سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
مؤرخہ 31 اکتوبر 2008 ء بروز جمعۃ المبارک تحریک منہاج القرآن کے مرکزی سیکرٹریٹ پر کانفرنس ہال میں ضلعی کوآرڈینیٹرز برائے حلقہ ہائے درود کا افتتاحی اجلاس منعقد ہوا۔ جس میں مرکز کی نمائندگی شیخ زاہد فیاض صاحب (نائب ناظم اعلٰی) نے کی جبکہ اجلاس کی صدارت محترم الحاج محمد سلیم قادری صاحب نے کی۔
تحریک منہاج القرآن کی نظامت دعوت کے زیراہتمام ہفت روزہ عرفان القرآن ٹریننگ کورس برائے معلمین 18 سے 24 اکتوبر 2008ء کو منعقد ہوا۔ اس کا انعقاد مرکزی سیکرٹریٹ کے کانفرنس ہال میں کیا گیا۔ کورس میں ملک بھر سے ایم اے اسلامیات، ایم اے عربی اور درس نظامی کی ڈگری رکھنے والے منتخب 60 اساتذہ کرام و معلمین نے شرکت کی۔ ان معلمین کا انتخاب شہر اعتکاف 2008ء میں شیخ الاسلام ڈاکٹر محمد طاہرالقادری کی موجودگی میں کیا گیا تھا۔
مؤرخہ 24 اکتوبر 2008ء کو تحریک منہاج القرآن کی نظامت یوتھ کی ویب سائٹ جاری کر دی گئی۔ منہاج انٹرنیٹ بیورو کی طرف سے جاری کردہ تحریک منہاج القرآن کی دوسری ویب سائٹس کی طرح اسے بھی انگریزی اور اردو دونوں زبانوں میں تیار گیا ہے۔ ویب سائٹ کی افتتاحی تقریب مرکزی سیکرٹریٹ میں واقع منہاج انٹرنیٹ بیورو میں ہوئی۔
تحریک منہاج القرآن کا 27 واں یوم تاسیس مورخہ 17 اکتوبر 2008ء کو مرکزی سیکرٹریٹ ماڈل ٹاون میں ہوا۔ اس پروقار تقریب کو گوشہ درود کے ہال کی چھت پر منعقد کیا گیا۔ امیر تحریک صاحبزادہ مسکین فیض الرحمن درانی نے اس تقریب کی صدارت کی۔
منہاج ویلفیئر فاؤنڈیشن کا 21 واں یوم تائسیس مورخہ 7 اکتوبر 2008ء کو تحریک منہاج القرآن کے مرکزی سیکرٹریٹ میں منعقد ہوا۔ ناظم اعلیٰ ڈاکٹر رحیق احمد عباسی نے اس کی صدارت کی۔
مصطفوی سٹوڈنٹس موومنٹ کے چودھویں یوم تاسیس کی تقریب مورخہ 6 اکتوبر کو تحریک منہاج القرآن کے مرکزی سیکرٹریٹ میں منعقد ہوئی جس میں تحریک منہاج القرآن کے ناظم اعلیٰ ڈاکٹر رحیق احمد عباسی، نائب ناظم اعلیٰ شیخ زاہد فیاض، امیر پنجاب احمد نواز انجم نے بطور مہمان خصوصی شرکت کی۔
فہم دین، تزکیہ نفس، اصلاح احوال اور آنسوؤں کی بستی شہر اعتکاف 2008ء کے آخری دن نماز فجر کے بعد مسجد کے صحن اور ہال میں تلاوت کلام پاک کے ساتھ انفرادی محافل ذکر و نعت بھی ہو رہی تھیں، جو ایک دیدنی منظر تھا۔ معتکفین کا کہنا تھا کہ ہم نے یہاں دس دن کا اعتکاف گزارا جو ہماری زندگی کے بہترین دن ہیں۔ اس لیے یہ دس دن ہماری زندگی کا اثاثہ ہے۔
تحریک منہاج القرآن کے زیراہتمام لیلۃ القدر کا عالمی روحانی اجتماع 27 ستمبر کو جامع المنہاج سے متصلہ گراؤنڈ میں منعقد ہوا، جسے کیو ٹی وی اور اے آر وائی ڈیجیٹل کے ذریعے براہ راست نشر کیا گیا۔ پروگرام میں پیر امین الحسنات شاہ، ڈاکٹر فیاض رانجھا، خواجہ راحت حسین اور خواجہ پیر محمد یونس مہمان خصوصی تھے۔
فہم دین، تذکیہ نفس، اصلاح احوال، توبہ اور آنسووں کی بستی شہر اعتکاف کا پانچواں روز جمعۃ المبارک کا تھا جس کی تیاری کے لیے معتکفین نے نماز فجر اور اشراق کی ادائیگی کے بعد ہی تیاریاں شروع کر دیں۔ تمام حلقہ جات گیارہ بجے تک خالی ہو چکے تھے اور معتکفین نماز کے لیے مسجد جانا شروع ہو گئے تھے۔
شیخ الاسلام نے شرکاء جمعۃ الوداع سے خطاب کرتے ہوئے کہا کہ دین اسلام اقلیتوں کے حقوق کا سب سے بڑا محافظ ہے۔ اس کے باوجود عالم مغرب میں اسلام کا تصور درست نہیں ہے۔ مغرب والوں نے اسلام پر دہشت گردی جیسے الزامات لگا کر اسے مزید دھندلا دیا ہے۔ جس کی وجہ سے عالم مغرب میں اسلام کے دین امن، تحمل، برداشت اور معتدل دین ہونے کے تصور پر غلط فہمیاں پیدا ہوئی ہیں۔
شیخ الاسلام نے کہا کہ انسانی حقوق کی سب سے بڑی دعویدار مغربی دنیا آج بھی اسلام کے مقابلہ میں وہ حقوق نہیں دے سکی جو یتامیٰ کا حق ہیں۔ اس کی وجہ اسلام کی وہ عالمگیر تعلیمات ہیں جو کسی دوسرے مذہب میں نہیں ہیں۔ آپ نے کہا کہ یتمیوں کے حقوق کے لیے قرآن پاک میں واضح حکم دیا گیا کہ یتامیٰ کی بہتر طریقے سے کفالت کرو۔
شیخ الاسلام ڈاکٹر محمد طاہرالقادری نے معتکفین کو ہدایات دیتے ہوئے کہا کہ ان دس دنوں میں زیادہ سے زیادہ تلاوت قرآن کریں اور کوشش کریں کہ ایک بار قرآن پاک کا ختم ہو جائے۔ آپ نے کہا کہ ہمارے لیے سال بھر میں یہ واحد موقع ہے کہ ہم قرآن پاک کو ایک بار ختم کر سکیں۔
شہر اعتکاف میں 23 ستمبر 2008ء کی صبح دوسرے روز کا آغاز ہوا۔ نماز فجر کے بعد قاری ظہیر احمد کی تسبیحات میں یہاں ایک روح پرور اور وجد آمیز منظر نظر آنے لگا۔ فجر کے بعد معتکفین انفرادی ذکر اذکار میں مصروف ہو گئے۔ نماز اشراق کا وقت ہوا تو تمام معتکفین نماز ادا کرنے کے لیے ایک بار پھر مسجد میں چلے گئے۔
تحریک منہاج القرآن کے زیراہتمام 18 ویں سالانہ شہر اعتکاف کا آغاز 21 ستمبر کو ہو گیا ہے۔ تزکیہ نفس، فہم دین، توبہ اور آنسووں کی اس بستی میں پہنچنے کے لیے ہزاروں متعکفین اور معتکفات ایک روز قبل ہی جامع المنہاج پہنچنا شروع ہو گئے تھے تاہم 20 رمضان المبارک کو صبح 8 بجے سے معتکفین کی آمد کا سلسلہ شروع ہوا جو غروب آفتاب سے قبل تک جاری رہا۔
شیخ الاسلام نے کہا کہ جو شخص خواہشات نفس سے پاک ہو جاتا ہے وہ صوفی بن جاتا ہے۔ خواہشات نفس کی دوری اسے جنت کے قریب کر دیتی ہے دوسری طرف خواہشات نفس کے تابع ہونے والا جنت سے دور ہو جاتا ہے۔ انہوں نے کہا کہ اگر انسان کو جہنم کا خوف ہو تو وہ حرام سے بچتا ہے۔ اس لیے آپ بھی اگر جہنم سے ڈرتے ہو تو اپنی زندگی میں حرام نہ داخل ہونے دو۔
3.8M
فیس بک
1.9M
ٹوٹر
© 1994 - 2024 Minhaj-ul-Quran International.
