سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
شیخ الاسلام ڈاکٹر محمد طاہرالقادری کی 60ویں سالگرہ دنیا کے پانچ براعظموں میں انتہائی جوش و خروش کے ساتھ منائی گئی۔ اس سلسلسہ میں منہاج یونیورسٹی لاہور کے زیراہتمام 19 فروری 2011ء کو خصوصی تقریب کا انعقاد کیا گیا جس کی صدارات امیر تحریک منہاج القرآن صاحبزادہ فیض الرحمن درانی نے کی۔
تحریک منہاج القرآن کی مجلس شوریٰ کا دو روزہ اجلاس 22 اور 23 جنوری 2011ء کو مرکزی سیکرٹریٹ ماڈل ٹاؤن لاہور میں ہوا۔ اجلاس کا افتتاحی سیشن ہفتہ کی شام 6 بجے شروع ہوا، جس کی صدارت مرکزی امیر تحریک فیض الرحمن درانی کی۔ قائدین کے علاوہ ملک بھر سے 600 سے زائد ضلعی و تحصیلی عہدیداران نے بھی شرکت کی۔
مصطفوی سٹوڈنٹس موومنٹ کی پارلیمنٹ کا دوروزہ اجلاس 15، 16 جنوری بروز ہفتہ اور اتور مرکزی سیکرٹریٹ تحریک منہاج القرآن میں منعقد ہوا جس کی صدرات تجمل حسین انقلابی سپیکر سٹوڈنٹس پارلیمنٹ نے کی جبکہ ڈپٹی سپیکر سٹوڈنٹس پارلیمنٹ کی ذمہ داری عبدالغفار مصطفوی نے سرانجام دی۔ سندھ، بلوچستان، آزاد جموں و کثمیر، خیبر پختونخواہ، پنجاب اور ملک بھر کے مختلف یونیورسیٹوں، کالجوں اور تحصیلات کے ممبران سٹوڈنٹس پارلیمنٹ نے شرکت کی۔
شیخ الاسلام نے روحانی اجتماع کے شرکاء سے خطاب کرتے ہوئے کہا کہ اچھے عمل اور نیکی پر استقامت کا رویہ ہی فرد کو معاشرے کی اصلاح کے قابل بناتا ہے۔ باطنی تزکیہ کا عمل ہی انسان کو بندگی کی حقیقت سمجھاتا ہے۔ اس لئے ضروری ہے کہ ایسی محافل اور اجتماعات میں شرکت کی جائے جہاں اللہ اور اسکے رسول (ص) کا ذکر کثرت سے کیا جاتا ہے۔
پاکستان عوامی تحریک کے سیکرٹری جنرل انوار اختر ایڈووکیٹ نے کہا کہ میڈیا کا کردار ایک آئینہ کا ہے۔ بحالی جمہوریت کے لیے میڈیا کی تاریخ قربانیوں سے بھری ہوئی ہے۔ بیداری شعور کی حالیہ تحریک میں میڈیا کلیدی کردار ادا کررہا ہے، عوامی مسائل پر صرف عدلیہ اور میڈیا نوٹس لے رہے ہیں، عوام کی توقعات میڈیا سے وابستہ ہیں پارلیمنٹ سے نہیں۔ سیاسی جماعتوں کو اپنے اندر جمہوریت پیدا کرنا ہوگی۔
منہاج ویلفیئر فاؤنڈیشن کے زیراہتمام مرکزی سیکرٹریٹ لاہور میں تحصیلی ناظمین کے لیے 2 رروزہ ورکشاپ 25 دسمبر 2010ء کو منعقد ہوئی۔ ورکشاپ کا باقاعدہ آغاز دوپہر تین بجے ہوا اور 26 دسمبر 2010ء کو شام 5:00 بجے تک جاری رہی۔
منہاج القرآن علماء کونسل کے زیراہتمام شہادت امام حسین علیہ السلام کے حوالے سے "پیغام امام حسین کانفرنس 2010ء" 9 محرم الحرام 16 دسمبر 2010ء کو منعقد ہوئی۔ کانفرنس کا انعقاد جامع مسجد منہاج القرآن ماڈل ٹاون میں کیا گیا۔
مورخہ 20 دسمبر 2010ء کو منہاج القرآن ویمن لیگ کے زیر اہتمام ایک کانفرنس بعنوان ’’احیائے اسلام اور خانوادہ رسول صلی اللہ علیہ وآلہ وسلم کا کردار‘‘ کا انعقاد کیا گیا جس میں مختلف شعبہ ہائے زندگی سے تعلق رکھنے والی شخصیات نے شرکت کی۔ مہمانان گرامی میں حضرت سلطان باہو رحمۃ اللہ علیہ کے سجادہ نشین پیر سلطان فیاض الحسن، پیر جمیل الرحمٰن چشتی، نامور محقق اور مصنف حسن عسکری، محترمہ مہناز رفیع، سید فرحت حسین شاہ، علامہ محمد حسین آزاد، محترمہ لبنٰی زیدی و دیگر شامل تھے۔
شیخ الاسلام ڈاکٹر محمد طاہرالقادری کی کتابوں اور خطابات کی CDs کی دو روزہ نمائش ایوان اقبال لاہور میں 25 نومبر 2010ء کو منعقد ہوئی۔ اس نمائش میں شیخ الاسلام کی 400 سے زائد طبع شدہ کتب اور مختلف النوع موضوعات پر ہزاروں خطابات کی سی ڈیز، DVDs شامل تھیں۔
منہاج القرآن یوتھ لیگ کی یوتھ پارلیمنٹ کا اجلاس 7 نومبر 2010ء کو مرکزی سیکرٹریٹ ماڈل ٹاؤن میں منعقد ہوا۔ اجلاس کی صدارت سپیکر یوتھ پارلیمنٹ چوہدری بابر علی نے کی جبکہ ڈپٹی سپیکر کے فرائض اشتیاق حنیف مغل نے سر انجام دئیے۔ اجلاس میں طیب ضیاء، اقبال یوسف، ملک امجد چاند، ایاز احمد اور وقار احمد قادری کے علاوہ ملک بھر سے یوتھ کے تحصیلی صدور و سیکرٹری جنرلز نے شرکت کی۔
شیخ الاسلام ڈاکٹر محمد طاہرالقادری نے تقویٰ کے موضوع پر خطاب کرتے ہوئے کہا کہ تقویٰ انسان کی زندگی کا اصل امتحان ہے۔ یہ امتحان غربت میں بھی ہے اور امارت میں بھی۔ انہوں نے کہا کہ یہ زندگی مرد مومن کے لیے کڑا امتحان ہے، غریب شخص کے لیے غربت اس کا امتحان ہے اور امیر کے لیے امارت۔ اللہ تعالیٰ غربت کے ذریعے بھی بندے سے امتحان لیتا ہے کہ انسان اس حال میں اللہ تعالیٰ کو کتنا یاد رکھتا ہے۔
منہاج القرآن یوتھ لیگ لاہور کے زیراہتمام 8 نومبر 2010ء کو مرکزی سیکرٹریٹ ماڈل ٹاؤن میں یوم اقبال کے سلسلہ میں خصوصی سیمینار "علامہ اقبال کا شاہین اور آج کا پاکستان" منعقد ہوا۔ سیمینار کی صدارات مرکزی صدر MYL چوہدری بابر علی نے کی جبکہ مرکزی صدر MSM تجمل حسین انقلابی مہمان خصوصی تھے۔
9 نومبر 2010ء یوم اقبال کے موقع پر منہاج القرآن یوتھ لیگ کے مرکزی وفد نے مزار اقبال پر حاضری دی۔ مزار اقبال پر شیخ الاسلام ڈاکٹر محمد طاہرالقادری کی جانب سے پھولوں کی چادر چڑھائی گئی اور فاتحہ خوانی بھی کی گئی۔ وفد کی قیادت مرکزی صدر منہاج القرآن یوتھ لیگ چوہدری بابر علی نے کی جبکہ اشتیاق حنیف مغل، عمران بھٹی، چوہدری عتیق الرحمان، وقار احمد قادری، کاشف چشتی، زبیر احسن گیلانی اور سعید بھٹی بھی وفد میں شامل تھے۔
منہاج یونیورسٹی لاہور اور المصطفےٰ انٹرنیشنل یونیورسٹی ایران کے ذیلی ادارے اذان ایجوکیشنل اینڈ ریسرچ انسٹیٹیوٹ کے زیراہتمام ’’پرامن بقائے باہمی میں یونیورسٹیوں اور دینی اداروں کا کردار‘‘ کے موضوع پر خصوصی سیمینار منعقد کیا گیا۔
گزشتہ روز منہاج گرلز کالج برائے خواتین میں فرسٹ ایئر میں نئی آنے والی طالبات کے لیے ویلکم تقریب کا اہتمام کیا گیا جس میں مرکزی ناظمہ ویمن لیگ محترمہ سمیرا رفاقت ایڈووکیٹ نے خصوصی شرکت کی۔ طالبات سے گفتگو کرتے ہوئے انہوں نے کہا کہ آج ہمارا معاشرہ بدامنی، اخلاقی بگاڑ اور برائیوں کی آماجگاہ بن کر جہنم کی تصویر اس لیے پیش کررہا ہے کیونکہ آج کی خاتون اپنا لاثانی کردار فراموش کر چکی ہے۔
4M
فیس بک
2M
ٹوٹر
© 1994 - 2025 Minhaj-ul-Quran International.
