سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
29 نومبر 2012 دوپہر 2 بجے چیف کوآرڈینیٹر عوامی لائرز موومنٹ پاکستان، نعیم الدین چودھری ایڈووکیٹ نے منہاجینز کے تعاون سے وکلاء کو ایشیاء ہوٹل لکشمی چوک لاہور میں پر تکلف ظہرانہ دیا۔ اس ظہرانہ میں تقریبا 85 وکلاء شریک ہوئے۔
مورخہ 29 نومبر 2012ء کو مصطفوی سٹوڈنٹس موومنٹ اور بزم منہاج کالج آف شریعہ اینڈ اسلامک سائنسز لاہور کے زیراہتمام جاگو لاہور مہم کے چھٹے روز کوٹھا پنڈ، جوہر ٹاؤن اور مون مارکیٹ میں دعوتی سرگرمیاں کی گئیں، کثیر تعداد میں طلبہ ایک ریلی کی صورت میں دعوتی مہم پر گئے اور ہر ہر دوکان پر جا کر لوگوں کو 23 دسمبر 2012ء کو مینار پاکستان پر ہونے والے عظیم الشان ’سیاست نہیں ریاست بچاؤ‘ کنونشن اور شیخ الاسلام ڈاکٹر محمد طاہرالقادری کی پاکستان آمد کے حوالے سے لٹریچر بھی تقسیم کیا۔
تحریک منہاج القرآن پنجاب کے زیراہتمام پنجاب کوآرڈینیٹرز کا خصوصی اجلاس 29 نومبر 2012ء کو مرکزی سیکرٹریٹ میں ہوا۔ یہ اجلاس شیخ الاسلام ڈاکٹر محمد طاہرالقادری کے عوامی استقبال کی مہم کی تیاریوں کا جائزہ لینے کے حوالے سے منعقد تھا۔ اجلاس کی صدارت منہاج القرآن فیڈرل کونسل کے صدر ڈاکٹر حسین محی الدین قادری نے کی۔ ناظم اعلیٰ ڈاکٹر رحیق احمد عباسی، سینئر نائب ناظم اعلیٰ شیخ زاہد فیاض اور ناظم منہاج القرآن پنجاب علامہ احمد نواز انجم نے اجلاس میں خصوصی شرکت کی۔
نائب امیر تحریک منہاج القرآن علامہ محمد صادق قریشی نے کہا کہ یزیدنے اسلام کی تعلیمات کو مسخ کرنے کی کوشش کی جو امام حسین علیہ السلام کو گوارہ نہ ہوا اور انہوں نے اپنے خاندان کی قربانی دے کر اسلام کو ہمیشہ کیلئے زندہ کردیا۔ انہوں نے کہا کہ حضرت امام حسین کے عمل سے صبر و رضا، استقامت اور قربانی کے عظیم رویوں نے جنم لیا اور آج ساری انسانیت ان مثبت رویوں سے فیضیاب ہورہی ہے۔ حضرت امام حسین علیہ السلام آج غیر مسلموں کیلئے بھی اتنے ہی معزز ہیں جتنے مسلمانوں کیلئے، ایسا اس لیے ہے کہ انہوں نے اپنے عمل سے انسانیت کا سر فخر سے بلند کردیا۔
ڈاکٹر اقبال رحمۃ اللہ علیہ نے مغربی جمہوریت کے مقابل اسلام کا حقیقی تصور جمہوریت دیا۔ پاکستان میں جمہوریت کی موجودہ شکل ڈاکٹر اقبال رحمۃ اللہ علیہ کے تصور جمہوریت سے متصادم ہے۔ اس لئے ہمارا معاشرہ تنزلی کی بدترین تصویر پیش کر رہا ہے۔ ڈاکٹر اقبال رحمۃ اللہ علیہ کا تصور جمہوریت یہ ہے کہ ملک کے غریب عوام امیروں پر ٹیکس لگائیں۔ اقبال ایسی سیاست کے قائل تھے جو ریاست کو استحکام اور عوام کو خوشحالی دے۔ موجودہ نظام انتخاب مستقبل کے اقبال و جناح کو دفن کئے جا رہا ہے اور یہ نظام شیطانی جمہوری ہے جس کے خلاف ڈاکٹر طاہر القادری نے موثر آواز بلند کر دی ہے۔
مصطفوی سٹوڈنٹس موومنٹ کے زیراہتمام جاگو لاہور مہم ایام عاشورہ کے بعد دوبارہ شروع کر دی گئی ہے، ماڈل ٹاؤن لنک روڈ پر 28 نومبر 2012ء کو سینکڑوں طلبہ نے بیداری شعور کا پیغام دیا اور عوام الناس کو بتایا کہ جب تک یہ نظام نہیں بدلو گے تبدیلی نہیں آئے گی، نظام بدلنے کیلئے 23 دسمبر کو مینار پاکستان آئیں، طلبہ کی قیادت نائب صدر ایم ایس ایم انجینئر محمد حنیف مصطفوی، سیکرٹری انفارمیشن ایم ایس ایم رضی طاہر، صدر بزم منہاج سیشن 12-2011 راجہ محمد اویس منصف اور اسسٹنٹ ڈائریکٹر منہاج سپورٹس ڈیپارٹمنٹ چوہدری منیر حسین نے کی۔
صدر فیڈرل کونسل منہاج القرآن انٹرنیشنل ڈاکٹر حسین محی الدین قادری نے خطاب کرتے ہوئے کہا کہ شیخ الاسلام ڈاکٹر محمد طاہرالقادری کی ولولہ انگیز قیادت میں وطن عزیز میں تبدیلی جلد آئیگی جو پاکستان کو ایشیاء کا باوقار اور خوشحال ملک بنا دے گی۔ انہوں نے کہا کہ تبدیلی وقت کی ضرورت بن چکی ہے، مینارِ پاکستان پر ہونیوالے تاریخی اجتماع میں لاکھوں محبِ وطن پاکستانی ملک سے کرپشن کے محافظ مقتدر طبقے کے خاتمے کا عہد کریں گے۔ موجودہ انتخابی نظام سے سوسال تک بھی کوئی تبدیلی نہیں آئیگی۔ تبدیلی کیلئے موجودہ انتخابی نظام کے خلاف بغاوت کرنا ہوگی۔
25 نومبر 2012ء کو تین ہزار بھارتی سکھ یاتری واہگہ بارڈر کے راستے بذریعہ خصوصی ٹرین واہگہ ریلوے سٹیشن پہنچے۔ جہاں پر متروکہ وقف املاک بورڈ حکومت پاکستان کے ممبر سہیل احمد رضا، ایڈیشنل سیکرٹری شرائنز سید زاہد بخاری، ڈپٹی سیکرٹری فراز عباس، اظہر نذیر سلہری، پاکستان سکھ گورد وارہ ہربندھک کمیٹی کے صدر سردار شام سنگھ، سردار بشن سنگھ، ڈاکٹر سردار سورن سنگھ، پاکستان رینجرز پولیس اور دیگر سیکیورٹی اداروں کے اعلٰی افسران نے ان کا استقبال کیا۔
23 نومبر 2012ء کو منہاج القرآن یوتھ لیگ کے مرکزی سیکرٹری جنرل محمد رفیق صدیقی نے منہاج القرآن یوتھ لیگ گلبرگ ٹاؤن اے لاہور کے تحت کی جانے والی عظیم الشان عوامی استقبال کی تیاریوں کے سلسلے میں یوسی 130 کا دورہ کیا، جہاں پر شیخ الاسلام ڈاکٹر محمد طاہرالقادری کی پاکستان آمد کے حوالے سے کارنر میٹنگ جاری تھی۔
تحریک منہاج القرآن اور منہاج القرآن یوتھ لیگ الہ آباد کے زیر اہتمام 23 نومبر 2012ء کواسلامیہ ہائی سکول میں ''سیاست نہیں ریاست بچاؤ'' ورکر کنونشن منعقدہوا۔ شیخ الاسلام ڈاکٹر محمد طاہر القادری کی پاکستان آمد اورعوامی استقبال کے حوالے سے منعقد ہونے والے اس پروگرام کی صدارت نائب ناظم تحریک منہاج القرآن پنجاب محترم اشتیاق حنیف مغل نے کی۔ پروگرام میں موضع رسول پور پوہلیکے سے آستانہ عالیہ حضرت بابا ولی محمد سرکار قادری نوشاہی کے سجادہ نشین بابا نور محمد قادری نوشاہی مہمان خصوصی تھے۔
22 نومبر 2012 کو ای لرننگ ڈیپارٹمنٹ، کالج آف شریعہ اینڈ اسلامک سائنسز نے سجائی۔ محفل کا آغاز دن 12 بجے جامع مسجد منہاج القرآن میں ہوا، جس میں کالج آف شریعہ اینڈ اسلامک سائنسز کے جملہ اساتذہ کرام اور کلیریکل سٹاف کے ساتھ کثیر تعداد میں طلباء نے شرکت کی، جبکہ مرکزی سیکرٹریٹ تحریک منہاج القرآن کے احباب بھی اس محفل میں شریک تھے۔ پروگرام کی صدارت نائب امیر تحریک منہاج القرآن علامہ محمد صادق قریشی نے کی، جبکہ مہمان خصوصی مفتی عبدالقیوم خان ہزاروی تھے۔
کمیونٹی آف سینٹ اگیدیو پیس اینڈ سوشل جسٹس سیکنڈ ویٹی کن سٹی اٹلی کے ڈپٹی ڈائریکٹر مسٹر روبرٹو پیٹر اولیچو (Mr. Robert Peter Lucci) سے پاکستان وزٹ کے موقع پر لاہور میں ڈائریکٹر انٹرفیتھ ریلیشنز منہاج القرآن انٹرنیشنل سہیل احمد رضا نے ملاقات کی۔
22 نومبر جاگو لاہور مہم کے چوتھے روز مصطفوی کارکنان نے لاہور کے مختلف مقامات پر ہاتھوں کی زنجیر بنا کر اس عزم کا اظہار کیا کہ ہم اس نظام کے خلاف ایک ہیں اور اس کو جڑ سے اکھاڑ پھینکیں گے۔ یہ نظام ہی ہمارا اصل دشمن ہے جس کو بدلے بغیر تبدیلی کی ساری امیدوں پر پانی پھر جائے گا، طلبہ نے فٹ پاتھوں اور مختلف ٹاؤنز میں ہاتھوں کی زنجیریں بنائیں۔
مورخہ 21 نومبر 2012ء بروز بدھ کو مصطفوی سٹوڈنٹس موومنٹ کے زیراہتمام سنٹرل فلیٹ لاہور میں ''جاگو لاہور مہم'' کے تحت ''پیغام حسین کانفرنس'' کا انعقاد کیا گیا جس میں شیخ الاسلام ڈاکٹر محمد طاہر القادری کا خطاب بذریعہ پروجیکٹر سنایا گیا۔ پروگرام میں لوگوں کی کثیر تعداد نے شرکت کی۔ اس موقع پر خصوصی شرکت نائب امیر تحریک منہاج القرآن علامہ محمد صادق قریشی نے کی۔ ایم ایس ایم سنٹرل فلیٹ کے کوآرڈینیٹرز عمران علی مصطفوی، فرقان علی مصطفوی، غضنفر علی مصطفوی، محمد رضا، راجا صدام عزیز اور عمیر مصطفوی کو علامہ صادق قریشی نے پروگرام کی کامیابی پر خصوصی مبارک باد دی۔
مورخہ 21 نومبر 2012ء بروز بدھ کو مصطفوی سٹوڈنٹس موومنٹ لاہور کے زیراہتمام جاگو لاہور مہم کے تحت کوٹھا پنڈ، مون مارکیٹ، فیصل ٹاؤن میں دعوتی سرگرمیاں کی گئیں۔ جس کی قیادت مرکزی سیکرٹری انفارمیشن رضی طاہر نے کی۔ قافلے کی صورت میں مصطفوی کارکنان نے ہر دوکان میں دعوت دی۔ تاجر برادری نے مکمل تعاون کا یقین دلاتے ہوئے کہا کہ ڈاکٹر محمد طاہر القادری کی قیادت ہی پاکستان کی تقدیر بدل سکتی ہے۔
4M
فیس بک
2M
ٹوٹر
© 1994 - 2025 Minhaj-ul-Quran International.
