سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
تحریک منہاج القران تلمبہ ضلع خانیوال کے سرپرست حاجی محمد اشرف روڈ ایکسیڈنٹ میں انتقال کر گئے، انا للہ و انا الیہ راجعون۔ وہ جمعرات کو شھدائے ماڈل ٹاؤن ریلی میں شرکت کے بعد سینئر تحریکی، محمد نواز ہمجانہ کے ساتھ میاں چنوں سے تلمبہ واپس جا رہے تھے کہ راستے میں دونوں روڈ ایکسیڈنٹ کا شکار ہو کر شدید زخمی ہوئے، بعدازاں انہیں نشتر ہسپتال پہنچایا گیا تاہم حاجی محمد اشرف جانبر نہ ہو سکے اور انتقال کر گئے۔ شیخ الاسلام ڈاکٹر محمد طاہرالقادری، چیئرمین سپریم کونسل ڈاکٹر حسن محی الدین قادری، صدر منہاج القرآن ڈاکٹر حسین محی الدین قادری نے اہلخانہ سے تعزیت کی ہے۔
شہدائے ماڈل ٹاؤن کی 7ویں برسی پر جامع مسجد منہاج یونیورسٹی لاہور میں شہدائے کے ایصالِ ثواب کیلئے دعائیہ تقریب کا انعقاد کیا گیا۔ دعائیہ تقریب میں منہاج یونیورسٹی لاہور کے پروفیسرز، کالج آف شریعہ اینڈ اسلامک سائنسز کے طلباء اور اساتذہ شریک ہوئے۔ اس موقع پر قرآن خوانی ہوئی اور آخر میں شہداء کے ایصال ثواب کے لیے دعا کی گئی۔
شیخ الاسلام ڈاکٹر محمد طاہرالقادری نے شہدائے ماڈل ٹاؤن کی 7ویں برسی کے موقع پر لاہور سمیت مختلف شہروں میں شہداء کے انصاف کے لئے نکالی جانے والی ریلیوں سے آڈیو لنک پر خطاب کرتے ہوئے کہا کہ قاتلوں کی حکومت میں انصاف نہ ملنے کی سمجھ تو آتی تھی مگر تحریک انصاف کی حکومت میں مظلوموں پر انصاف کے دروازے بند کیوں ہیں؟۔ وزیراعظم عمران خان میرے ساتھ مل کر سانحہ ماڈل ٹاؤن کے انصاف کے لئے پریس کانفرنسیں کرتے رہے ہیں اور احتجاجوں میں شریک رہے ہیں۔ آج مظلوم انصاف کے لئے دربدر اور دھکے کھارہے ہیں۔ قتل کرنے والوں کو سلاخوں کے پیچھے ہونا چاہیے تھا مگر وہ آج بھی دندناتے پھررہے ہیں۔
رکن صوبائی اسمبلی پنجاب میاں جلیل شرقپوری نے تحریک منہاج القرآن انٹرنیشنل کے مرکزی سیکرٹریٹ کا وزٹ کیا اور صدر ڈاکٹر حسین محی الدین قادری سے ملاقات کی۔ مرکزی سیکرٹریٹ آمد پر انہوں نے فرید ملت ریسرچ انسٹیٹیوٹ کا دورہ کیا۔ میاں جلیل شرقپوری نے فرید ملت ریسرچ انسٹی ٹیوٹ میں شیخ الاسلام ڈاکٹر محمد طاہرالقادری کی کتب کو بغور دیکھا اور آپ کی علمی خدمات کو خراج تحسین پیش کیا۔ انہوں نے کہا کہ شیخ الاسلام امت مسلمہ کا سرمایہ اور معتبر علمی شخصیت ہیں۔
تحریک منہاج القرآن کے ناظم اعلیٰ خرم نواز گنڈاپور کی قیادت میں مرکزی رہنماؤں نے شہدائے ماڈل ٹاؤن کی یادگار پر پھولوں کی چادر چڑھائی اور شہداء کے درجات کی بلندی کے لئے دعا کی۔ اس موقع پر خرم نواز گنڈاپور نے گفتگو کرتے ہوئے کہا کہ 7سال گزر جانے کے بعد بھی انصاف نہیں ہوا۔ ہم آج بھی پہلے دن کی طرح پرعزم ہیں کہ انصاف ہو کررہے گا اور بے گناہوں کا خون بہانے والے اور انصاف کی راہ میں روڑے اٹکانے والے عبرت کا نشان بنیں گے۔
مرکزی نظامت تربیت اور منہاج القرآن بلوچستان کے زیراہتمام 3 روزہ تربیتی و تنظیمی ورکشاپ منہاج القرآن اسلامک سنٹر کوئٹہ میں منعقد ہوئی، جس میں منہاج القرآن بلوچستان، کوئٹہ، منہاج یوتھ لیگ، ایم ایس ایم، منہاج القرآن ویمن لیگ اور دیگر تمام فورمز کے عہدیداروں اور نمائندگان نے شرکت کی۔
قائد تحریک منہاج القرآن شیخ الاسلام ڈاکٹر محمد طاہرالقادری نے آڈیو لنک پر پریس کانفرنس سے خطاب کرتے ہوئے کہا کہ شہدائے ماڈل ٹاؤن کے ورثاء کے لئے تحریک انصاف کی حکومت میں بھی انصاف کا دروازہ نہیں کھلا۔ پاکستان کے تین بااختیار اور طاقتور ترین عہدیداروں کی یقین دہانی کے باوجود مظلوموں کو انصاف نہیں ملا۔ سپریم کورٹ کے لارجر بنچ کے سامنے بننے والی جے آئی ٹی کو ایک ملزم کانسٹیبل کی درخواست پر کام کرنے سے عین اس وقت روک دیا گیا جب جے آئی ٹی اپنا سارا کام مکمل کر کے تفتیشی رپورٹ پیش کرنے جارہی تھی۔
تحریک منہاج القرآن لاہور کے زیراہتمام مختلف پی پی حلقہ جات کے اجلاس منعقد ہوئے، جس میں صدر منہاج القرآن لاہور حافظ غلام فرید نے خصوصی شرکت کی۔ اس موقع پر مقامی تنظیمی عہدیداروں نے اجلاس میں شرکت کی۔ حافظ غلام فرید نے منہاج القرآن لاہور کے قائدین و عہدیداروں کو تنظیمی ہدایات دیں اور آئندہ کے لائحہ عمل کے حوالے سے بریفنگ دی۔
منہاج القرآن لاہور کے پی پی حلقہ جات 145 بادامی باغ لاہور، 149 ساندہ لاہور، پی پی 154 داروغہ والا اور پی پی 155 جلو موڑ کے اجلاس منعقد ہوئے۔ اس موقع پر منہاج القرآن لاہور کے صدر حافظ غلام فرید نے اجلاس میں شرکت کی، مقامی عہدیداروں اور ذمہ داران بھی اجلاس میں موجود تھے۔
منہاج القرآن لاہور کے پی پی حلقہ جات 150، 151 اور 160 کے اجلاس منعقد ہوئے، جس میں منہاج القرآن لاہور کے صدر حافظ غلام فرید اور دیگر رہنماؤں نے شرکت کی۔ اس موقع پر شہدائے ماڈل ٹاؤن کی ساتویں برسی کے موقع پر 17 جون کو ملک گیر احتجاج میں بھرپور حصہ لینے کا عزم کیا گیا۔
تحریک منہاج القرآن PP-167 لاہور کے زیرِاہتمام آغوش کمپلیکس ٹاؤن شپ لاہور میں علامہ رانا محمد ادریس قادری (نائب ناظم اعلیٰ تنظیمات سنٹرل پنجاب و لاہور) کو نئی ذمہ داریاں سنبھالنے پر ان کے اعزاز میں استقبالیہ منعقد کیا گیا۔ استقبالیہ تقریب میں منہاج القرآن لاہور کے صدر حافظ غلام فرید اور منہاج القرآن لاہور کے جملہ فورمز کے زونل ذمہ داران اور تحریک منہاج القرآن PP-167 کے جملہ قائدین و کارکنان نے بھی شرکت کی۔
تحریک منہاج القرآن کے گوشہ درود کی ماہانہ مجلس ختم الصلوۃ علی النبی صلی اللہ علیہ وآلہ وسلم کا روحانی اجتماع مرکزی سیکرٹریٹ میں 5 جون 2021ء کو منعقد ہوا، جس میں صدر منہاج القرآن ڈاکٹر حسین محی الدین قادری نے خطاب کیا۔ آپ نے بتایا کہ گوشہ درود کے قائم کر دہ نظام کے تحت ماہ مئی 2021ء میں پڑھے جانے والے درود پاک کی تعداد 90 کروڑ 83 لاکھ 92 ہزار اور 754 ہے جبکہ اب تک مجموعی طور پر 4 کھرب 63 ارب 81 کروڑ 24 لاکھ 93 ہزار اور 353 مرتبہ درود پاک پڑھا جا چکا ہے۔
تحریک منہاج القرآن کی نظامت تربیت (شعبہ کورسز)کے زیراہتمام علوم القرآن کے فروغ کے لئے منعقدہ ”سفر نور کانفرنس‘‘ سے خطاب کرتے ہوئے قائد تحریک منہاج القرآن شیخ الاسلام ڈاکٹر محمد طاہرالقادری نے کہا کہ قرآن مجید میں انسانیت کو درپیش ہر مسئلہ کا حل موجود ہے۔ قرآن مجید امت مسلمہ کو تقسیم اور تفرقہ سے روکتا ہے، آج امت کو اتحاد و یکجہتی کی ضرورت ہے۔ قرآن امت مسلمہ کے مابین اتحاد کی علامت ہے۔ قرآن مجید سے ہم جتنا تعلق استوار کرینگے اتنی ہی فکر و نظر میں وسعت آئے گی۔ قرآن مجید کو جب بھی پڑھا جائے ہر بار مطالب و مفاہیم کا ایک نیا جہان سامنے آتا ہے۔
منہاج یونیورسٹی لاہور کے کالج آف شریعہ اینڈ اسلامک سائنسز میں سیشن 2004ء کے فارغ التحصیل ڈاکٹر شعیب عارف القادری منہاجین نے جی سی یونیورسٹی لاہور سے پی ایچ ڈی مکمل کر لی۔ انہوں نے گورنمنٹ کالج یونیورسٹی لاہور سے اسلامک اسٹڈیز میں ’’توہین مذہب، اسلامی اور مغربی قانون کے تناظر میں‘‘ کے موضوع پر امتیازی حیثیت میں ڈاکٹریٹ مکمل کی۔
تحریک منہاج القرآن (شعبہ کورسز) نظامت تربیت کے زیراہتمام قرآنی تعلیمات کے فروغ، قرآن پاک کی درست ادائیگی، تلاوت کلام مجید کی ترویج اور قرآن فہمی کے فروغ کیلئے ”سفر نور کورس“ کے عنوان سے 30 روزہ آن لائن پروگرام کا انعقاد کیا گیا۔ پاکستان سمیت دنیا کے 50 سے زائد ممالک سے اس 30 روزہ کورس میں شامل شرکاء (مرد و خواتین) کی تعداد ہزاروں میں تھی۔ سفر نور کورس کی اختتامی تقریب آج 3 جون جمعرات کو رات 7 بجے مرکزی سیکرٹریٹ ماڈل ٹاؤن میں منعقد ہو گی۔ قائد تحریک منہاج القرآن شیخ الاسلام ڈاکٹر محمد طاہرالقادری اختتامی تقریب سے خصوصی خطاب کریں گے۔
4M
فیس بک
2M
ٹوٹر
© 1994 - 2025 Minhaj-ul-Quran International.
