سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآن انٹرنیشنل کے صدر ڈاکٹر حسین محی الدین قادری نے مرکزی سیکرٹریٹ میں منہاج القرآن شمالی زون پنجاب کی سوشل میڈیا کے استعمال کے موضوع پر منعقدہ ایک روزہ تربیتی ورکشاپ سے خطاب کرتے ہوئے کہا کہ عالم اسلام کے پاس فیس بک، یوٹیوب، انسٹا گرام طرز کا اپنا ایک بھی ابلاغی ٹول نہیں ہے یہ عالم اسلام کی اجتماعی اہلیت کے لیے ایک سوال ہے۔ انھوں نے کہا کہ 22 کروڑ آبادی کے ملک پاکستان میں 10 کروڑ 73 لاکھ لوگ موبائل استعمال کرتے ہیں، 6 کروڑ 10 لاکھ نیٹ یوزر ہیں، 4 کروڑ پاکستانی فیس بک 3 کروڑ 60 لاکھ شہری یوٹیوب، 1 کروڑ 10 لاکھ شہری انسٹا گرام استعمال کرتے ہیں، پاکستانیوں کی اتنی بڑی تعداد انٹرنیشنل فورسز کے براہ راست حلقہ اثر میں ہے ہمیں اپنے نیٹ یوزر نوجوانوں کو سائبر وار سے بچانا ہے اور ان کے اخلاق و دینی اقدار اور قومی نظریات کی حفاظت کرنی ہے۔
وفاقی دینی تعلیمی بورڈ نظام المدارس پاکستان کے زیراہتمام ملک بھر میں پہلے سالانہ امتحانات 2022 کا آغاز 12 مارچ 2022ء کو ہو چکا ہے جس میں ملک بھر کے تعلیمی اداروں سے ہزاروں طلبہ و طالبات شریک ہیں۔ نظام المدارس کے تحت ملحقہ تعلیمی اداروں کے طلباء و طالبات کے سالانہ امتحانات 24 مارچ تک جاری رہیں۔ امتحانات کے لیے مرکزی ہیڈکوارٹر نظام المدارس پاکستان لاہور سمیت چاروں صوبوں اور آزاد کشمیر میں بھی سینکڑو ں امتحانی سنٹرز قائم کیے گئے ہیں، جہاں ہزاروں طلباء امتحانات دے رہے ہیں۔
یئرمین سپریم کونسل منہاج القرآن انٹرنیشنل ڈاکٹر حسن محی الدین قادری 4 روزہ تنظیمی دورے پر جرمنی پہنچ گئے، ائیرپورٹ پر منہاج القرآن انٹرنیشنل جرمنی کے راہنماؤں کی طرف سے آپ کا پرتپاک استقبال کیا گیا۔ ڈاکٹر حسن محی الدین قادری جرمنی میں پاکستانی کمیونٹی، مذہبی، سماجی راہنماؤں سے ملاقاتیں کریں گے۔
منہاج القرآن انٹرنیشنل کے صدر ڈاکٹر حسین محی الدین قادری نے کرتارپور، نارووال گوردوارہ دربار صاحب کا وزٹ کیا۔ اس موقع پر منہاج القرآن کے مرکزی قائدین کا اعلیٰ سطحی وفد بھی آپ کے ساتھ تھا، جن میں مرکزی نائب ناظم اعلیٰ رانا محمد ادریس قادری، ڈائریکٹر انٹرفیتھ ریلیشنز سہیل احمد رضا، منہاج القرآن لاہور کے صدر رانا نفیس حسین قادری، عبدالرحمن ملک، خرم شہزاد، ناصر اقبال ایڈووکیٹ، فرحان جاوید، حفیظ الرحمن، طیب ضیاء، قاری ریاست علی چدھڑ و دیگر بھی موجود تھے۔
منہاج القرآن انٹرنیشنل سپین کے زیراہتمام اوسپیتالیت سٹی میں ورکرز کنونشن منعقد ہوا، جس میں منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے خصوصی خطاب کیا۔ڈاکٹر حسن محی الدین قادری نے کہا کہ تحریک منہاج القرآن علم اور امن کے فروغ کی تحریک ہے۔ جو پوری دنیا میں اسلام کے پر امن اور ترقی پسند تشخص کو اجاگر کر رہی ہے، اللہ رب العزت کا شکر اور شیخ الاسلام کی تربیت ہے۔
منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے سپین میں منہاج القرآن انٹرنیشنل کے عہدیدراوں اور پاکستانی کمیونٹیز کے نمائندہ افراد سے ملاقات کے موقع پر گفتگو کرتے ہوئے کہا کہ ریاست مدینہ سوشل جسٹس کا عملی ماڈل تھی، پاکستان کو ریاست مدینہ کے قالب میں ڈھالنے کیلئے نظام انصاف کو سستا، مؤثر اور بروقت بنانا ہو گا۔ ان کا کہنا تھا ریاست مدینہ کے ذریعے دنیا کو بین المذاہب رواداری اور امن بقائے باہمی کا ایک مثالی ریاستی، انتظامی ماڈل عطا ہوا۔
منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے فرانس میں پاکستانی کمیونٹی کی طرف سے دیئے گئے عشائیہ تقریب میں خطاب کرتے ہوئے کہا کہ اسلام امن، سلامتی اور اتحاد و اخوت کا دین ہے۔ انتہا پسند صرف مسلمانوں کے ہی نہیں بلکہ بین الاقوامی بھائی چارے کے فروغ کی کوششوں کے بھی دشمن ہیں۔ عشائیہ میں فرانس میں تعینات پاکستان کے سفیر امجد عزیز قاضی، احسان کریم، دانیال گیلانی سمیت فرانس میں کام کرنے والی پاکستانی مختلف سیاسی، سماجی، مذہبی، ثقافتی، ادبی جماعتوں و تحریکوں کے مرکزی قائدین نے شرکت کی۔
شیخ الاسلام ڈاکٹر محمد طاہرالقادری کی 71ویں سالگرہ کے سلسلہ میں منہاج القرآن گکھڑ کے زیراہتمام قائد ڈے تقریب منعقد ہوئی، جس میں ناظم اعلیٰ منہاج لقرآن انٹرنیشنل خرم نواز گنڈاپور نے مہمان خصوصی تھے۔ تقریب میں نائب صدر عوامی تحریک راجہ زاہد محمود، صدر یوتھ مظہر محمود علوی نے بھی خصوصی شرکت کی۔
منہاج القرآن انٹرنیشنل سپین کی طرف سے چیئرمین سپریم کونسل ڈاکٹر حسن محی الدین قادری کے اعزاز میں عشائیہ کا اہتمام کیا گیا۔ اس موقع پر منہاج القرآن انٹرنیشنل سپین کے اعلیٰ سطحی ذمہ داران و عہدیداران نے بھی عشائیہ میں شرکت کی۔ ڈاکٹر حسن محی الدین قادری نے عشائیہ میں شریک عہدیداروں اور شرکاء سے تربیتی گفتگو بھی کی۔
منہاج القرآن انٹرنیشنل فرانس کی طرف سے چیئرمین سپریم کونسل ڈاکٹر حسن محی الدین قادری کے اعزاز میں عشائیہ کا اہتمام کیا گیا جس میں فرانس کے سفیر امجد عزیز قاضی، احسان کریم ) ہیڈ آف قونصلیٹ پیرس)، دانیال گیلانی (ہیڈ آف پریس قونصلیٹ پاکستان) سمیت فرانس میں کام کرنے والی پاکستانی مختلف سیاسی، سماجی، مذہبی، ثقافتی، ادبی جماعتوں و تحریکوں کے مرکزی قائدین نے شرکت کی۔
منہاج القرآن اسلامک سنٹر فرانس کی نئی عمارت کا افتتاح چئیرمین سپریم کونسل ڈاکٹر حسن محی الدین قادری نے اپنے دست مبارک سے کیا۔ اس موقع پر منہاج القرآن انٹرنیشنل فرانس کے سینئر رہنما بھی ان کے ہمراہ موجود تھے۔ اسلامک سنٹر فرانس کی یہ عمارت خوبصورت وسیع مسجد، ہزاروں کتب پر مشتمل لائبریری، کڈز تربیتی کلاس رومز، سٹڈی سرکلز ہال اور گیسٹ رومز پر مشتمل ہے۔
منہاج القرآن انٹرنیشنل گونساول فرانس کے زیراہتمام شیخ الاسلام ڈاکٹر محمد طاہرالقادری کے یوم ولادت کے موقع پر قائد ڈے سیمینار منعقد ہوا، جس میں چیئرمین سپریم کونسل ڈاکٹر حسن محی الدین قادری نے خصوصی شرکت کی اور تربیتی گفتگو فرمائی۔ اس موقع پر سفیر یورپ علامہ نذیر احمد خان، علامہ حسن میر قادری، بابر حسین، طارق چوہدری، سرپرست منہاج القرآن گونساول حسن ارشد، صدر منہاج القرآن گونساول سرفراز احمد ساہی، صاحبزادہ محمد قاسم، مہر ارشد، محمد اقبال مصطفوی اور طاہر گورائیہ و دیگر ذمہ داران بھی موجود تھے۔ سیمینار میں منہاج القرآن انٹرنیشل کے رفقاء اور پاکستانی کمیونٹی کے احباب نے بڑی تعداد میں شرکت کی۔
تحریک منہاج القرآن کے دعوتی پراجیکٹ ’’فہم دین‘‘ کے ایک سال مکمل ہونے پر تقریب منعقد ہوئی، اس موقع پر کیک کاٹا گیا۔ ناظم اعلیٰ خرم نواز گنڈاپور نے ڈائریکٹر پراجیکٹ حفیظ اللہ جاوید، سیکرٹری علامہ غلام مرتضیٰ علوی اور پوری ٹیم کو مبارکباد دی ہے۔ انہوں نے اپنے مبارکبادی پیغام میں کہا ہے کہ منہاج القرآن انٹرنیشنل شیخ الاسلام ڈاکٹر محمد طاہرالقادری کے ویژن کی روشنی میں دعوت دین کے فروغ کے لیے جدید ذرائع ابلاغ بروئے کار لا رہا ہے۔
تحریک منہاج القرآن سکھر کے زیراہتمام 20 فروری 2022ء کو قائد ڈے کی تقریب کا انعقاد کیا گیا۔ تقریب میں مرکزی نائب ناظم اعلیٰ تحریک منہاج القران سندھ محترم جناب مخدوم ندیم احمد ہاشمی، کوآرڈینیٹر تحریک منہاج القرآن اپرسندھ عبدالستار چوہان، صوبائی صدر MSM علی قریشی، نائب صدر MSM یاسر کھوسو، بشیر احمد جونیجو، اسلم جونیجو اور تحریک منہاج القرآن و جملہ فورمز کے ذمہ دارآن و کارکنان نے شرکت کی۔ تقریب میں شیخ الاسلام ڈاکٹر محمد طاہرالقادری کی 71ویں سالگرہ کا کیک کاٹا گیا اور آپ کی صحت و سلامتی کے لیے دعا کی گئی۔
منہاج یوتھ لیگ کراچی کے زیراہتمام شیخ الاسلام ڈاکٹر محمد طاہرالقادری کے یوم ولادت کے موقع پر قائد ڈے سیمینار منعقد ہوا، جس میں منہاج یوتھ لیگ کے مرکزی صدر مظہر محمود علوی اور پاکستان عوامی تحریک کے مرکزی صدر قاضی زاہد حسین نے خصوصی شرکت کی۔ سید ظفر اقبال شاہ، نعیم انصاری، مرزاجنید علی، راؤ کامران، مشتاق قائم خانی، زاہد لطیف، شاہد راجپوت، مفتی مکرم خان قادری، صاحبزادہ ثاقب نوشاہی، بشیر خان مروت، مسز فوزیہ جنید، طوبیٰ سلیمان، جواد انصاری، فاروق شیخ، تحریک منہاج القرآن و جملہ فورمز کے قائدین و کارکنان نے بھر پور شرکت کی۔ تقریب میں شاندار کارکردگی پہ زونل اور ٹاؤنز کے ذمہ داران کو شیلڈز پیش کی گئی اور آخر میں سالگرہ کا کیک کاٹا گیا اور شیخ الاسلام ڈاکٹر محمد طاہرالقادری کی درازئ عمر کے لیے خصوصی دعا کی گئی۔
4M
فیس بک
2M
ٹوٹر
© 1994 - 2025 Minhaj-ul-Quran International.
