سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآن ویمن لیگ کی مرکزی ٹیم نے عید الاضحیٰ کے پرمسرت موقع پر یتیم بچوں اور بچیوں کو عید کی خوشیوں میں شریک کرنے کے لیے آغوش (یتیم بچوں کی کفالت کا ادارہ، بغداد ٹاؤن) اور دارالامان (یتیم بچیوں کی کفالت کا ادارہ، یتیم خانہ) کا وزٹ کیا۔ اس موقع پر بچوں اور بچیوں میں تحائف اور پکے ہوئے کھانوں کی تقسیم کی گئی۔
منہاج ویلفیئر فاؤنڈیشن کے تحت گذشتہ سال کی طرح اس سال بھی سنت ا براہیمی کی پیروی کرتے ہوئے پورے ملک میں اجتماعی قربانی کے انتظامات وسیع پیمانے پر کئے گئے۔ اس سال 306 مقامات پر اجتماعی قربانی کی گئی اور سندھ سیلاب زدہ علاقوں میں 27 مقامات پر یہ فریضہ سرانجام دیا گیا جبکہ قربانی کا گوشت سیلاب متاثرین میں تقسیم کیا گیا۔
عید الاضحٰی 2011ء کے موقع پر منہاج القرآن تحصیل شکرگڑھ کے زیراہتمام اجتماعی قربانی کی گئی جس میں اہل علاقہ کی بڑی تعداد نے شرکت کی۔ اس سلسلہ میں عید کی نماز ادا کرنے کے بعد اجتماعی قربانی کے لیے جانور ذبح کیے گئے۔ جن کا گوشت بنا کر حصہ داروں کو دیا گیا۔ اس کے علاوہ گوشت مستحقین تک بھی پہنچایا گیا۔
تحریک منہاج القرآن ہملٹ تحصیل افضال پور کے زیراہتمام عید الاضحی کے موقع پر اجتماعی قربانی کا اہتمام کیا گیا۔ اس قربانی کو منہاج ویلفیئر فاونڈیشن منگلہ ہملٹ نے منعقد کیا تھا۔ نماز عید کی ادائیگی کے بعد قربانی 2011ء کے لیے ایک موبائل کیمپ لگایا گیا جس میں قربانی کے جانور ذبح کرنے کے بعد ان کا گوشت بھی بنایا گیا۔
منہاج القرآن عباس پور آزادکشمیر کے زیراہتمام اجتماعی قربانی 2011 کا اہتمام کیا گیا۔ عیدالاضحیٰ کے موقع پر تحریکی کارکنان کے علاوہ علاقے کے عام لوگوں نے بھی گائے کی اجتماعی قربانی میں بھرپور حصہ لیا۔ عیدالاضحیٰ کی نماز کے فوری بعد گائے کی اجتماعی قربانی کی گئی۔
تحریک منہاج القرآن ضلع راولپنڈی کا تنظیمی اجلاس گزشتہ روز ضلعی سیکرٹریٹ البلال پلازہ چاندنی چوک میں منعقد ہوا۔ جس میں کارکنوں کی کثیر تعداد شریک ہوئی۔ اجلاس میں مولانا عبدللہ شاہ الحسینی، علامہ ہاشم حقانی، مولانا ظہور اللہ ہاشمی، علامہ اظہر مغل، علامہ نفیس القادری اور راولپنڈی کے دیگرمعروف علماء خصوصی طور پرتشریف لائے۔
منہاج القرآن انٹرنیشنل ناروے کے جوائنٹ سیکرٹری عقیل قادر نے مورخہ 04 نومبر 2011ء کو پاکستان کے معروف ڈرامہ نگار اور شاعر امجد اسلام امجد سے ملاقات کی جو ان دنوں ناروے کے نجی دورہ پر ہیں، اور باہمی دلچسپی کے امور پر گفتگو کی۔عقیل قادر نے امجد اسلام امجد کو ملاقات کے دوران شیخ الاسلام پروفیسر ڈاکٹر محمد طاہر القادری کا عالمی شہرت یافتہ فتویٰ دہشت گردی اور فتنہ خوارج کا انگلش ترجمہ پیش کیا
تحریک منہاج القرآن کے گوشہ درود کی ماہانہ مجلس ختم الصلوۃ علی النبی صلی اللہ علیہ وآلہ وسلم کا روحانی اجتماع 3 نومبر 2011ء کو منعقد ہوا۔ مرکزی سیکرٹریٹ میں پروگرام کا انعقاد گوشہ درود کے ہال کی چھت پر کیا گیا، جس کا آغاز نماز عشاء کے بعد ہوا۔ پروگرام کی صدارت ناظم اعلیٰ ڈاکٹر رحیق احمد عباسی نے کی جبکہ دیگر مرکزی قائدین کے علاوہ منہاج ویمن لیگ کی خواتین نے بھی بھرپور شرکت کی۔
تحریک منہاج القرآن ضلع شیخوپورہ کی ذیلی تنظیم واڑہ امام دین شرقی (مانانوالہ) کے زیراہتمام مرکزی آفس میں علاقہ کے مستحق اور غریب ہم وطنوں کو عیدالاضحیٰ کی خوشیوں میں شریک کرنے کےلئے مستحقین اور ضرورت مند لوگوں میں عید گفٹس تقسیم کرنے کی تقریب کا انعقاد کیا گیا، جس میں مستحقین اور یتیم بچوں میں عید گفٹ تقسیم کئے گئے۔
منہاج ویلفیئر فاؤنڈیشن کے ڈائریکٹر افتخار شاہ بخاری نے کہا ہے کہ گذشتہ سال کی طرح اس سال بھی منہاج ویلفیئر فاؤنڈیشن پورے ملک میں اجتماعی قربانی کیلئے بڑے وسیع انتظامات کیے گئے ہیں اور پورے ملک میں منہاج ویلفیئر فاؤنڈیشن کے تحت 250 سے زائد مقامات پر اجتماعی قربانی کے انتظامات کیے گئے ہیں جبکہ 125 مقامات پر مرکزی سطح سے انتظامات مکمل ہوچکے ہیں۔
باری تعالیٰ نے جگہ جگہ قرآن مجید میں والدین کے ساتھ حسن سلوک کا حکم دیا ہے حتیٰ کہ جنت کو ماں کے قدموں کے نیچے رکھا ہے یہاں تک خود انبیا علیہ السلام والدین کی خدمت کرتے اور امت کو اسکا درس دیتے رہے۔ خوش قسمت ہیں وہ لوگ جن کو والدین کی خدمت کرکے اللہ اور اسکے رسول صلی اللہ علیہ وآلہ وسلم کو راضی کرنے کا موقع ملا ہے۔
تحریک منہاج القرآن لودہراں کے زیراہتمام بیداری شعور طلبہ کنونشن کا انعقاد مورخہ 30 اکتوبر 2011ء کو بعد از نماز ظہر کیا گیا، جس میں لودہراں کی مقامی تنظیم کے علاوہ طلبہ کی کثیر تعداد نے شرکت کی۔ تقریب کی صدارت تحریک منہاج القرآن لودہراں کے سرپرست پیر سید فضل حسین شاہ نے کی جبکہ تحریک منہاج القرآن صوبہ پنجاب کے نائب ناظم چودھری قمر عباس، صدر تحریک منہاج القرآن لودہراں ملک محمد اسلم حماد اور ناظم تحریک منہاج القرآن لودہراں رانا محمد ظاہر نے خصوصی شرکت کی۔
مورخہ 30 اکتوبر 2011ء بروز اتوار کو اٹلی کے شہر بریشیا میں منہاج القرآن بریشیا نے کمیونے دی بریشیا کی طرف سے بند کئے گئے منہاج القرآن کلچر سنٹر بریشیا کو روم عدالت میں کیس جیتنے اور منہاج القرآن اسلامک کلچر سنٹر بریشیا کے دوبارہ کھلنے پرایک شاندار تقریب کا اہتمام کیا گیا
ہندوؤں کا مذہبی تہوار "دیوالی" لاہور کے شری کرشنا مندر میں جوش وخروش سے منایا گیا، جس میں انٹرفیتھ ریلشنز منہاج القرآن انٹرنیشنل کے وفد نے سہیل احمد رضا ڈائریکٹر انٹر فیتھ ریلیشنز کی قیادت میں شرکت کی۔ اور پھر دیوالی کے حوالہ سے آواری ہوٹل میں انیگلو ایشین ویلفیئر آرگنائزیشن کے زیراہتمام سیمینار منعقد ہوا، جس میں یوکے سے بابا دویند کمار گہی مہمان خصوصی تھے، جبکہ سہیل احمد رضا دائریکٹر انٹر فیتھ ریلیشنز، ڈاکٹر منور چاند، ڈپٹی سیکریٹری شرائنز ETPB حکومت پاکستان اظہر نذیر سلہری، محترمہ منہاز رفیق، سابق وزیر قانون اعجاز احمد خان، سردار بشن سنگھ، سردار ترنجیت سنگھ نے خصوصی شرکت کی۔
منہاج کالج برائے خواتین ٹاؤن شپ میں طالبات کے لیے تقریب تقسیم انعامات 29 اکتوبر 2011ء کو منعقد ہوئی۔ جس کی صدارت ناظم اعلیٰ ڈاکٹر رحیق احمد عباسی نے کی۔ مرکزی قائدین میں سے بریگیڈئر ریٹائرڈ محمد اقبال خان، جی ایم ملک، ایوان اقبال اکیڈمی کے ڈائریکٹر ڈاکٹر طاہر حمید تنولی، کرنل ریٹائرڈ محمد احمد، ملک شمیم احمد خان نمبردار، قاضی فیض الاسلام، علامہ غلام مرتضیٰ علوی، نور الزمان نوری اور تحفیظ القرآن بوائز کالج کے پرنسپل علامہ حافظ نیاز احمد نے بھی تقریب میں خصوصی شرکت کی۔
4M
فیس بک
2M
ٹوٹر
© 1994 - 2025 Minhaj-ul-Quran International.
