سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآن اوڈنسے میں 14 اگست 2020 کو یوم پاکستان کی تقریب منعقد ہوئی۔ تقریب کا آغاز قرآنِ پاک کی تلاوت سے ہوا جس کی سعادت محمد لبیب یونس نے حاصل کی۔ ادارہ کے سٹوڈنٹسن نے اجتماعی طور پر ملی نغمے اور ترانے پیش کیے۔ محمد باسم ریاض مدنی، محمد عبداللہ شاہد، مہک فاطمہ، نایاب فاطمہ، اریبہ طاہرہ، نحل شاہد نے یوم پاکستان کے موضوع پہ تقاریر کیں۔
مؤرخہ 8 مارچ منہاج القرآن ویمن لیگ اور منہاج سسٹر لیگ ڈنمارک نے مرکز منہاج القرآن ڈنمارک پہ معراج النبی ﷺ کانفرنس منعقد کی جس میں خواتین اور یوتھ کی ایک کثیر تعداد نے شرکت کی۔ درس نظامی کی طالبہ آنسہ خدیجہ سجاد نے تلاوت کلام پاک کی سعادت حاصل کی اور محترمہ رخسانہ افضل صاحبہ نے حمد باری تعالیٰ پیش کی۔ مریم ادریس، ناہید خان، سمیرہ سلیم، سسٹر لیگ کی آنسہ فروہ حسین، نیلم یاسین اور کومل جنید نے عقیدت کے پھول بحضور سرورِ کونین ﷺ نچھاور کیے۔
منہاج القرآن انٹرنیشنل کوپن ہیگن ڈنمارک کے زیراہتمام شیخ الاسلام ڈاکٹر محمد طاہرالقادری کی 69 ویں سالگرہ پر قائد ڈے تقریب کا انعقاد کیا گیا۔ تقریب میں چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے خصوصی شرکت کی اور خطاب کیا۔ تقریب میں چیئرمین سپریم کونسل نے شیخ الاسلام ڈاکٹر محمد طاہرالقادری کی سالگرہ کا کیک بھی کاٹا۔
منہاج القرآن انٹرنیشنل ڈنمارک کے سابقہ ہیڈ کوارٹر اور موجودہ ذیلی مرکز ویلبی کی حال ہی میں تعمیر و تزئین نو مکمل ہوئی ہے جس میں نئے دفاتر، مسجد کا نیا ہال، سکول کے نئے کمرے اور خواتین کے ہال کی تزئین آرائش، نئے وضوخانے اور ٹوائلٹس تعمیر کیے گئے ہیں۔ منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین القادری نے 6 فروری 2020 کو منہاج اسلامک سینٹر ویلبی نئی عمارت کا افتتاح کیا۔
منہاج یوتھ لیگ ڈنمارک پلیٹ فارم پہ منعقدہ ’اللہ کا دوست کیسے بنا جائے’ یوتھ سیمینار سے خطاب کرتے ہوئے منہاج القرآن انٹرنیشنل کی سپریم کونسل کے چیئرمین سپریم کونسل ڈاکٹر حسن محی الدین قادری نے کہا کہ ہدایت کے حصول کے لیے کسی کامل کی صحبت کلیدی حیثیت رکھتی ہے، شیخ الاسلام بہترین شیخ اس لیے بنے کہ انہوں نے اپنے شیخ کی صحبت میں رہ کر سلوک ومعرفت کی منازل طے کیں۔ اللہ سے دوستی کے طلبگار کو علم ہونا چاہیئے کہ اللہ سے دوستی کا طریقہ اسکے محبوبین سے محبت اور انکی صحبت ہے۔
منہاج القرآن انٹرنیشنل ڈنمارک کے زیراہتمام ایک خصوصی نشست کا اہتمام کیا گیا، جس میں ڈنمارک میں مقیم اور مختلف شعبہ جات میں خدمات سرانجام دینے والے منہاجینز سکالرز نے چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری سے ملاقات کی۔ منہاجینز وفد کی سربراہی علامہ ارشاد حسین سعیدی اور علامہ محمود شاہ نے کی۔ ناصر علی اعوان اور دیگر منہاجینز بھی ملاقات میں شریک تھے۔
چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری دورہ یورپ کے لیے ڈنمارک کے شہر کوپن ہیگن پہنچ گئے۔ کوپن ہیگن پہنچنے پر ائیرپورٹ پر منہاج القرآن انٹرنیشنل کوپن ہیگن کے رہنماء علامہ ارشاد حسین سعیدی، سید محمود الحسن شاہ اور دیگر عہدیداروں نے آپ کا پرتپاک استقبال کیا۔ بعدازاں کوپن ہیگن میں چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے منہاج القرآن ڈنمارک کی نیشنل ایگزیکٹو کونسل کے ممبران سے ملاقات کی۔
چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری سے منہاج القرآن انٹرنیشنل ڈنمارک کے تمام فورم ایگزیکٹیوز نے ملاقات کی۔ اس موقع پر علامہ ارشاد حسین سعیدی، علامہ محمود شاہ اور مختلف فورمز کے سربراہان و عہدیداران بھی موجود تھے۔ پروگرام میں سسٹر لیگ کی عہدیداروں اور خواتین بھی موجود تھیں۔ اس موقع پر ملاقات میں ڈنمارک میں منہاج القرآن کے تمام فورمز کی کارکردگی زیربحث آئی جبکہ ڈاکٹر حسن محی الدین قادری نے خطاب بھی کیا۔
منہاج سکول آف اسلامک سائنسز ڈنمارک کے درس نظامی کے پہلے بیج کے طلباء و طالبات نے تین سال کی محنت سے جامعہ اسلامیہ منہاج القرآن لاہور کے نصاب کے مطابق الشہادۃ الثانویہ کی تکمیل کرکے منہاج القرآن انٹرنیشنل کی دنیا بھر کی تنظیمات میں پہلا اعزاز حاصل کر لیا۔ اس پرمسرت موقع پر نظامت تعلیمات کی طرف سے طلباء و طالبات کو اسناد و انعامات سے نوازنے کے لئے عظیم الشان کانووکیشن کا انعقاد کیا گیا۔ جس میں منہاج القرآن انٹرنیشنل ڈنمارک کے قائدین، رفقاء، کارکنان، اساتذہ کرام، والدین اور کمیونٹی کے افراد نے شرکت کی۔
منہاج القرآن انٹرنیشنل ڈنمارک کے زیراہتمام نوجوان نسل کی تعلیم و تربیت کے لئے ڈپلومہ ان اسلامک ایجوکیشن کا آغاز کیا گیا، ڈپلومہ میں تین سطحیں قائم کی گئی ہیں۔ پہلی سطح بنیادی اسلامی تعلیم کی ہے جس میں پانچ سے بارہ سال کے بچے آتے ہیں۔ ان بچوں کو قرآن مجید کی حفظ و ناظرہ تعلیم کے ساتھ ساتھ منہاج یورپین کونسل کا تشکیل کردہ نصاب پڑھایا جاتا ہے۔
منہاج لائبریری ڈنمارک کی طرف سے ڈائریکٹر منہاج القرآن ویلبی علامہ محمد اعجاز ملک کے اعزاز میں استقبالیہ ڈنر کا اہتمام کیا گیا۔ انچارج لائبریری راجہ محمد افضل نے علامہاعجاز ملک کو گلدستہ پیش کیا اور انہیں ڈنمارک کی سرزمین پر تشریف لانے پر خوش آمدید کہا۔ انہوں نے علامہ اعجاز ملک کو منہاج القرآن ویلبی کی نئی ذمہ داریاں سنبھالنے پر مبارکباد بھی پیش کی۔
منہاج ایجوکیشن بورڈ ڈنمارک کی طرف سے مورخہ گیارہ ستمبر 2019 کو علامہ محمد اعجاز ملک کے اعزاز میں ایک پروقار استقبالیہ تقریب منعقد کی گئی۔ چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے ان کا بطور ڈائریکٹر منہاج القرآن انٹرنیشنل ویلبی سنٹر تقرر فرمایا ہے اور آپ حال ہی میں ڈنمارک میں تشریف لائے ہیں۔
چئیرمین سپریم کونسل منہاج القرآن انٹرنیشنل ڈ اکٹر حسن محی الدین قادری کا منہاج القرآن ڈنمارک کی تنظیمات سے خصوصی ایگزیکٹو سیشن کا اہتمام کیا گیا، جس میں منہاج القرآن ڈنمارک کے تمام فورمز کے ایگزیکٹو شامل ہوئے اور اپنی کارکردگی، حکمت عملی اور مستقبل کے پلان پیش کیے۔
منہاج ایجوکیشن بورڈ نے امسال تعلیمی سیشن 2019 کے آغاز میں ہی ڈنمارک میں موجود منہاج القرآن کے تمام مراکز کے لیے نصابی و ہم نصابی اور غیر نصابی سرگرمیوں کا ایک مکمل چارٹ جاری کیا، جس کے مطابق طلباء و طالبات کے لیے بزم منہاج کے ماہانہ پروگرامز سمیت مختلف معلوماتی اور غیر نصابی سرگرمیاں ترتیب دی گئی ہیں۔ اس سلسلہ میں منہاج سکول آف اسلامک سائنسز نے کوپن ہیگن میں 27 جولائی کو سالانہ سپورٹس فیسٹیول 2019ء کا انعقاد کیا۔
چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری کی 26 جولائی 2019ء کو ڈنمارک آمد پر منہاج القرآن انٹرنیشنل ڈنمارک کے تمام فورمز کے ایگزیکٹوز کا ایک اہم اجلاس منعقد ہوا۔ جس میں منہاج القرآن انٹرنیشنل ڈنمارک کے تمام فورمز کی طرف سے سالانہ کارکردگی اور آئندہ سال کے اہداف پیش کئے گئے۔
4M
فیس بک
2M
ٹوٹر
© 1994 - 2025 Minhaj-ul-Quran International.
