سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
سجادہ نشین حسین آباد شریف اور سربراہ تحریک حسینیت پاکستان سید محمد شمس الرحمن مشہدی حسینی حیدری نے شیخ الاسلام ڈاکٹر محمد طاہرالقادری دامت برکاتہم العالیہ کو 20 جلدوں پر مشتمل تفسیرِ قرآن مکمل کرنے پر اپنا منظوم ہدیہ تبریک پیش کیا ہے۔
منہاج القرآن انٹرنیشنل کے نائب صدر بریگیڈیر (ر) اقبال احمد خان کی اہلیہ محترمہ کے ایصال ثواب کیلئے گوشۂ درود میں دعائیہ تقریب کا اہتمام کیا گیا۔ دعائیہ تقریب میں چیئرمین سپریم کونسل ڈاکٹر حسن محی الدین قادری نے خصوصی شرکت کی۔ اس موقع پر مرحومہ کے ایصالِ ثواب کیلئے قرآن خوانی کی گئی۔ بعدازاں چیئرمین سپریم کونسل ڈاکٹر حسن محی الدین قادری نے شیخ الاسلام ڈاکٹر محمد طاہرالقادری دامت برکاتہم العالیہ کی جانب سے تعزیت کی اور مرحومہ کے لیے بلندی درجات کی دعا کروائی۔
مہتمم جامعہ اسلامیہ سراج العلوم جان پور ضلع رحیم یار خان صاحبزادہ مفتی پیر مظہر محمود درانی نے شیخ الاسلام ڈاکٹر محمد طاہرالقادری دامت برکاتہم العالیہ کو 20 جلدوں مشتمل تفسیرِ قرآن مکمل کرنے پر مفتی پیر مظہر محمود درانی کی مبارکباد پیش کی ہے۔ انہوں نے اپنے پیغام میں کہا ہے کہ عصرِ حاضر میں استاذیم حضرت شیخ الاسلام ڈاکٹر محمد طاہرالقادری دامت برکاتہم العالیہ کا شمار بھی ایسی نابغہ روزگار شخصیات میں ہوتا ہے جنہوں نے چند روز قبل عربی زبان میں 20 جلدوں پر مشتمل تفسیر القرآن تصنیف فرمائی۔ ایسی نابغہ روزگار ہستیاں صدیوں بعد پیدا ہوتی ہیں اور اُن کی فِکر کے اَثرات بھی کئی صدیوں پر محیط ہوتے ہیں۔
حضور شیخ الاسلام ڈاکٹر محمد طاہرالقادری دامت برکاتہم العالیہ نے عالمی میلاد کانفرنس میں تفسیر قرآن کے مکمل ہونے کی خوشخبری سنائی تھی، اب آپ تمام احباب کیلئے یقیناً یہ بات انتہائی خوشی کا باعث ہوگی اور تفسیر قرآن کے حوالے سے اب اپڈیٹ یہ ہے کہ میلاد النبی ﷺ کانفرنس کے موقع پر اعلان کرنے کے بعد تمام صفحات جو جب جلدوں پر تقسیم کیا تو مفصل تفسیر 16 جلدوں کی بجائے 20 جلدوں پر مشتمل ہے، اسی طرح مختصر تفسیر القرآن بھی 8 جلدوں پر مشتمل ہے۔
حریک منہاج القرآن کے روحانی سرپرست قدوۃ الاولیاء حضور پیر سیدنا طاہر علاؤالدین القادری الگیلانی البغدادی رحمۃ اللہ علیہ کے یومِ ولادت (18ربیع الاول) کے موقع پر القادریہ ہاؤس میں تقریب کا انعقاد کیا گیا۔ تقریب میں چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے خصوصی شرکت کی۔ اس موقع پر ناظم اعلی تحریک منہاج القرآن خرم نواز گنڈاپور، جی ایم ملک، راجہ زاہد محمود، شہزاد رسول قادری، حاجی محمد اسحاق، حفیظ چوہدری، حافظ عابد بشیر، محمد منشاء اور حفیظ الرحمن شریک ہوئے۔
منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری سے ان کی رہائش گاہ پر پیر پگاڑا سید صبغت اللہ شاہ راشدی کے صاحبزادے پیر سید عثمان مصطفی شاہ راشدی اورپیر ڈاکٹر سید مہدی رضا شاہ سبزواری سجادہ نشین درگاہ حضرت لعل شہباز قلندر سیہون شریف نے ملاقات کی اور تحریک منہاج القرآن کی لائف ممبر شپ حاصل کی۔ ڈاکٹر حسن محی الدین قادری نے منہاج القرآن کا لائف ممبر بننے پر مبارکباد دی۔
شیخ الاسلام دامت برکاتہم العالیہ نے ڈائریکٹر لارل ہوم اِنٹرنیشنل اسکولز اور شعبہ کریکلم منہاج ایجوکیشن سوسائٹی ڈاکٹر علی وقار قادری کو علومِ اِسلامیہ میں پی ایچ ڈی کی تکمیل پر خصوصی مبارک باد دی ہے۔ اُن کے مقالہ کا موضوع ’’ڈاکٹر محمد اِقبال اور ڈاکٹر برہان اَحمد فاروقی کے قرآنی اَفکار کا تقابلی مطالعہ‘‘ ہے۔ شیخ الاسلام نے منہاج القرآن انٹرنیشنل کے لیے ڈاکٹر علی وقار قادری کی خدمات کو خوب سراہا اور ان کے علم و عمل میں مزید اِضافے کی دعاؤں سے نوازا۔ دریں اثناء چیئرمین سپریم کونسل ڈاکٹر حسن محی الدین قادری اور صدر منہاج القرآن انٹرنیشنل ڈاکٹر حسین محی الدین قادری نے بھی ڈاکٹر علی وقار قادری کو ڈاکٹریٹ کی تکمیل پر خصوصی مبارکباد پیش کی ہے۔
جسٹس پیر کرم شاہ الازہریؒ کے صاحبزادے پیر فاروق الحق شاہ نے شیخ الاسلام دامت برکاتہم العالیہ کو تفسیرِ قرآن مکمل کرنے پر مبارک باد پیش کی ہے۔ انہوں نے اپنے مبارکبادی پیغام میں کہا ہے کہ شیخ الاسلام ڈاکٹر محمد طاہرالقادری مدظلہ العالی عالم اسلام کی قابل فخر شخصیت ہیں اور آپ کی خدمات لائق صد تحسین ہیں۔ اللہ کریم قبلہ ڈاکٹر صاحب کی عمر دراز فرمائے اور آپ کے علمی کام میں مزید برکت عطا فرمائے، آمین۔
شیخ الاسلام دامت برکاتہم العالیہ کو تفسیرِ قرآن مکمل کرنے پر حضرت پیر سید منور حسین شاہ جماعتی نے خصوصی مبارکباد پیش کی ہے۔ انہوں نے اپنے پیغام میں کہا ہے کہ ’’ڈاکٹر محمد طاہرالقادری صاحب عالمِ اسلام کی ایک قابلِ فخر شخصیت ہیں اور اُن کی خدمات لائقِ صد تحسین ہیں۔ اللہ کریم ڈاکٹر محمد طاہرالقادری صاحب کی عمر اور دینی و علمی کاوشوں میں مزید برکت عطاء فرمائے، آمین‘‘۔
حضور شیخ الاسلام ڈاکٹر محمد طاہرالقادری دامت برکاتہم العالیہ کو تفسیرِ قرآن کی تکمیل پر حضرت سید ریاض حسین شاہ (سرپرستِ اعلی ادارہ تعلیماتِ اسلامیہ پاکستان) کا ہدیۂ تبریک پیش کیا ہے۔ ان کا کہنا تھا کہ تفسیر مکمل کرنے پر ڈاکٹر محمد طاہرالقادری مبارکباد کے مستحق ہیں اور صحیح بات یہ ہے کہ جو کام انہوں نے کیا وہی یہ کام کرسکتے تھے۔
منہاج القرآن انٹرنیشنل کے زیراہتمام مینار پاکستان پر منعقدہ 38 ویں عالمی میلاد کانفرنس کے موقع پر تحریک منہاج القرآن کے بانی و سرپرست شیخ الاسلام ڈاکٹر محمد طاہرالقادری نے گفتگو کرتے ہوئے کہا کہ 20سال قبل تفسیرِ قرآن کے کام کا آغاز کیا تھا۔ الحمدللہ 12 ربیع الاول کے مبارک دن یہ کام مکمل ہو گیا۔ تفسیر قرآن کا یہ کام عربی زبان میں ہے اور 16 جلدوں پر مشتمل ہے۔ اس کے ساتھ ساتھ 5 جلدوں پر تفسیر کا ملخص بھی تیار کر لیا ہے بہت جلد اس کے اردو اور انگریزی تراجم بھی تیار ہو جائیں گے۔ اس اعلان پر ہزاروں شرکاء نے کھڑے ہو کر ڈاکٹر محمد طاہرالقادری کو خراج تحسین پیش کیا۔
عید میلاد النبی ﷺ کی مناسبت سے 19 اکتوبر 2021 کو منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری اور صدر منہاج القرآن انٹرنیشنل ڈاکٹر حسین محی الدین قادری کی طرف سے ایوانِ قائد پر محفلِ نعت اور ضیافت میلاد کا اہتمام کیا گیا۔ ضیافتِ میلاد میں منہاج القرآن انٹرنیشنل کے ناظمِ اعلیٰ خرم نواز گنڈاپور، بیرسٹر عامر حسن، مسیحی راہنما ڈاکٹر مجید ایبل سمیت تحریک منہاج القرآن کے مرکزی قائدین، عہدیداران و کارکنان اور اہل محلہ نے بڑی تعداد میں شرکت کی۔
حضور شیخ الاسلام ڈاکٹر محمد طاہرالقادری دامت برکاتہم العالیہ کی جانب سے شب میلاد منعقدہ عالمی میلاد کانفرنس 2021ء میں تکمیلِ تفسیرِ قرآن کے اِعلان کے فوری بعد یہ کلام خاک پاے شیخ الاسلام محمد لطیف الحسن بن مولانا محمد مستان شریف نوری (کامل جامعہ نظامیہ حیدرآباد دکن) نے تحریر کیا۔
منہاج القرآن انٹرنیشنل ڈنمارک کے زیراہتمام سٹار ایونٹ شادی ہال میں محفلِ میلاد النبی ﷺ کا انعقاد کیا گیا۔ محفلِ میلاد میں ڈنمارک میں پاکستانی سفیر اور ڈینش پارلیمنٹ کے ممبر سکندر صدیق سمیت مسلم کمیونٹی کے افراد نے بڑی تعداد میں شرکت کی۔ محفلِ میلاد کے پہلے سیشن میں منہاج سکول آف اسلامک سائنسز کے تینوں کیمپسز سے بچوں نے تلاوت، نعت اور تقاریر پیش کیں۔ نقابت کے فرائض علامہ عتیق احمد، علامہ ظہیر احمد اور علامہ ابرار ظفر نے ادا کیے۔
تحریک منہاج القرآن کی 38ویں عالمی میلاد کانفرنس 11 اور 12 ربیع الاول کی درمیانی شب 18 اکتوبر کو مینار پاکستان کے سبزہ زار میں ہوگی، تیاریاں مکمل ہوگئیں۔ عالمی میلاد کانفرنس میں شرکت کے لئے شہر لاہور سے پچاس ہزار سے زائد گھرانوں کو شرکت کی دعوت دی گئی ہے۔ اہلیان لاہور مرد و خواتین ہزاروں کی تعداد میں کانفرنس میں شرکت کرکے آقائے دوجہاں ﷺ سے محبت کا اظہار کریں گے۔ تحریک منہاج القرآن کے رہنماؤں و کارکنان نے لاہور میں عوامی رابطہ مہم کا آغاز کر رکھا ہے۔ شیخ اسلام ڈاکٹر محمد طاہرالقادری کانفرنس سے خصوصی خطاب کریں گے۔
4M
فیس بک
2M
ٹوٹر
© 1994 - 2025 Minhaj-ul-Quran International.
