سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
سانحہ ماڈل ٹاؤن کے زخمی اور اسیر، سابق صدر منہاج القرآن شیخوپورہ صوفی محمد طفیل ڈار کی نماز جنازہ شیخوپورہ میں ادا کی گئی۔ مرحوم کی نماز تحریک منہاج القرآن کی مرکزی جامع مسجد ماڈل ٹاون کے امام جنازہ قاری اللہ بخش نقشبندی نے پڑھائی۔ تدفین ان کے آبائی علاقہ شیخوپورہ میں کی گئی۔ نماز جنازہ میں بڑی تعداد میں منہاج القرآن اور پاکستان عوامی تحریک کے کارکنان نے شرکت کی۔ قائد تحریک منہاج القرآن ڈاکٹر محمد طاہرالقادری نے سانحہ ماڈل ٹاؤن کے زخمی اور اسیر، سابق صدر منہاج القرآن شیخوپورہ صوفی محمد طفیل ڈارکے انتقال پر دلی تعزیت کا اظہار کیا ہے۔ ڈاکٹر طاہرالقادری نے آڈیو لنک پر مغفرت کی دعا کرتے ہوئے کہا کہ مرحوم منہاج القرآن کے ایک نظریاتی رہنما تھے۔
منہاج ویلفئیر فاونڈیشن انڈیا کے زیراہتمام 26 اکتوبر 2020ء کو حیدرآباد دکن میں سیلاب متاثرین کی مدد کے لیے فلڈ ریلیف کیمپ کا انعقاد کیا گیا۔ منہاج ویلفیئر فاؤنڈیشن کی طرف سے یکوت پورہ، جالپالی، تالاب، امان نگر، الجبیل کالونی اور عثمان نگر کے علاقوں کے سیلاب متاثرین سمیت 13 سو متاثرہ خاندانوں کو مختلف امدادی اشیاء دی گئیں۔
تحریک منہاج القرآن کراچی کے زیراہتمام منہاج القرآن انٹرنیشنل کا 40ویں یوم تاسیس اور جنرل ورکرز کنونشن کا انعقاد کیا گیا۔ تقریب میں مرکزی ناظم اعلیٰ منہاج القرآن انٹرنیشنل خرم نواز گنڈاپور کی خصوصی شرکت کی۔
منہاج القرآن انٹر نیشنل نٹال ساؤتھ افریقہ کے زیراہتمام سالانہ جشن میلاد مصطفیٰ صلی اللہ علیہ والہ وسلم کے سلسلہ میں محفل کا انعقاد علامہ طاہر رفیق نقشبندی منہاجین (صدر MQI نٹال) کی رہائش گاہ پر کیا گیا۔ پروگرام میں منہاج فیملیز، علماء و مشائخ کرام، ڈاکٹرز، مسلم تاجر برادری، خواتین و حضرات اور بچوں نے بھر پور شرکت کی۔
تحریک منہاج القرآن کے زیراہتمام 37ویں عالمی میلاد کانفرنس مینار پاکستان لاہور پر ہو گی۔ تحریک منہاج القرآن لاہور کے صدر حافظ غلام فرید نے کہا ہے کہ37 ویں عالمی میلاد کانفرنس 11 اور 12 ربیع الاول کی درمیانی شب مینار پاکستان کے سبزہ زار میں منعقد ہوگی۔ تحریک منہاج القرآن لاہور کانفرنس کی میزبانی کرے گی۔ کانفرنس کی تیاریاں و انتظامات شروع کر دئیے گئے ہیں۔ منہاج القرآن لاہور کے عہدیداران و کارکنان لاہور کے ہر فرد کو عالمی میلاد کانفرنس میں شرکت کی دعوت دیں۔
تحریک منہاج القرآن کراچی کے زیراہتمام باغ جناح میں میلاد کانفرنس کا انعقاد کیا گیا، جس میں شیخ الاسلام ڈاکٹر محمد طاہرالقادری نے کینیڈا سے بذریعہ ویڈیو لنک شرکت کی اور خطاب کیا۔ اس موقع پر ناظم اعلیٰ خرم نواز گنڈاپور، پاکستان عوامی تحریک کے صدر قاضی زاہد حسین، تحریک منہاج القرآن کراچی کے قائدین بھی اسٹیج پر موجود تھے۔ کانفرنس میں ڈاکٹر فاروق ستار، علامہ پیر سید شاہ حسین گردیزی، آغا باقر عباسی زیدی، ڈاکٹر عامر عبداللہ محمدی سمیت تمام مکاتب فکر کے علماء و مشائخ، سیاسی و سماجی قائدین اور زندگی کے مختلف شعبوں کے معززین بھی مہمانوں میں شامل تھے۔
صدر منہاج القرآن انٹرنیشنل، چیئرمین آغوش کمپلیکس ڈاکٹر حسین محی الدین قادری نے آغوش آرفن کیئر ہوم کے بچوں سے ملاقات کی۔ اس موقع پر آغوش انتظامیہ کی طرف ڈاکٹر حسین محی الدین قادری کا استقبال کیا گیا۔ تقریب میں آغوش کمپلیکس کے بچوں نے ڈاکٹر حسین محی الدین قادری کے ساتھ ان کی 38ویں سالگرہ کا کیک کاٹا اور انہیں مبارکباد بھی پیش کی۔
تحریک منہاج القرآن کے مرکزی سیکرٹریٹ پر منعقدہ 12 روزہ محافل میلاد و ضیافت میلاد میں 23 اکتوبر 2020ء کو مختلف مذاہب کے نمائندگان اور مختلف مسالک کے علماء کرام نے خصوصی شرکت کی۔ پیغمبرِ اسلام حضرت محمد ﷺ کی تعلیمات اور بین المذاہب رواداری سیمنار کے موضوع پر منعقدہ ضیافت میلاد میں سکھ، عیسائی، ہندو رہنماؤں کے علاوہ مختلف مسالک سے معزز علماء کرام نے بھی خصوصی شرکت کی۔
لارل ہوم انٹرنیشنل سکولز کے قیام کے 4 سال مکمل ہونے پر خصوصی تقریب کا انعقاد کیا گیا، جس میں چیئرمین لارل ہوم انٹرنیشنل سکولز ڈاکٹر حسین محی الدین قادری نے خصوصی شرکت کی۔ اس موقع پر لارل ہوم سکولز کے ایم ڈی ڈاکٹر ایس ایم شہزاد، ڈائریکٹر لارل ہوم سکول اور پرنسپلز لارل ہوم سکولز بھی موجود تھے۔
سید محمد ارشد محمود شاہ (High Wycombe UK) کے بڑے بھائی سید امتیاز حسین شاہ بخاری کا کھڑی شریف میں انتقال ہو گیا، انا للہ وانا الیہ راجعون۔ ان کے انتقال پر شیخ الاسلام ڈاکٹر محمد طاہر القادری، چیئرمین سپریم کونسل ڈاکٹر حسن محی الدین قادری، صدر MQI ڈاکٹر حسین محی الدین قادری، ناظم اعلیٰ خرم نواز گنڈا پور اور دیگر قائدین و کارکنان منہاج القرآن نے اظہار تعزیت کیا ہے۔
منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری سے تحریک منہاج القرآن ڈسٹرکٹ گجرات کے ضلعی، پی پی حلقہ جات اور مختلف شعبوں کے ناظمین نے مرکزی سیکرٹریٹ لاہور میں ملاقات کی۔ اس موقع پر چیئرمین سپریم کونسل نے ناظمین سے گفتگو کرتے ہوئے کہا کہ تحریک منہاج القرآن اصلاح احوال، اصلاح معاشرہ، علم و امن، اعتدال اور رواداری کے فروغ کے لئے قابل قدر خدمات انجام دے رہی ہے۔
تحریک منہاج القرآن کے مرکزی سیکرٹریٹ پر 12 روزہ ضیافت میلاد کی تقریب میں 21 اکتوبر 2020ء کو منعقدہ محفل میں آغوش کی انتظامیہ، بچوں اور اساتذہ کرام نے خصوصی شرکت کی۔ اس موقع پر آغوش کمپلیکس کے ڈائریکٹر، پرنسپل تحفیظ القرآن میاں محمد عباس نقشبندی، نوراللہ صدیقی، جواد حامد، علامہ غلام مرتضیٰ علوی اور مربی گوشہ درود سید مشرف شاہ سٹیج پر موجود تھے۔
منہاج القرآن حافظ آباد کے زیراہتمام مشعل بردار میلاد جلوس نکالا گیا، جس میں تحریک منہاج القرآن کے قائدین و کارکنان کے علاوہ مرکزی انجمن تاجران تاجر اتحاد گروپ کے صدر ملک ہمایوں شہزاد اور انکی پوری ٹیم کے علاوہ سیاسی، سماجی، مذہبی اور تاجر برادری نے بھی بڑی تعداد میں شرکت کی۔
تحریک منہاج القرآن ہارون آباد کے زیراہتمام استقبال ربیع الاول کے سالانہ میلاد جلوس کا اہتمام کیا گیا، جلوس میں منہاج القرآن و پاکستان عوامی تحریک ہارون آباد کے قائدین و کارکنان اور اہل علاقہ نے بھرپور شرکت کی۔ اس موقع شہریوں نے جلوس پر گل پاشی کی۔
تحریک منہاج القرآن کے 40 ویں یومِ تاسیس کے موقع پر رضاہال میں خصوصی تقریب منعقد ہوئی، جس میں مرکزی نائب ناظم اعلیٰ کوارڈینیشن انجینئر رفیق نجم نے خصوصی شرکت کی۔ انہوں نے تقریب میں خطاب کرتے ہوئے کہا کہ تحریک منہاج القرآن نے اپنے 40 سالہ مختصر عرصے میں عالمی سطح پر ہر شعبے پر گہرے اثرات مرتب کئے ہیں۔
4M
فیس بک
2M
ٹوٹر
© 1994 - 2025 Minhaj-ul-Quran International.
