سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
تحریک منہاج القرآن کے زیراہتمام 38ویں عالمی میلاد کانفرنس 11 اور 12 ربیع الاول کی شب مینار پاکستان لاہور کے سبزہ زار میں ہو گی۔ کانفرنس سے شیخ الاسلام ڈاکٹر محمد طاہرالقادری خطاب کریں گے۔ منہاج القرآن کے سینئر رہنما ناظم سیکرٹریٹ جواد حامد نے عہدیداروں کے ہمراہ مینار پاکستان کا دورہ کیا اور گفتگو کرتے ہوئے کہا کہ ہر سال کی طرح اس سال بھی عالمی میلاد کانفرنس مینار پاکستان ہو گی۔ اس کے لئے تمام ضروری اقدامات اور قانونی تقاضے پورے کئے جائیں گے۔
تحریک منہاج القرآن کی نظامت تربیت کے ذمہ داران نے چیئرمین سپریم کونسل ڈاکٹر حسن محی الدین قادری سے ملاقات کی۔ اس ملاقات میں نائب ناظم اعلیٰ تربیت پروفیسر محمد سلیم احمد چوہدری، ناظم تربیت علامہ غلام مرتضیٰ علوی، علامہ حافظ سعید رضا بغدادی، علامہ محمد منہاج الدین قادری، علامہ محمود احمد مسعود، علامہ سرفراز احمد، احمد وحید قادری اور آفس سیکرٹری محمد نوید شامل تھے۔ اس موقع پر گفتگو کرتے ہوئے چیئرمین سپریم کونسل نے نظامت تربیت کو جدید ابلاغی خطوط پر چلانے کے عمل کو بھی سراہا۔
تحریک منہاج القرآن لاہور کا ورکرز کنونشن مرکزی سیکرٹریٹ ماڈل ٹاؤن میں منعقد ہوا۔ ورکرز کنونشن سے خطاب کرتے ہوئے نائب ناظم اعلیٰ علامہ رانا محمد ادریس نے کہا کہ فرقہ واریت نے اتحاد امت کو بہت نقصان پہنچایا۔ منہاج القرآن اتحاد امت کی مضبوط آواز ہے۔ تحریک منہاج القرآن رجوع الی القرآن اور اتحاد امت کی تحریک ہے۔
منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے سنٹرل پنجاب ورکرز کنونشن سے خطاب کرتے ہوئے کہا کہ منہاج القرآن اتحاد امت کی داعی تحریک ہے۔ فرقہ واریت سے اسلام اور پاکستان کے پرامن تشخص کو نقصان پہنچا۔ منہاج القرآن نے اتحادِ امت اور پرامن معاشرہ کی تشکیل کے لیے تعلیم و تربیت کے مثالی ادارے قائم کیے۔ اسلام کا سچا پیروکار کبھی تنگ نظر اور متشدد نہیں ہو سکتا۔ ہماری فکری رہنمائی کا سرچشمہ اسوہ رسول ﷺ ہے۔ ظلم اور استحصال کے خلاف آواز اٹھانا دینی و قومی ذمہ داری ہے۔
ڈاکٹر عبد الجبار قمر (لائبریری انچارج فریدِ ملّتؒ ریسرچ اِنسٹی ٹیوٹ) نے شیخ زید اسلامک سینٹر، جامعہ پنجاب سے اپنی پی ایچ ڈی مکمل کر لی ہے۔ان کے مقالہ کا موضوع ’’برصغير میں نقد تصوف کا علمی و تحقیقی جائزہ‘‘ تھا۔ انہوں نے اپنا مقالہ ڈاکٹر اشتیاق احمد گوندل (ایسوسی ایٹ پروفیسر یونیورسٹی اف دی پنجاب) کے زیر نگرانی مکمل کیا۔ شیخ الاسلام ڈاکٹر محمد طاہر القادری، ڈاکٹر حسن محی الدین قادری اور ڈاکٹر حسین محی الدین قادری نے ڈاکٹر عبد الجبار قمر کو اس عظیم علمی اعزاز کے حصول پر مبارک باد پیش کی اور ڈھیروں دعاؤں سے نوازا۔
تحریک منہاج القرآن کے شعبہ پبلک ریلیشنز کے زیراہتمام عالمی میلاد کانفرنس کی تیاریوں کے سلسلہ میں منعقدہ تقریب میں منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے گفتگو کرتے ہوئے کہا کہ شیخ الاسلام ڈاکٹر محمد طاہرالقادری کی اصلاحی، فلاحی جدوجہد اور تجدیدی خدمات کسی ایک طبقہ کے لیے نہیں بلکہ پوری امت کے لیے ہیں۔
نظام المدارس پاکستان کا اہم اجلاس سرپرست و چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری کی زیر صدارت منعقد ہوا۔ ڈاکٹر حسن محی الدین قادری نے ہدایات جاری کیں کہ نظام المدارس پاکستان سے الحاق کرنے والے مدارس دینیہ کو رجسٹریشن، نصاب سمیت جملہ انتظامی و تدریسی امور میں بھرپور تعاون فراہم کیا جائے۔
دین کی حفاظت خالی تقریروں اور محض رسومات کی ادائیگی سے نہیں ہو گی۔ حفاظت دین کے لئے اخلاص نیت، تزکیہ نفس ضروری ہے۔ ان خیالات کا اظہار قائد تحریک منہاج القرآن شیخ الاسلام ڈاکٹر محمد طاہرالقادری نے فہم دین پراجیکٹ کے تحت تحریک منہاج القرآن کے ذمہ داران و کارکنان سے خصوصی گفتگو کرتے ہوئے کیا۔
منہاج القرآن انٹرنیشنل کے صدر ڈاکٹر حسین محی الدین قادری یورپ کے تنظیمی دورہ سے وطن واپس پہنچ گئے، بدھ کی صبح علامہ اقبال انٹرنیشنل ایئرپورٹ پہنچنے پر تحریک منہاج القرآن لاہور کے راہنماوں نے آپ کا استقبال کیا۔ اس موقع پر راجہ زاہد محمود، شہزاد رسول قادری، حاجی محمد اسحاق، رانا نفیس قادری، عبدالرحمن، الیاس ڈوگر اور مرکزی رہنماء و کارکنان بھی موجود تھے۔
منہاج القرآن انٹرنیشنل جموں کشمیر کے زیراہتمام چوتھی سالانہ ’’منہاج القرآن کانفرنس‘‘ مرکزی ادارہ منہاج القرآن چھتری پورہ شوپیاں میں 12 ستمبر 2021ء کو منعقد ہوئی۔ کانفرنس کی صدارت مشائخ عظام ڈاکٹر پیر نثار احمد مبارکی، سرپرست حقانی میموریل ٹرسٹ سید حمید اللہ حقانی، سرپرست غوثیہ عربی کالج ابن الحفیظ سید محمد شفیع اندرانی، سرپرست دارالعلوم ہمدانیہ دورہ ییزادہ غلام جیلانی اور الحاج عبدالرشید خان نے کی۔ کانفرنس میں مقررین نے اظہار خیال کرتے ہوئے تحریک منہاج القرآن کی سالانہ کانفرنس کے انعقاد کو سراہا۔
تحریک منہاج القرآن فیصل آباد کے زیراہتمام تمام فورمز کے نو منتخب عہدیداروں کی تقریب حلف برداری پریس کلب میں منعقد ہوئی، جس میں منہاج القرآن کے جملہ فورمز کے عہدیداروں نے حلف اٹھایا۔ اس موقع پر میاں عبدالقادر صدر تحریک منہاج القرآن ضلع فیصل آباد نے تقریب کی صدارت کی۔ تقریب میں علامہ رانا محمد ادریس قادری اور میاں ریحان مقبول نے خطاب کرتے ہوئے کہا کہ منہاج القرآن کا ہر کارکن گلی گلی جائے اور ظالم نظام کے خلاف آواز اٹھانے کی جدوجہد کا حصہ بنے۔
تحریک منہاج القرآن کے مرکزی نائب ناظم اعلیٰ وسطی پنجاب علامہ رانا محمد ادریس قادری نے منہاج القرآن سیالکوٹ کے نومنتخب عہدیداروں کی تقریب حلف برداری سے خطاب کرتے ہوئے کہا کہ منہاج القرآن نظریاتی، فکری اور دعوتی تحریک ہے، جس نے ملک بھر میں اصلاح احوال کے ساتھ اصلاح معاشرہ کا مقصد بھی پورا کرنا ہے۔ انہوں نے کہا کہ آج ہم سب یہ عہد کریں کہ ملک پاکستان میں مصطفوی انقلاب کے سویرے کے لئے ہر فرد تک منہاج القرآن کا دعوتی پیغام پہنچائیں گے۔
شیخ الاسلام ڈاکٹر محمد طاہرالقادری دامت برکاتہم العالیہ نے حافظ محمد ادریس الأزہری کو عالم اسلام کی عظیم درسگاہ الأزہر یونیورسٹی قاہره (جامعۃ الازہر مصر) سے پی ایچ ڈی کی ڈگری کی تکمیل پر اظہار مسرت کیا اور انہیں مبارکباد دی ہے۔ حافظ محمد ادریس الأزہری کو الازہر یونیورسٹی قاہره کے کلیۃ اصول الدین قاہرہ کے شعبہ ’’قسم الدعوۃ والثقافۃ الاسلامیہ‘‘ نے پی ایچ ڈی کی ڈگری امتیازی پوزیشن میں جاری کردی ہے۔ ان کا پی ایچ ڈی کا مقالہ ’ڈنمارک میں دعوت و تبلیغ کے وسائل اور اسلامی مراکز کا کردار‘ پر تھا۔
منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے کہا ہے کہ فہم دین پراجیکٹ کا دائرہ بیرون ملک تنظیمات تک بڑھایا جائے۔ سوشل میڈیا کے تمام ٹولز کو دین سیکھنے، سکھانے اور پھیلانے کیلئے استعمال کیا جائے۔ شیخ الاسلام ڈاکٹر محمد طاہرالقادری نے قرآن اور جدید سائنس، توحید و رسالت، احادیث، سیرت النبی ﷺ، تصوف، اعمال، اخلاقیات، تکریم اہل بیت اطہار علیہم السلام، انسانی حقوق، انسداد انتہا پسندی، تعلیم و تربیت اور فروغ امن کے موضوعات پر ایک ہزار سے زائد کتب کا علمی خزانہ امت کو عطا کیا ہے۔
منہاج یونیورسٹی لاہور کے وائس چانسلر ڈاکٹر ساجد محمود شہزاد کی قیادت میں وفد نے گورنر پنجاب چوہدری محمد سرور سے گورنر ہاؤس میں ملاقات کی۔ اس موقع پر گورنر پنجاب چوہدری محمد سرور نے کہا کہ تعلیم و تحقیق کا فروغ مشن ہے۔ پاکستان کا خوشحال مستقبل اعلیٰ تعلیم اور تحقیق سے مشروط ہے۔ منہاج القرآن کے تعلیمی ادارے تعلیم کے ساتھ ساتھ تربیت بھی دے رہے ہیں۔ وفد میں جی ایم ملک، جواد حامد، انوار اختر ایڈووکیٹ، شہزاد رسول، نعیم الدین چوہدری ایڈووکیٹ، عبد الحفیظ چوہدری، حاجی محمد اسحق، اقبال مرتضیٰ اور شبیر احمد شامل تھے۔
4M
فیس بک
2M
ٹوٹر
© 1994 - 2025 Minhaj-ul-Quran International.
