سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
حکیم الامت حضرت علامہ ڈاکٹر محمد اقبال رحمۃ اللہ علیہ کے 143ویں یوم ولادت پر منہاج القرآن انٹرنیشنل کے شعبہ انٹرفیتھ ریلیشنز کے زیراہتمام اور سینئر ڈپٹی ڈائریکٹر انٹرفیتھ شہزاد احمد خان کی قیادت میں وفد نے لاہور میں مزار اقبال پر حاضری دی۔ وفد میں تحریک منہاج القرآن کے ڈائریکٹر انٹرفیتھ سہیل احمد رضا اور مختلف مسالک کے علماء سمیت مسیحی اور سکھ رہنماء بھی شامل تھے۔
شیخ الاسلام ڈاکٹر محمد طاہرالقادری نے حکیم الامت حضرت علامہ ڈاکٹر محمد اقبال رحمۃ اللہ علیہ کے 143ویں یوم ولادت پر اپنے پیغام میں کہا ہے کہ قرآن حکیم، بارگاہ رسول اکرم ﷺ اور رومی علامہ اقبال کی فکر کے 3 بنیادی سرچشمے ہیں، تصور تعلیم، دستور سیاست، تصور اجتہاد، فلسفہ خودی حضرت علامہ اقبال رحمۃ اللہ علیہ سب کچھ یہیں سے لیتے ہیں۔ اقبال کو فقط شاعر سمجھنا اقبال شناسی کے خلاف ہو گا۔ شاعری تو کسی بڑے مقصد کو انسانیت تک پہنچانے کا ذریعہ تھی، حضرت علامہ اقبال رحمۃ اللہ علیہ کا پیغام علم و عرفان کا پیغام ہے، حیات جاوداں کا پیغام ہے، معرفت قرآن کا پیغام ہے، نسبت صاحب قرآن کا پیغام ہے۔
شیخ الاسلام ڈاکٹر محمد طاہرالقادری کی ممانی جان اور علی وقار قادری (ڈائریکٹر لارل ہوم سکولز، MES) کی والدہ ماجدہ بقضائے الہی وصال فرما گئی ہیں (إِنَّا لِلّٰهِ وَإِنَّـا إِلَيْهِ رَاجِعونَ)۔ چیئرمین سپریم کونسل منہاج القرآن انٹرنیشنل ڈاکٹر حسن محی الدین نے شب ساڑھے 9 بجے مرکزی سیکرٹریٹ میں نماز جنازہ پڑھائی۔
تحریک منہاج القرآن کے مرکزی گوشہ درود کی ماہانہ مجلس ختم الصلوۃ علی النبی صلی اللہ علیہ وآلہ وسلم کا ماہ نومبر 2020ء کا پروگرام 7 نومبر 2020ء کو مرکزی سیکرٹریٹ میں منعقد ہوا۔ پروگرام میں گوشہ درود کے گوشہ نشینان اور مرکزی قائدین نے شرکت کی۔
تحریک منہاج القرآن کے روحانی سرپرست شہزادہ غوث الوریٰ قدوۃ الاولیاء حضور پیر سیدنا طاہر علاؤالدین القادری الگیلانی البغدادی رحمۃ اللہ علیہ کے یوم ولادت کے موقع پر مرکزی سیکرٹریٹ ماڈل ٹاؤن میں دعائیہ تقریب کا انعقاد کیا گیا، جس میں چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے خصوصی شرکت کی۔ تقریب میں حضور پیر سید نا طاہر علاؤالدین القادری الگیلانی البغدادی رحمۃ اللہ علیہ کے یوم ولادت کی مناسبت سے کیک کاٹا گیا۔ اس موقع پر ملکی سلامتی و خوشحالی کیلئے دعا کی گئی۔
قائد تحریک منہاج القرآن شیخ الاسلام ڈاکٹر محمد طاہرالقادری نے صدر منہاجینز ڈاکٹر نعیم انور نعمانی کی والدہ کے انتقال پر دلی افسوس کا اظہار کرتے ہوئے اپنے تعزیتی پیغام میں کہا ہے کہ اللہ تعالیٰ مرحومہ کی بخشش فرمائے، انہیں جنت الفردوس میں اعلیٰ مقام عطا فرمائے اور ڈاکٹر نعیم انور نعمانی سمیت تمام سوگواران کو صبر جمیل کی توفیق دے۔
قائد تحریک منہاج القرآن شیخ الاسلام ڈاکٹر محمد طاہرالقادری نے معروف عالم دین، صوبائی صدر منہاج القرآن علماء کونسل جنوبی پنجاب علامہ سعید احمد فاروقی کے انتقال پر دلی افسوس اور غم کا اظہار کیا ہے، قائد تحریک نے اپنے تعزیتی بیان میں کہا کہ مرحوم آخری سانس تک منہاج القرآن کے پلیٹ فارم سے اسلام اور انسانیت کی خدمت کرتے رہے اور ہر سانس علم، امن اور عشق رسول ﷺ کے فروغ کے لئے وقف کیے رکھا، ان کی رحلت سے عالم اسلام ایک عظیم مدبر عالم دین سے محروم ہو گیا ہے، ان کی وفات سے پیدا ہونے والا خلا کبھی پر نہیں ہو سکے گا۔
تحریک منہاج القرآن کے ادارے آغوش کمپلیکس کے زیراہتمام محفل میلاد مصطفیٰ صلی اللہ علیہ وآلہ وسلم کا انعقاد کیا گیا۔ جس میں صدر تحریک منہاج القرآن و چیئرمین آغوش کمپلیکس ڈاکٹر حسین محی الدین قادری نے خصوصی شرکت کی۔ ڈائریکٹر آغوش کمپلیکس کرنل (ر) مبشر اقبال نے استقبالیہ پیش کیا اور ڈاکٹر حسین محی الدین قادری و دیگر مہمانوں کو خوش آمدید کہا۔
تحریک منہاج القرآن کے زیراہتمام مینار پاکستان کے گراؤنڈ میں منعقدہ 37 ویں عالمی میلاد کانفرنس سے خطاب کرتے ہوئے شیخ الاسلام ڈاکٹر محمد طاہرالقادری نے کہا کہ حضور نبی اکرم نبی آخرالزمان صلی اللہ علیہ وآلہ وسلم پیغمبر امن و سلامتی اور رحمت اللعالمین ہیں، انہوں نے انسانیت کو اخوت، محبت، اعتدال اور رواداری کی تعلیم دی، میں اہانت آمیز کارٹونوں کی اشاعت کے خلاف اقوام متحدہ سمیت دنیا کے تمام سربراہان مملکت کو خط لکھوں گا، ہر مذہب میں پیغمبران خدا کی اہانت ایک جرم اور گناہ ہے۔
چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے حضور پیر سیدنا طاہر علاؤالدین القادری الگیلانی البغدادی رحمۃ اللہ علیہ کے برادر اَکبر السید یوسف بن محمود حسام الدین القادری الگیلانی البغدادی رحمۃ اللہ علیہ کے انتقال پر حضور پیر سید محمود محی الدین القادری الگیلانی البغدادی سے ان کی رہائش گاہ پر جا کر اظہار تعزیت کیا۔ اس موقع پر جی ایم ملک، راجہ زاہد محمود اور کرنل مبشر بھی موجود تھے۔
تحریک منہاج القرآن کھپرو کے زیراہتمام میلاد النبی صلی اللہ علیہ وآلہ وسلم کانفرنس کا انعقاد کیا گیا، جس میں شیخ الاسلام ڈاکٹر محمد طاہرالقادری کے شاگرد محمد محسن قادری منہاجین نے خطاب کیا۔ انہوں نے کہا کہ آقا کریم صلی اللہ علیہ وسلم کی ولادت کا جشن منانا اللہ کے احسان و انعام اور نعمت کا شکر ادا کرنا ہے۔
تحریک منہاج القرآن کی 37ویں عالمی میلاد کانفرنس مینار پاکستان لاہور میں پاکستان کی مسیحی، ہندو اور سکھ برادری کے قائدین و رہنماوں نے شرکت کی۔ سکھ رہنماوں میں سردار گوپال سنگھ چاولہ سابق جنرل سیکرٹری سکھ گردوارہ پربندھک کمیٹی و چیئرمین پنجابی سکھ سنگت نے اظہار خیال کرتے ہوئے کہا کہ پاکستان کی سکھ برادری دین اسلام کو پیغمبر اسلام جو پیغمبر انسانیت بھی ہیں، آپ کی ولادت پر مبارکباد پیش کرتی ہے۔
تحریک منہاج القرآن کی 37ویں عالمی میلاد کانفرنس 2020 کے موقع پر شیخ الاسلام ڈاکٹر محمد طاہرالقادری کی 6 نئی تصانیف اور منہاج القرآن انٹرنیشنل کے صدر ڈاکٹر حسین محی الدین قادری کی 2 نئی کتب شائع ہو کر منظر عام پر آ گئیں ہیں۔
منہاج ویلفیئر فاونڈیشن یوکے کے مینجنگ ڈائریکٹر فیصل حسین مشہدی نے آغوش آرفن کئیر ہوم لاہور کا وزٹ کیا۔ اس موقع پر ڈائریکٹر آغوش کرنل (ر) مبشر اقبال نے فیصل مشہدی کو آغوش کمپلیکس بارے خصوصی بریفنگ دی۔ انہوں نے بتایا کہ آغوش میں مستحقین بچوں کو بلا تفریق لیا جاتا ہے۔
سانحہ ماڈل ٹاؤن کے زخمی اور اسیر، سابق صدر منہاج القرآن شیخوپورہ صوفی محمد طفیل ڈار کی نماز جنازہ شیخوپورہ میں ادا کی گئی۔ مرحوم کی نماز تحریک منہاج القرآن کی مرکزی جامع مسجد ماڈل ٹاون کے امام جنازہ قاری اللہ بخش نقشبندی نے پڑھائی۔ تدفین ان کے آبائی علاقہ شیخوپورہ میں کی گئی۔ نماز جنازہ میں بڑی تعداد میں منہاج القرآن اور پاکستان عوامی تحریک کے کارکنان نے شرکت کی۔ قائد تحریک منہاج القرآن ڈاکٹر محمد طاہرالقادری نے سانحہ ماڈل ٹاؤن کے زخمی اور اسیر، سابق صدر منہاج القرآن شیخوپورہ صوفی محمد طفیل ڈارکے انتقال پر دلی تعزیت کا اظہار کیا ہے۔ ڈاکٹر طاہرالقادری نے آڈیو لنک پر مغفرت کی دعا کرتے ہوئے کہا کہ مرحوم منہاج القرآن کے ایک نظریاتی رہنما تھے۔
4M
فیس بک
2M
ٹوٹر
© 1994 - 2025 Minhaj-ul-Quran International.
