سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
شیخ الاسلام ڈاکٹر محمد طاہرالقادری نے منہاج ویلفیئر فاؤنڈیشن کے زیراہتمام اجتماعی قربانی مہم کے مثالی انتظامات پر منہاج القرآن انٹرنیشنل کی جملہ قیادت بالخصوص منہاج ویلفیئر فاؤنڈیشن انٹرنیشنل کے تمام ممالک، MWF ہیڈ آفس اور منہاج ویلفیئر فاؤنڈیشن پاکستان کے ذمہ داران کو مبارکباد دی ہے۔ آپ تمام نے ذمہ داران کے نام اپنے مبارک بادی پیغام میں کہا کہ اللہ تعالیٰ کے فضل و کرم اور آقا کریم صلی اللہ علیہ وآلہ وسلم کے نعلین پاک کے تصدق سے ہر سال کی طرح امسال بھی منہاج ویلفیئر فاؤنڈیشن کے تمام ممالک، MWF ہیڈ آفس اور پاکستان چیپٹر نے فریضہ قربانی کی ادائیگی کے لئے اپنا شاندار انتظامی کردار ادا کیا ہے۔
منہاج القرآن انٹرنیشنل ڈنمارک کے زیراہتمام اوڈنسے میں تیرہ سے تیس سال کی عمر کے نوجوانوں کے لیے 2 روزہ اسلامک لرننگ کورس کا اہتمام کیا گیا، جس میں بچے اور بچیوں نے بھر پورشرکت کی۔ اسلامک لرننگ کورس کے ذریعے بچوں کو طہارت، وضو، غسل، نماز اور نمازِ جنازہ کے مسائل سے آگاہ کیا گیا۔ محترم عامر حسین بٹ نے ڈینش زبان میں بچوں کو بریف کیا جبکہ علامہ محمد ندیم یونس(صدر منہاج القرآن اوڈنسے) نے سوال و جواب کی نشست کے ذریعے بچوں کو جدید مسائل سے آگاہ کیا۔ بہترین نتائج کے حصول کے لیے ملٹی میڈیا کا استعمال کیا گیا۔ محترمہ ماریہ شاہ صاحبہ اور محترمہ صائمہ حسنین صاحبہ نے اردو اور ڈینش زبان میں بچیوں کو فقہی مسائل سے آگاہ کیا۔
قائد تحریک منہاج القرآن شیخ الاسلام ڈاکٹر محمد طاہرالقادری نے عیدالاضحی کے موقع پر اسلامیان پاکستان اور ملت اسلامیہ کو مبارکباد دیتے ہوئے کہا ہے کہ عیدالاضحی امت مسلمہ کیلئے خیر و برکت کا عظیم تہوار ہے، ہر عظیم مقصد اور منزل کا حصول جذبہ ایثار سے مشروط ہے، ہم خوش قسمت ہیں کہ اللہ نے ہمیں اپنی زندگیوں میں ایک بار پھر حج کے مقدس ایام میں عبادت کرنے اور فریضہ قربانی ادا کرنے کی توفیق سے بہرہ مند فرمایا۔
تحریک منہاج القرآن کے قائد شیخ الاسلام ڈاکٹر محمد طاہرالقادری نے حج بیت اللہ کے موقع پر ملت اسلامیہ کو مبارکباد دیتے ہوئے کہا ہے کہ حج مساوات انسانی کا عظیم مظہر ہے۔ مناسک حج کی ادائیگی کرتے ہوئے کوئی گورا، کالا، امیر، غریب، چھوٹا، بڑا نہیں ہوتا سب اللہ کے حضور عجز و انکساری کے ساتھ سربسجود ہوتے ہیں اور رحمت کے طلب گار بنتے ہیں۔ انہوں نے کہا کہ حج کی تعلیمات اللہ سے ڈرنا، تقویٰ و طہارت اختیار کرنا اور مضبوط ارادے کے ساتھ شیطانی وسوسوں سے بچنے کی کوشش کرنا ہے۔
منہاج ویلفیئر فاؤنڈیشن پاکستان کے ڈائریکٹر سید امجد علی شاہ نے کہا ہے کہ منہاج ویلفیئر فاؤنڈیشن کی طرف سے اجتماعی قربانی مہم کے ایس او پیز کو حتمی شکل دے دی ہے۔ اس سال 10 لاکھ مستحقین تک قربانی کا گوشت اور حصہ داران تک حصہ پہنچانے کے لئے رضا کاروں پر مشتمل سینکڑوں ٹیمیں تشکیل دے دی گئی ہیں۔ انہوں نے کہا کہ صفائی، شدید موسم میں گوشت کے ٹمپریچر کو نارمل رکھنے اور بلا تاخیر حصہ داران اور مستحقین تک گوشت کی فراہمی ایس او پیز کے نمایاں پہلو ہیں۔
تحریک منہاج القرآن کی مرکزی نظامت تربیت اور منہاج القرآن کوئٹہ کے زیراہتمام ’’ڈپلومہ ان قرآن سٹڈی‘‘ کی اختتامی تقریب 11 جولائی 2021ء کو منعقد ہوئی، جس میں شرکائے کورس کو اسناد دی گئیں۔ اس موقع پر صدر منہاج القرآن ڈاکٹر حسین محی الدین قادری نے خصوصی گفتگو بھی کی۔ اختتامی تقریب میں حافظ سعید رضا بغدادی، حافظ وقار احمد قادری (ناظم تنظیمات بلوچستان) اور اعجاز محمود صائم (ڈائریکٹر منہاج القرآن اسلامک سنٹر کوئٹہ) نے اظہار خیال کرتے ہوئے کورس کے کامیاب انعقاد پر نظامت تربیت کی ’’ٹیم کورسز‘‘ کی خدمات کو خراج تحسین پیش کیا۔
تحریک منہاج القرآن کی تنطیم نو کا اجلاس مقامی میرج ہال میں منعقد ہوا، جس میں چوہدری نذر حسین کو ضلعی صدر منتخب کیا گیا۔ اجلاس کی صدارت انجینئر محمد رفیق نجم نائب صدر تحریک منہاج القرآن و زونل کوآرڈنیٹر شمالی پنجاب نے کی۔ اجلاس میں حاجی عبدالغفور شیخ کی خدمات کو سراہا گیا اور تنظیم نو میں انہیں سرپرست اعلیٰ تحریک منہاج القرآن ضلع چکوال کا عہدہ دیا گیا۔
تحریک منہاج القرآن دیربالا کی کوارڈینیشن کونسل و فورمز کا مشترکہ اجلاس اور پاکستان عوامی تحریک دیر بالا کا ورکرز کنونشن 9 جولائی 2021ء کو شیلٹن ہوٹل چترال روڈ پر منعقد ہوا، جس میں پاکستان عوامی تحریک و تحریک منہاج القرآن اور جملہ فورمز کی تنظیم سازی کی گئی۔ کنونشن و اجلاس میں قاضی شفیق الرحمن مرکزی ڈپٹی کنوینئر کمیٹی PAT نے خصوصی شرکت کی اور خطاب کیا۔
تحریک منہاج القرآن کے گوشہء درود کی ماہانہ مجلس ختم الصلوٰۃ علی النبی ﷺ اور قدوۃ الاولیاء حضور سیدنا طاہر علاؤالدین القادری الگیلانی البغدادی رحمۃ اللہ علیہ کے 30ویں سالانہ عرس مبارک کی تقریب مرکزی سیکرٹریٹ منہاج القرآن انٹرنیشنل میں منعقد ہوئی جس سے قائد تحریک شیخ الاسلام ڈاکٹر محمد طاہرالقادری نے بذریعہ وڈیو لنک خصوصی خطاب کیا۔
شیخ الاسلام ڈاکٹر محمد طاہرالقادری نے وفاقی وزیر مذہبی امور ڈاکٹر نورالحق قادری سے ان کی ہمشیرہ محترمہ کے انتقال پر اظہار تعزیت کیا ہے۔ آپ نے اپنے تعزیتی پیغام میں کہا کہ آپ کے والد گرامی سمیت آپ کا پورا خاندان نیک اور صلحاء کا خانوادہ ہے، اللہ پاک آپ کی ہمشیرہ مرحومہ کے درجات بلند فرمائے اور ان کی پوری فیملی کو صبر جمیل عطا فرمائے۔ آمین
جمہوریہ مالڈووا کے پاکستان میں اعزازی سفیر میاں محمود نے تحریک منہاج القرآن کے مرکز آمد پر فرید ملت ریسرچ انسٹی ٹیوٹ کا دورہ کیا۔ اس موقع پر FMRI کے ڈائریکٹر محمد فاروق رانا نے معزز مہمان کا استقبال کیا اور انہیں وزٹ کرایا۔ انہوں نے لائبریری میں موجود کتب بارے معلومات لیں اور شیخ الاسلام ڈاکٹر محمد طاہرالقادری کی علمی خدمات سمیت آپ کی مختلف شعبہ ہائے زندگی میں ہمہ جہتی خدمات کا بھی اعتراف کیا۔
منہاج القرآن ویمن لیگ کے زیرِ اہتمام، ڈاکٹر نوشابہ حمید (مرحومہ) کی یاد میں پیکر مہر و وفا، اخلاص و استقامت کے عنوان سے مرکزی سیکرٹریٹ منہاج القرآن انٹرنیشنل پر تعزیتی ریفرنس کا انعقاد کیا گیا۔ جس میں مادر تحریک، محترمہ رفعت جبین قادری صاحبہ نے خصوصی اظہارِ خیال کرتے ہوئے ڈاکٹر نوشابہ حمید (مرحومہ) کی لازوال خدمات کو خوبصورت الفاظ میں پیش کیا۔
منہاج القرآن کوٹلی لوہاراں کے زیراہتمام کوٹلی کی تاریخ کی سب سے بڑی اور عظیم الشان کانفرنس’’شان سیدہ کائنات‘‘ سلام اللہ علیہا و ’’عظمت شیخین‘‘ کریمین رضی اللہ تعالی عنہما، 25 جون 2021ء کو منعقد ہوئی۔ کانفرنس میں سربراہ ادارہ تعلیمات اسلامیہ راولپنڈی مفسر قرآن مفکر اسلام حضرت پیر سید ریاض حسین شاہ نے خصوصی خطاب کیا۔ انہوں نے شان اہل بیت بیان کرتے ہوئے کہا کہ آج ہمیں جو کچھ بھی ملا، سیدہ کائنات کے قدموں کا صدقہ ہے۔
معروف فلم و ٹی وی آرٹسٹ مبین گبول اور اظہر رنگیلا نے منہاج القرآن انٹرنیشنل کے صدر ڈاکٹر حسین محی الدین قادری سے ان کی رہائش گاہ پر ملاقات کی۔ ڈاکٹر حسین محی الدین قادری نے اس موقع پر گفتگو کرتے ہوئے کہا کہ مزاح دل کی نرمی کا عکاس ہے۔ حضور نبی اکرم ﷺ بھی صحابہ سے خوش مزاجی کا اظہار فرماتے تھے۔ مزاح ایسا ہونا چاہیے جس سے کسی کی توہین و تضحیک کا پہلو نہ نکلے۔ انہوں نے کہا کہ کسی سے مسکرا کر بات کرنا اور کسی کیلئے خوشی کا سامان بننا بھی صدقہ اور صالح عمل ہے۔ انہوں نے کہا کہ کوئی انسان زندگی کے کسی بھی شعبہ سے وابستہ کیوں نہ ہو مقصد خدمت خلق اور اللہ اور اس کے رسول ﷺ کی خوشنودی کا حصول ہونا چاہیے۔
سجادہ نشین آستانہ عالیہ نقشبندیہ، مجددیہ، موہرویہ وادی عزیز شریف چنیوٹ حضرت خواجہ محبوب الٰہی نے 30 جون 2021 کو تحریک منہاج القرآن کے مرکزی سیکرٹریٹ کا دورہ کیا۔ آپ کے خلفاء بھی ان کے ساتھ تھے۔ اس موقع پر ناظم اعلیٰ خرم نواز گنڈاپور، ڈائریکٹر ریسورسز اینڈ ڈویلپمنٹ شاہد لطیف اور دیگر مرکزی قائدین نے آپ کو خوش آمدید کہا۔
4M
فیس بک
2M
ٹوٹر
© 1994 - 2025 Minhaj-ul-Quran International.
