سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
مورخہ 23 ستمبر 2012 بروز اتوار تحریک منہاج القرآن تحصیل پاکپتن کے زیراہتمام جامعہ مسجد اللہ بخش کوریا میں کامیاب ماہانہ درس عرفان القرآن کا اہتمام کیا گیا جس میں علامہ محمد رضا قادری نے بہت خوبصور ت انداز میں آقاء دوعالم صلی اللہ علیہ وآلہ وسلم کی عظمت مبارکہ اور ناموس رسالت صلی اللہ علیہ وآلہ وسلم پر روشنی ڈالی۔
مورخہ 23 ستمبر 2012ء کو توہین آمیز فلم کے خلاف راولاکوٹ، آزادکشمیر میں اپنے آقا و مولا حضرت محمد صلی اللہ علیہ وآلہ وسلم سے اظہار وفاداری کرتے ہوئے تحریک منہاج القرآن راولاکوٹ، آزادکشمیر کے زیراہتمام احتجاجی ریلی نکالی گئی۔ جس کی قیادت تحریک منہاج القرآن راولاکوٹ، آزادکشمیر کے قائدین نے کی۔
مورخہ 23 ستمبر 2012ء کو وادی رڑکن اور بارکھان (بلوچستان) میں توہین آمیز فلم کے خلاف تحریک منہاج القرآن بلوچستان کے زیراہتمام احتجاجی ریلی نکالی گئی۔ جس میں وادری رڑکن، بارکھان اور پہاڑی محلہ سے تحریک منہاج القرآن، منہاج القرآن یوتھ لیگ اور مصطفوی سٹوڈنٹس موومنٹ کے قائدین و کارکنان سمیت علاقے بھر سے لوگوں نے کی۔ ریلی میں شریک افراد نے کتبے اٹھا رکھے تھے، جن پر توہین آمیز فلم، اور عالمی امن کے علمبردار اداروں کے خلاف نعرے درج تھے۔
مرکزی نظامت تربیت تحریک منہاج القرآن کے زیراہتمام پتوکی میں عرفان القرآن کورس کی تقریب تقسیم اسناد 23 ستمبر 2012ء کو منہاج القرآن کمپلیکس میں منعقد ہوئی۔ جس میں مرکزی ناظم عرفان القرآن کورس علامہ محمد شریف کمالوی، وائس پرنسپل کالج آف شریعہ ڈاکٹر محمد رفیق حبیب، ویٹرنری یونیورسٹی سے مسز سمیرا عباس، معلمہ عرفان القرآن کورس مس تہمینہ شاہ، معلمین عرفان القرآن کورس علامہ محمد شفیق البغدادی اور سید سبطین رضا شاہ سمیت شرکاء کورس نے شرکت کی۔
منہاج القرآن انٹرنیشنل (فرانس) کے زیر اہتمام مورخہ 23 ستمبر 2012ء کو فرانس کے مرکز لاکورونیو سے ملحقہ بلڈنگ کی خریداری میں تعاون کرنے والے ڈونرز کے اعزاز میں گرینڈ عشائیہ کا اہتمام کیا گیا۔
شیخ الاسلام ڈاکٹر محمد طاہر القادری نے ریلی سے ٹیلی فونک خطاب کرتے ہوئے کہا کہ آزادی اظہار رائے کی آڑ میں توہین آمیز فلم بنانے والے انسانیت کے بدترین مجرم اور دہشت گرد ہیں۔ حکومت پاکستان کو چاہیے تھا کہ تمام مذہبی سیاسی جماعتوں کو بلا کر یوم عشق رسول صلی اللہ علیہ وآلہ وسلم کے اعلان سمیت اس حوالے سے پورا لائحہ عمل ترتیب دیا جاتا اور اس دن کو پورے نظم اور اتحادویگانگت کے ساتھ پر امن طریقے سے منا کر پوری دنیا کو موثر پیغام دیا جاتا کہ ہم پر امن قوم ہیں اور اپنے نبی صلی اللہ علیہ وآلہ وسلم کی شان میں گستاخی کو کسی صورت برداشت نہیں کریں گے۔
ریلی کی قیادت تحریک منہاج القرآن سندھ کے صوبائی ناظم مفتی ارشاد حسین سعیدی اور دیگر قائدین تحریک منہاج القرآن کراچی نے کی۔ اس ریلی میں تحریک منہاج القرآن کراچی، منہاج القرآن علماء کونسل، پاکستان عوامی تحریک، منہاج القرآن ویمن لیگ، منہاج القرآن یوتھ لیگ اور مصطفوی سٹوڈنٹس موومنٹ سمیت تمام فورمز کے قائدین اور اراکین نے بھی شرکت کی۔
ریلی کے دوران تحریک منہاج القرآن علماء کونسل کے قائدین شہر کے مختلف مقامات پر خطابات بھی کیے اور محبت رسول صلی اللہ علیہ وآلہ وسلم کو ایمان کا حصہ قرار دیتے ہوئے کہا کہ ہم حضور نبی اکرم صلی اللہ علیہ وآلہ وسلم کی شان میں کی گئی اس گستاخی پر اس وقت تک سراپا احتجاج رہیں گے، جب تک گستاخانہ فلمساز ادارے تمام ادارکاروں اور ذمہ داران کو کڑی سے کڑی سزا نہیں دی جاتی۔
ریلی میں شریک افراد نے کتبے اٹھا رکھے تھے، جن پر توہین آمیز فلم، اور عالمی امن کے علمبردار اداروں کے خلاف نعرے درج تھے۔ شرکاء ریلی نے اپنے پیارے نبی حضرت محمد مصطفیٰ صلی اللہ علیہ وآلہ وسلم کی محبت اور عقیدت میں اسم محمد صلی اللہ علیہ وآلہ وسلم کے پوسٹرز بھی اٹھائے ہوئے تھے۔
مورخہ 21 ستمبر 2012ء کو توہین آمیز فلم کے خلاف وہاڑی میں اپنے آقا و مولا حضرت محمد صلی اللہ علیہ وآلہ وسلم سے اظہار وفاداری کرتے ہوئے تحریک منہاج القرآن وہاڑی کے زیراہتمام احتجاجی ریلی نکالی گئی۔ جس کی قیادت تحریک منہاج القرآن ضلع وہاڑی کے قائدین نے کی۔
تحریک منہاج القرآن تحصیل پتوکی کے زیراہتمام 21 ستمبر بروز جمعۃالمبارک بوقت 8:30 بجے صبح بمقام انمول شادی ہال ریلوے پھاٹک پتوکی میں امریکہ میں بنائی گئی گستاخانہ فلم کے خلاف عشق مصطفیٰ صلی اللہ علیہ وآلہ وسلم کانفرنس کاانعقاد کیاگیا۔ پروگرام کا باقاعدہ آغاز تلاوت قرآن حکیم سے کیا گیا جس کے بعد حضور نبی اکرم صلی اللہ علیہ وآلہ وسلم کی بارگاہ میں ہدیۂ عقیدت پیش کیاگیا۔
منہاج القرآن یوتھ لیگ شاہکوٹ کے زیراہتمام گستاخانہ فلم کے خلاف پرامن عظمت مصطفیٰ صلی اللہ علیہ وآلہ وسلم ریلی نکالی گئی، جس میں تحریک منہاج القرآن، منہاج القرآن یوتھ لیگ اور مصطفوی سٹوڈنٹس موومنٹ کے طلبہ سمیت علاقے بھر سے لوگوں کی بڑی تعداد نے شرکت کی۔
تحریک منہاج القرآن سوئی ڈیرہ بگٹی کے زیراہتمام گستاخانہ فلم کے خلاف پرامن عظمت مصطفیٰ صلی اللہ علیہ وآلہ وسلم ریلی نکالی گئی، جس میں علاقے بھر سے لوگوں نے شرکت کی۔ ریلی کے شرکاء نے اسم محمد صلی اللہ علیہ واآلہ وسلم کے پوسٹرز اور جھنڈے اٹھا رکھے تھے۔
منہاج القرآن انٹرنیشنل (بارسلونا، سپین) کے زیر اہتمام مورخہ 21 ستمبر 2012ء کو امریکہ میں بننے والی گستاخانہ فلم کے خلاف احتجاجی مظاہرہ کیا گیا جس میں ہزاروں پاکستانیوں کے علاوہ دیگر ممالک کے مسلمانوں نے بھی شرکت کی۔
منہاج القرآن انٹرنیشنل (کویت) کے ناظم علامہ محمد شاہد طفیل ڈار اور ڈاکٹر نثار اکبر نے مورخہ 21 ستمبر 2012 ء کو مرکزی سیکرٹریٹ کا وزٹ کیا۔ ناظم امور خارجہ راجہ جمیل اجمل سے مشترکہ میٹنگ کویت کے تنظیمی معاملات پر تفصیلی ڈسکشن ہوئی اور کویت کی تنظیم نو کے حوالہ سے حضور شیخ الاسلام مدظلہ العالی کے ساتھ منعقد ہونے والی ٹیلی فونک میٹنگ کے بارے میں تفصیلات حاصل کیں۔
4M
فیس بک
2M
ٹوٹر
© 1994 - 2025 Minhaj-ul-Quran International.
