سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج یونیورسٹی لاہور میں انٹرفیتھ ریلیشنز منہاج القرآن انٹرنیشنل کے زیراہتمام کرسمس تقریب کا انعقاد ہوا۔ ڈپٹی چیئرمین بورڈ آف گورنرز منہاج یونیورسٹی ڈاکٹر حسین محی الدین قادری، وائس چانسلر ڈاکٹر ساجد محمود شہزاد، ڈاکٹر ہرمین روبوغ، ڈاکٹر فادرجیمز چنن، آرچ بشپ سیبسٹین شاہ، بشپ عرفان جمیل، ڈاکٹر مجید ایبل، ڈائریکٹر انٹرفیتھ ریلیشنز منہاج القرآن سہیل احمد رضا، شہزاد خان و دیگر مسلم، مسیحی رہنماؤں، ڈینز، فکیلٹی ممبران نے کرسمس کا کیک کاٹا۔
کالج آف شریعہ اینڈ اسلامک سائنسز کے زیراہتمام عربی زبان کے عالمی دن کے موقع پر پُروقار انٹرنیشنل کانفرنس کا انعقاد کیا گیا۔ کانفرنس کی صدارت پرنسپل کالج آف شریعہ اینڈ اسلامک سائنسز ڈاکٹر ممتاز الحسن باروی نے کی۔ کانفرنس میں مصر، سوڈان، یمن، تیونس سے اساتذہ کرام، کالج آف شریعہ اینڈ اسلامک سائنسز (منہاج یونیورسٹی) سمیت مختلف یونیورسٹیز کے اساتذہ اور لسانی ماہرین نے شرکت کرتے ہوئے اپنے خیالات سے حاضرین کو مستفید کیا۔ عربی زبان کے ماہرین نے انٹرنیشنل کانفرنس عربی زبان کی اہمیت اور تاریخ کے بارے میں گفتگو کی۔ کالج آف شریعہ کے اساتذہ اور طلبہ نے عربی زبان میں نظم و تقاریر پیش کیں۔
عربی زبان کے عالمی دن کے موقع پر کالج آف شریعہ میں 18 دسمبر کو تقریب ہوگی
تحریک منہاج القرآن کے بانی و سرپرست، منہاج یونیورسٹی لاہور کے بورڈ آف گورنرز کے چیئرمین شیخ الاسلام ڈاکٹر محمد طاہرالقادری کی زیرصدارت بورڈ آف گورنرز کا اجلاس منعقد ہوا۔ اجلاس میں رپورٹ پیش کرتے ہوئے بتایا گیا کہ منہاج یونیورسٹی کے کووڈ 19 کی وبا کے دوران خراب معاشی صورتحال کے پیش نظر طلب کو فیسوں میں 30 ملین روپے کی رعائت دی اور طلبہ کو ٹیچنگ کی بہترین آن لائن سہولیات مہیا کی گئیں۔ اس پر بورڈ آف گورنرز کے چیئرمین شیخ الاسلام ڈاکٹر محمد طاہرالقادری نے اطمینان کا اظہار کیا اور مبارکباد دی۔
نوجوانوں کے لیے کتاب دوستی کے کلچر کو عام کرنے کے لیے منہاج یوتھ لیگ کی لٹریری کونسل نے ملک بھر میں یوتھ سٹڈی سرکلز کے لیے 10 سالہ نصاب تیار کر لیا۔ مرکزی ڈپٹی سیکرٹری جنرل و ہیڈ لٹریری کونسل محمد انعام مصطفوی نے 10 سالہ نصاب کے حوالے سے مرکزی صدر منہاج یوتھ لیگ مظہر محمود علوی کو بریفنگ دی۔
اہل سنت والجماعت سکرنڈ کے امیر پیر سید نور محمد شاہ جیلانی نے اپنے وفد کے ہمراہ منہاج القرآن حیدرآباد مرکز کا دورہ کیا۔ اس موقع پر حیدرآباد ڈویژن کے امیر تحریک حیدرآباد یونس القادری سے ملاقات کی۔
ڈائریکٹر لارل ہوم سکولز علی وقار قادری کی والدہ محترمہ شہناز شفیع کے ایصالِ ثواب کیلئے ختمِ چہلم جامع مسجد منہاج یونیورسٹی لاہور منعقد ہوا۔ چہلم میں چیئرمین منہاج ایجوکیشن سوسائٹی ڈاکٹر حسین محی الدین قادری نے خصوصی شرکت کی اور خطاب کیا۔ اس موقع پر علی وقار قادری، ان کے بھائی محمد رفیع قادری، مظہر حسین، وائس چانسلر منہاج یونیورسٹی لاہور ڈاکٹر ساجد محمود شہزاد، پرو وائس چانسلر دی منہاج یونیورسٹی لاہور ڈاکٹر شاہد سرویا اور دیگر قائدین بھی موجود تھے۔
تحریک منہاج القرآن کے مرکزی نائب ناظم اعلیٰ تنظیمات شمالی زون علامہ رانا محمد ادریس قادری نے 13 دسمبر 2020ء کو بھوال کا تنظیمی دورہ کیا۔ اس موقع پر منہاج القرآن تحصیل بھلوال میں تنظیمی اور تربیتی اجلاس کا انعقاد کیا گیا۔
تحریک منہاج القرآن کے مرکزی نائب ناظم اعلیٰ تنظیمات شمالی زون رانا محمد ادریس قادری نے سرگودھا کا تنظیمی دورہ کیا۔ دورہ میں انہوں نے تحریک منہاج القرآن سرگودھا کی ذیلی ماڈل یونین کونسل چک نمبر 36 تحصیل سرگودھا شرقی میں ایک تنظیمی اجلاس میں خصوصی شرکت کی۔
تحریک منہاج القرآن کے سینئر رہنما سید ہدایت رسول شاہ (مرحوم) کی یاد میں تعزیتی ریفرنس بغدادی مسجد فیصل آباد میں منعقد ہوا، تعزیتی ریفرنس میں قائد تحریک منہاج القرآن شیخ الاسلام ڈاکٹر محمد طاہرالقادری نے ویڈیو لنک پر خطاب کیا۔ انہوں نے کہا کہ دیانت دار افراد تحریکوں اور جماعتوں کی ریڑھ کی ہڈی ہوتے ہیں۔ سید ہدایت رسول شاہ بھی انہی عظیم سپوتوں میں سے ایک ہیں۔
تحریک منہاج القرآن کے مرکزی سیکرٹری کوآرڈینیشن طیب ضیاء کے والد اور منہاج القرآن علماء کونسل نارووال کے سرپرست حافظ ممتاز احمد ضیاء قضائے الہٰی سے انتقال کر گئے ہیں، انا للہ و انا الیہ راجعون۔ ان کی نماز جنازہ 10 دسمبر بروز جمعرات سہہ پہر 3 بجے ریلوے اسٹیشن گراؤنڈ نارووال میں ادا کی جائے گی۔
قائد تحریک منہاج القرآن شیخ الاسلام ڈاکٹر محمد طاہرالقادری نے انسانی حقوق کے عالمی دن کے موقع پر ویڈیو لنک پر سینئر رہنماؤں کے مشاورتی اجلاس سے خطاب کرتے ہوئے کہا کہ جہاں انسانی حقوق کا احترام ہو گا وہاں امن اور خوشحالی ہو گی، فی زمانہ انصاف انسانوں کا سب سے بڑا بنیادی حق ہے، جب انصاف سے محروم کیا جاتا ہے تو ردعمل میں انتہا پسندی اور تشدد جنم لیتا ہے۔
منہاج ڈیجیٹل انسائیکلوپیڈیا (MDE) کی ڈویلپنگ ٹیم نے چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری سے ملاقات کی۔ منہاج ڈیجیٹل انسائیکلوپیڈیا پراجیکٹ کی بریفنگ کے دوران ڈاکٹر حسن محی الدین قادری کو MDE کی منفرد خصوصیات سے بالتفصیل آگاہ کیا گیا۔ اس موقع پر MDE کے سرپرست آصف منہاس کے ساتھ حافظ عبدالرؤف، شہزاد احمد، محمد فاروق رانا، عبدالستار منہاجین، شعیب نذر، صابر حسین، کاشف اقبال، زین اقبال اور مجتبی مشتاق بھی موجود تھے۔
تحریک منہاج القرآن کے ناظم سیکرٹریٹ جواد حامد نے اپنی رہائش گاہ پر سالانہ ضیافت میلاد کا انعقاد کیا، جس میں چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے خصوصی شرکت کی۔ پروگرام میں ناظم اعلیٰ خرم نواز گنڈاپور، منہاج ویلیفئر فاؤنڈیشن کے ڈائریکٹر امجد علی شاہ، ایم ایس ایم کے صدر عرفان یوسف اور دیگر مرکزی قائدین نے بھی محفل میں شرکت کی۔
منہاج القرآن انٹرنیشنل قطر کے صدر اور تحریک منہاج القرآن کے سینئر ترین رہنماء سہیل احمد خان سہرودی انتقال کر گئے، انا اللہ و انا الیہ راجعون۔ مرکز سے قاری ریاست علی چدہڑ کی قیادت میں قائدین کے وفد نے مرحوم کی نماز جنازہ میں شرکت کی۔
4M
فیس بک
2M
ٹوٹر
© 1994 - 2025 Minhaj-ul-Quran International.
