سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
نیشنل انٹرفیتھ پیس ایوارڈ 2021ء کی تقریب باغ جناح لاہور میں منعقد ہوئی، جس میں وفاقی وزیر مذہبی امور وبین المذاہب رواداری پیر ڈاکٹر نورالحق قادری نے منہاج القرآن کے انٹرفیتھ ریلیشنز کے ڈائریکٹر سہیل احمد رضا کو ایوارڈ دیا۔ تقریب میں صوبائی وزیر برائے انسانی حقوق و اقلیتی امور اعجاز عالم آگسٹین نے بھی شرکت کی۔ اس موقع پر مختلف مذاہب کے نمائندے اور رہنماء بھی تقریب میں موجود تھے۔
تحریک منہاج القرآن تحصیل کلورکوٹ موندے والا ہیتو میں قائد ڈے کی تقریب منعقد ہوئی، جس میں علامہ علی اختر اعوان نے خصوصی شرکت کی اور خطاب کیا۔ اس موقع پر الطاف حسین خان ناظم منہاج القرآن ضلع بھکر اور عبدالواحد لودھرا ناظم منہاج القرآن تحصیل کلورکوٹ مہمان خصوصی تھے۔
منہاج القرآن بورے والا کے زیراہتمام شیخ الاسلام ڈاکٹر محمد طاہرالقادری کی 70ویں سالگرہ پر قائد ڈے تقریب کا اہتمام کیا گیا، جس کی صدارت مرکزی نائب ناظم اعلی تحریک منہاج القرآن انٹرنیشنل جنوبی پنجاب سردار شاکر مزاری نے کی۔ اس موقع پر صدر بار کونسل بورے والا سلمان یوسف گھمن ایڈووکیٹ مہمان خصوصی تھے۔ تقریب میں پروفیسر قربان علی قاصر نے شیخ الاسلام کی زندگی پر روشنی ڈالی۔
تحریک منہاج القرآن ضلع وہاڑی ہیڈکوارٹر کے زیراہتمام شیخ الاسلام ڈاکٹر محمد طاہر القادری کی 70 ویں سالگرہ کے سلسلہ میں قائد ڈے تقریب کا اہتمام کیا گیا، جس میں مرکزی نائب ناظم اعلیٰ سردار شاکر خان مزاری مہمان خصوصی تھے۔ اس موقع پر انہوں نے خطاب کرتے ہوئے منہاج القرآن اور شیخ الاسلام کی خدمات کو خراج تحسین پیش کیا۔
مصطفوی سٹوڈنٹس موومنٹ کے زیراہتمام قائد ڈے تقریبات کے سلسلہ میں سالانہ محفل سماع ’’حیدریم‘‘ مرکزی سیکرٹریٹ میں منعقد ہوئی، جس میں معروف قوال زین زوہیب و ہمنواوں نے پرفارم کیا۔ محفل سماع میں صدر منہاج القرآن انٹرنیشنل ڈاکٹر حسین محی الدین قادری نے خصوصی شرکت کی اور خطاب بھی کیا۔
منہاج القرآن لالیاں چنیوٹ کے زیراہتمام شیخ الاسلام ڈاکٹر محمد طاہرالقادری کی 70ویں سالگرہ کے سلسلہ میں سفیر امن کانفرنس کا انعقاد کیا گیا، جس میں چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے خصوصی شرکت کی۔ اس موقع پر آپ نے خطاب کرتے ہوئے شیخ الاسلام ڈاکٹر محمد طاہرالقادری کی عالمی، دینی و ملی اور قومی خدمات کو خراج تحسین پیش کیا۔
منہاج القرآن بھوانہ چنیوٹ کے زیراہتمام شیخ الاسلام ڈاکٹر محمد طاہرالقادری کی 70ویں سالگرہ کے سلسلہ میں سفیر امن کانفرنس منعقد ہوئی، کانفرنس میں چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے خصوصی شرکت کی۔ اس موقع پر ڈاکٹر حسن محی الدین قادری نے خطاب کرتے ہوئے شیخ الاسلام ڈاکٹر محمد طاہرالقادری کی قومی، ملی، علمی اور عالمی خدمات پر روشنی ڈالی۔
منہاج القرآن لاہور کے زیراہتمام شیخ الاسلام ڈاکٹر محمد طاہرالقادری کی 70ویں سالگرہ کے سلسلہ میں ممبر سازی مہم تیزی سے جاری ہے۔ اس سلسلہ میں احتشام الیاس پرنسپل اکرام پبلک اسکول اینڈ میتھ پوائنٹ اکیڈمی، علامہ حافظ قاری عبد المختار قادری اور راشد مغل صاحب پرنسپل الزاہد سائنس سکول اینڈ اکیڈمی نے تحریک منہاج القرآن کی لائف ممبر شپ حاصل کی۔
وفاقی وزارت تعلیم و پیشہ وارانہ تربیت ہائر ایجوکیشن کمیشن کی طرف سے نظام المدارس پاکستان کو وفاق کا درجہ دے دیا گیا ہے۔ نظام المدارس پاکستان کی منظوری کا نوٹیفیکیشن وفاقی وزارت تعلیم کے اسلام آباد میں مرکزی دفتر میں منعقدہ ایک پروقار تقریب میں دیا گیا۔ یہ درجہ شیخ الاسلام ڈاکٹر محمد طاہرالقادری کے تعلیمی ویژن کا ریاستی سطح پر اعتراف ہے۔ اس اہم کامیابی پر پاکستان سمیت منہاج القرآن کے دنیا بھر میں مقیم کارکنان مبارک باد کے مستحق ہیں۔
آغوش کمپلیکس کے زیراہتمام ٹاؤن شپ میں شیخ الاسلام ڈاکٹر محمد طاہرالقادری کی 70ویں سالگرہ قائد ڈے تقریبات کے سلسلہ میں قومی ‘‘محفلِ حُسنِ قرآت’’ منعقد ہوئی۔ قومی محفل حسن قرات میں عالمی شہرت یافتہ قاری فضیلة الشيخ سيد صداقت على (هلال امتياز و صدارتى ايوارڈ یافتہ)، فضیلة الشيخ قارى ڈاکٹر محمد افضل ايمانى (پی ایچ ڈی علوم قرات قم یونیورسٹی ایران)، فضيلة الشيخ قارى محمد عبدالستار مهروى (ريڈیو پاکستان بہاولپور)، فضیلة الشيخ قارى الله بخش نقشبندى منہاج القرآن لاهور اور فضيلة الشيخ قارى سيد خالد حميد كاظمي الازهري نے تلاوت قرآن مجید کی۔
چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے گڑھی شاہو لاہور میں راجہ محمد ندیم کی والدہ محترمہ کے ایصالِ ثواب کیلئے منعقدہ دعائیہ تقریب میں شرکت کی۔ ڈاکٹر حسن محی الدین قادری نے راجہ محمد ندیم سے ان کی والدہ مرحومہ کے انتقال پر اظہار تعزیت کیا اور فاتحہ خوانی کی۔
چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے ٹاؤن شپ لاہور میں صدر پاکستان عوامی تحریک پی پی 167 سعید گجر کے گھر جا کر انکی والدہ محترمہ کے انتقال پر اظہار تعزیت کیا۔ اس موقع پر آپ نے فاتحہ خوانی کی اور مرحومہ کی بلندی درجات کے لیے دعا بھی کی۔
منہاج القرآن انٹرنیشنل کے مختلف ممالک سے سنیئر رہنماؤں کے وفد نے چیئرمین سپریم کونسل ڈاکٹر حسن محی الدین قادری سے القادریہ ہاؤس میں ملاقات کی۔ رہنماؤں میں حبیب ملک سیکرٹری جنرل منہاج القرآن انٹرنیشنل کینیڈا، حافظ محمد نواز ہزاروی ڈائریکٹر منہاج القرآن انٹرنیشنل یونان، جاوید اقبال سابق ناظم لائبریری منہاج القرآن یونان، واجد علی صدر مسجد کمیٹی یونان، سجاد حسین قادری صدر منہاج نعت کونسل سٹاک ہوم سویڈن، یاسر حسین سیالوی (اٹلی) نعیم ملک، عاطف محمود، اور حافظ عبدالرحمن جلاپوری نعیمی شامل تھے۔
منہاج القرآن حویلی لکھا ضلع اوکاڑہ کے زیراہتمام قائد ڈے کی تقریب منعقد ہوئی، جس میں انجینئر رفیق نجم نے خصوصی شرکت کی۔ اس موقع پر منہاج القرآن حویلی لکھا، اوکاڑہ اور نواح کے قائدین اور علماء نے بھی تقریب میں شرکت کی۔ انجینئر رفیق نجم نے تقریب میں خطاب کیا۔
حریک منہاج القرآن خیرپور سندھ کے زیراہتمام درس قرآن ماہانہ درس عرفان القرآن منعقد ہوا، جس میں شیخ الاسلام ڈاکٹر محمد طاہرالقادری کے شاگرد علامہ محمد محسن منہاجین نے خطاب کیا۔
4M
فیس بک
2M
ٹوٹر
© 1994 - 2025 Minhaj-ul-Quran International.
