سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
پاکستان عوامی تحریک اور تحریک منہاج القرآن کے رہنماؤں نے یوم اقبال پر شاعر مشرق و حکیم الامت علامہ ڈاکٹر محمد اقبال کے مزار پر حاضری دی اور ڈاکٹر طاہرالقادری کی طرف سے چادر چڑھائی۔ سیکرٹری جنرل و ناظم اعلیٰ خرم نواز گنڈاپور کی قیادت میں وفد نے 9 نومبر 2016ء کو دن 10 بجے مزار اقبال پر نہایت عقیدت و احترام سے حاضری دی۔ وفد نے چاک و چوبند نیوی گارڈز کیساتھ مزار اقبال پر ڈاکٹر طاہرالقادری کی طرف سے گلدستہ رکھا، چادر چڑھائی اور فاتحہ خوانی کی۔ اس موقع پر جی ایم ملک، ساجد بھٹی، انٹرفیتھ ریلیشنز کے ڈائریکٹر سہیل رضا، جواد حامد، نوراللہ صدیقی، سید امجد علی شاہ، مظہر علوی اور ثناء اللہ خان بھی موجود تھے۔
پاکستان عوامی تحریک کے قائد ڈاکٹر طاہرالقادری نے یوم اقبال پر اپنے پیغام میں کہا ہے کہ علامہ محمد اقبال نے غلامی کی زنجیروں میں جکڑی امت مسلمہ کو آزادی اور وقار کے ساتھ جینے کی تحریک اور فکر دی۔ اقبال کا پاکستان آج انتہا پسندی، دہشتگردی، کرپشن اور نا انصافی کی آگ میں جل رہا ہے۔ چند سو خاندانوں نے جعلی جمہوریت کی آڑ میں 19 کروڑ عوام کو یر غمال بنا رکھا ہے۔
تحریک منہاج القرآن کے گوشہ درود کی مجلس ختم الصلوۃ علی النبی صلی اللہ علیہ وآلہ وسلم کا ماہانہ پروگرام 5 نومبر کو مرکزی سیکرٹریٹ میں منعقد ہوا۔ گوشہ درود کی روحانی محفل کی صدارت تحریک منہاج القرآن کے صدر ڈاکٹر حسین محی الدین قادری نے کی۔ مرکزی قائدین اور علماء و مشائخ کے علاوہ خواتین و حضرات کی بڑی تعداد نے اجتماع میں شرکت کی۔ پروگرام کا آغاز شب 9 بجے تلاوت و نعت سے ہوا۔ اس موقع پر محفل نعت کا انعقاد بھی ہوا، جس میں ثناء خوانوں نے اپنے خوبصورت انداز میں نعتیہ کلام پیش کیے۔
اردن میں عالمی سیرت کانفرنس کے دوران 25 اکتوبر 2016ء کو شیخ الاسلام ڈاکٹر محمد طاہرالقادی اور اردن کے کنگ عبداللہ دوئم کی ملاقات ہوئی۔ اس موقع پر کنگ عبداللہ نے ڈاکٹر طاہرالقادری کی دہشت گردی کے خاتمے اور عالمی فروغ امن کے حوالے سے علمی و تحقیقی کاوشوں کو سراہتے ہوئے کہا کہ دہشتگردی و فتنہ خوارج پر فتویٰ کا انہوں نے بھی مطالعہ کیا ہے۔ دہشت گردی کے خلاف شیخ الاسلام کا یہ فتوی انسانیت اور اسلام کی عظیم خدمت ہے۔
شیخ الاسلام ڈاکٹر طاہرالقادری نےاردن میں سہ روزہ ’عالمی سیرت کانفرنس‘ سے خطاب کرتے ہوئے کہا کہ امت مسلمہ کے درمیان فاصلوں کو کم کرنے لیے عالمی سطح پر مفتیان و اسکالرز اور مشائخ اہم کردار ادا کر سکتے ہیں۔ سیاسی اعتبار سے عالم اسلام کو ایک منصوبہ بندی کے تحت باہم دست و گریباں کر کے نفرتوں کی آگ بھڑکائی جا رہی ہے۔ انہوں نے کہا کہ فرقہ وارانہ فسادات کے ذریعے امت مسلمہ کی سیاسی، معاشی اور عسکری قوت کو ختم کیا جا رہا ہے۔
یو ایس اے کے پاکستان میں پولیٹیکل افیئرز کے ہیڈ مسٹر رابرٹ سی نیوسم نے 25 اکتوبر 2016 کو منہاج القرآن کے مرکزی سیکرٹریٹ کا دورہ کیا۔ منہاج القرآن سیکرٹریٹ میں ناظم اعلیٰ تحریک منہاج القرآن خرم نواز گنڈاپور اور فارن افیئر کے ڈائریکٹر جی ایم ملک نے انہیں خوش آمدید کہا۔ مسٹر رابرٹ نے منہاج القرآن کے سیل سنٹر، فرید ملت ریسرچ انسٹی ٹیوٹ، فارن افیئر ڈیپارٹمنٹ، میڈیا سیل کا بھی دورہ کیا۔
ماضی کے اسٹار لیگ سپنر، قومی ہیرو ٹیسٹ کرکٹر عبدالقادر نے 24 اکتوبر 2016ء کو منہاج القرآن کے صدر ڈاکٹر حسین محی الدین سے منہاج یونیورسٹی ٹاون شپ میں ملاقات کی۔ عبدالقادر نے معاشرے میں صحت مند سرگرمیوں کے فروغ کے لیے منہاج القرآن کے کردار اور منہاج یونیورسٹی میں کھیلوں کے لیے جدید انفراسٹرکچر کو سراہا۔
تحریک منہاج القرآن کے 36 ویں یوم تاسیس کے سلسلہ میں 18 اکتوبر 2016ء کو کالج آف شریعہ اینڈ اسلامک سائنسز میں سیمینار منعقد ہوا۔ ’’علم اور امن کے بغیر خوشحال معاشرہ کی تشکیل ناممکن ‘‘ کے موضوع پر منعقد سیمینار میں معزز اساتذہ کرام، اسٹاف اور طلباء کے علاوہ مرکزی قائدین نے بھی شرکت کی۔ مرکز سے ناظم امور خارجہ جی ایم ملک، پاکستان عوامی تحریک کے سیکرٹری کوارڈینیشن ساجد محمود بھٹی اور راجہ ندیم جبکہ شریعہ کالج سے شیخ الفقہ مفتی عبدالقیوم خان ہزاروی، پرنسپل میجر ریٹائرڈ خان محمد، وائس پرنسپل ڈاکٹر ممتاز الحسن باروی، ڈاکٹر مسعود مجاہد اور عارف چودھری اسٹیج پر موجود تھے۔
امیر تحریک فیض الرحمن درانی نے کہا کہ ڈاکٹر طاہرالقادری کو فکری دوام حاصل ہے کہ 36 سالہ سفر ان کی کامیابیوں کا گواہ ہے۔ آج بھی ان کی فکری جہت بہت واضح ہے۔ آج سے 36 سال قبل شیخ الاسلام ڈاکٹر محمد طاہرالقادری نے قرآن و حدیث کی روشنی میں جن شرور و فتن کی پیش گوئی کی تھی آج وہ اسی طرح رونما ہو رہے ہیں۔ انہوں نے کہا کہ تحریک منہاج القرآن اور اس کے ذیلی فورم اور شعبہ جات دنیا بھر میں قائم ہو چکے ہیں، 36 سال قبل شروع ہونے والا ادارہ دنیا کے 100 ممالک میں اپنا وجود رکھتا ہے، یہ شیخ الاسلام کی سب سے بڑی تنظیمی کاوش ہے۔
تحریک منہاج القرآن کے قیام کے 36 سال مکمل ہونے پر یوم تاسیس کی پروقار تقریب 16 اکتوبر 2016ء کو مرکزی سیکرٹریٹ میں منعقد ہوئی۔ صدر منہاج القرآن ڈاکٹر حسین محی الدین تقریب کے مہمان خصوصی تھے۔ پروگرام میں تحریک کے دیرینہ عہدیداروں و رفقاء، بانی اراکین، شہدائے ماڈل ٹاؤن کے ورثاء، اور اسیران انقلاب و زخمیوں سمیت سینکڑوں کارکنان نے تحریکی جوش و جذبہ سے شرکت کی۔ خواتین کی بڑی تعداد بھی اس پروگرام میں شامل تھی۔
شیخ الاسلام ڈاکٹر طاہرالقادری نے عاشورہ محرم الحرام کی شب مرکزی سیکرٹریٹ میں منعقدہ ’’پیغام شہادت امام حسین علیہ السلام کانفرنس‘‘ سے خطاب کرتے ہوئے کہاکہ شہادت امام حسین علیہ السلام کے بعد کائنات انسانی کو دو کردار مل گئے، یزیدیت جو بد بختی، ظلم، استحصال، جبر، تفرقہ پروری، قتل و غارت گری اور خون آشامی کا استعارہ بن گئی اور حسینیت صبر، شکر، عدل، امن، وفااور تحفظ دین مصطفی صلی اللہ علیہ وآلہ وسلم کی علامت ٹھہری۔
منہاج القرآن ویمن لیگ اور خانہ فرہنگ ایران کے اشتراک سے مرکزی سیکرٹریٹ ماڈل ٹاؤن میں بنت علی سیدہ زینب سلام اللہ علیہا سیمینار کا انعقاد کیا گیا، سیمینار کی صدارت منہاج القرآن ویمن لیگ کی مرکزی صدر فرح ناز نے کی۔ خانہ فرہنگ ایران سے مسز بانی اسدی اور مسز اکبر برخورداری بطور مہمان خصوصی شریک ہوئیں۔ ڈاکٹر فردوس عاشق اعوان نے اپنے خطاب میں کہا کہ امت مسلمہ کی خواتین کو سیدہ زینب سلام اللہ علیہا کی صفات میں ڈھل کر انکے کردار کا مظہر بننا ہو گا۔ سیدہ زینب سلام اللہ علیہا کی شخصیت کو آئیڈیل بنائے بغیر آئندہ نسلوں کے مستقبل کو تابناک بنانا ممکن نہ ہو سکے گا۔
یوم تاسیس کی تقریب سے خطاب کرتے ہوئے منہاج القرآن کے صدر ڈاکٹر حسین محی الدین قادری نے کہا کہ منہاج القرآن، عوامی تحریک اور ایم ایس ایم کی جدوجہد علم اور امن کیلئے ہے۔ ماڈل ٹاؤن میں 14 کارکنوں کی لاشیں اٹھانے کے باوجود بندوق نہیں اٹھائی۔ پاکستان میں صرف ڈاکٹر طاہرالقادری کے کارکن نظریے کے اوپر کھڑے ہیں، یہ حسینی قافلہ یزید کی باطل فکر کو شکست دے گا، انقلاب آ کر رہے گا، لٹیرے، کرپٹ اور قاتل نظام کے سرپرست ہمیشہ ہمیشہ کیلئے ماضی کا حصہ اور قصہ بنیں گے۔
ڈاکٹر طاہرالقادری نے لندن میں پریس کانفرنس کی، جس میں انہوں نے سانحہ ماڈل ٹاون کے ذمہ داروں کو عالمی اداروں کے کٹہرے میں لانے کے حوالے سے تفصیلات میڈیا کو بتائیں۔ انہوں نے کہا کہ پاکستان میں ادارے حکمرانوں کی گرفت میں ہیں، جنہوں نے انصاف کا قتل عام کر رکھا ہے۔ سانحہ ماڈل ٹاون کا بروقت انصاف نہ ملنے پر ہمیں آج ہمیں مجبورا بین الاقوامی اداروں میں دستک دینا پڑی۔ ہم پاکستان میں بھی انصاف کی جنگ لڑ رہے ہیں۔ بین الاقوامی اداروں میں انصاف کا دروازہ اس لیے کھٹکھٹایا ہے کہ یہ انسانی حقوق کا مسئلہ ہے۔
منہاج ویلفیئر فاؤنڈیشن کے تحت لاہور (مرکزی قربان گاہ) میں 15 سو سے زائد جانوروں کی قربانی دے کر سنت ابراہیمی کو ادا کیا گیا۔ گوشت ایک نظم کے تحت غریبوں، یتیموں اور ضرورت مندوں میں تقسیم کیا گیا۔ ڈائریکٹر منہاج ویلفیئر فاؤنڈیشن سید امجد علی شاہ نے مرکزی قربان میں مستحق افراد میں گوشت تقسیم کرتے ہوئے کہا کہ منہاج ویلفیئر بلاامتیاز رنگ و نسل، جنس و مذہب، خدمت انسانیت کیلئے کوشاں ہے۔ ملک بھر میں منہاج ویلفیئر فاؤنڈیشن کے تحت 5 ہزار سے زائد جانور ذبح کیے گئے۔
4M
فیس بک
2M
ٹوٹر
© 1994 - 2025 Minhaj-ul-Quran International.
