سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
سپورٹس بورڈ پنجاب کے زیرانتظام قائم حضرت ابوالحسن شاذلی لائبریری (قذافی اسٹیڈیم لاہور) کے لئے تحریک منہاج القرآن کی طرف سے شیخ الاسلام ڈاکٹر محمد طاہرالقادری کی کتب کا تحفہ دیا گیا۔ تحریک منہاج القرآن کے ڈائریکٹر پبلک ریلیشنز شہزاد رسول، حاجی محمد اسحاق، عبدالحفیظ چودھری پر مشتمل وفد نے ڈائریکٹر جنرل سپورٹس پنجاب عدنان ارشد اولکھ کو کتب کا تحفہ پیش کیا۔ وفد نے ڈی جی سپورٹس پنجاب کو منہاج یونیورسٹی لاہور کے ڈپٹی چیئرمین بورڈ آف گورنرز ڈاکٹر حسین محی الدین قادری کا خصوصی پیغام بھی پہنچایا۔
نظام المدارس پاکستان کے زونل صدور اور ضلعی کوارڈینیٹرز کا اہم اجلاس نظام المدارس پاکستان کے مرکزی سیکرٹریٹ میں صدر نظام المدارس پاکستان علامہ مفتی امداد اللہ قادری کی زیرصدارت منعقد ہوا۔ اجلاس میں علمائے کرام نے متفقہ اعلامیہ منظور کرتے ہوئے قرار دیا کہ ”مدارس دینیہ کی رجسٹریشن اور نصاب کو عصری تقاضوں سے ہم آہنگ کرنے کے حوالے سے ریاستی سطح پر بروئے کار آنے والے اقدامات کی مکمل حمایت کرتے ہیں اور مطالبہ کرتے ہیں کہ مدارس کی رجسٹریشن کو 100 فیصد یقینی بنایا جائے کسی کو ضوابط کی خلاف ورزی کی اجازت نہیں ہونی چاہیے۔
صدر منہاج القرآن انٹرنیشنل ڈاکٹر حسین محی الدین قادری نے کہا ہے کہ انتہاء پسندی اور دہشت گردی کا خطرہ بدستور موجود ہے۔ لاہور میں دہشت گردی کا واقعہ خطرے کی گھنٹی ہے، دہشت گرد اور دہشتگردانہ سوچ ختم نہیں ہوئی۔ عوام اور اداروں کو آنکھیں کھلی رکھنا ہونگی۔ بدلتے ہوئے سیاسی، سماجی،معاشی،علاقائی حالات کے تناظر میں مذہبی، سماجی تحریکوں کے درمیان مکالمہ ضروری ہے۔ اسلام نے ہر موضوع پر رہنمائی مہیا کی ہے۔ عصری تقاضوں کے مطابق اسلام کی تعلیمات دنیا تک پہنچانا ہوں گی۔
قائد تحریک منہاج القرآن شیخ الاسلام ڈاکٹر محمد طاہرالقادری نے لاہور جوہر ٹاؤن میں بم دھماکہ کی شدید الفاظ میں مذمت کی ہے اور قیمتی انسانی جانوں کے ضیاع پر دلی افسوس کا اظہار کیا ہے۔انہوں نے شہید ہونیوالوں کے درجات کی بلندی، مغفرت اور زخمیوں کی جلد صحتیابی کیلئے دعا کی ہے۔
تحریک منہاج القرآن الہ آباد ٹھینگ موڑ کے ناظم بابا ظفراقبال قادری نوشاہی کی والدہ محترمہ اور شیخ محمد نواز شریف منہاجین کی دادی جان انتقال کر گئیں، انا للہ وانا الیہ راجعون۔ مرحومہ گزشتہ کچھ عرصہ سے شدید علیل تھیں۔ نماز جنازہ 24 جون 2021ء بروز جمعرات کو الہ آباد ٹھینگ موڑ کے نواحی گاؤں موضع رسول پور پولیکے میں آستانہ عالیہ بابا ولی محمد سرکار پر ادا کی جائے گی۔
تحریک منہاج القرآن کے ڈائریکٹر ایڈمن جواد حامد کے چچا جان چوھدری ناصر محمود انتقال کر گئے، انا للہ وانا الیہ راجعون۔ شیخ الاسلام ڈاکٹر محمد طاہرالقادری نے جواد حامد سے اظہار تعزیت کرتے ہوئے مرحوم کے لیے بلندی درجات کی دعا بھی کی ہے۔ شیخ الاسلام نے کہا کہ اللہ رب العزت چوھدری ناصر محمود مرحوم کی کامل بخشش و مغفرت اور درجات بلند فرمائے۔
منہاج ایجوکیشن گوجرانوالہ زون کے ڈپٹی ڈائریکٹر خادم حسین طاہر کے بڑے بھائی انتقال کر گئے، انا للہ وانا الیہ راجعون۔ مرحوم کو ڈسکہ روڈ پر ان کے آبائی گاوں آلوشدیو میں سپرد خاک کیا گیا۔ منہاج ایجوکیشن سوسائٹی کے چیئرمین ڈاکٹر حسین محی الدین قادری، ایم ڈی ڈاکٹر ساجد محمود، ڈائریکٹر شعیب طاہر اور انتظامیہ نے خادم حسین طاہر سے اظہار تعزیت کیا ہے۔
شیخ الاسلام ڈاکٹر محمد طاہرالقادری کے پرسنل ریسرچ اسسٹنٹ شیخ محمد ضیاء الحق رازی کی پھوپھی جان قضائے الٰہی سے انتقال کر گئیں، انا للہ وانا الیہ راجعون۔ مرحومہ کے انتقال پر شیخ الاسلام ڈاکٹر محمد طاہرالقادری، چیئرمین سپریم کونسل ڈاکٹر حسن محی الدین قادری، صدر منہاج القرآن ڈاکٹر حسین محی الدین قادری اور ناظم اعلیٰ خرم نواز گنڈاپور نے اظہار تعزیت کیا ہے۔ انہوں نے تعزیتی پیغام میں کہا کہ اللہ تعالیٰ مرحومہ کے درجات کی بلندی اور اہلخانہ کو صبرجمیل عطا فرمائے۔
قائد تحریک منہاج القرآن شیخ الاسلام ڈاکٹر محمد طاہرالقادری نے منہاج القرآن ویمن لیگ کی مرکزی رہنماء ڈاکٹر نوشابہ حمید کے انتقال پر اظہار افسوس کرتے ہوئے کہا ہے کہ اللہ تعالیٰ مرحومہ کی بخشش فرمائے، لواحقین کو صبر جمیل دے۔ مرحومہ کی تحریک منہاج القرآن کے لئے خدمات کو ہمیشہ یاد رکھا جائے گا۔ مرحومہ ڈاکٹر نوشابہ حمید کی نماز جنازہ صدر منہاج القرآن انٹرنیشنل ڈاکٹر حسین محی الدین قادری نے پڑھائی، نماز جنازہ جامع شیخ الاسلام ماڈل ٹاؤن لاہور میں ادا کی گئی۔
منہاج القرآن ویمن لیگ کی بانی ممبر اور تحریک منہاج القرآن کی دیرینہ رفیقہ ڈاکٹر نوشابہ حمید رضائے الٰہی سے انتقال کر گئیں، انا للہ وانا الیہ راجعون۔ شیخ الاسلام ڈاکٹر محمد طاہرالقادری، چیئرمین سپریم کونسل ڈاکٹر حسن محی الدین قادری، صدر منہاج القرآن ڈاکٹر حسین محی الدین قادری اور منہاج القرآن ویمن لیگ انٹرنیشنل کی صدر ڈاکٹر غزالہ حسن قادری نے مرحومہ کے اہلخانہ سے اظہار افسوس و تعزیت کرتے ہوئے دعا کی ہے کہ اللہ رب العزت ان کی کامل بخشش و مغفرت فرمائے۔
تحریک منہاج القران تلمبہ ضلع خانیوال کے سرپرست حاجی محمد اشرف روڈ ایکسیڈنٹ میں انتقال کر گئے، انا للہ و انا الیہ راجعون۔ وہ جمعرات کو شھدائے ماڈل ٹاؤن ریلی میں شرکت کے بعد سینئر تحریکی، محمد نواز ہمجانہ کے ساتھ میاں چنوں سے تلمبہ واپس جا رہے تھے کہ راستے میں دونوں روڈ ایکسیڈنٹ کا شکار ہو کر شدید زخمی ہوئے، بعدازاں انہیں نشتر ہسپتال پہنچایا گیا تاہم حاجی محمد اشرف جانبر نہ ہو سکے اور انتقال کر گئے۔ شیخ الاسلام ڈاکٹر محمد طاہرالقادری، چیئرمین سپریم کونسل ڈاکٹر حسن محی الدین قادری، صدر منہاج القرآن ڈاکٹر حسین محی الدین قادری نے اہلخانہ سے تعزیت کی ہے۔
شہدائے ماڈل ٹاؤن کی 7ویں برسی پر جامع مسجد منہاج یونیورسٹی لاہور میں شہدائے کے ایصالِ ثواب کیلئے دعائیہ تقریب کا انعقاد کیا گیا۔ دعائیہ تقریب میں منہاج یونیورسٹی لاہور کے پروفیسرز، کالج آف شریعہ اینڈ اسلامک سائنسز کے طلباء اور اساتذہ شریک ہوئے۔ اس موقع پر قرآن خوانی ہوئی اور آخر میں شہداء کے ایصال ثواب کے لیے دعا کی گئی۔
شیخ الاسلام ڈاکٹر محمد طاہرالقادری نے شہدائے ماڈل ٹاؤن کی 7ویں برسی کے موقع پر لاہور سمیت مختلف شہروں میں شہداء کے انصاف کے لئے نکالی جانے والی ریلیوں سے آڈیو لنک پر خطاب کرتے ہوئے کہا کہ قاتلوں کی حکومت میں انصاف نہ ملنے کی سمجھ تو آتی تھی مگر تحریک انصاف کی حکومت میں مظلوموں پر انصاف کے دروازے بند کیوں ہیں؟۔ وزیراعظم عمران خان میرے ساتھ مل کر سانحہ ماڈل ٹاؤن کے انصاف کے لئے پریس کانفرنسیں کرتے رہے ہیں اور احتجاجوں میں شریک رہے ہیں۔ آج مظلوم انصاف کے لئے دربدر اور دھکے کھارہے ہیں۔ قتل کرنے والوں کو سلاخوں کے پیچھے ہونا چاہیے تھا مگر وہ آج بھی دندناتے پھررہے ہیں۔
رکن صوبائی اسمبلی پنجاب میاں جلیل شرقپوری نے تحریک منہاج القرآن انٹرنیشنل کے مرکزی سیکرٹریٹ کا وزٹ کیا اور صدر ڈاکٹر حسین محی الدین قادری سے ملاقات کی۔ مرکزی سیکرٹریٹ آمد پر انہوں نے فرید ملت ریسرچ انسٹیٹیوٹ کا دورہ کیا۔ میاں جلیل شرقپوری نے فرید ملت ریسرچ انسٹی ٹیوٹ میں شیخ الاسلام ڈاکٹر محمد طاہرالقادری کی کتب کو بغور دیکھا اور آپ کی علمی خدمات کو خراج تحسین پیش کیا۔ انہوں نے کہا کہ شیخ الاسلام امت مسلمہ کا سرمایہ اور معتبر علمی شخصیت ہیں۔
تحریک منہاج القرآن کے ناظم اعلیٰ خرم نواز گنڈاپور کی قیادت میں مرکزی رہنماؤں نے شہدائے ماڈل ٹاؤن کی یادگار پر پھولوں کی چادر چڑھائی اور شہداء کے درجات کی بلندی کے لئے دعا کی۔ اس موقع پر خرم نواز گنڈاپور نے گفتگو کرتے ہوئے کہا کہ 7سال گزر جانے کے بعد بھی انصاف نہیں ہوا۔ ہم آج بھی پہلے دن کی طرح پرعزم ہیں کہ انصاف ہو کررہے گا اور بے گناہوں کا خون بہانے والے اور انصاف کی راہ میں روڑے اٹکانے والے عبرت کا نشان بنیں گے۔
3.8M
فیس بک
1.9M
ٹوٹر
© 1994 - 2025 Minhaj-ul-Quran International.
