسر ڈاکٹر محمد اکرم رانا، سید امجد علی شاہ، ڈاکٹر خرم شہزاد، جواد حامد، صفدر علی محسن، جامعہ اسلامیہ منہاج القرآن کے اساتذہ، طلباء و طالبات نے بڑی تعداد میں شرکت کی۔
دارالعلوم فریدیہ قادریہ جھنگ صدر بستی صالح شاہ ملحقہ دربار عالیہ فرید ملت ڈاکٹر فریدالدین قادری رحمۃ اللہ علیہ پر شیخ الاسلام ڈاکٹر محمد طاہرالقادری کی 71ویں سالگرہ کے موقع پر قائد ڈے تقریب کا انعقاد کیا گیا، قائد ڈے تقریبات کا آغاز نماز فجر کے بعد قرآن خوانی سے ہوا، اس موقع پر دربار فرید ملت پر حاضری دی گئی۔ یہاں شیخ الاسلام کی درازی عمر اور صحت کے لیے دعا کی گئی۔
تحریک منہاج القرآن فیصل آباد کے زیراہتمام بانی و سرپرستِ اعلیٰ تحریک منہاج القرآن شیخ الاسلام ڈاکٹر محمد طاہرالقادری کی 71ویں سالگرہ کے سلسلہ میں مائدہ ریسٹورنٹ میں قائد ڈے کی تقریب کا اہتمام کیا گیا۔ تقریب میں نائب ناظم اعلیٰ علامہ رانا محمد ادریس قادری، بشارت عزیز جسپال، میاں عبدالقادر قادری اور حاجی امین القادری نے شرکت کی۔ اس موقع پر مقررین نے اظہار خیال کرتے ہوئے شیخ الاسلام ڈاکٹر محمد طاہرالقادری کی علمی، تجدیدی و دینی خدمات کو خراج تحسین پیش کیا۔
تحریک منہاج القرآن کے بانی و سرپرست اعلیٰ شیخ الاسلام ڈاکٹر محمد طاہرالقادری کا یوم پیدائش 19 فروری کو ہر سال کی طرح امسال بھی دنیا بھر میں منایا گیا، جس کا مرکزی پروگرام بعنوان ’’دعائیہ تقریب‘‘ منہاج القرآن کے مرکزی سیکرٹریٹ پر منعقد ہوا۔ تقریب میں شیخ الاسلام ڈاکٹر محمد طاہرالقادری نے ویڈیو لنک کے ذریعے شرکت فرمائی۔ زیب سجادہ دربار بابا فرید گنج شکر ؒ پیر احمد مسعود دیوان نے پروگرام کی صدارت کی۔ صدر منہاج القرآن انٹرنیشنل ڈاکٹر حسین محی الدین قادری نے خصوصی شرکت کی۔
ترکی کے اعلیٰ سطحی وفد نے وفاقی وزیر مذہبی امور ڈاکٹر نور الحق قادری کے ہمراہ منہاج القرآن انٹرنیشنل کے مرکزی سیکرٹریٹ کا دورہ کیا۔ برادر اسلامی ملک ترکی کے اعلیٰ سطحی وفد کی قیادت ترکی کے وفاقی وزیر مذہبی امور پروفیسر ڈاکٹر علی ارباش کر رہے تھے، اعلیٰ سطحی وفد نے نماز عصر گوشۂ درود میں ادا کی امامت پروفیسر ڈاکٹر علی ارباش نے کروائی۔ منہاج القرآن انٹرنیشنل کے ناظم اعلیٰ خرم نواز گنڈاپور، بریگیڈیئر (ر) اقبال احمد خان، سہیل رضا و دیگر قائدین نے مہمانوں کو خوش آمدید کہا۔
برادر اسلامی ملک ترکی کے وفاقی وزیر مذہبی امور پروفیسر ڈاکٹر علی ارباش نے منہاج یونیورسٹی لاہور میں اپنے اعزاز میں منعقدہ خصوصی تقریب سے خطاب کرتے ہوئے کہا کہ شیخ الاسلام ڈاکٹر محمد طاہرالقادری کی دینی و تعلیمی خدمات کے معترف ہیں۔ اسلام اور بین المذاہب رواداری کیلئے منہاج القرآن کی خدمات قابل تحسین ہیں۔ انہوں نے شیخ الاسلام ڈاکٹر محمد طاہرالقادری کو ان کی 71ویں سالگرہ پر مبارک باد دیتے ہوئے کہا کہ منہاج یونیورسٹی لاہور میں آ کر بہت خوشی ہوئی، امہ کو باوقار تعلیمی اداروں کی ضرورت ہے۔
منہاج القرآن انٹرنیشنل کے صدر، منہاج یونیورسٹی لاہور کے بورڈ آف ڈائریکٹرز کے ڈپٹی چیئرمین ڈاکٹر حسین محی الدین قادری نے جامع شیخ الاسلام ماڈل ٹاؤن لاہور میں جمعۃ المبارک کے اجتماع سے خطاب کرتے ہوئے کہا کہ اسلام نے انسان کو درپیش چیلنجز اور جملہ جسمانی، نفسیاتی عوارض کے حوالے سے جامع رہنمائی مہیا کی ہے۔ اسلام نے اینگر مینجمنٹ کے حوالے سے جو گائیڈ لائن دی ہے آج کی جدید نفسیاتی سائنس اس کی توثیق کر رہی ہے۔
شیخ الاسلام ڈاکٹر محمد طاہرالقادری کی 71ویں سالگرہ کی مناسبت سے منہاج یونیورسٹی لاہور کے زیراہتمام منعقدہ ’’فاؤنڈرز ڈے‘‘ کی تقریب میں اظہار خیال کرتے ہوئے گورنر پنجاب چودھری محمد سرور نے کہا کہ 11 / 7 کے دہشت گرد حملوں کے بعد یورپ میں مسلمانوں کے لئے حالات بہت تکلیف دہ ہو گئے تھے ان حالات میں ڈاکٹر طاہرالقادری نے دہشت گردی کے خلاف فتویٰ دے کر ثابت کیا کہ اسلام انسانیت کا محافظ دین ہے اس کا انتہا پسندی سے کوئی تعلق نہیں ہے۔ شیخ الاسلام ڈاکٹر محمد طاہرالقادری کے اس فتویٰ سے یورپ سمیت مغربی دنیا میں رہنے والے مسلمان خاندانوں کو حوصلہ ملا، یہی نہیں ڈاکٹر طاہرالقادری نے نوجوانوں کی تعلیم و تربیت کے لیے منہاج یونیورسٹی لاہور سمیت سینکڑوں ادارے بنائے جہاں قوم کے لاکھوں بچے زیور تعلیم سے آراستہ ہو رہے ہیں۔
منہاج القرآن انٹرنیشنل کے مرکزی سیکرٹریٹ میں شیخ الاسلام ڈاکٹر محمد طاہرالقادری کی 71ویں سالگرہ کے موقع پر منہاجینز فورم کے زیراہتمام منعقدہ خصوصی تقریب میں اظہار خیال کرتے ہوئے پاکستان پیپلز پارٹی کے سینئر رہنما سابق وفاقی وزیر قمرالزمان کائرہ نے کہا کہ ڈاکٹر طاہرالقادری نے بین المذاہب ردواداری، بین المسالک ہم آہنگی، اتحاد امت، فروغ علم و امن کیلئے جتنا کام کیا وہ ہمارے عہد کا بے مثال کام ہے۔ وہ اس دور میں ایک علمی تربیتی درسگاہ کی حیثیت رکھتے ہیں۔ انہوں نے زندگی کے ہر شعبے میں اصلاحات کا شعور دیا۔
حضرت مولا علی علیہ السلام کے یوم ولادت کے موقع پر 13 رجب 15 فروری 2022ء کو مرکزی سیکرٹریٹ میں ’’یوم علی‘‘ تقریب منعقد ہوئی، اس موقع پر بریگیڈئر ریٹائرڈ اقبال احمد خان، ناظم امور خارجہ جی ایم ملک اور دیگر قائدین نے کیک کاٹا اور تمام سٹاف ممبران کو یوم علی کی مبارکباد پیش کی۔ تقریب میں جی ایم ملک نے اظہار خیال کرتے ہوئے کہا کہ یوم علی منانا تحریک منہاج القرآن کی بنیادی تعلیمات کا حصہ ہے، شیخ الاسلام ڈاکٹر محمد طاہرالقادری نے ہمیشہ سیدنا علیٰ المرتضیٰ علیہ السلام کی علمی و عملی تعلیمات کو دنیا تک پہنچایا ہے
تحریک منہاج القرآن کی مرکزی نظامت امور خارجہ کے زیراہتمام شیخ الاسلام ڈاکٹر محمد طاہرالقادری کی 71ویں سالگرہ کے سلسلہ میں قائد ڈے تقریب کا اہتمام کیا گیا، اس موقع پر ناظم اعلیٰ خرم نواز گنڈاپور، نائب صدر منہاج القرآن بریگیڈئر ریٹائرڈ اقبال احمد خان اور ڈائریکٹر نظامت خارجہ جی ایم ملک نے الگ الگ کیک کاٹے۔ تقریب میں نظامت امور خارجہ کے سٹاف ممبران اور دیگر قائدین نے بھی شرکت کی۔
منہاج انٹرنیٹ بیورو اور آئی ٹی کے زیراہتمام مرکزی سیکرٹریٹ کے کانفرنس ہال میں منعقدہ قائد ڈے تقریب سے گفتگو کرتے ہوئے صدر منہاج القرآن ڈاکٹر حسین محی الدین قادری نے کہا کہ اخلاص نیت ہی کامیابی کی ضمانت ہے۔ اخلاص اور استقامت کے ساتھ مشن سے جڑے رہنے میں بڑی برکات ہیں۔ انہوں نے مزید کہا کہ تحریک منہاج القرآن نے انٹرنیٹ اور جدید ٹیکنالوجی کے استعمال میں ہمیشہ پہل کی اور شیخ الاسلام ڈاکٹر محمد طاہرالقادری کی ہدایت پر مشن کا دعوتی پیغام ہمیشہ جدید ذرائع کے ساتھ پیش کیا ہے۔
3.8M
فیس بک
1.9M
ٹوٹر
© 1994 - 2025 Minhaj-ul-Quran International.
