سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآن انٹرنیشنل ڈنمارک نارتھ ویسٹ سنٹر کے زیراہتمام منعقدہ سالانہ ’’شہادت امام حسین علیہ السلام کانفرنس‘‘ میں علامہ حافظ محمد ادریس الازہری (پرنسپل منہاج سکول آف اسلامک سائنسز ڈنمارک) نے خطاب کرتے ہوئے داستان کربلا اور واقعہ کربلا کو بیان کیا اور کہا کہ آج ہم جن ہستیوں کا ذکر کر رہے ہیں وہ ہستیاں نہ تو کوئی عام ہستیاں ہیں، نہ ان کی شھادتیں کوئی عام شہادتیں ہیں، بلکہ اللہ رب العزت نے جیسے انھیں منفرد اور بے مثل مقام عطا فرمایا اسی طرح ان کی شہادت کو بھی بے مثل مقام عطا فرمایا ہے۔
نظام المدارس پاکستان کے شعبہ امتحانات کے زیراہتمام دو روزہ آن لائن ٹیچر ٹریننگ پروگرام سے خطاب کرتے ہوئے نظام المدارس پاکستان کے صدر مفتی امداد اللہ قادری نے کہاکہ فرقہ واریت سے اسلام اور نظریہ پاکستان کی جڑیں کھوکھلی ہو رہی ہیں۔ عصری تقاضوں کے مطابق دینی نصاب پڑھا کر نفرتوں کا خاتمہ کرینگے۔ ریاست پاکستان کے فیصلے کے مطابق دینی مدارس کی رجسٹریشن کا عمل جلد از جلد مکمل کیا جائے، جو مدارس ریاست پاکستان کے فیصلے کے مطابق رجسٹریشن نہیں کروا رہے ان کاسند جاری کرنے کا اختیار بذریعہ نوٹفکیشن ختم کر دیا جائے۔
تحریک منہاج القرآن علماء کونسل کے زیر اہتمام ”پیغام امام حسین علیہ السلام اور اتحاد امت کانفرنس“ 9 محرم الحرام کی شب منہاج القرآن کے مرکزی سیکرٹریٹ میں منعقد ہوئی۔ کانفرنس میں شیخ الاسلام ڈاکٹر محمد طاہرالقادری نے بذریعہ ویڈیو لنک خصوصی خطاب کیا۔ کانفرنس سے امیر متحدہ جمعیت اہلحدیث پاکستان سید ضیاء اللہ شاہ بخاری، نائب امیر جماعت اسلامی پاکستان ڈاکٹر فرید احمد پراچہ، علامہ حافظ کاظم رضا نقوی، مفتی محمد مبشر نظامی، ناظم اعلیٰ تحریک منہاج القرآن خرم نواز گنڈاپور، مولانا عبدالستار نیازی، علامہ محمد جعفر شمسی، مفتی محمد مبشر نظامی، علامہ مفتی امداد اللہ قادری، علامہ میر آصف اکبر قادری نے بھی خطاب کیا۔
شیخ الاسلام ڈاکٹر محمد طاہرالقادری نے یوم عاشور کے موقع پر اپنے بیان میں کہا ہے کہ ظالم اور فاسق و فاجر کا ساتھ نہ دینا حسینیت ہے۔ امام عالی مقام نے اپنی جان کا نذرانہ پیش کر کے قیامت تک کیلئے یہ اصول مقرر کر دیا کہ شعائر دین اقتدار پرستوں کے رحم و کرم پر نہیں چھوڑے جا سکتے۔ نواسہ رسول ﷺ کی عظیم قربانی کا تذکرہ ایمان کی مضبوطی کیلئے ضروری ہے۔ شیخ الاسلام ڈاکٹر محمد طاہرالقادری نے یوم عاشور کے موقع پر اپنے بیان میں کہا ہے کہ ظالم اور فاسق و فاجر کا ساتھ نہ دینا حسینیت ہے۔ امام عالی مقام نے اپنی جان کا نذرانہ پیش کر کے قیامت تک کیلئے یہ اصول مقرر کر دیا کہ شعائر دین اقتدار پرستوں کے رحم و کرم پر نہیں۔ چھوڑے جا سکتے۔ نواسہ رسول ﷺ کی عظیم قربانی کا تذکرہ ایمان کی مضبوطی کیلئے ضروری ہے۔
تحریک منہاج القرآن کے زیراہتمام مرکزی سیکرٹریٹ میں ”پیغام امام حسین علیہ السلام اور اتحاد امت کانفرنس“ 9 محرم الحرام 18 اگست بدھ کو رات 9 بجے مرکزی سیکرٹریٹ ماڈل ٹاؤن میں منعقد ہو گی۔ قائد تحریک منہاج القرآن شیخ الاسلام ڈاکٹر محمد طاہرالقادری خصوصی خطاب کرینگے۔ کانفرنس میں مختلف مکاتب فکر سے تعلق رکھنے والے جید علمائے کرام و مشائخ عظام شرکت کرینگے۔
منہاج القرآن انٹرنیشنل چلی کے زیراہتمام 10 محرم الحرام کی مناسبت سے 9 اگست 2021 کو بعد نماز عشاء مقامی بارگاہ میں انجمن حسینیہ چلی کے تعاون سے ’’شہادت امام حسین علیہ السلام کانفرنس‘‘ کا انعقاد کیا گیا، جس میں منہاج القرآن انٹرنیشنل چلی کے صدر احمد حسن سلہری نے خطاب کیا۔
بانی و سرپرست تحریک منہاج القرآن شیخ الاسلام ڈاکٹر محمد طاہرالقادری نے یوم آزادی پر قوم کو مبارکباد دیتے ہوئے کہا کہ پاکستان 21 کروڑ عوام کی محفوظ پناہ گاہ ہے۔ اللہ تعالیٰ پاکستان کو تاقیامت شاد اور آباد رکھے اور اسے بدخواہوں کی منفی چالوں سے محفوظ و مامون رکھے۔ انہوں نے اپنے مبارکبادی پیغام میں کہا کہ قائداعظم محمد علی جناح ؒ نے کمزوروں کے حقوق کے تحفظ اور قانون کی بالادستی کے لئے جدوجہد کی۔ بانی پاکستان نے ترقی و خوشحالی اور استحکام کے لئے قوم کو ایک نسخہ کیمیا دیا تھا۔ بانی پاکستان نے فرمایا تھا قرآن مسلمانوں کا ہمہ گیر ضابطۂ حیات ہے جس نے زندگی کے ہر شعبے کے متعلق رہنمائی مہیا کی ہے۔
تحریک منہاج القرآن انٹرنیشنل کے زیراہتمام ”ہم سب کا پاکستان“ کے موضوع پر منعقدہ سیمینار میں مقررین نے مطالبہ کیا کہ جنگلات اور درختوں میں اضافہ شاندار قومی مہم ہے لیکن ماضی میں جنہوں نے بے دردی سے جنگلات اور درخت کاٹے ان کا محاسبہ بھی ضروری ہے۔ ایک سیاسی جماعت سے وابستہ طاقتور مافیا نے چھانگا مانگا کا پورا جنگل کاٹ کھایا۔ اس پر پنجاب اسمبلی میں ایک دن بحث بھی ہونی چاہیے اور ذمہ داروں کو عبرتناک سزا دینے کے لئے کمیشن بھی بننا چاہیے۔
منہاج القرآن حافظ آباد اور منہاج یوتھ لیگ کے زیراہتمام تین روزہ محفل ذکر اہل بیت و کانفرنس کا انعقاد مارین گولڈ مارکی میں کیا گیا۔ پہلے روز کانفرنس میں مرکزی نائب ناظم اعلیٰ علامہ رانا محمد ادریس قادری نے خطاب کیا۔ اس موقع پر انہوں نے اہل بیت اطہار علیھم السلام، شہادت امام حسین علیہ السلام، پیغام حسین اور اسلام دین و محبت کے حوالے سے گفتگو کی۔ انہوں نے کہا کہ باطل کے سامنے جرات کے سامنے ڈٹ جانا پیغام حسین ہے۔
تحریک منہاج القرآن شعبہ کورسز اور منہاج القرآن ویمن لیگ نے عشرہ محرم الحرام میں 10 روزہ محافل، فکری نشستوں کے شیڈول کا اعلان کر دیا۔ منہاج القرآن ویمن لیگ کے زیر اہتمام عشرہ محرم الحرام میں پورے پاکستان میں ڈسٹرکٹ و پی پی سطح پر سیدہ زینب سلام اللہ علیہا کانفرنسز کا انعقاد کیا جائے گا۔ منہاج القرآن ویمن لیگ کے تحت مرکزی سیکرٹریٹ ماڈل ٹاؤن میں یکم محرم الحرام سے 10محرم الحرام تک ”محرم الحرام ماہ اعلائے کلمۃ الحق“ کے عنوان سے تقاریب منعقد کی جائیں گی۔
تحریک منہاج القرآن سنٹرل پنجاب کے اجلاس میں نائب ناظم اعلیٰ علامہ رانا محمد ادریس نے اظہار خیال کرتے کہا کہ محرم الحرام کا مہینہ حضرت امام حسین علیہ السلام کی جدوجہد ظلم کے خلاف سینہ سپر ہونے کا عملی پیغام ہے۔ حضرت امام عالی مقام علیہ السلام کی عظیم قربانی سے احترام انسانیت کو بقاء نصیب ہوئی، دین مصطفی ﷺ کو تحفظ ملا اور اسلام کے عظیم نظام مشاورت و جمہوریت کو زندگی ملی۔
تحریک منہاج القرآن کی طرف سے منہاج القرآن انٹرنیشنل کویت کے سنئیر ساتھیوں کے اعزاز میں ظہرانہ کا اہتمام کیا گیا، مرکزی سیکرٹریٹ میں منعقدہ ظہرانہ تقریب میں منہاج القرآن انٹرنیشنل کویت کے رہنماؤں نے شرکت کی۔ اس موقع پر منہاج القرآن انٹرنیشنل کویت کے سابقہ ناظم نشر و اشاعت ارشد تبسم، صدر سالمیہ تنظیم شاہد حمید سندھو، ممبر مجلس عاملہ شوکت گھمن اور سالمیہ تنظم کے ممبر محمد زاہد مغل کو ان کی خدمات کے اعتراف میں خصوصی شیلڈز دی گئیں۔
صطفوی سٹوڈنٹس موومنٹ لاہور کے زیراہتمام شجرکاری مہم "گرین پاکستان موومنٹ" کی افتتاحی تقریب کا انعقاد کیا گیا۔ جس میں چوہدری عرفان یوسف مرکزی صدر مصطفوی سٹوڈنٹس موومنٹ نے اپنے حصے کا درخت لگا کر شجرکاری مہم کا افتتاح کیا۔ اس موقع پر شیخ فرحان عزیز سیکرٹری جنرل ایم ایس ایم پاکستان، علی قریشی صدر ایم ایس ایم لاہور، راشد مصطفوی ناظم دعوت ایم ایس ایم، احمد حسن جٹ صدر ایم ایس ایم منہاج یونیورسٹی اور منہاج یونیورسٹی کے ذمہ داران بھی موجود تھے۔
منہاج القرآن انٹرنیشنل کے صدر ڈاکٹر حسین محی الدین قادری مختصر دورے پر ہالینڈ پہنچ گئے ہیں۔ ان کے اعزاز میں منہاج القرآن اسلامک سنٹر ایمسٹرڈیم میں پاکستانی کمیونٹی کی طرف سے استقبالیہ کا اہتمام کیا گیا۔ استقبالیہ تقریب سے خطاب کرتے ہوئے ڈاکٹر حسین محی الدین قادری نے کہا کہ اوورسیز پاکستانی اسلام اور پاکستان کے سفیر ہیں۔ ان کی ذمہ داریاں اور چیلنجز دوہرے ہیں۔ انہیں اپنے اور اپنے خاندان کے لئے رزق حلال کمانے کے لئے محنت بھی کرنا ہوتی ہے اور اس کے ساتھ ساتھ وہ اسلام اور پاکستان کے تشخص کے سفیر اور ترجمان بھی ہوتے ہیں۔
نظام المدارس پاکستان کی طرف سے مدرسین کو ویکسین لگوانے کی ہدایت
4M
فیس بک
2M
ٹوٹر
© 1994 - 2025 Minhaj-ul-Quran International.
