سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
لاہور(نمائندہ خصوصی ) ماڈل ٹاﺅن میں تحریک منہاج القرآن کے مرکزی سیکریٹریٹ اورڈاکٹر طاہرالقادری کی رہائش گاہ پرپولیس چڑھائی کی اندرونی کہانی سامنے آگئی جس کے مطابق ضلعی انتظامیہ کی مخالفت کے باوجود صوبائی وزیرقانون رانا ثناءاللہ نے سبق سکھانے کے احکامات صاد رکیے۔ تفصیلات کے مطابق صوبائی دارلحکومت میں گذشتہ روز ہونیوالی ایک میٹنگ میں رانا ثنا ءاللہ نے انتظامیہ کوہدایت کہ منہاج القرآن میں کارروائی کریں تاہم کمشنر لاہور نے کارروائی کی مخالفت کرتے ہوئے آپریشن میں نہ جانے کا مشورہ دیا۔ راناثناءاللہ کارروائی پر بضد تھے اور اُنہوں نے ہدایت کی کہ مستقبل میں عوامی تحریک کو کنٹرول کرنے کے لیے کارروائی ناگزیر ہے۔
مورخہ 17 جون بروز منگل بعد از نماز مغرب مرکز منہاج القرآن ریندی یونان میں سانحہ لاہور میں شہید ہونے والوں کیلئے قرآن خوانی اور اظہار تعزیت کی محفل کا اہتمام کیا گیا۔ محفل کا باقاعدہ آغاز تلاوت قرآن پاک سے کیا گیا جس کی سعادت قاری مدثر مصطفیٰ (امام و خطیب مرکز منہاج القرآن کیپسیلی) نے حاصل کی نقابت کے فرائض چوہدری مدثر خادم سوہل (صدر پاکستان عوامی تحریک یونان) نے سر انجام دیئے۔
منہاج القرآن سپین کے ترجمان اور منہاج مصالحتی کونسل سپین کے صدر محمد اقبال چوہدری نے پریس کانفرنس کے دوران گفتگو کرتے ہوئے کہا کہ ہم پنجاب پولیس کی طرف سے ماڈل ٹاؤن لاہور میں تحریک کے ہیڈکوارٹر پر حملے کی بھرپور مذمت کرتے ہیں، واقعے میں شہید ہونے والے عظیم کارکنان کے عزم و ہمت کو خراج تحسین پیش کرتے ہیں اور ان کے لواحقین کے ساتھ اظہارِ یکجہتی کرتے ہیں۔
ڈاکٹر طاہرالقادری کی رہائش گاہ اور تحریک منہاج القرآن کے مرکزی سیکرٹریٹ پر پولیس گردی کے خلاف ملک بھر کے کارکنان کی طرح لودہراں میں بھی پاکستان عوامی تحریک کے کارکنان میں شدید غم و غصہ پایا گیا۔ انہوں نے اپنے قائد کے گھر اور مرکزی سیکرٹریٹ پر ہونے والی ریاستی دہشت گردی کے خلاف سپر روڈ بلاک کر دیا اور حکومت وقت کے خلاف شدید نعرہ بازی کی۔ کارکنان نے کتبے اور بینز اٹھا رکھے تھے جن پر پنجاب حکومت کی ڈاکٹر طاہرالقادری کی رہائش گاہ سے حفاظتی بیریر ہٹانے کی بوکھلاہٹ کے بارے لکھا تھا۔
جون 2014ء سوموار رات تقریباً 1:30 بجے سینکڑوں پولیس اہلکاروں نے بھاری مشینری کے ہمراہ بغیر پیشگی اطلاع مرکزی سیکرٹریٹ تحریک منہاج القرآن اور رہائش گاہ قائد انقلاب کے اردگرد موجود سیکیورٹی بیریئرز کو ہٹانے کے نام پر دھاوا بول دیا۔ مرکز اور رہائش گاہ پر اس وقت صرف سیکیورٹی اہلکار ڈیوٹی پر موجود تھے۔ پولیس افسران کو ماڈل ٹاؤن پولیس ہی کی جانب سے جاری کردہ سرکلر دکھایا گیا جس میں دہشت گردی کے ممکنہ خطرات کے پیش نظر عدالتی احکامات کے مطابق سیکورٹی انتظامات کرنے کا کہا گیا تھا
صدر منہاج القرآن انٹرنیشنل ناروے جناب اعجاز احمد وڑائچ نےسانحہ ماڈل ٹاون پر گہرے غم و دکھ کا اظہار کرتے ہوئے کہا کہ ریاستی دہشت گردی کی اس طرح کی مثال پوری دنیا میں نہیں ملتی اور معصوم خواتین و بچوں اور پر امن شہریوں پر ظلم و جبر پر مبنی حکومت کے اس اقدام نے پوری دنیا میں پاکستانی کمیونٹی کاسر شرم سے جھکا دیا لیکن شہداء کا خون رہیگاں نہیں جائے گا اور بہت جلد قانون اور انصاف کے مطابق انتقام لیا جائے۔
مصطفوی سٹوڈنٹس موومنٹ مردان کی تنظیم نو کی تقریب منعقد ہوئی، جس کی صدارت صوبائی صدر MSM سید مصباح نور کی، جبکہ پروفیسر محمد بخت زمان امیر تحریک منہاج القرآن مردان ڈویژن، اور پاکستان عوامی تحریک کے سکیرٹری جنرل ڈاکٹر طارق محمود اور نائب صدر زرشاد انجم نے بھی شرکت کی۔
لاہور: (دنیا نیوز) پاکستان عوامی تحریک کے قائد ڈاکٹر طاہر القادری نے ویڈیو لنک کے ذریعے ہنگامی پریس کانفرنس سے خطاب کرتے ہوئے کہا پوری قوم ہر قسم کی قربانی کیلے تیار ہے اور آپریشن کی حمایت کرنا ہر شہری پر شرعی طور پر فرض ہوچکا ہے۔ ان کا یہ بھی کہنا تھا ملکی دفاع کیلے فوج عظیم جہاد کر رہی ہے، ملک مشکل حالات سے گزر رہا ہے۔ ڈاکٹر طاہر القادری پاکستان عوامی تحریک کے کارکنوں کو ہدایت کی ہے کہ وہ یونین کونسلز کی سطع پر دفاعی کمیٹیاں قائم کریں۔
ڈاکٹر محمد طاہرالقادری نے پریس کانفرنس سے خطاب کرتے ہوئے کہا ہے کہ ملک مشکل حالات سے گزر رہا ہے۔ سخت موسم میں پاک فوج کے جوان دہشت گردی کے خلاف آپریشن کر کے عظیم فریضہ سر انجام دے رہے ہیں۔ قوم کا بچہ بچہ پاک فوج کے ساتھ ہے۔ دہشت گردی کے خاتمے تک جدوجہد کرنا ہو گی۔ پاکستان کے دفاع اور سلامتی کیلئے فوج انتہائی اہم جنگ لڑ رہی ہے۔ قوم پر فرض عائد ہوتا ہے کہ وہ بھر پور طریقے سے پاک فوج کا ساتھ دے اور اتحاد و یگانگت قائم رکھے۔ انتشار پھیلانے والوں سے ہو شیار رہے۔ پاک فوج ہمیشہ سے خارجی اور داخلی محاذ پر ریاست پاکستان کی محافظ رہی ہے۔ فوج نے دہشت گردی اور شدت پسندی کے خاتمے کیلئے جس آ پریشن کا آغاز کیا ہے میں اور پاکستان عوامی تحریک کا ایک ایک ورکر اسکی بھر پور حمایت کا اعلان کرتے ہیں۔
پاکستان عوامی تحریک کے قائد ڈاکٹر محمد طاہرالقادری نے کہا ہے کہ دہشت گردی کے خلاف جہاد میں فوج کو فتح و نصرت نصیب ہو گی۔ قوم کے ہر فرد پر شرعی اعتبار سے فوج کی معاونت فرض ہے۔ اللہ، اسکا رسول صلی اللہ علیہ وآلہ وسلم اور پوری قوم پاک فوج کے جوانوں کے ساتھ ہے۔ پوری قوم کو پاک فوج پر فخر ہے اور بچہ بچہ اس کے ساتھ کھڑا ہے۔ دنیا کی کوئی فوج شجاعت، بہادری اور پیشہ ورانہ مہارت میں پاک فوج کا مقابلہ نہیں کر سکتی۔
مینجر منہاج پروڈکشن لاہور جناب عادل ظہیر خاں صاحب نے تحریک منہاج القران گوجرہ کا دورہ کیا جس میں انہوں نے بتایا کہ شیخ االاسلام ڈاکٹر طاہر القادری کے پیغام کو ہم گھر گھر کس طرح پہنچا سکتے ہیں۔ اس موقع پر صدر منہاج القران گوجرہ، جناب سید سہیل شاہ صاحب، صدر پاکستان عوامی تحریک گوجرہ، جناب رانا منورباجوہ صاحب اور تحصیل ناظم منہاج القران گوجرہ، جناب شاہد محمود قادری بھی موجود تھے۔
منہاج القرآن انٹرنیشنل ڈنمارک کے زیر اہتمام 13 جون 2014 کو سالانہ محفل معراج النبی صلی اللہ علیہ وآلہ وسلم اور حضور غوث پاک کی اولاد سیدنا طاہر علاوالدین الگیلانی البغدادی کے عرس مبارک کا اہتمام کیاگیا۔ اس نورانی تقریب کا آغاز مسجد ہذا کے ننھے طالبعلم محمد حاشر رحمن نے آیات بینات سے کیا، نعت کا نذرانہ منہاج یوتھ لیگ کے حمزہ یوسف نے پیش کیا۔
منہاج القرآن انٹرنیشنل فرانس کے زیراہتمام مورخہ 12 جون 2014 کومنہاج اسلامک سنٹر سارسل میں سالانہ محفل شب برات منعقد ہوئی جس میں جملہ عہدیداران وکارکنان کے علاوہ پاکستانی کمیونٹی کی کثیر تعداد نے شرکت کی۔محفل کا باقاعدہ آغاز تلاوت کلام پاک سے ہوا جس کی سعادت قاری محمد اویس نے حاصل کی۔
مسیحیوں کے پیشوا، پاپائے روم کی دیگر مذاہب کے ساتھ ہم آہنگی کے فروغ کے لیے کونسل برائے بین المذاہب مکالمہ (Pontifical Council for Inter-religious Dialogue Vatican City) کی بنیاد پچاس سال قبل 19 مئی 1964 میں رکھی گئی۔ اس سلسلہ میں پاکستان میں سب سے بڑی تقریب کیتھولک چرچ پیس سنٹر لاہور انٹرفیتھ ریلیشنز منہاج القرآن انٹرنیشنل، یو آر آئی انٹرنیشنل، انٹرفیتھ کونسل فار پیس اینڈ ہارمنی پاکستان کے باہمی اشتراک سے مورخہ 21 مئی 2014ء کو منعقد ہوئی، جس کی صدارت آرچ بشپ آف لاہور بشپ سبسٹین فرانسس شا نے کی جبکہ تقریب کے میزبان ڈاکٹر فادر جیمز چنن اور فادر فرانسس ندیم تھے۔
تحریک منہاج القر آن فضل کالونی تحصیل ڈسکہ کے زیر اہتمام عظیم الشان پیغام مصطفی صلی اللہ علیہ وآلہ وسلم کانفرنس ہوئی جس میں پوری یونین سے سینکڑوں کارکنوں نے شرکت کی جس کی صدارت علامہ محمد شریف منڈ صاحب نے فرمائی اور مہمان خصوصی چوہدری عباس علی گھمن سرپرست TMQڈسکہ ،اللہ رکھا قادری (صدرPATڈسکہ)،ڈاکٹر محمد وارث (نائب صدرTMQڈسکہ)اور زیر نگرانی حافظ غلام مصطفی طاہر سیکٹر انچارج TMQ،محمد کلام (ناظم TMQیونین کونسل کانوالٹ) جس میں نقابت حافظ محمد علی (ناظم تربیت TMQڈسکہ) نے فرمائی تلاوت اور نعت محمد عرفان منڈ نے سعادت حاصل کی
4M
فیس بک
2M
ٹوٹر
© 1994 - 2025 Minhaj-ul-Quran International.
