سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
شیخ الاسلام ڈاکٹر محمد طاہرالقادری کی 71ویں سالگرہ کی مناسبت سے منہاج یونیورسٹی لاہور کے زیراہتمام منعقدہ ’’فاؤنڈرز ڈے‘‘ کی تقریب میں اظہار خیال کرتے ہوئے گورنر پنجاب چودھری محمد سرور نے کہا کہ 11 / 7 کے دہشت گرد حملوں کے بعد یورپ میں مسلمانوں کے لئے حالات بہت تکلیف دہ ہو گئے تھے ان حالات میں ڈاکٹر طاہرالقادری نے دہشت گردی کے خلاف فتویٰ دے کر ثابت کیا کہ اسلام انسانیت کا محافظ دین ہے اس کا انتہا پسندی سے کوئی تعلق نہیں ہے۔ شیخ الاسلام ڈاکٹر محمد طاہرالقادری کے اس فتویٰ سے یورپ سمیت مغربی دنیا میں رہنے والے مسلمان خاندانوں کو حوصلہ ملا، یہی نہیں ڈاکٹر طاہرالقادری نے نوجوانوں کی تعلیم و تربیت کے لیے منہاج یونیورسٹی لاہور سمیت سینکڑوں ادارے بنائے جہاں قوم کے لاکھوں بچے زیور تعلیم سے آراستہ ہو رہے ہیں۔
منہاج القرآن انٹرنیشنل کے مرکزی سیکرٹریٹ میں شیخ الاسلام ڈاکٹر محمد طاہرالقادری کی 71ویں سالگرہ کے موقع پر منہاجینز فورم کے زیراہتمام منعقدہ خصوصی تقریب میں اظہار خیال کرتے ہوئے پاکستان پیپلز پارٹی کے سینئر رہنما سابق وفاقی وزیر قمرالزمان کائرہ نے کہا کہ ڈاکٹر طاہرالقادری نے بین المذاہب ردواداری، بین المسالک ہم آہنگی، اتحاد امت، فروغ علم و امن کیلئے جتنا کام کیا وہ ہمارے عہد کا بے مثال کام ہے۔ وہ اس دور میں ایک علمی تربیتی درسگاہ کی حیثیت رکھتے ہیں۔ انہوں نے زندگی کے ہر شعبے میں اصلاحات کا شعور دیا۔
حضرت مولا علی علیہ السلام کے یوم ولادت کے موقع پر 13 رجب 15 فروری 2022ء کو مرکزی سیکرٹریٹ میں ’’یوم علی‘‘ تقریب منعقد ہوئی، اس موقع پر بریگیڈئر ریٹائرڈ اقبال احمد خان، ناظم امور خارجہ جی ایم ملک اور دیگر قائدین نے کیک کاٹا اور تمام سٹاف ممبران کو یوم علی کی مبارکباد پیش کی۔ تقریب میں جی ایم ملک نے اظہار خیال کرتے ہوئے کہا کہ یوم علی منانا تحریک منہاج القرآن کی بنیادی تعلیمات کا حصہ ہے، شیخ الاسلام ڈاکٹر محمد طاہرالقادری نے ہمیشہ سیدنا علیٰ المرتضیٰ علیہ السلام کی علمی و عملی تعلیمات کو دنیا تک پہنچایا ہے
تحریک منہاج القرآن کی مرکزی نظامت امور خارجہ کے زیراہتمام شیخ الاسلام ڈاکٹر محمد طاہرالقادری کی 71ویں سالگرہ کے سلسلہ میں قائد ڈے تقریب کا اہتمام کیا گیا، اس موقع پر ناظم اعلیٰ خرم نواز گنڈاپور، نائب صدر منہاج القرآن بریگیڈئر ریٹائرڈ اقبال احمد خان اور ڈائریکٹر نظامت خارجہ جی ایم ملک نے الگ الگ کیک کاٹے۔ تقریب میں نظامت امور خارجہ کے سٹاف ممبران اور دیگر قائدین نے بھی شرکت کی۔
منہاج انٹرنیٹ بیورو اور آئی ٹی کے زیراہتمام مرکزی سیکرٹریٹ کے کانفرنس ہال میں منعقدہ قائد ڈے تقریب سے گفتگو کرتے ہوئے صدر منہاج القرآن ڈاکٹر حسین محی الدین قادری نے کہا کہ اخلاص نیت ہی کامیابی کی ضمانت ہے۔ اخلاص اور استقامت کے ساتھ مشن سے جڑے رہنے میں بڑی برکات ہیں۔ انہوں نے مزید کہا کہ تحریک منہاج القرآن نے انٹرنیٹ اور جدید ٹیکنالوجی کے استعمال میں ہمیشہ پہل کی اور شیخ الاسلام ڈاکٹر محمد طاہرالقادری کی ہدایت پر مشن کا دعوتی پیغام ہمیشہ جدید ذرائع کے ساتھ پیش کیا ہے۔
صدر منہاج القرآن انٹرنیشنل ڈاکٹر حسین محی الدین قادری کی حضرت علیؑ کے یوم ولادت اور جامعۃ العروۃ الوثقیٰ کے 12 ویں یوم تاسیس کے موقع پر منعقد سیمینار ’’نھج البلاغہ و منھج الولایۃ‘‘ میں خصوصی شرکت کی۔ اس موقع پر ڈاکٹر حسین محی الدین قادری نے خطاب کرتے ہوئے کہا کہ حضرت علی کرم اللہ وجہہ الکریم شارح قرآن و حدیث تھے۔ انہوں نے کہا کہ شہر علم کے دروازے حضرت علی کرم اللہ وجہہ الکریم کی ساری زندگی محبت، امن، اخوت اور اجتماعیت کے درس میں گزری۔ اسلامی تاریخ آپ کی جرأت و شجاعت اور ایمان افروز واقعات سے بھری ہوئی ہے۔ آپ کی زندگی کا ایک ایک لمحہ رشد و ہدایت کے اسباق سے مزین ہے۔
مصطفوی سٹوڈنٹس موومنٹ کے زیراہتمام حضور شیخ الاسلام ڈاکٹر محمد طاہرالقادری کی 71ویں سالگرہ کے سلسلہ میں محفل سماع بعنوان "حیدریم" مرکزی سیکرٹریٹ منہاج القرآن انٹرنیشنل میں منعقد ہوئی، جس میں صدر منہاج القرآن انٹرنیشنل ڈاکٹر حسین محی الدین قادری نے خصوصی شرکت کی۔ محفل سماع میں نامور قوال زین زوھیب برادران اور حسنین اکبر بابا گروپ نے کلام پڑھ کر سماء باندھ دیا۔
ڈاکٹر علی اکبر الازہری کے والد گرامی اکبر علی خان اور چچا یعقوب علی خان کے ایصال ثواب کیلئے دعائیہ تقریب فرید ملّت ریسرچ انسٹیٹیوٹ میں منعقد ہوئی جس میں منہاج القرآن انٹرنیشنل کے صدر ڈاکٹر حسین محی الدین قادری نے شرکت کی اور مرحومین کے لیے بلندی درجات کی دعا بھی کی۔ دعائیہ تقریب میں مفتی عبدالقیوم ہزاروی، علامہ محمد اکرم الازہری، علامہ محمد شہزاد مجددی، علامہ بشیر نقشبندی، ڈاکٹر محمد کریم خان، ڈاکٹر محمد حسیب، علامہ عمیر اسلم، مفتی محمد رمضان سیالوی خطیب داتا دربار لاہور اور دیگر نے بھی شرکت کی۔
تحریک منہاج القرآن (بزم قادریہ) کے زیراہتمام منہاج القرآن انٹرنیشنل کے مرکزی سیکرٹریٹ میں قائم گوشۂ درود میں منہاج القرآن کے روحانی سرپرست حضور قدوۃ الاولیاء سیدنا طاہر علاؤالدین القادری الگیلانی البغدادی رحمۃ اللہ علیہ کی صاحبزادی، صاحبزادہ السید پیر محمود محی الدین القادری الگیلانی، صاحبزادہ السید پیر عبدالقادر جمال الدین القادری الگیلانی، صاحبزادہ پیر السید ضیاء الدین القادری الگیلانی کی ہمشیرہ کے ایصال ثواب کی قرآن خوانی کا اہتمام کیا گیا۔ اس موقع پر مرحومہ کے درجات کی بلندی کیلئے دعا کی گئی۔
نظام المدارس پاکستان کے پہلے یوم تاسیس کے موقع پر سیمینار سے خطاب کرتے ہوئے ڈپٹی چیئرمین نظام المدارس پاکستان خرم نواز گنڈاپور نے کہا کہ جدید دینی نصاب کی تشکیل اور اس کا نفاذ بڑی کامیابی ہے۔ نظام المدارس پاکستان نے پہلی بار مدارس دینیہ کے اساتذہ کے لئے ٹیچرز ٹریننگ پروگرام شروع کیا۔ 273 سال پرانے نصاب دینیہ میں اصلاحات غیر معمولی اقدام ہے۔
تحریک منہاج القرآن کے قائد شیخ الاسلام ڈاکٹر محمد طاہرالقادری نے سانحہ ماڈل ٹاؤن کے زخمی اور اسیر محمد سلطان کے انتقال پر دکھ اور افسوس کا اظہار کرتے ہوئے اپنے تعزیتی پیغام میں کہا ہے کہ مرحوم محمد سلطان تحریک منہاج القرآن کے نظریاتی کارکن تھے۔ زندگی کی آخری سانس تک شہدائے ماڈل ٹاؤن کے انصاف کیلئے قانونی جدوجہد میں شریک رہے۔ اللہ تعالیٰ محمد سلطان کی بخشش و مغفرت فرمائے، جملہ پسماندگان کو صبر جمیل کی توفیق دے۔
شیخ الاسلام ڈاکٹر محمد طاہرالقادری کے والد گرامی فرید ملت ڈاکٹر فرید الدین قادریؒ کو بانیِ پاکستان قائد اعظم محمد علی جناحؒ کی معیت میں اور مصورِ پاکستان حضرت علامہ محمد اقبال کی زیرِ سرپرستی تحریک پاکستان کے دوران نمایاں خدمات انجام دینے پر گولڈ میڈل سے نوازا گیا ہے۔ یہ گولڈ میڈل تحریک پاکستان ورکرز ٹرسٹ کے زیر اہتمام منعقدہ ایک خصوصی تقریب میں اسلامی جمہوریہ پاکستان کے صدر ڈاکٹر محمد عارف علوی نے دیا ہے۔ گولڈ میڈل فرید ملت ڈاکٹر فرید الدین قادریؒ کے پوتے اور شیخ الاسلام ڈاکٹر محمد طاہرالقادری کے صاحبزادے صدر منہاج القرآن انٹرنیشنل ڈاکٹر حسین محی الدین قادری نے وصول کیا۔ حضرت فریدِ ملّت ڈاکٹر فرید الدین قادری نے قائداعظمؒ کی ولولہ انگیز قیادت میں قیام پاکستان کی تاریخ ساز جدوجہد میں حصہ لیا۔
تحریک منہاج القرآن کے قائد شیخ الاسلام ڈاکٹر محمد طاہرالقادری نے سینئر رہنما اور سابق نائب امیر منہاج القرآن انٹرنیشنل سمیع اللہ قادری کے انتقال پر اظہار افسوس کرتے ہوئے اپنے تعزیتی پیغام میں کہا ہے کہ سمیع اللہ قادری مخلص، نیک، صالح اور درویش صفت انسان تھے۔ مرحوم سمیع اللہ قادری اخلاق، صدق، وفاداری، محبت اور خدمت گزاری کا پیکر تھے۔ سمیع اللہ قادری تحریک منہاج القرآن کے رہنما اور اثاثہ تھے۔ شیخ الاسلام نے مزید کہا کہ سمیع اللہ قادری کی رحلت ان کے اہل خانہ، تحریک منہاج القرآن کے وابستگان کے لئے گہرا صدمہ ہے۔ اللہ تعالیٰ ان کے درجات بلند فرمائے، لواحقین اور جملہ سوگواران کو صبر جمیل عطاء فرمائے۔
منہاج ویلفیئر فاؤنڈیشن پاکستان کے زیراہتمام وادی کشمیر کے برفانی رہائشی علاقوں میں اہل علاقہ کے لیے امدادی سرگرمیاں جاری ہیں۔ منہاج ویلفیئر فاؤنڈیشن کے رضا کاروں نے کنڈل شاہی، پارس کاغان، گڑھی دوپٹہ اور نیلم ویلی کے رہائشی مستحقین کو امدادی سامان تقسیم کیا۔ منہاج ویلفیئر فاؤنڈیشن پاکستان کی طرف سے کے پی کے اور وادی کشمیر کے سینکڑوں خاندانوں کو ونٹر پیکج تقسیم کیا گیا، جس میں گرم کپڑے، رضائیاں اور راشن شامل تھا۔ منہاج ویلیفئر فاؤنڈیشن پاکستان کے کنٹری ڈائریکٹر سید امجد علی شاہ نے بتایا کہ شیخ الاسلام ڈاکٹر طاہرالقادری کی ہدایت پر رواں برس برفانی علاقہ کے رہائشیوں کی مدد کی گئی ہے۔
شہید انقلاب گلفام ولید بھٹی کے والد محترم محمد ایوب بھٹی کے انتقال پر شیخ الاسلام ڈاکٹر محمد طاہرالقادری نے اظہار افسوس کیا ہے۔ مرحوم کی نمازِ جنازہ انکے آبائی گاؤں گکھڑوالی، یونین کونسل قلعہ کالر والا تحصیل پسرور ضلع سیالکوٹ میں ادا کی گئی، جس میں تحریک منہاج القرآن کے مقامی قائدین میں محمد اسلم بسراء، غلام فرید ضیغم، خالد شاد، مختار ساہی، محمد جواد شاہ، علامہ قاری محمد افضل، حافظ زاہد اقبال اور تحریک منہاج القرآن کے ذمہ داران و کارکنان نے کثیر تعداد میں شرکت کی۔
4M
فیس بک
2M
ٹوٹر
© 1994 - 2025 Minhaj-ul-Quran International.
