سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
محفل معراج النبی صلی اللہ علیہ وآلہ وسلم سے خصوصی خطاب کرتے ہوئے علامہ محمد رضا قادری نے کہا کہ معجزات اللہ رب العزت کی قدرت کاملہ کا پرتو ہوتے ہیں اور معجزات سے اللہ اپنے بندوں کو صراط مستقیم دکھاتا ہے۔ اللہ نے امت کی قوت ایمانی کی آزمائش اور انبیاء کے دعویٰ نبوت کی صداقت کیلئے انہیں معجزات سے نوازا اور تمام معجزات ملکر بھی معجزہ معراج النبی صلی اللہ علیہ وآلہ وسلم کی عالمگیریت اور حقانیت کو نہیں پہنچ سکتے۔
صدر منہاج ویمن یورپین کونسل محترمہ سمیرا فیصل نے معراج النبی صلی اللہ علیہ وآلہ وسلم کے موضوع پر مدلل خطاب کیا۔ انہوں نے سفر معراج کی حکمتوں پر روشی ڈالی اور بتایا کہ اللہ رب العزت نے اپنے حبیب مکرم صلی اللہ علیہ وآلہ وسلم کو اس وقت اپنی ملاقات کا شرف بخش کر آپ صلی اللہ علیہ وآلہ وسلم کی ہمت و ڈھارس بندھائی جب آپ صلی اللہ علیہ وآلہ وسلم اپنی زوجہ محترمہ حضرت خدیجہ رضی اللہ عنہا اور حضرت ابو طالب رضی اللہ عنہ کی وفات سے انتہائی غمزدہ تھے۔
آرنے سیوراس نے اس موقع پر گفتگو کرتے ہوئے کہا کہ بین المذاہب رواداری کے فروغ، عدم برداشت کے رویوں، دہشت گردی کے خاتمے اور عالمی امن کیلئے ڈاکٹر طاہرالقادری کی نتیجہ خیز کاوشوں کو ہمیشہ سے سراہتے ہیں۔ تحریک منہاج القرآن کی جدوجہد دنیا میں قیام امن کیلئے یقینا سنگ میل ثابت ہوگی۔ آرنے سیوراس نے کہا کہ قیام امن کیلئے ڈاکٹر طاہرالقادری کو ساری دنیا میں قدر کی نگاہ سے دیکھا جاتا ہے ہم بھی انکی کاوشوں کو خراج تحسین پیش کرتے ہیں۔
شیخ الاسلام ڈاکٹر محمد طاہرالقادری نے معراج النبی صلی اللہ علیہ وآلہ وسلم کے مبارک موقع پر اپنے پیغام میں کہا ہے معراج النبی صلی اللہ علیہ وآلہ وسلم زندہ معجزہ ہے جس کی تصدیق کلام اللہ قرآن پاک نے کی ہے۔ معجزہ کی حقیقت سے انکار کرنے والے ابوجہل اور تصدیق کرنے والے سیدنا صدیق اکبر رضی اللہ عنہ کے لقب سے مشہور ہوئے۔ نماز محبت اور عظمت کے سفر معراج کا تحفہ ہے۔ امت مسلمہ اس عظیم تحفہ کو سینے سے لگا کر رکھے۔ نماز پنجگانہ نجات اور راحت کا راستہ ہے۔
منہاج ویلفیئر فاؤنڈیشن گجرات کے زیراہتمام سریعہ (گجرات) کے مختلف سکولز میں غریب، یتیم، نادار اور مستحق طلبہ و طالبات میں یونیفارمز تقسیم کی گئیں۔ 16 مئی کو ہونے والی یونیفارمز تقسیم کی اس تقریب میں منہاج ویلفیئر فاؤنڈیشن کے عہدیداران سمیت مختلف سماجی و تعلیمی شخصیات نے شرکت کی۔ شرکائے تقریب کا کہنا تھا کہ تعلیم وتربیت کے بغیر معاشرہ کی اصلاح ممکن نہیں، تعلیمی میدان میں بہتری اور مستحق طلبہ و طالبات کی فلاح کے لیے منہاج ویلفیئر فاؤنڈیشن جو خدمات سرانجام دے رہی ہے، اس کی افادیت مسلمہ ہے۔
ڈاکٹر محمد اقبال نے اپنے خطاب میں کہا کہ سفر معراج حضور نبی اکرم صلی اللہ علیہ وآلہ وسلم کا سب سے بڑا معجزہ ہے اور اس میں جو تحفہ اللہ نے حضور صلی اللہ علیہ وآلہ وسلم اور آپ کی امت کو عطا کیا وہ نماز ہے۔ انہوں نے کہا کہ نماز اللہ تعالیٰ سے مناجات ہیں اور تہجد اللہ تعالیٰ سے ملاقات کا ذریعہ ہے۔ ان کےخطاب کے بعد صلات التسبیح باجماعت ادا کی گئی۔
منہاج القرآن انٹرنیشنل ساؤتھ اٹلی کے زیراہتمام کارپی میں سالانہ معراج النبی صلیٰ اللہ علیہ وآلہ وسلم کانفرنس مورخہ 15 مئی 2015ء کو منعقد ہوئی، علامہ وقار قادری نے مزید کہا کہ ہمیں انسانی بنیادوں پر بھائی چارے کی تصویر بننا ہوگا اور محبت اور امن کے کلچر کو فروغ دینا ہوگا۔ یہی پیغامِ مصطفی صلی اللہ علیہ وآلہ وسلم ہے۔ منہاج القرآن انٹرنیشنل اسی پیغام کو شیخ الاسلام ڈاکٹر محمد طاہرالقادری کی قیادت میں پوری دنیا میں پھیلا رہا ہے۔
علامہ محمد صادق قریشی نے معراج النبی صلی اللہ علیہ وآلہ وسلم پر خصوصی خطاب کرتے ہوئے کہا کہ معراج النبی صلی اللہ علیہ وآلہ وسلم کا مقصد آقا کریم کے بلند مقام کو لوگوں پر آشکار کرنا تھا۔ انہوں نے معراج کے مختلف معانی و معارف بیان کرنے سا تھ ساتھ سفر معراج کو تفصیل سے بیان کیا۔ انہوں نے مزید کہا کہ اگر امت مسلمہ دوبارہ عروج چاہتی ہے تو اسے آقا کریم صلی اللہ علیہ وآلہ وسلم سے تعلق جوڑنا ہوگا، آپ صلی اللہ علیہ وآلہ وسلم کی سیرت کو اپنانا ہوگا اور موجودہ صدی میں یہ کام تحریک منہاج القرآن احسن انداز میں کر رہی ہے۔
حریک منہاج القرآن کے مرکزی ناظم تربیت علامہ غلام مرتضیٰ علوی نے تحریک منہاج القرآن و پاکستان عوامی تحریک حلقہ پی پی 4 دولتالہ کے مصطفوی ورکرزکنونشن سے خطاب کرتے ہوئے کہا ہے کہ ہم سانحہ ماڈل ٹاؤن لاہور کے حوالے سے پنجاب حکومت کی بنائی ہوئی یکطرفہ اور جعلیJIT کی رپورٹ کو مسترد کرتے ہیں جس نے قاتل حکمرانوں کو بے گناہ قرار دیا ہے ۔ ہمارا مطالبہ ہے کہ جوڈیشل کمیشن باقر نجفی کی رپورٹ کو شائع کیا جائے اور سانحہ ماڈل ٹاؤن کا کیس فوجی عدالت میں چلایا جائے۔
آئرلینڈ (فرخ وسیم بٹ) منہاج القرآن انٹرنیشنل آئرلینڈ کے زیراہتمام ماہانہ حلقہ درودوسلام کی محفل کا انعقاد فرخ وسیم بٹ کی رہائش گاہ پر کیا گیا، جس میں منہاج القرآن کے اراکین و وابستگان کے علاوہ انگلینڈ سے آئی ہوئی تبلیغی جماعت اور پاکستانی کمیونٹی کے افراد نے بھرپور شرکت کی۔
لیہ میں احتجاجی شرکاء سے خطاب کرتے ہوئے چودھری قمر عباس نے کہا کہ سب سے بڑے قاتل کو وزیر قانون بنا کر انسانیت اور قانون کا مذاق اڑایا گیا۔ نام نہاد جمہوری وزیراعلیٰ کی انصاف اور جمہوریت سے وابستگی کے نعروں کی اصلیت قوم کے سامنے آ گئی۔ رپورٹ مکمل ہونے سے پہلے حلف برداری کی تقریب اندھیر نگری، لاقانونیت اور 14 معصوم شہریوں کے خون سے مذاق ہے۔ کیا 14 شہیدوں اور 85 شدید زخمیوں کو انصاف مل گیا جو ایک قاتل کو کابینہ میں شامل کر لیا گیا؟
مصطفوی سٹوڈنٹس موومنٹ قراقرم انٹرنیشنل یونیورسٹی کے زیراہتمام امن کانفرنس کا انعقاد کیا گیا جس میں ڈاکٹر رحیق احمد عباسی مرکزی صدر PAT، سیکرٹری کوآرڈینیشن ساجد محمود بھٹی اور چوہدری عرفان یوسف مرکزی صدر MSM نے خصوصی شرکت کی۔ دیگر مہمانوں میں کریم خان صدر آل پاکستان مسلم لیگ گلگت، عمران ولی صدر اسلامی جمیعت طلبہ گلگت، سحر عباس صدر امامیہ سٹوڈنٹس آرگنائزیشن نے شرکت کی۔
مصطفوی سٹوڈنٹس موومنٹ کامرہ نے اپنے کارکنان کیلئے ایک روزہ امن ٹرپ کا اہتمام کیا۔ ٹرپ ایبٹ آباد، نتھیاگلی، ڈونگاگلی اور ایوبیہ کے حسین مقامات پر گیا۔ ایم ایس ایم کے پرجوش کارکنان نے جگہ جگہ ایم ایس ایم کے نعرے لگائے اور مصطفوی مشن کیساتھ استقامت کیساتھ آگے بڑھنے کا عزم کیا۔ مرکزی سیکرٹری جنرل رضی طاہر، سینئر نائب صدر رانا تجمل حسین، سابق ممبر سنٹرل کیبنٹ وجیہہ الحسنین شاہ، سیکرٹری کوآرڈینیشن ملک احمد حسن، ممبر سنٹرل کیبنٹ سردار محمد اویس، صدر ایم ایس ایم کامرہ چوہدری احسن اعجاز نے خصوصی شرکت کی۔
باہمی مشاورت کے بعد تنظیم سازی کا عمل قیام میں لایا گیا جس کے تحت رانا محمد امین صدر، ماسٹر عبدالرشید نائب صدر، افصال احمد ناظم، حبیب الرحمان نائب ناظم اور محمد احسان کٹھانہ صدر PAT منتخب ہوئے۔ تنظیم سازی کے لیے افضال سیال (صدر ساؤتھ اٹلی) کا کرادر مثالی رہا جنہوں نے دن رات محنت کرکے مقامی رفقاء اور وابستگان کو اس مرحلہ کے لئے تیار کیا۔ گزشتہ روز الطاف چیمہ اور مختار احمد قادری نے بھیروم (Roma) کے دورے کئے اور منہاج القرآن کو مقامی لوگوں میں متعارف کرایا، جس میں محمد اشرف بٹ (صدر منہاج القرآن انٹرنیشنل کارپی) نے شرکت کی۔
منہاج القرآن انٹرنیشنل ڈنمارک کے زیراہتمام مورخہ 9 مئی 2015ء کو عظیم الشان محفل نعت بسلسلہ معراج النبی صلی اللہ علیہ وآلہ وسلم کا انعقاد کیا گیا جس میں قومی ایوارڈ یافتہ، ریڈیو اور ٹی وی کے معروف نعت خواں سید زبیب مسعود شاہ نے پاکستان سے خصوصی شرکت کی۔ پروگرام کا آغاز تلاوت کلام پاک سے کیا گیا جس کے بعد مہمان نعت خواں سید زبیب مسعود شاہ نے اپنی خوبصورت آواز میں حضور نبی اکرم صلی اللہ علیہ آلہ وسلم کی بارگاہ میں عقیدت کے پھول نچھاور کئے۔
4M
فیس بک
2M
ٹوٹر
© 1994 - 2025 Minhaj-ul-Quran International.
