سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
تحریک منہاج القرآن کے مرکزی سٹاف کے 80 سے زائد افراد کا 4 روزہ سالانہ ٹور مؤرخہ 3 مئی بروز بدھ شام 9 بجے نائب ناظم اعلیٰ تحریک منہاج القرآن محترم رانا فیاض احمد کی سربراہی میں مرکزی سیکرٹریٹ سے روانہ ہوا۔ قافلہ 4 مئی بروز جمعرات صبح 4 بجے درگئی پہنچا جہاں نماز فجر کی ادائیگی کے بعد قافلہ بٹ خیلہ، چکدرہ، مینگورہ سے ہوتے ہوئے وادی مرغزار کے مرکزی مقام وائٹ پیلس صبح 9 بجے پہنچا۔ شرکاء نے کچھ دیر آرام کیا، ناشتہ کرنے کے بعد اس پرفضا اور خوبصورت مقام پر سب نے جی بھر کر فوٹو گرافی کی اور سیلفیاں بنائیں۔
پاکستان عوامی تحریک اور تحریک منہاج القرآن لاہور کے زیراہتمام منعقدہ ورکرز کنونشن سے خطاب کرتے ہوئے ڈاکٹر حسن محی الدین قادری نے کہا ہے کہ حکومت سے بار بار کہہ رہے ہیں جسٹس باقر نجفی کمشن کی رپورٹ کو پبلک کر دیں۔ کارکنوں کے صبر کا پیمانہ لبریز ہو رہا ہے، انصاف کیلئے سڑکوں پر آئے تو پھر قاتلوں اور لٹیروں کو سر چھپانے کیلئے جگہ نہ ملے گی۔ ماڈل ٹاؤن کیس کی سماعت کرنیوالے جج کو بھی ٹرانسفر کر دیا گیا۔ حکمران 14 بے گناہوں کو قتل کرنے کے جرم کی سزا اسی دنیا میں بھگتیں گے۔
ڈاکٹر حسن محی الدین قادری نے منہاج القرآن سیکرٹریٹ کے سٹاف ممبرز کیساتھ خصوصی اجلاس کے موقع پر گفتگو کرتے ہوئے کہا کہ تحریک منہاج القرآن کے کارکنان، وابستگان، عملہ مصطفوی مشن کا ہراول دستہ ہیں۔ فیلڈ کی طرح سیکرٹریٹ میں خدمات انجام دینے والے ورکرز بھی تحریک کا قابل فخر اثاثہ ہیں۔ انہوں نے احسن انداز میں فرائض انجام دینے والے سٹاف ممبرز کو تمغہ استقامت اور تمغہ حسن کارکردگی دینے کا اعلان کیا۔
تحریک منہاج القرآن کے طلباء ونگ مصطفوی سٹوڈنٹس موومنٹ کی طرف سے لاہور پریس کلب کے باہر نکالی گئی۔ حقوق طلباء ریلی میں پانچ نکاتی چارٹر آف ڈیمانڈ پیش کرتے ہوئے کہا گیا کہ 1۔ تعلیمی بجٹ جی ڈی پی کے 5 فی صد کے برابر لایا جائے 2۔ تعلیمی اداروں کو کرپشن، انتہا پسندی اور منشیات سے پاک کیا جائے 3۔ 10 سال کیلئے تعلیمی ایمرجنسی نافذ کی جائے 4۔ فرسودہ و طبقاتی نظام تعلیم کو تبدیل کیا جائے 5۔ عوامی نمائندوں اور 18 گریڈ کے افسران کے بچوں کو سرکاری تعلیمی اداروں میں داخل کروانے کیلئے قانون سازی کی جائے۔
تحریک منہاج القرآن کے زیراہتمام مرکزی سیکرٹریٹ میں معروف عالم دین، استاد، محقق اور شیخ الحدیث علامہ محمد معراج الاسلام کی یاد میں تعزیتی ریفرنس منعقد ہوا۔ ریفرنس سے ویڈیو لنک پر خطاب کرتے ہوئے شیخ الاسلام ڈاکٹر محمد طاہرالقادری نے کہا کہ علم دوست اور علم پرور شخصیات زمین پر اللہ کا خاص انعام ہوتی ہیں، علامہ معراج الاسلام انہی شخصیات میں سے ایک تھے۔
منہاج القرآن ویمن لیگ لاہور کے زیراہتمام گوشہ درود برائے خواتین کی افتتاحی تقریب مؤرخہ 19 اپریل 2017 کو منعقد ہوئی جس کی صدارت مادر تحریک محترمہ رفعت جبیں قادری نے کی۔ تقریب میں محترمہ فضہ حسین قادری اور محترمہ درۃ الزہرہ نے خصوصی شرکت کی۔ مادر تحریک محترمہ رفعت جبیں قادری نے تقریب کی شرکاء سے خصوصی خطاب کیا، انہوں نے اپنے خطاب میں کارکنان کی مشن کے لیے خدمات کو سراہا اور ان کی حوصلہ افزائی کی۔ انہوں نے ورکرز کی تربیت کے حوالے سے ان کو چند ضروری نصیحتیں کیں، اس کے ساتھ گوشہ درود کے نظم و ضبط کے حوالے سے رہنمائی، ہدایات اور درود پاک کی اہمیت کو اجاگر کیا۔
ڈاکٹر حسن محی الدین قادری نے شب برأت کے موقع پر مرکزی سیکرٹریٹ میں منعقدہ عظیم الشان اجتماع سے خطاب کرتے ہوئے کہا کہ ہمارے مسائل، مشکلات اور بے سکونی کی بڑی وجہ حضور نبی اکرم ﷺ کے بتائے ہوئے راستے سے ہٹنا ہے، جہاں آقائے دو جہاں سے محبت ہو گی وہاں امن، برکت اور راحت ہو گی، اللہ کو راضی کرنے کیلئے امت مسلمہ اپنے گناہوں پر نادم ہواور صدق دل سے توبہ کرے اور دلوں کو اللہ کے رسول ﷺ کی محبت سے آباد کرے۔ شب برأت کی بابرکت محفل میں تحریک منہاج القرآن کے ہزاروں کارکنان نے شرکت کی۔
منہاج القرآن انٹرنیشنل یونان کے زیراہتمام شیخ الاسلام ڈاکٹر محمد طاہرالقادری کے ترجمہ قرآن ’’عرفان القرآن‘‘ اور دہشت گردی کے خلاف مبسوط تاریخی فتویٰ ’’دہشت گردی اور فتنہ خوارج‘‘ کے یونانی زبان میں ترجمہ کی تقریبِ رُونمائی مؤرخہ 2 مئی 2017 کو ایتھنز، یونان کے علاقہ نیکیا کے معروف دیموس ہال میں منعقد ہوئی، جس میں چیئرمین سپریم کونسل تحریک منہاج القرآن ڈاکٹر حسن محی الدین قادری نے خصوصی شرکت کی اور خطاب کیا۔
منہاج القرآن انٹرنیشنل فرانس کے ورکرز کا کنونشن 05 مئی 2017 کو ہوا جس میں چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے خصوصی طور پر شرکت کی اور کارکنان، رفقاء و وابستگان سے اظہار خیال کیا۔ کنونشن کا اہتمام منہاج القرآن اسلامک سینٹر پیرس کیا گیا تھا۔
چائینہ کرسچین کونسل کے سیکرٹری جنرل ریورنڈ بوپنگ کنچی کی قیادت میں 8 رکنی اعلی سطحی وفد نے ڈائریکٹر انٹرفیتھ ریلیشنز منہاج القرآن انٹرنیشنل سہیل احمد رضا سے لاہور میں ملاقات کی ہے۔ اس موقع پر ریورنڈ فادر جیمز چنن، بشپ رابرٹ عزرایا، رویورنڈ عمانویل، سردار کلیان سنگھ، علامہ بدر منیر، علامہ عبدالمصطفیٰ چشتی بھی موجود تھے۔ وفد نے چائینہ میں بین المذاہب ہم آہنگی، مذہبی و ثقافتی رواداری اور خطے کے جغرافیائی و سیاسی حالات پر تفصیلی تبادلہ خیال کیا۔ انہوں نے دہشتگردی کے خاتمہ کیلئے ڈاکٹر طاہرالقادری اور تحریک منہاج القرآن کے بین الاقوامی کردار کو سراہا۔
چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے اپنے تنظیمی و دعوتی دورہ جنوبی افریقہ کے دوران 27 اپریل 2017 کو ڈربن میں علماء و مشائخ کے مختلف وفود سے ملاقاتیں کیں۔ انہوں نے ملاقات کرنے والوں کو منہاج القرآن انٹرنیشنل اور شیخ الاسلام ڈاکٹر محمد طاہرالقادری کے عالمگیر فکری و تجدیدی خدمات سے متعارف کروایا۔ ملاقات کرنے والے علماء و مشائخ نے منہاج القرآن انٹرنیشنل کی فروغِ امن اور انسدادِ دہشتگردی کی فکر کی ترویج و اشاعت کے لیے ہر ممکن تعاون کی یقین دہانی کروائی۔
تحریک منہاج القرآن کے ڈائریکٹوریٹ آف پبلک ریلیشنز کے 4 رکنی اعلیٰ سطحی وفد نے سربراہ عوامی تحریک بانی و سرپرست اعلیٰ منہاج القرآن ڈاکٹر محمد طاہرالقادری کی ہدایت پر مایہ ناز بلے باز سابق صدر آئی سی سی، قومی ہیرو اور ایشیئن بریڈ مین کے لقب سے پہچانے جانے والے عظیم کھلاڑی ظہیر عباس سے 27 اپریل کو لاہور پنجاب سپورٹس بورڈ میں ان کے دفتر میں ملاقات کی، وفد کی قیادت ڈائریکٹر پبلک ریلیشنز شہزاد رسول قادری نے کی جبکہ ڈپٹی ڈائریکٹر پبلک ریلیشنز عبدالحفیظ چوھدری، ڈائریکٹر انٹرفیتھ ریلیشنزسہیل احمد رضا اور ڈپٹی ڈائریکٹر پبلک ریلیشنز شیخ آفتاب احمد وفد میں شامل تھے۔
منہاج القرآن انٹرنیشنل جنوبی افریقہ نے 23 اپریل 2017 کو کیپ ٹاؤن میں مسجد القدس کے آڈیٹوریم ہال میں چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری کی مختلف مکاتب فکر کے علماء و مشائخ اور سکالرز کے ساتھ نشست کا اہتمام کیا۔ علمی نشست میں ڈاکٹرحسن محی الدین قادری نے اسلام کے تصور جہاد اور امن کے حوالہ سے مدلل گفتگو کی۔
چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری جنوبی افریقہ کے تنظیمی و دعوتی دورہ پر ہیں۔ انہوں نے 23 اپریل 2017 کو معراج النبی صلی اللہ علیہ وآلہ وسلم کے موقع پر کیپ ٹاؤن کے مشہور ریڈیو چینل وائس آف کیپ ریڈیو (Voice of Cape Radio) پر پر گفتگو کی۔
تحریک منہاج القرآن کے مرکزی سیکرٹریٹ پر شبِ معراج 24 اپریل 2017ء کو ’معراج النبی صلی اللہ علیہ وآلہ وسلم کانفرنس‘ اور ’ماہانہ مجلس ختم الصلوٰۃ علی النبی صلی اللہ علیہ وآلہ وسلم‘ کا انعقاد ہوا۔ روحانی محفل میں تحریک منہاج القرآن کے رہنماؤں، کارکنان اور مختلف شعبہ ہائے زندگی سے تعلق رکھنے والے افراد کی کثیر تعداد شریک ہوئی، خواتین کی ایک بڑی تعداد نے محفل میں شرکت کی۔
4M
فیس بک
2M
ٹوٹر
© 1994 - 2025 Minhaj-ul-Quran International.
