سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
پاکستان عوامی تحریک کے زیراہتمام سانحہ ماڈل ٹاون میں انصاف کے حصول کے لیے احتجاجی مظاہرہ 27 جنوری 2017ء کو ایوان اقبال سے لاہور پریس کلب تک ہوگا۔ عوامی تحریک کے قائد ڈاکٹر محمد طاہرالقادری نے اپنے ایک ٹی وی انٹرویو میں کہا کہ حکمرانوں کے ذمہ ماڈل ٹاون کے 14 شہیدوں کا خون ہے، انہوں نے 90 لوگوں کو گولیاں ماریں۔ سانحہ ماڈل ٹاون کے انصاف میں دیر ہو سکتی لیکن اللہ کی بارگاہ میں اندھیر نہیں۔
حزب محاذ ملی اسلامی افغانستان کے بانی فضیلت مآب الشیخ سید احمد قادری الجیلانی البغدادی کے وصال پر شیخ الاسلام ڈاکٹر محمد طاہرالقادری نے گہرے رنج و الم کا اظہار کرتے ہوئے آپ کے لیے فاتحہ خوانی کی ہے۔ ڈاکٹر محمد طاہرالقادری اور تحریک منہاج القرآن کے ناظم اعلیٰ خرم نواز گنڈا پور سمیت قائدین نے افغان قوم کے اس عظیم قائد و رہنما سے محروم ہوجانے پر اپنے تعزیتی پیغام میں بانی حزب محاذ ملی اسلامی کی خدمات کو خراج تحسین پیش کیا ہے۔
پاکستان عوامی تحریک کے سیکرٹری جنرل خرم نواز گنڈاپور نے مرکزی رہنماؤں کے ساتھ ہنگامی پریس کانفرنس میں 27 جنوری 2017ء جمعہ کے دن سانحہ ماڈل ٹاؤن کے انصاف کے لیے پرامن احتجاجی مظاہرہ کرنے کا اعلان کیا ہے۔ عوامی تحریک کے مرکزی رہنماوں کی ہنگامی پریس کانفرنس 23 جنوری کو مرکزی سیکرٹریٹ میں ہوئی، جہاں خرم نواز گنڈاپور نے میڈیا سے گفتگو کی۔
منہاج القرآن انٹرنیشنل کے چئیرمین ڈاکٹر حسین محی الدین قادری اپنے دورہ یورپ کے دوران 9 جنوری 2017ء کو اٹلی میں قدیم ترین چرچ ویٹی کن سٹی پہنچے۔ پاپائے روم کی کیتھولک بین المذاہب کونسل کے نائب صدر فادر مارکس سولو کی خصوصی دعوت پر آپ نے وفد کے ہمراہ ویٹی کن سٹی کا تفصیلی وزٹ کیا، منہاج القرآن انٹرفیتھ ریلیشز کے ڈائریکٹر سہیل احمد رضا اور منہاج القرآن انٹرنیشنل اٹلی کے مرکزی قائدین بھی آپ کے ساتھ تھے۔
عوامی تحریک اور تحریک منہاج القرآن کے عہدیداروں و کارکنان اور سانحہ ماڈل ٹاون کے وکلاء نے 17 جنوری 2017 ء کو شہداء کے ورثاء سے اظہار یکجہتی اور انصاف کے لیے چائنہ چوک میں پرامن احتجاجی مظاہرہ کیا۔ سانحہ ماڈل ٹاؤن 17 جون 2014ء کو 31 ماہ گزرنے کے بعد بھی انصاف نہ ملنے پر مظاہرین نے شدید نعرے بازی کی۔ مظاہرین کی قیادت مستغیث جواد حامد، وکلاء عوامی تحریک رائے بشیر احمد ایڈووکیٹ، نعیم الدین چودھری ایڈووکیٹ، مرکزی سیکرٹری اطلاعات نوراللہ صدیقی، یوتھ ونگ کے مرکزی صدر مظہر علوی، مصطفوی سٹوڈنٹس موومنٹ کے مرکزی صدر عرفان یوسف اور شکیل ایڈووکیٹ نے کی۔
منہاج القرآن انٹرنیشنل کی سپریم کونسل کے صدر ڈاکٹر حسن محی الدین قادری اپنے دورہ یورپ میں 11 جنوری2017 کو اٹلی پہنچے۔ منہاج القرآن انٹرنیشنل کارپی مرکز آمد پر ڈاکٹر حسین محی الدین قادری کا شاندار استقبال کیا گیا۔ کارپی کے مقامی ہال میں ورکرز کنونشن منعقد ہوا، جس میں ڈاکٹر حسین محی الدین قادری مہمان خصوصی تھے۔ پروگرام کا آغاز تلاوت اور نعت سے ہوا، جس کے بعد ڈاکٹر حسین محی الدین قادری کو اٹلی تنظیمات کے کارگردگی سے آگاہ کیا گیا۔ اس موقع پر انہوں نے کارکنان سے خطاب بھی کیا۔
منہاج ویلفیئر فاﺅنڈیشن گجرات کے زیراہتمام 13 شادیوں کی اجتماعی تقریب 21 دسمبر 2016ء کو قندفشاں میرج ہال گجرات میں ہوئیں۔ منہاج ویلفیئر فاؤنڈیشن کے مرکزی ڈائریکٹر سید امجد علی شاہ مہمان خصوصی تھے۔ مرکزی نائب ناظم اعلیٰ علامہ سید فرحت حسین شاہ، پاکستان عوامی تحریک کے مرکزی رہنما ساجد بھٹی، عمر ریاض عباسی، اسلامی نظریاتی کونسل آف پاکستان کے ممبر صاحبزادہ پیر سید سعید احمد شاہ گجراتی نے بھی خصوصی شرکت فرمائی۔
تحریک منہاج القرآن کے قائم کردہ عالمی مرکز انوار و روحانیت گوشہ درود کی ماہانہ مجلس ختم الصلوۃ علی النبی صلی اللہ علیہ وآلہ وسلم 7 جنوری 2017ء کو مرکزی سیکرٹریٹ میں ہوئی۔ ماہ جنوری کے اس روحانی اجتماع میں مرکزی ناظم اعلیٰ خرم نواز گنڈاپور اور دیگر قائدین نے خصوصی شرکت کی۔ گوشہ نیشنوں کو بطور مہمان اسٹیج پر بٹھایا گیا جبکہ لاہور بھر سے آنے والے خواتین و حضرات بھی ماہانہ روحانی اجتماع میں شریک ہوئے۔
تحریک منہاج القرآن کی نظامت تربیت کے زیر اہتمام اساتذہ کے لیے 10 روزہ عرفان القرآن کورس کی اختتامی تقریب 2 جنوری کو مرکزی سیکرٹریٹ میں منعقد ہوئی۔ تقریب کی صدارت امیر تحریک صاحبزادہ فیض الرحمن درانی نے کی۔ انہوں نے خطاب کرتے ہوئے کہا کہ مطالعہ قرآن علم، تقویٰ اور پاکیزگی کے حصول کا بہترین ذریعہ ہے۔ قرآن کو سیکھنا، سکھانا ایک عبادت ہے۔ اس مقصد کو حاصل کرنے کیلئے ڈاکٹر محمد طاہر القادری کی ہدایت اور ویژن کی روشنی میں خاص و عام کے لیے عرفان القرآن کورس کو پاکستان کے ساتھ ساتھ اب دنیا کے چالیس سے زائد ممالک میں پھیلایا جارہا ہے۔
منہاج القرآن انٹرفیتھ ریلیشنز کے زیراہتمام کرسمس کے حوالے سے خصوصی تقریب 27 دسمبر 2016ء کو مرکزی سیکرٹریٹ میں منعقد ہوئی۔ امریکن قونصلیٹ لاہور کے اکنامک اینڈ پولیٹیکل افیئرز کے ہیڈ مسٹر راب نیوسم تقریب کے مہمان خصوصی تھے جبکہ ناظم اعلی منہاج القرآن و سیکرٹری جنرل عوامی تحریک خرم نواز گنڈاپور نے خصوصی شرکت کی۔ تقریب میں ویمن لیگ، یوتھ لیگ اور ایم ایس ایم کے نوجوانوں نے کثیر تعداد میں شرکت کی۔
منہاج القرآن انٹرفیتھ ریلیشنز کے ڈائریکٹر سہیل احمد رضا نے اپنے دورہ یورپ کے دوران 25 دسمبر 2016ء کو جرمنی کے مقامی چرچ کی کرسمس تقریب میں شرکت کی۔ اس موقع پر منہاج القرآن انٹرنیشنل جرمنی کے قائدین بھی ان کے ساتھ تھے۔ فرینکفرٹ کے قدیم چرچ میں پروفیسر ڈاکٹر کرسچن لٹرال نے سہیل احمد رضا کی سربراہی میں وفد کو کرسمس تقریب میں خوش آمدید کہا اور انہیں چرچ میں مہمانوں کے لیے مخصوص نشستوں پر بٹھایا۔
شیخ الاسلام ڈاکٹر محمد طاہرالقادری نے ماہ ربیع الاول میں حرمین شریفین حاضری دی اور عمرہ کی سعادت حاصل کی۔ منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری، منہاج القرآن انٹرنیشنل کے صدر ڈاکٹر حسین محی الدین قادری، صاحبزادہ حماد مصطفیٰ اور صاحبزادہ احمد مصطفیٰ العربی نے بھی آپ کے ہمراہ عمرہ ادا کیا۔
پاکستان عوامی تحریک یوتھ ونگ کا تاریخی ضرب امن و تبدیلی نظام سائیکل کارواں 17 دسمبر 2016 کو پشاور پہنچا جہاں زکوڑی پل پر تحریک منہاج القرآن، پاکستان عوامی تحریک اور عوامی یوتھ لیگ کے عہدیداران اور کارکنان نے سائیکلسٹس کا شاندار استقبال کیا۔ ناظمِ اعلی تحریک منہاج القرآن خرم نواز گنڈاپور اور صدر عوامی تحریک یوتھ ونگ مظہر محمود علوی کی قیادت میں سائیکلسٹس کارکنان کی ریلی کے ساتھ پشاور پریس کلب پہنچے، جہاں ضرب امن و تبدیلی نظام سائیکل کاروان کی اختتامی تقریب منعقد ہوئی۔ شرکاء اور شہداء کے لواحقین کی طرف سے سائیکلسٹس کو زبردست خراجِ تحسین پیش کیا گیا۔
تحریک منہاج القرآن کے روحانی سرپرست قدوۃ الاولیاء حضرت پیر سیدنا طاہرعلاؤالدین القادری الگیلانی البغدادی رضی اللہ عنہ کے یوم ولادت کے موقع پر بزم قادریہ نے عظیم الشان تقریب کا انعقاد کیا، یہ تقریب مورخہ 19 دسمبر 2016ء کو مرکزی سیکرٹریٹ ماڈل ٹاؤن میں منعقد ہوئی، اس موقع پر خطاب کرتے ہوئے جی ایم ملک نے کہا کہ قدوۃ اولیاء سیدنا طاہر علاؤ الدین القادری الگیلانی البغدادی نے تجدید دین اور تصوف کے احیاء کیلئے عالمگیر سطح پر جو کاوشیں کی ہیں اس نے ہزاروں لاکھوں، مسلمانوں کی زندگیاں بدل دیں اور انہیں دین اسلام کا سچا خادم بنا دیا ہے۔
تحریک منہاج القرآن کے مرکز پر قائم امن و محبت کا مینار اور مرکز انوار و روحانیت گوشہ درود کے قیام کو 11 سال مکمل ہو گئے۔ شیخ الاسلام ڈاکٹر محمد طاہرالقادری نے 11 سال قبل 5 دسمبر 2005ء کو مرکزی سیکرٹریٹ میں واقع اپنے آفس میں گوشہ درود کا افتتاح کیا تھا۔ 9 دسمبر 2016ء کو جمعۃ المبارک کے روز نماز عصر کے بعد گوشہ درود کی عمارت مینارۃ السلام میں پروقار تقریب کا انعقاد ہوا، جس میں صاحبزادہ احمد مصطفیٰ العربی شمس تبریز مہمان خصوصی تھے۔
4M
فیس بک
2M
ٹوٹر
© 1994 - 2025 Minhaj-ul-Quran International.
