سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
تحریک منہاج القرآن حاصل پور کے زیراہتمام پانچ روزہ دروس عرفان القرآن کے سلسلہ کی پانچویں اور آخری نشست 13 اپریل 2022ء کو نماز فجر کے بعد منعقد ہوئی، اس موقع پر علامہ محمد لطیف مدنی نے درس قرآن دیا۔ انہوں نے ’’بچوں کی تربیت اور والدین کی ذمہ داری‘‘ کے موضوع پر گفتگو کرتے ہوئے کہا کہ اسلام نے انسان کی ہر سطح پر تربیت کا ایک جامع پلیٹ فارم مہیا کیا ہے۔ بچوں میں 7 سال کی عمر سے نماز کی فرضیت اس بات کا اعلان ہے کہ عملی طور پر بچہ ذمہ داری میں داخل ہو گیا ہے۔
تحریک منہاج القرآن کے بانی و سرپرست شیخ الاسلام ڈاکٹر محمد طاہرالقادری نے موجودہ سیاسی صورت حال کے تناظر میں کارکنان اور مرکزی ذمہ داران کو پالیسی گائیڈ لائن دیتے ہوئے کہا ہے کہ کارکن اور سوشل میڈیا ایکٹیوسٹس کسی سیاسی لڑائی، جھگڑے کا حصہ نہ بنیں۔ پرائی لڑائی میں کودنے کی ضرورت نہیں ہے۔ انہوں نے ویڈیو لنک پر ہدایات دیتے ہوئے کہا کہ ایک طرف اقتدار میں وہ لوگ آگئے ہیں جو ہمارے بے گناہ کارکنان کے قاتل ہیں اور دوسری طرف اقتدار سے بے دخل ہونے والے وہ لوگ ہیں جنہوں نے شہید کارکنوں کے انصاف کیلئے رتی برابر تعاون نہیں کیا بلکہ حال تک نہیں پوچھا۔ شہدائے ماڈل ٹاؤن کا انصاف ہمارے ایمان کا حصہ ہے اس سے پیچھے نہیں ہٹ سکتے۔
صدر منہاج القرآن انٹرنیشنل سکینڈے نیوین زون سید محمود شاہ الازہری کی والدہ محترمہ انتقال کر گئیں، انا للہ و انا الیہ راجعون۔ مرحومہ کی نماز جنازہ ان کے آبائی گاؤں بہا مٹہ سوات میں ادا کی گئی۔ نماز جنازہ میں نائب ناظم اعلیٰ ڈاکٹر محمد رفیق نجم کے ساتھ مرکزی وفد نے شرکت کی، جن میں محمد عثمان صدر عوامی تحریک KPK، علامہ غلام ربانی تیمور، بشیر جان منہاجین، محمد انعام منہاجین اور قاری ولایت حسین شامل تھے۔ شیخ الاسلام ڈاکٹر محمد طاہرالقادری نے سید محمود شاہ الازہری سے ان کی والدہ کے انتقال پر اظہار تعزیت کرتے ہوئے مرحومہ کے بلندی درجات کی دعا کی ہے۔
منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے کالج آف شریعہ اینڈ اسلامک سائنز کے طلباء کے ساتھ ایک فکری نشست سے خطاب کرتے ہوئے کہا کہ زمانہ طالب علمی میں وقت کا بہترین استعمال یہ ہے کہ پوری توجہ حصول علم پر مرکوز رکھی جائے، زندگی کے یہ قیمتی لمحات پھر پلٹ کر نہیں آتے، یہی زمانہ پوری زندگی کا میزان ہوتا ہے۔ زمانہ طالب علمی میں کی گئی محنت سے نہ صرف انسان خود پوری زندگی ثمربار رہتا ہے بلکہ آئندہ نسلیں بھی اس کے فیوض و ثمرات سے بہرہ مند ہوتی ہیں۔ نوجوان اہل علم کی صحبت میں رہا کریں پاکیزہ اخلاق والی علمی شخصیات کی صحبت سے کردار نکھرتا ہے۔
تحریک منہاج القرآن کی نظامت امور خارجہ کے زیراہتمام منہاج ایشیئن کونسل و ایشیئن ممالک کے پہلے سہہ ماہی آن لائن تربیتی کیمپ کا انعقاد کیا گیا۔ آن لائن تربیتی کیمپ میں منہاج ایشین کونسل اور ایشیئن ممالک کی نیشنل ایگزیکٹیو کونسلز، لوکل ایگزیکٹیو کونسلز کے صدور، ناظمین، جملہ ذمہ داران اور کارکنان شریک ہوئے۔ اس موقع پر صدر منہاج القرآن ڈاکٹر حسین محی الدین قادری نے تربیتی خطاب کیا۔ ڈاکٹر حسین محی الدین قادری نے اظہار خیال کرتے ہوئے منہاج ایشیئن کونسل اور ایشیئن ممالک کی تنظیمات کی کارکردگی کو سراہا۔
تحریک منہاج القرآن کے زیراہتمام حرمین شریفین کے بعد دنیائے اسلام کے سب سے بڑے ”شہر اعتکاف“ کی رجسٹریشن کا پہلا مرحلہ 10 رمضان المبارک تک مکمل کرلیا جائے گا۔ شہر اعتکاف کی تیاریاں و انتظامات ذور و شور سے جاری ہیں۔ شہر اعتکاف میں اس سال مرد و خواتین کی بہت بڑی تعداد معتکف ہوگی۔ شیخ الاسلام ڈاکٹر محمد طاہرالقادری ویڈیو لنک پر روزانہ اصلاحی و تربیتی خطابات کریں گے۔ شہر اعتکاف میں ملک کے کونے کونے سے و بیرونی دنیا سے بھی لوگوں کی بہت بڑی تعداد شرکت کرے گی۔
منہاج القرآن کبیر والا کے زیراہتمام دروس عرفان القرآن کی دوسری نشست میں علامہ محمد لطیف مدنی نے خطاب کیا۔ انہوں نے ’’امہات المؤمنین اور آجکی خواتین‘‘ کے موضوع پر گفتگو کرتے ہوئے کہا کہ آج خواتین کو اپنی زندگی میں اسوہ امہات المومنین اپنا کر اپنے رول ماڈل بنانے ہوں گے۔ آج خواتین بامقصد زندگی گزارنا چاہتی ہیں تو انہیں دین اسلام سے رہنمائی لینا ہو گی۔
تحریک منہاج القرآن لالہ موسیٰ کے زیراہتمام پانچ روزہ درس عرفان القرآن کی چوتھی نشست میں علامہ محمود مسعود قادری نے خطاب کیا۔ اس موقع پر اہل علاقہ اور خواتین کی بڑی تعداد پروگرام میں شریک ہوئی۔ منہاج القرآن کے زیراہتمام دھنی میں درس عرفان القرآن سے علامہ محمد لطیف مدنی نے خطاب کیا۔ انہوں نے کہا کہ رجوع الی اللہ اور رجوع الی الرسول ہی مومن کے لیے کامیابی کی سیڑھی ہیں۔
تحریک منہاج القرآن مریدکے کے زیراہتمام حسن شادی ہال میں درس عرفان القرآن کی نشست منعقد ہوئی، جس میں منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے خطاب کیا۔ درس قرآن کے بہت بڑے اجتماع میں ہزاروں لوگ شریک ہوئے۔ اس موقع پر مختلف شعبہ ہائے زندگی سے تعلق رکھنے والی سیاسی، سماجی و مذہبی شخصیات، علمائے کرام، تحریک منہاج القرآن و جملہ فورمز کے مرکزی و مقامی قائدین و کارکنان اور عوام الناس (مرد و خواتین) نے بڑی تعداد میں شرکت کی۔
منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری کی برطانیہ و یورپ کے تنظیمی، تربیتی و دعوتی دورہ کی تکمیل پر پاکستان واپس پہنچنے کے بعد منہاج القرآن انٹرنیشنل کے مرکزی سیکرٹریٹ میں مرکزی قائدین، ڈائریکٹرز شعبہ جات، فورمز کے صدور سے خصوصی ملاقات کی۔ اس موقع پر بریگیڈیئر ر اقبال احمد خاں، خرم نواز گنڈا پور، نائب ناظمین اعلیٰ، ڈائریکٹرز شعبہ جات، فورمز کے صدور بھی موجود تھے۔
تحریک منہاج القرآن لاہور کے زیراہتمام رمضان المبارک کی پرنور ساعتوں میں لاہور بھر میں دروس عرفان القرآن کا سلسلہ جاری ہے۔ 5 روزہ دروس عرفان القرآن میں منہاج القرآن کی نظامت دعوت کے اسکالرز روزانہ نماز فجر کے بعد خطاب کر رہے ہیں۔ گرینڈ زم زم مارکی صادق چوک ٹاون شپ لاہور میں درس عرفان القرآن کی چوتھی نشست سے علامہ رانا محمد ادریس قادری نے ’’زکوۃ اور اس کی اہمیت‘‘ کے موضوع پر خطاب کیا۔ اس موقع پر انہوں نے کہا کہ انفاق فی سبیل اللہ اسلام کے معاشی نظام کا ایک اہم ترین ستون ہے۔
تحریک منہاج القرآن لاہور کے زیراہتمام پانچ روزہ دروس قرآن کی دوسری نشست میں علامہ رانا محمد ادریس قادری، علامہ غلام مرتضیٰ علوی اور علامہ صابر کمال وٹو نے دروس عرفان القرآن میں خطاب کیا۔ اس موقع پر اہل علاقہ مردوخواتین کی بڑی تعداد نے دروس قرآن میں شرکت کی۔ مقررین نے خطاب کرتے ہوئے کہا کہ اس پرفتن دور میں منہاج القرآن امت مسلمہ کو علمی و عملی طور پر مکین گنبد خضریٰ سے جوڑنا چاہتی ہے۔
رمضان المبارک کی مقدس ساعتوں میں تحریک منہاج القرآن کے مرکزی سیکرٹریٹ پر واقع جامع شیخ الاسلام میں نماز تراویح کا اہتمام باقاعدگی سے جاری ہے۔ جامع شیخ الاسلام میں نمازیوں کی بڑی تعداد باقاعدگی کے ساتھ نماز تراویح ادا کرتی ہے۔ منگل کی شب منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری اور صدر منہاج القرآن انٹرنیشنل ڈاکٹر حسین محی الدین قادری نے بھی جامع شیخ الاسلام نماز میں تراویح ادا کی۔
تحریک منہاج القرآن لاہور کے زیراہتمام لاہور بھر میں 5 روزہ دروس عرفان القرآن جاری ہیں، اس سلسلہ میں نائب ناظم اعلیٰ رانا محمد ادریس قادری، علامہ غلام مرتضیٰ علوی، علامہ احسن اویس قادری اور علامہ فیاض بشیر قادری نے لاہور کے مختلف مقامات پر دروس قرآن سے خطاب کیے۔ مقررین نے رمضان المبارک کے فضائل، عقائد اسلامی، معاشرتی اصلاح احوال، سماجی بگاڑ کی اصلاح اور دیگر موضوع پر گفتگو کرتے ہوئے منہاج القرآن کا پیغام دیا۔ اس موقع پر اہل علاقہ کی بڑی تعداد دروس قرآن میں شریک ہوئی۔
تحریک منہاج القرآن لاہور کی نظامت دعوت و تربیت کے زیراہتمام 5 روزہ دروس قرآن کا آغاز ہو گیا، افتتاحی روز کرسٹل شادی ہال پونچھ روڈ سمن آباد ضلع نمبر3 لاہور کے زیراہتمام منعقدہ نشست میں علامہ فیاض بشیر قادری نے ’’معاشرتی رسومات میں افراط و تفریط‘‘ کے موضوع پر خطاب کیا۔ اس موقع پر اہل علاقہ کی بڑی تعداد درس قرآن میں شریک ہوئی۔
4M
فیس بک
2M
ٹوٹر
© 1994 - 2025 Minhaj-ul-Quran International.
