سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآن سیکرٹریٹ کے سینئر الیکٹریشن خادم حسین (مرحوم) کی نماز جنازہ ادا کی گئی۔ نماز جنازہ میں ناظم اعلیٰ خرم نواز گنڈا پور، بریگیڈئیر (ر) اقبال احمد خان، انجینئر رفیق نجم، جواد حامد، نور اللہ صدیقی، علامہ غلام مرتضی علوی، رانا نفیس حسین، سعید رضا بغدادی، علامہ لطیف مدنی، مظہر علوی، منصور قاسم اعوان، احسن ارشاد، عبد الستار منہاجین، سعید اختر، عادل ظہیر، حافظ عابد بشیر، شہزاد رسول سمیت تحریک منہاج القرآن اور پاکستان عوامی تحریک کے رہنماؤں و کارکنان نے بڑی تعداد میں شرکت کی۔ دریں اثناء تحریک منہاج القرآن شعبہ تحفیظ القرآن کے وائس پرنسپل قاری محمد اسماعیل نے مرحوم کی نماز جنازہ پڑھائی۔ دریں اثناء تحریک منہاج القرآن کے قائد شیخ الاسلام ڈاکٹر محمد طاہرالقادری نے خادم حسین کے انتقال پر اہلخانہ سے اظہار تعزیت کیا ہے۔
منہاج القرآن انٹرنیشنل کے ناظم اعلیٰ خرم نواز گنڈاپور نے کراچی تنظیم کے زیراہتمام منعقدہ ”تجدید عہد وفا”سیمینار سے خطاب کرتے ہوئے کہا کہ پاکستان کو پرامن اور خوشحال سوسائٹی بنانے کے لئے ساری توجہ اور وسائل بامقصد تعلیم کی فراہمی پر خرچ کرنا ہوں گے۔ تحریک منہاج القرآن اس دینی اور قومی تقاضے کو پورا کرنے کے لئے تمام دستیاب وسائل بروئے کار لارہی ہے۔ منہاج القرآن کے تعلیمی اداروں سے وابستہ طلباء و طالبات کی تعداد لاکھوں میں ہے۔
مصطفوی سٹوڈنٹس موومنٹ کے زیراہتمام منعقدہ 7 ویں سالانہ ونٹر سٹڈی کیمپ میں گلگت بلتستان اور بلوچستان سے آئے ہوئے طلباء سے گفتگو کرتے ہوئے ڈاکٹر حسن محی الدین قادری نے کہا کہ منہاج القرآن نے طلباء اور نوجوانوں کی تعلیم و تربیت پر سب سے زیادہ توجہ دی۔ انہوں نے کہا کہ 30 روزہ تربیتی کیمپ میں ملک کے طول و عرض سے آئے ہوئے طلباء مبارک باد کے مستحق ہیں، تعلیم اور تربیت ایسے عمل ہیں جن کا سلسلہ آخری سانس تک جاری رہنا چاہئے، یہی اسلام کی تعلیمات اور شیخ الاسلام ڈاکٹر محمد طاہرالقادری کا نوجوانوں کے لئے پیغام اور نصحیت ہے۔
تحریک منہاج القرآن کے بانی و سرپرست شیخ الاسلام ڈاکٹر محمد طاہرالقادری نے کنڈل شاہی وادی کشمیر میں منہاج ویلفیئر فاؤنڈیشن کو مستحق خاندانوں میں ونٹر پیکیج تقسیم کرنے پر مبارکباد دی ہے۔ انہوں نے کہا کہ اعضا جما دینے والی سردی میں منہاج ویلفیئر کے رضا کاروں کا انسانی خدمت کا جذبہ خون گرما دینے والا ہے۔ اللہ رب العزت یہ جذبہ سلامت رکھے اور اس کا اجر عظیم عطاء کرے۔ منہاج ویلفیئر فاؤنڈیشن کی طرف سے مسلسل تین روز سے وادی نیلم کشمیر کے دور افتادہ دیہاتوں میں گھروں میں محصور مستحقین میں گرم کپڑوں، راشن، رضائیوں، جرابوں، دستانوں پر مشتمل خصوصی ونٹر پیکیج تقسیم کیے جارہے ہیں۔
منہاج القرآن انٹرنیشنل کی سنٹرل ایگزیکٹو کونسل کا اجلاس چیئرمین سپریم کونسل ڈاکٹر حسن محی الدین قادری کی زیر صدارت منعقد ہوا۔ اجلاس میں تمام زونز کی تنظیمات کے نائب ناظمین اعلیٰ، فورمز کے صدور نے اپنے اپنے زونز اور فورمز کی رپورٹ پیش کی۔ جس پر چیئرمین سپریم کونسل نے اطمینان اور مسرت کا اظہار کیا۔ سنٹرل ایگزیکٹو کونسل کے اجلاس میں فہم دین پراجیکٹ کے اہداف اور سوشل میڈیا ورکنگ کونسل کی طرف سے سوشل میڈیا ایکٹوسٹس کی ٹریننگ کا ایک پلان پیش کیا گیا جس کی ہاؤس نے منظوری دی۔
منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے ’’الہدایہ‘‘ کے زیراہتمام منعقدہ فہم القرآن پراجیکٹ کی تقریب میں اظہار خیال کرتے ہوئے کہا کہ آج ہمیں قرآن کے ساتھ اپنا عملی تعلق مضبوط بنانا ہو گا کیونکہ دنیا و آخرت کی کامیابی قرآن کی تعلیمات پر عمل کرنے میں ہی ہے۔ انہوں نے تقریب میں شریک مختلف طبقہ ہائے فکر کے نمائندگان سے خطاب کرتے ہوئے کہا کہ قرآن مجید میں اللہ نے ابتدا سے انتہا تک کے تمام علوم جمع کر دیئے گئے ہیں، قرآن مجید میں آداب تجارت و سیاست اور معاشرت سمیت انفرادی و اجتماعی زندگی سے متعلق ہر نوع کی راہنمائی موجود ہے۔
منہاج القرآن علماء کونسل کے زیراہتمام خلیفہ اول حضرت سیدنا ابوبکر صدیق رضی اللہ عنہ کے یوم وصال کے موقع پر منعقدہ ”تاجدار صداقتؓ“ کانفرنس سے خطاب کرتے ہوئے چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے کہا ہے کہ حضرت سیدنا صدیق اکبر رضی اللہ عنہ کی سیرت و کردار امت کے لئے روشنی اور رہنمائی کا مینار ہے۔ سیدنا ابوبکر صدیق رضی اللہ عنہ حضور نبی اکرم ﷺ کے اسوۂ حسنہ کا عملی پیکر تھے۔ آپ کا دور خلافت، خلافت راشدہ کا ایک عہد بے مثال ہے۔ آپ نے انتظامی، سماجی شعبہ جات میں جامع اصلاحات کی بنیاد رکھی اور ریاست مدینہ کو نبوی پولیٹیکل وژن کے مطابق مستحکم بنایا۔
چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے مرکزی سیکرٹریٹ میں تربیتی نشست سے خطاب کرتے ہوئے کہا کہ استقامت ہی کامیابی کی ضمانت ہے۔ انہوں نے تربیتی نشست میں تحریک منہاج القرآن کے مرکزی سیکرٹریٹ میں سٹاف ممبران، عہدیداروں اور قائدین کی نشست سے خطاب کرتے ہوئے کہا کہ خلوص دل اور اخلاص سے جڑے رہنے میں استقامت ہے اور یہ استقامت ہی دنیا و آخرت کی کامیابی کی ضامن ہے۔ انہوں نے تربیتی نشست میں گفتگو کرتے ہوئے انبیاء علیھم السلام کی سیرت اور قصص سے مختلف واقعات بیان کرتے ہوئے انسان کی روحانی ترقی پر زور دیا۔
سجادہ نشین کوٹ مٹھن شریف خواجہ معین الدین محبوب کوریجہ نے چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری سے ان کی رہائش گاہ پر ملاقات کی۔ اس موقع پر راجہ زاہد محمود بھی موجود تھے۔ اس موقع پر باہمی دل چسپی کے امور پر گفتگو ہوئی۔
منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے صوبائی وزیر جنگلات سید صمصام علی بخاری سے لاہور میں ان کی رہائش گاہ میں ملاقات کی اور ان کے بھائی پیر سید طیب علی شاہ کے انتقال پر اظہار تعزیت کیا۔ اس موقع پر ڈاکٹر حسن محیٰ الدین قادری نے سید صمصام علی بخاری سے اظہار افسوس کرتے ہوئے مرحوم کی بلندی درجات کے لیے دعا کی۔ چیئرمین سپریم کونسل نے شیخ الاسلام ڈاکٹر محمد طاہرالقادری کا تعزیتی پیغام بھی سید صمصام علی بخاری کو پہنچایا۔
منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے علمائے کرام کے وفد سے ملاقات کے دوران گفتگو کرتے ہوئے کہا کہ تنگ نظری اور عدم برداشت سب سے بڑا خطرہ ہیں۔ علمائے کرام اختلاف رائے کا فراخ دلی کے ساتھ سامنا کریں، علمائے حق کبھی تنگ نظر نہیں ہو سکتے۔ حضور نبی اکرم صلی اللہ علیہ وآلہ وسلم خندہ پیشانی کے ساتھ ہرایک کی بات سنتے تھے اور کبھی ناگواری کا اظہار نہیں فرماتے تھے۔ آپ صلی اللہ علیہ وآلہ وسلم کی مجلس کا یہ حسن ہوتا تھا کہ اس مجلس میں بیٹھنے والا ہر شخص دل کی بات بے خوف و خطر کرتا تھا اور اس کی بات سنی جاتی تھی۔
انجمن اساتذہ پاکستان کے وفد نے مرکزی صدر پروفیسر رضا حسین سیال کی قیادت میں منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری سے مرکزی سیکرٹریٹ میں ملاقات کی۔ اس موقع پر گفتگو کرتے ہوئے چیئرمین سپریم کونسل نے کہا کہ اساتذہ انسانیت کے معلم ہیں اور پیغمبرانہ طریق پر ہیں۔ پروفیشنل اساتذہ کے بغیر پڑھے لکھے پاکستان کی منزل کا خواب شرمندہ تعبیر نہیں ہو سکتا۔ انہوں نے کہا کہ اساتذہ کرام طلباء کے ساتھ قوم کے لیے بھی رول ماڈل ہوتے ہیں۔
منہاج القرآن انٹرنیشنل فرانس کی جانب سے پاکستان تحریک انصاف فرانس کے عہدیداران کے اعزاز میں نئے سال کے آغاز پر اعشائیہ کا اہتمام کیا گیا۔ عشائیہ کی تقریب میں پی ٹی آئی فرانس کے صدر ملک عابد، جنرل سیکرٹری چوہدری افضال گوندل، چوہدری اشفاق جٹ، چوہدری افضال ڈھل اور صفدر ہاشمی سمیت منہاج القرآن انٹرنیشنل فرانس کے سینئر رہنماؤں اور مقامی صحافیوں نے بھی شرکت کی۔
منہاج سکول آف اسلامک سائنسز ڈنمارک کے درس نظامی کے پہلے بیج کے طلباء و طالبات نے چھ سال کی محنت سے جامعہ اسلامیہ منہاج القرآن لاہور کے نصاب کے مطابق الشھادۃ العالیہ کی ڈگری کی تکمیل کرکے منہاج القرآن انٹرنیشنل کی دنیا بھر کی تنظیمات میں پہلا اعزاز حاصل کر لیا۔ اس پُرمسرت موقع پر نظامت تعلیمات منہاج القرآن انٹرنیشنل ڈنمارک کی طرف سے طلباء و طالبات کو اسناد و انعامات سے نوازنے کے لئے عظیم الشان کانووکیشن کا انعقاد کیا گیا۔ جس میں منہاج القرآن انٹرنیشنل ڈنمارک کے قائدین، رفقاء، کارکنان، اساتذہ کرام، والدین اور کمیونٹی کے افراد نے شرکت کی۔
منہاج القرآن انٹرنیشنل کی طلباء تنظیم مصطفوی سٹوڈنٹس موومنٹ کے زیراہتمام سوشل میڈیا سمٹ منعقد ہوا، سمٹ میں ملک بھر سے سوشل میڈیا ایکٹیوسٹس نے شرکت کی۔ سمٹ سے خطاب کرتے ہوئے چیئرمین سپریم کونسل ڈاکٹر حسن محی الدین قادری نے کہا کہ سوشل میڈیا ایکٹیوسٹ اسلام اور نظریہ پاکستان کے محافظ بنیں اور انتہا پسندی و عدم برداشت کا راستہ روکیں، نوجوان سوشل میڈیا کو اتحاد امت اور پاکستان کا مثبت امیج اجاگر کرنے کے لیے استعمال کریں۔
4M
فیس بک
2M
ٹوٹر
© 1994 - 2025 Minhaj-ul-Quran International.
