سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآن انٹرنیشنل فرانس کے زیراہتمام قرآنی انسائیکلوپیڈیا کی تقریب رونمائی 2 مارچ 2019ء کو منعقد ہوئی، جس میں چیئرمین سپریم کونسل ڈاکٹر حسن محی الدین قادری نے خطاب کیا۔ فرانس میں پاکستانی سفیر معین الحق نے بھی تقریب میں خصوصی شرکت کی اور منہاج القرآن کی علم و امن پر مبنی عالمگیر دینی خدمات کو سراہا۔کانفرنس میں فرانس میں مقیم پاکستانی کمیونٹی کی ممتاز شخصیات اور تحریک منہاج القرآن کے رفقائے کار اور اراکین نے بڑی تعداد میں شرکت کی۔
تحریک منہاج القرآن کے روحانی مرکز گوشہ درود کی مجلس ختم الصلوۃ علی النبی صلی اللہ علیہ وآلہ وسلم کا ماہانہ پروگرام 2 مارچ 2019ء کو مرکزی سیکرٹریٹ میں منعقد ہوا۔ پروگرام میں پاکستان عوامی تحریک کے رہنماء راجہ زاہد محمود، نظامت دعوت کے ناظم ملک اعجاز قادری، ناظم دعوت رانا حاجی نفیس قادری، گوشہ درود کے خادم سید مشرف علی شاہ اور گوشہ نشین اسٹیج پر موجود تھے۔
تحریک منہاج القرآن قصور کے زیراہتمام شیخ الاسلام ڈاکٹر محمد طاہرالقادری کی معرکۃ آراء تالیف قرآنی اِنسائیکلوپیڈیا کی تقریبِ رونمائی 2 مارچ کو منعقد ہوئی۔ تقریب میں نائب ناظم اعلی تحریک منہاج القرآن انجینئر محمد رفیق نجم اور پی ٹی آئی رہنماء اعجاز چوھدری اور حاجی محمد امین انصاری نے خصوصی شرکت کی۔
دی منہاج یونیورسٹی لاہور کے کالج آف شریعہ اینڈ اسلامک سائنسز کے زیراہتمام منعقدہ سالانہ ہفتہ تقریبات میں اردو مباحثہ کا مقابلہ ہوا۔ جس میں صوبائی وزیر آبپاشی محسن لغاری مہمان خصوصی تھے۔ تقریب سے پارلیمانی سیکرٹری پنجاب پیر احمد شاہ کھگہ، شیخ الحدیث پروفیسر محمد نواز ظفر، مفتی عبدالقیوم ہزاروی، سلطان خان، میجر (ر) محمد خان، ڈاکٹر ممتاز الحسن باروی، مرکزی سیکرٹری اطلاعات نوراللہ صدیقی، اللہ دتہ نے بھی خطاب کیا۔
منہاج القران انٹرنیشنل فرانس کے زیراہتمام قرآنی اِنسائیکلوپیڈیا کی تقریبِ رونمائی اور شیخ الاسلام ڈاکٹر محمد طاہرالقادری کی 68 ویں سالگرہ کی تقریب 28 فروری 2019ء کو لاکورنیو میں منعقد ہوئی۔ تقریب میں منہاج القرآن انٹرنیشنل کی سپریم کونسل کے چئیرمین ڈاکٹر حسن محی الدین قادری مہمان خصوصی تھے۔ تقریب میں سفیر یورپ علامہ حافظ نذیر احمد قادری، علامہ حسن میر قادری، علامہ قاسم الازھری، شیخ زاہد فیاض اور منہاج القرآن انٹرنیشنل فرانس کے عہدیداروں نے بھی شرکت کی۔
تحریک منہاج القرآن پنڈ دادنخان جہلم کے زیراہتمام شیخ الاسلام ڈاکٹر محمد طاہرالقادری کی معرکۃ آراء تالیف قرآنی اِنسائیکلوپیڈیا کی تقریبِ رونمائی 28 فروری 2019ء کو مقامی ہال میں منعقد ہوئی، جس میں صدر منہاج القران انٹرنیشنل ڈاکٹر حسین محی الدین قادری نے خصوصی خطاب کیا۔ نائب ناظم اعلی تحریک منہاج القران رانا محمد ادریس، سہیل رضا، مرکزی ناظم تربیت پروفیسر محمد سلیم قادری، مقامی علمائے کرام، سیاسی و سماجی شخصیات، وکلاء برادری، منہاج القرآن ویمن لیگ کی خواتین اور اہل علاقہ کی بڑی تعداد نے بھی تقریب رونمائی میں شرکت کی۔
تحریک منہاج القرآن تحصیل فتح جنگ کے زیراہتمام منہاج القران و جملہ فورمز کے ورکرز کنونشن منعقد ہوا، جس میں ڈاکٹر حسین محی الدین قادری (صدر منہاج القران انٹرنیشنل) نے خصوصی شرکت کی اور خطاب کیا۔ ورکرز کنونشن میں پیر قاسم علی شاہ، نائب ناظم اعلی تحریک منہاج القران رانا محمد ادریس، یاسر صادق ایڈووکیٹ اور تحصیل فتح جنگ کے قائدین و کارکنان نے بڑی تعداد میں شرکت کی۔
منہاج القرآن انٹرنیشنل جرمنی کے سینئر رہنما میاں مقصود اکرام نے صدر منہاج القرآن انٹرنیشنل ڈاکٹرحسین محی الدین قادری سے ملاقات کی۔ ملاقات میں جرمنی میں منہاج القرآن کی ورکنگ اور دیگر تنظیمی اُمور پر تبادلہ خیال ہوا۔ میاں مقصود اکرام نے صدر منہاج القرآن کے چیئرمین سپریم کونسل ڈاکٹرحسن محی الدین قادری کے آئندہ ماہ مارچ 2019ء میں شیڈول دورہ جرمنی اور قرآنی انسائیکلوپیڈیا کی تقریب رونمائی سے متعلق بھی بریفنگ دی۔
تحریک منہاج القرآن اور مصطفوی سٹوڈنٹس موومنٹ کے زیراہتمام جامعہ پشاور میں ’’قرآن اور سائنس‘‘ کانفرنس 27 جنوری 2019ء کو منعقد ہوئی۔ وفاقی وزیر مذہبی امور ڈاکٹر نور الحق قادری اور تحریک منہاج القرآن کے صدر ڈاکٹر حسین محی الدین قادری نے کانفرنس کی صدارت کی۔ ناظم اعلیٰ منہاج القرآن خرم نواز گنڈاپور، ایم ایس ایم کے مرکزی صدر چوہدری عرفان یوسف، آصف خان و دیگر نے بھی کانفرنس میں شرکت کی۔ ڈاکٹر نورالحق قادری نے کہا کہ ریاست مدینہ سنت نبویﷺ پر عمل پیر ہونے اور آپ ﷺ کے نقش قدم پر چلنے کا نام ہے۔ ڈاکٹر حسین محی الدین نے کہا کہ 15 سو سال بعد سائنس انسان کی تخلیق کے حوالے سے قرآن نے جو حقائق بیان کئے، آج سائنس اسکی توثیق کر رہی ہے۔
تحریک منہاج القرآن کوہاٹ کے زیراہتمام قرآنی اِنسائیکلوپیڈیا کی تقریب رونمائی 27 فروری 2019ء کو گریژن مارکی کوہاٹ میں منعقد ہوئی، جس میں صدر منہاج القرآن انٹرنیشنل ڈاکٹر حسین محی الدی قادری نے خطاب کیا۔ تقریب رونمائی میں ضیاء اللہ بنگش، ناظم اعلی تحریک منہاج القران خرم نواز گنڈاپور اور چوہدری مرکزی صدر مصطفوی سٹوڈنٹس موومنٹ عرفان یوسف بھی موجود تھے۔
کالج آف شریعہ اینڈ اسلامک سائنسز دی منہاج یونیورسٹی لاہور میں بزم منہاج کے زیراہتمام سالانہ ہفتہ تقریبات میں تیسرے روز 27 فروری 2019ء کو اردو تقریری مقابلہ منعقد ہوا۔ اردو تقریری مقابلہ کا عنوان ’’جنہوں نے بستی اُجار ڈالی کبھی تو اُن کا حساب ہو گا‘‘ تھا۔
منہاج القرآن انٹرنیشنل نیو یارک، امریکہ کے زیراہتمام قرآنی انسائیکلوپیڈیا کی تقریب رونمائی منعقد ہوئی جس میں منہاج القرآن کے قائدین و کارکنان اور لوکل کمیونٹی کے افراد نے شرکت کی۔ اس موقع پر مقررین کا کہنا تھا کہ شیخ الاسلام ڈاکٹر محمد طاہرالقادری کی نئی تالیف ’’قرآنی انسائیکلوپیڈیا‘‘ عصر حاضر میں خدمت قرآن کے ضمن میں ایک بڑی سعادت ہے۔ قرآنی تعلیمات کے ذریعے ہی نوجوان نسل کو انتہا پسندی اور تکفیری مذموم پراپیگنڈہ سے بچایا جا سکتا ہے۔
تحریک منہاج القرآن ضلع راجن پور کے صدر محمد سعید مغل اور ضلعی ناظم ملک ابو ارسل مصطفی المدنی نے ساہن والا میں سابقہ صدر تحریک منہاج القرآن پی پی 295 فاضل پور محمد سعید دریشک کو نعتیہ کلام لکھنے پر خصوصی مبارک باد دی ہے۔
دی منہاج یونیورسٹی لاہور کے کالج آف شریعہ اینڈ اسلامک سائنسز میں بزم منہاج کے زیراہتمام منعقدہ سالانہ ہفتہ تقریبات کے دوسرے روز 26 فروری 2019ء کو حسنِ نعت و انگریزی تقریری مقابلہ منعقد ہوا۔ تقریبات کے دوسرے روز صوبائی وزیر تعلیم ڈاکٹر مراد راس، مرکزی رہنماء تحریکِ انصاف ابرارالحق اور نعت گو شاعر زاہد فخری مہمان خصوصی تھے۔ اس موقع پر مہمان خصوصی ڈاکٹر مراد راس نے کالج آف شریعہ کی علمی و ادبی تقریبات کو سراہا اور اقبالیات و سیرت النبیﷺ کو نصاب میں لانے کا ارادہ ظاہر کیا۔ پروگرام میں ابرار الحق نے اپنا خصوصی نعتیہ کلام منظر نامہ دورِ نبوی ﷺ سنایا جبکہ زاہد فخری نے بھی نعتیہ کلام پیش کیا۔
منہاج یونیورسٹی لاہور کے کالج آف شریعہ اینڈ اسلامک سائنسز میں بزم منہاج کے زیراہتمام قائد تحریک منہاج القرآن ڈاکٹر محمد طاہرالقادری کی 68 ویں سالگرہ کے سلسلہ میں کل پاکستان بین الکلیاتی ہفتہ تقریبات کا آغاز 25 فرروی 2019ء کو ہوا۔ ہفتہ تقریبات 28 فروری تک جاری رہے گا۔ افتتاحی تقریب کے مہمان خصوصی وحدت المسلمین کے رہنما علامہ امین شہیدی، صاحبزادہ دیوان مسعود احمدچشتی سجادہ نشین پاکپتن شریف، ڈاکٹر خان محمد ملک، مفتی عبدالقیوم خان ہزاروی، شفاقت علی بغدادی، ڈاکٹرممتاز الحسن باروی، تھے۔
4M
فیس بک
2M
ٹوٹر
© 1994 - 2025 Minhaj-ul-Quran International.
