سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
ڈاکٹر حسین محی الدین قادری نے کہا ہے کہ غربت و افلاس میں غریب بھوکے مر رہے ہیں اور پڑھے لکھے بے روزگار نوجوان اپنی اسناد جلانے پر مجبور ہیں، کرپٹ نظام انتخاب و سیاست کی وجہ سے وطن عزیز میں دن بدن حالات دگرگوں ہوتے جا رہے ہیں۔ آج حکمران پیسوں کیلئے قومی مفاد تک بیچ رہے ہیں۔ تاثر ہے کہ دہشت گرد ایکسپورٹ کئے جا رہے ہیں۔ ایسے حالات میں پاکستان عوامی تحریک کے ہر کارکن پر فرض عائد ہوتا ہے کہ اپنے اندر انقلاب کا جذبہ یوں رچا ئے کہ اپنے افکار اور کردار میں ڈاکٹر طاہرالقادری بن جائے۔
منہاج القرآن انٹرنیشنل دی ہیگ کے زیر اہتمام ہفتہ وار مجلس درس قرآن سے خطاب کرتے ہوئے علامہ حافظ نذیر احمد القادری نے کہا کہ برے لوگوں کی صحبت سے گوشہ نشینی بہتر ہے کیونکہ گوشہ نشینی میں راحت ہے۔ وہ اس طرح کہ اگر کسی شخص کو یہ احساس ہو جائے کہ میں دنیاوی محفلوں میں جا کر غیبت کا شکار ہو جاتا ہوں یا مجھ سے ایسے کام اور ایسی باتیں سرزد ہوجاتی ہیں جن کی وجہ سے مجھے ثواب کی بجائے گناہ مل جاتا ہے تو ایسے شخص پر لازم ہے کہ وہ گوشہ نشینی اختیار کر لے
منہاج القرآن انٹرنیشنل کے زیراہتمام 5 اپریل 2014ء کو منہاج القرآن ایجوکیشنل اینڈ کلچرل سینٹر نیوجرسی میں ماہانہ حلقہ درود و فکر اور محفل ذکر کا انعقاد کیا گیا۔ مجلس کا آغاز نماز عشاء کے فوری بعد کیا گیا۔ پروگرام کا شیڈول بتاتے ہوئے ڈائریکٹر منہاج القرآن سینٹر نیوجرسی علامہ محمد شریف کمالوی نے کہا کہ جس طرح دنیا بھر میں منہاج القرآن انٹرنیشنل کے زیراہتمام حلقات درود وفکر منعقد کئے جا رہے ہیں یہ مجلس بھی اسی کی ایک کڑی ہے۔
تحریک منہاج القرآن منڈی بہاؤ الدین کے زیراہتمام عظیم الشان پیغام عشق مصطفی صلی اللہ علیہ وآلہ وسلم کانفرنس منعقد ہوئی جس میں لوگوں کی کثیر تعداد نے شرکت کی۔ کانفرنس کا باقاعدہ آغاز تلاوت کلام پاک اور نعت رسول مقبول صلی اللہ علیہ وآلہ وسلم سے ہوا۔ اس موقع پر انوار المصطفی ہمدمی نے خصوصی شرکت کی، علاوہ ازیں تحریک منہاج القرآن کے جملہ عہدیداران بھی موجود تھے۔ کانفرنس سے خطاب کرتے ہوئے انوار المصطفی ہمدمی نے کہا کہ ذات باری تعالی نے تاجدار کائنات صلی اللہ علیہ وآلہ وسلم کو کل جہانوں کے لیے رحمت بنا کر بھیجا ہے۔
منہاج القرآن ویمن لیگ میرپور آزادکشمیر کے زیرِاہتمام 23 مارچ کو سالانہ محفل میلاد مصطفی صلی اللہ علیہ وآلہ وسلم نیو بندرال ٹاؤن میں منعقد ہوئی۔ محفل کا باقاعدہ آغاز تلاوت قرآن مجید سے ہوا۔ منہاج نعت کونسل میرپور اور منہاج ماڈل سکول میرپور کی طالبات نے دف کے ساتھ آقا کریم صلی اللہ علیہ وآلہ وسلم کی بارگاہ اقدس میں عقیدت و محبت کے پھول نچھاور کیے۔ منہاج کالج فار ویمن لاہور کی طالبات نے اپنے دلنشین انداز میں دف کے ساتھ محبت رسول صلی اللہ علیہ وآلہ وسلم کے ترانے پیش کیے۔
مذاہب کے مابین ہم آہنگی، برداشت و احترام کے کلچر کو فروغ دینا اور قومی سطح کی ترجیحات کا ہونا وقت کی اہم ضرورت ہے۔ منہاج القرآن انٹرفیتھ ریلیشنز تمام سیاسی اور گروہی اختلاف کو بالائے طاق رکھتے ہوئے وفاقی وزارت بین المذاہب ہم آہنگی اور صوبائی وزارت اقلیتی امور و انسانی حقوق کے ساتھ ہر سطح پر تعاون کر رہی ہے۔ ڈائریکٹر انٹرفیتھ ریلیشنز سہیل احمد رضا نے ان خیالات کا اظہار صوبائی وزیر برائے اقلیتی امور و انسانی حقوق حکومت پنجاب محترم خلیل طاہر سندھو سے ملاقات کرتے ہوئے کیا۔
منہاج القرآن کے زیرانتظام منہاج دعوہ پروجیکٹ کو ایچ ایم جیل برمنگھم کی انتظامیہ کی جانب سے قیدیوں کی دینی علمی ضروریات کی فراہمی کے لیے تعریفی سرٹیفیکیٹ دیا گیا ہے، منہاج القرآن دعوہ پروجیکٹ کی ٹیم گذشتہ کچھ عرصہ سے برمنگھم کی جیل میں سزا یافتہ قیدیوں کی اخلاقی و دینی تعلیم و تربیت کے لیے شیخ الاسلام ڈاکٹر محمد طاہرالقادری کی اردو و انگلش کتب اور خطابات کی آڈیو اور ویڈیوز بڑی تعداد میں فراہم کر رہی ہے جس سے قیدیوں کی قابل ذکر تعداد فوائد حاصل کر رہی ہے
ڈاکٹر حسن محی الدین قادری نے سیمینار سے خطاب کرتے ہوئے کہا کہ آج کی طریقت و شریعت کا تقاضا ہے کہ سیدنا ابوبکر صدیق رضی اللہ عنہ، حضرت علی المرتضیٰ رضی اللہ عنہ اور سیدنا الشیخ عبد القادر جیلانی جیسی ہستیوں کو اپنا منبع اور رول ماڈل بنایا جائے۔ سب کو متحد و متفق ہو کر اور آپس میں تفریق کے سوالات کو ختم کر کے اصل قرار و چین اور غریب کے چہرے کی مسکراہٹ واپس لوٹانا ہے۔ اس کیلئے علماء و مشائخ کو تحریک پاکستان والا کردار دہرانا ہو گا۔ حجروں اور خانقاہوں سے باہر نکل کر رسم شبیری ادا کرنا ہو گی۔
لودہراں( ) پاکستانی قوم خود کشیاں کر رہی ہے اور عیاش حکمران میلوں ٹھیلوں میں مصروف ہیں۔ قوم سے کئے گئے وعدے حکمرانوں نے ردی کی ٹوکری میں ڈال دیے ہیں۔ قوم ان بے ضمیر حکمرانوں کو دفن کرنے کیلئے اُٹھ کھڑی ہوئی ہے، ڈاکٹر طاہر القادری نے ان جھوٹے کاغذی لیڈروں کی حیثیت کو بے نقاب کر کے ان کی سیاسی موت کا سامان کر دیا ہے۔ ان خیالات کا اظہار پاکستان عوامی تحریک کے مرکزی نائب صدر سردار شاکر خان مزاری نے پاکستان عوامی تحریک کی احتجاجی ریلی سے خطاب کے دوران کیا۔
ریلی کے شرکاء سے خطاب کرتے ہوئے صدر پاکستان عوامی تحریک شیخ زاہد فیاض نے کہا کہ دہشت گردی کے ناسور سے نجات کے لیے انقلابی اقدامات کی ضرورت ہے۔ جو موجودہ حکمرانوں میں نہیں ہے، ہر کوئی جانتا ہے کہ بدامنی کا ذمہ دار کون ہے، امن کے لیے کی جانے والی کاوشیں کامیاب نہ ہو سکیں، اس ملک میں جانوں کے ضیاع کی رفتار بڑھتی جا رہی ہے۔ ملک کے اثاثے سیل پر ہیں پاکستان کسی حکمران یا سیاسی لیڈر کے خاندان کی جائیداد نہیں یہ ملک کسی کی وراثت نہیں کہ اس کے ادارے جب چاہیں جس بھاؤ چاہیں بیچ دیں۔
منہاج القرآن ویمن لیگ تحصیل جہلم کے زیراہتمام 19 مارچ سے 31 مارچ 2014 تک منہاج القرآن ویمن لیگ تحصیل جہلم کی صدر صفیہ رفعت نے مرکز ی ناظمہ محترمہ راضیہ نوید کی طرف سے مقرر کردہ ناظمات کے ہمراہ مختلف یونین کونسلز کا دورہ کیا اور یونین کونسلز کی نئی باڈی بنانے کے ساتھ ساتھ علاقہ جات کی تقسیم، حلقہ درود وفکر، حلقہ فہم دین، ویڈیو پروگرامز کا تعارف اور سی ڈیز و لٹریچر کی تقسیم کا کام سر انجام دیا۔
یکم اپریل2014 بروز منگل منہاج اسلامک سنٹر بارسلونا میں سپانش زبان کے 17 ویں کورس کا آغاز ہوا جس میں بارسلونا سنٹر اور گردونواح سے آنے والے طلباء رات 9 بجے سے قبل ہی منہاج اسلامک سنٹر بارسلونا سے ملحقہ منہاج لائبریری میں پہنچ چکے تھے، کلاس ٹیچر نوید احمد اندلسی نے تمام امیدوار طلباء کو خوش آمدید کہا، ان کو کلاس میں داخلے کے لئے تمام قواعد و ضوابط کی تفصیلات سے آگاہ کیا۔
منہاج القرآن انٹرنیشنل ڈنمارک کے ڈائریکٹر علامہ حافظ محمد ادریس الازہری اور تحریک منہاج القرآن کے دیرینہ رفیق حاجی امان اللہ اور حاجی محمد قیوم نے مرکزی سیکرٹریٹ کا دورہ کیا جس میں انہوں نے جی ایم ملک (ڈائریکٹر فارن افیئرز)، محمد فاروق رانا (ڈائریکٹر فرید ملت ریسرچ انسٹیٹیوٹ)، سید امجد علی شاہ (ڈائریکٹر منہاج ویلفیئر فاونڈیشن)، عبد الستار منہاجینز (ڈائریکٹر منہاج انٹرنیٹ بیورو)، کالج آف شریعہ اینڈ اسلامک سائنسز کے پرنسپل و اساتذہ اور سیکرٹریٹ کے جملہ عہدیدارن سے ملاقات کی۔
شیخ الاسلام ڈاکٹر محمد طاہرالقادری کے پرنسپل سیکرٹری اور نظامت امورخارجہ کے ڈائریکٹر جی ایم ملک کی والدہ محترمہ کے ایصال ثواب کے لئے جامع مسجد المصطفی اباراکی کین میں محفل کا انعقاد کیا گیا، جس میں تنظیم کے عہدیداران کے علاوہ پاکستانی کمیونٹی کے احباب نے بھرپور شرکت کی۔
منہاج ویلفیئر فاؤنڈیشن کے زیراہتمام شادیوں کی دسویں سالانہ اجتماعی تقریب میں 20 مسلمان اور تین مسیحی جوڑے شادی کے مقدس رشتہ میں بندھ گئے۔ ہر دلہن کو ڈیڑھ لاکھ روپے مالیت کا گھریلو سامان اور جیولری سیٹ تحفے میں دیا گیا۔ چیئرمین تحریک منہاج القرآن ڈاکٹر حسن محی الدین قادری نے کہا کہ شیخ الاسلام ڈاکٹر طاہرالقادری کا ویژن فلاحی ریاست کا قیام ہے۔
4M
فیس بک
2M
ٹوٹر
© 1994 - 2025 Minhaj-ul-Quran International.
