سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
حوزہ علمیہ العروۃ الوثقیٰ کے سربراہ علامہ سید جواد نقوی نے تحریک منہاج القرآن کے مرکزی آغوش آرفن کیئر ہوم اور تحفیظ القرآن کالج کا دورہ کیا۔ پرنسپل تحفیظ القرآن میاں محمد عباس نقشبندی اور آغوش انتظامیہ کی طرف سے آپ کا استقبال کیا گیا۔ اس موقع پر سہیل احمد رضا اور دیگر قائدین بھی موجود تھے۔
قائد تحریک منہاج القرآن شیخ الاسلام ڈاکٹر محمد طاہرالقادری نے منہاج یوتھ لیگ کی سینٹرل یوتھ کونسل کے اجلاس سے خطاب کرتے ہوئے کہا ہے کہ تعلیم کے بغیر قوموں کا کوئی مستقبل نہیں، نوجوانوں کو انتہا پسندی اور دہشت گردانہ نظریات سے بچانا اور انھیں امن کی راہ پر ڈالنا فی زمانہ اسلام، پاکستان اور امہ کی بڑی خدمت ہے۔
چیئرمین سپریم کونسل تحریک منہاج القرآن انٹرنیشنل ڈاکٹر حسن محی الدین قادری نے منہاج القرآن کی مرکزی نظامتِ تربیت کے ڈائریکٹر کورسز حافظ سعید رضا بغدادی کے بھائی شعیب رفیق کی دعوتِ ولیمہ میں شرکت کی۔ اس موقع پر راجہ زاہد محمود اور تحریک منہاج القرآن لاہور کے قائدین و کارکنان بھی ولیمہ تقریب میں موجود تھے۔
تحریک منہاج القرآن کے روحانی مرکز گوشہ درود کی مجلس ختم الصلوٰۃ علی النبی ﷺ کا ماہ جنوری 2021ء کا ماہانہ پروگرام 2 جنوری کو مرکزی سیکرٹریٹ میں منعقد ہوا۔ گوشہ درود کے قائم کردہ نظام کے تحت ماہ دسمبر 2020ء میں بارگاہِ رسالتمآب ﷺ میں سات ارب چھیاسی کروڑ اکسٹھ لاکھ پینتیس ہزار ایک سو سڑسٹھ (7866135167) درود پاک کا نذرانہ پیش کیا گیا جبکہ مجموعی طور پر اب تک پڑھے جانے والے درود پاک کی تعداد 4 کھرب 43 ارب 43 کروڑ 81 لاکھ 86 ہزار اور 824 ہوگئی ہے۔
منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے ہری پور ہزارہ میں منہاج القرآن کے دیرینہ رفیق مقتول سجاول خان مصطفوی کے گھر جا کر ان کے اہل خانہ سے اظہارِ تعزیت کیا۔ انہوں نے مرحوم کے لیے بخشش و مغفرت اور بلندی درجات کی دعا بھی کی۔ اس موقع پر راجہ زاہد محمود، سرپرست تحریک منہاج القرآن ضلع ہری پور حاجی غلام شبیر، زونل انچارج ہزارہ ڈویژن محمد جاوید القادری اور منہاج القرآن ہری پور کے رفقاء و کارکنان کی بڑی تعداد بھی موجود تھی۔
تحریک منہاج القرآن کی مرکزی نظامتِ تربیت کے شعبہ تنظیمی تربیت کے زیراہتمام 5 روزہ ’’استقبالیہ و تربیتی کیمپ‘‘ برائے رفقاء تحریک منہاج القرآن کا آغاز ہو گیا۔ افتتاحی روز شیخ الاسلام ڈاکٹر محمد طاہرالقادری نے بذریعہ ویڈیو لنک خصوصی گفتگو کی۔ شیخ الاسلام ڈاکٹر محمد طاہرالقادری نے گفتگو کرتے ہوئے تمام رفقاء کو تحریک منہاج القرآن کی فیملی کا حصہ بننے پر مبارکباد پیش کی اور خوش آمدید کہا۔
قائد تحریک منہاج القرآن شیخ الاسلام ڈاکٹر محمد طاہرالقادری نے تربیتی فکری نشست سے خطاب کرتے ہوئے کہا کہ اسلام وہ واحد ضابطہ حیات ہے جو انسان کو پیدائش سے لے کر آخری سانس تک زندگی کے جملہ امور و افعال میں رہنمائی مہیا کرتا ہے۔ خوراک صحت مند انسانی زندگی کے حوالے سے بنیادی کردار کی حامل ہے۔ اسلام انسانی زندگی کے تحفظ اور صحت و تندرستی کے لئے مکمل گائیڈ لائن فراہم کرتا ہے۔
سجادہ نشین دربار عالیہ داد والی شریف سے پیر فیض شاہد فیضی نے القادریہ ہاؤس میں چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری سے ملاقات کی۔ اس موقع پر پیر فیض شاہد فیضی کے رفقاء کار بھی ان کے ساتھ موجود تھے۔ ملاقات کے دوران انہوں نے شیخ الاسلام ڈاکٹر محمد طاہرالقادری کی امتِ مسلمہ اور پاکستان کیلئے تاریخی خدمات کو خراجِ عقیدت پیش کیا۔
منہاج القرآن انٹرنیشنل نارتھ یوکے کے صدر سیرت علی خان نے وفد کیساتھ تحریک منہاج القرآن کے مرکزی سیکرٹریٹ کا دورہ کیا۔ وفد میں پی ٹی آئی حسن ابدال کے رہنماء نصرت سردار بھی ان کیساتھ تھے۔ اس موقع پر انہوں نے چئیرمین سپریم کونسل منہاج القرآن انٹرنیشنل ڈاکٹر حسن محی الدین قادری، ناظٖم اعلیٰ خرم نواز گنڈا پور، نائب صدر بریگیڈئیر ریٹائرڈ اقبال احمد خان اور دیگر قائدین سے ملاقات کی۔
منہاج القرآن انٹرنیشنل جموں اینڈ کشمیر پلوامہ کے زیراہتمام بچوں کے درمیان مقابلہ نعت خوانی کا اہتمام کیا گیا۔ جامع مسجد امام اعظم ابوحنیفہ رحمۃ اللہ علیہ میں منعقدہ مقابلہ نعت خوانی میں مختلف 15 جامعات و درسگاہوں سے نعت خواں طلباء و طالبات نے شرکت کی اور نعت خوانی میں اپنے فن کا بھرپور مظاہرہ کیا۔
منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے کہا ہے کہ قائداعظم محمد علی جناح کی مدبرانہ اور ولولہ انگیز قیادت میں قوم کو آزادی کی عظیم نعمت نصیب ہوئی۔ عظیم قائد کے خوابوں کو شرمندہ تعبیر کرنے کے لیے نوجوان علم، امن اور تحقیق کا راستہ اختیار کریں، ان خیالات کا اظہار انہوں نے بانیٔ پاکستان کے یوم ولادت کے موقع پر کیک کاٹنے کی تقریب کے موقع پر کیا۔ تقریب میں سینئر رہنما جی ایم ملک، راجہ زاہد محمود، شہزاد رسول، سہیل احمد رضا، حاجی محمد اسحاق، میاں طاہر یعقوب شریک تھے۔
منہاج ویلفیئر فاؤنڈیشن کے زیراہتمام لاہور کے مقامی چرچ میں مسیحی برادری کیساتھ اظہار یکجہتی کے لیے کرسمس تقریب میں ظہرانہ دیا گیا۔ 25 دسمبر 2020ء کو کرسمس کے موقع پر منعقدہ تقریب میں منہاج ویلفیئر فاؤنڈیشن کے ڈائریکٹر سید امجد علی شاہ نے شرکت کی۔ انہوں نے منہاج ویلفیئر فاؤنڈیشن کی طرف سے کرسمس تقریب کے شرکاء کو خصوصی کھانا دیا۔
منہاج ویلفیئر فاؤنڈیشن پاکستان کے زیراہتمام نارووال میں فری آئی کیمپ کا انعقاد ہوا، کیمپ منہاج القرآن کے اسلامک سنٹر نارووال میں لگایا گیا، مضافات کے دیہات کے درجنوں خواتین و حضرات کی آنکھوں کی سرجری کی گئی۔ مریضوں کو ادویات اور عینکیں بھی مہیا کی گئیں۔ دو روزہ فری آئی کیمپ میں 300 سے زائد مریضوں کا معائنہ کیا گیا دور حاضر کے جدید ترین طریقہ آپریشن کے مطابق 61 مریضوں کی فیکو سرجری کی گئی۔
منہاج القرآن انٹرنیشنل ناروے کے سنیئر رہنماء فیض عالم قادری کے والد گرامی کی نماز جنازہ دینہ کے نواحی گاؤں بوڑیاں میں ادا کی گئی۔ نماز جنازہ میں شیخ الاسلام ڈاکٹر محمد طاہرالقادری کا تعزیتی پیغام سنایا گیا، جس میں انہوں نے مرحوم کے بلندی درجات کے لئے خصوصی دعا بھی کی۔
منہاج القرآن انٹرنیشنل ناروے کے سینئر رہنماء فیض عالم قادری کے والد گرامی حاجی میر عالم انتقال کر گئے، انا للہ وانا الیہ راجعون۔ مرحوم کے انتقال پر شیخ الاسلام ڈاکٹر محمد طاہرالقادری، چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری، صدر منہاج القرآن ڈاکٹر حسین محی الدین قادری نے اظہار تعزیت کیا ہے۔
4M
فیس بک
2M
ٹوٹر
© 1994 - 2025 Minhaj-ul-Quran International.
