سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
ماہ ربیع الاول کی آمد پر کالج آف شریعہ اینڈ اسلامک سائنسز کے طلبہ نے تحریک منہاج القرآن کے مرکزی سیکرٹریٹ سے نماز مغرب سے عشاء تک مشعل بردار جلوس نکالا۔ جلوس مرکزی سیکرٹریٹ سے شیخ الاسلام ڈاکٹر محمد طاہرالقادری کی رہائش گاہ القادریہ ہاؤس پہنچا تو چیئرمین سپریم کونسل ڈاکٹر حسن محی الدین قادری اور صدر منہاج القرآن انٹرنیشنل ڈاکٹر حسین محی الدین قادری نے شرکاء کا استقبال کیا۔
ناظم اعلی منہاج القرآن انٹرنیشنل خرم نواز گنڈاپور اور نائب ناظم اعلیٰ کوارڈینیشن انجینئر محمد رفیق نجم نے میگا ٹریننگ کیمپ کراچی بعنوان قرآنی فلسفہ انقلاب فہمی میں خصوصی شرکت کی۔ اس موقع پر خطاب کرتے ہوئے ناظم اعلیٰ خرم نواز گنڈاپور کا کہنا تھا کہ سیلاب کی وجہ سے رورل اور اربن سندھ میں بڑے پیمانے پر جانی و مالی نقصانات ہوئے ہیں، تاحال لوگوں کے گھر اور فصلیں پانی میں ڈوبی ہوئی ہیں۔
تحریک منہاج القرآن کی مرکزی ڈائریکٹوریٹ آف فارن افیئرز کے زیراہتمام فارن سکالرز ٹریننگ ورکشاپ کی اختتامی تقریب منعقد ہوئی، جس میں چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے خصوصی شرکت کی۔ اس موقع پر ڈاکٹر حسن محی الدین قادری نے ڈائریکٹوریٹ آف فارن آفیئرز اور ڈائریکٹوریٹ آف ٹریننگ کے ذمہ داران کو کورس کی تکمیل پر مبارکباد دی۔ تقریب میں ڈاکٹر حسن محی الدین قادری نے کورس مکمل کرنے والے سکالرز کو اسناد بھی دیں۔
منہاج یونیورسٹی لاہور کی جانب سے سیلاب متاثرین کے لیے امدادی سامان کا ٹرک اور 1.8 ملین روپے کا چیک منہاج ویلفیئر فاؤنڈیشن کے حوالے کیا گیا۔ یہ امدادی سامان منہاج یونیورسٹی لاہور کی فیکلٹی اور طلبہ و طالبات کی طرف سے جمع کیا گیا۔ سامان اور امدادی چیک ڈپٹی چیئرمین بورڈ آف گورنرز ڈاکٹر حسین محی الدین قادری اور وائس چانسلر ڈاکٹر ساجد محمود شہزاد نے نائب صدر منہاج القرآن انٹرنیشنل بریگیڈیئر (ر) اقبال احمد خان، نائب ناظم اعلیٰ میڈیا افیئرز نوراللہ صدیقی اور فیلڈ کوآرڈینیٹر منہاج ویلفیئر فاؤنڈیشن اشتیاق حنیف مغل کے حوالے کیا۔
کالج آف شریعہ اینڈ اسلامک سائنسز کے اساتذہ اور سٹاف ممبران نے چیئرمین سپریم کونسل ڈاکٹر حسن محی الدین قادری سے ملاقات کی۔ اس موقع پر پرنسپل ڈاکٹر ممتاز الحسن باروی پرنسپل کالج آف شریعہ اینڈ اسلامک سائنسز بھی موجود تھے۔ نشست میں ڈاکٹر حسن محی الدین قادری نے گفتگو کرتے ہوئے کہا کہ کالج آف شریعہ اینڈ اسلامک سائنسز نے قدیم و جدید علوم کو یکجا کر دیا ہے۔
تحریک منہاج القرآن کے زیراہتمام عالمی میلاد کانفرنس کے لیے مینار پاکستان پر باقاعدہ انتظامات شروع کر دیئے گئے ہیں۔ اس سلسلہ میں اتوار کی صبح نائب ناظم اعلیٰ ایڈمنسٹریشن جواد حامد کی قیادت میں قائدین، انتظامی کمیٹیوں اور ٹیم نے مینار پاکستان کا دورہ کیا۔ اس موقع پر جواد حامد نے انتظامی کمیٹیوں اور منتظمین سے گفتگو کرتے ہوئے کہا کہ اس سال مینار پاکستان پر ایک تاریخی میلاد کانفرنس منعقد ہو گی، جس کے لیے تیاریاں زور و شور سے جاری ہیں۔ انہوں نے کہا کہ مینار پاکستان کے سبزہ زار کی تنزئین و آرائش اور پودوں کا ہمیشہ خیال رکھا اس بار بھی بھرپور خیال رکھا جائے گا۔
سابق ناظم تحریک منہاج القران آزاد جموں کشمیر اور محمد طاہر (آئی ٹی آفیسر مرکزی سیکرٹریٹ) کے والد محترم ظفر اقبال طاہر رضاء الٰہی سے انتقال فرما گئے ہیں (اِنَّا لِلّٰہِ وَ اِنَّاۤ اِلَیۡہِ رٰجِعُوۡنَ)، مرحوم ڈاکٹر ادریس جاوید الازہری (ڈائریکٹر منہاج القرآن انٹرنیشنل ڈنمارک) کے سُسر تھے۔ اللہ تعالیٰ مرحوم کو جنت الفردوس میں اعلیٰ مقام اور درجات بلند فرمائے اور لواحقین کو صبر جمیل عطا فرمائے! آمین
چئیرمین آغوش کمپلیکس ڈاکٹر حسین محی الدین قادری نے تحفیظ القرآن انسٹیٹیوٹ کا دورہ کیا۔ اس موقع پر ڈاکٹر حسین محی الدین قادری کو ڈویلپمنٹ کونسل کی جانب سے بریفنگ دی گئی۔ ڈاکٹر حسین محی الدین قادری نے تحفیظ القرآن ڈویلپمنٹ کونسل کی جانب سے کئے گئے کام کو سراہا اور اطمینان کا بھی اظہار کیا۔ انہوں نے تحفیظ القرآن ڈویلپمنٹ کونسل کے تمام ممبران کو مبارکباد بھی پیش کی۔
تحریک منہاج القرآن کا خصوصی اجلاس مرکزی سیکرٹریٹ میں منعقد ہوا۔ ناظم اعلیٰ خرم نواز گنڈاپور نے اجلاس کی صدارت کی۔ اجلاس میں 39 ویں عالمی میلاد کانفرنس (مینار پاکستان) کی تیاریاں و انتظامات اور اہم مذہبی، سیاسی شخصیات کو دئیے جانے والے دعوتی سلسلے کا جائزہ لیا گیا۔ اجلاس میں فیصلہ کیا گیا کہ تحریک منہاج القرآن لاہور عالمی میلاد کانفرنس کیلئے پورے لاہور میں استقبالیہ کیمپ لگائے گی۔ اہلیانِ لاہور کو 39ویں عالمی میلاد کانفرنس میں بھرپور شرکت کی دعوت دی جائے گی۔
ناظم اعلیٰ منہاج القرآن انٹرنیشنل خرم نواز گنڈاپور تنظیمی دورہ پر کراچی پہنچ گئے، جہاں مقامی قائدین و کارکنان نے آپ کا استقبال کیا۔ کراچی پہنچنے کے بعد انہوں نے منہاج القرآن کی زونل کوآرڈینیشن کونسل کراچی کے اجلاس کی صدارت کی۔ اجلاس میں قاضی زاہد حسین، نائب ناظم اعلیٰ کوآرڈینیشن انجنیئر محمد رفیق نجم، محمد نعیم نصاری، مرزا جنید علی، مسعود احمد عثمانی، سید ظفر اقبال، صاحبزادہ ثاقب نوشاہی، مفتی محمد مکرم خان قادری، شاہد راجپوت، جواد انصاری، نعیم اجمیری، مسز فوزیہ جنید، مسز نصرت رعنا، مسز ثناء نوید، مفتیہ طوبی سلیمان نے بھی شرکت کی۔
ڈاکٹر حسن محی الدین قادری نے جامع شیخ الاسلام ماڈل ٹاؤن لاہور میں نماز جمعہ کے اجتماع سے خطاب کرتے ہوئے کہا کہ اسلام کا حقیقی پیغام امن و محبت دلوں کو جوڑنا ہے توڑنا نہیں، اولیاء کرام نے ہمیشہ امن و محبت اور بھائی چارے کی تلقین کی، اللہ والوں کی نگاہ گنبدِ خضریٰ کی طرف اور دل رب تعالیٰ کی طرف ہوتا ہے۔
پاکستان کے معروف فنکار سردار کمال، سلیم البیلا، آغا ماجد، شہزاد مٹھو اور شہزاد پپو نے بریڈ فورڈ میں مدینۃ الزہراء کا وزٹ کیا، اس موقع پر مدینة الزہراء کے ہیڈ ایڈمنسٹریٹر حذیفہ الیمانی نے مہمان فنکاروں سے ملاقات کی اور انہیں منہاج القرآن برطانیہ کے عظیم الشان پراجیکٹ مدینة الزہراء بریڈفورڈ کا تعارف بھی کروایا۔ اس موقع پر انہیں مدینة الزہراء کا تعارفی کتابچہ بھی پیش کیا گیا۔
منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری سے سجادہ نشین دربار حضرت داتا گنج بخش صاحبزادہ احمد عاصم سلیم ہجویری نے ان کی رہائش گاہ پر ملاقات کی۔ اس موقع پر انہوں نے چیئرمین سپریم کونسل ڈاکٹر حسن محی الدین قادری کو عرس مبارک کے موقع پر منعقدہ عالمی کانفرنس میں شرکت اور فکر انگیز خطاب پر مبارکباد دی۔ انہوں نے تصوف کے دقیق موضوع پر بلند پایہ تحقیقی کام اور اولیائے اللہ کی فکر اور تعلیمات کو دنیا بھر میں فروغ دینے پر شیخ الاسلام ڈاکٹر محمد طاہرالقادری اور ادارہ منہاج القرآن کو مبارکباد دی۔
نیشنل مشائخ کونسل پاکستان کے مرکزی قائدین کے وفد نے ڈاکٹر حسن محی الدین قادری چیئرمین سپریم کونسل منہاج القرآن انٹرنیشنل سے ان کی رہائش گاہ پر ملاقات کی۔ وفد نے شیخ الاسلام ڈاکٹر محمد طاہرالقادری اور ادارہ منہاج القرآن کی دینی خدمات کو سراہا۔ وفد میں دیوان عظمت محمود آستانہ عالیہ پاکپتن شریف مرکزی رہنما نیشنل مشائخ کونسل پاکستان، خواجہ غلام قطب الدین فریدی سجادہ نشین آستانہ عالیہ گڑھی شریف صدر نیشنل مشائخ کونسل پاکستان، صاحبزادہ سعید احمد صابری سجادہ نشین آستانہ عالیہ اوکاڑہ شریف صوبائی صدر نیشنل مشائخ کونسل پاکستان، پیر سید محمد تنویر بخاری ایگزیکٹو ممبر نیشنل مشائخ کونسل پاکستان، صاحبزادہ سید سلیمان قمر سجادہ نشین آستانہ عالیہ ماہنی شریف صدر نیشنل مشائخ کونسل پاکستان ضلع جھنگ شامل تھے۔
غزنی افغانستان سے خاندان داتا علی ہجوہری سے سید سردار آغا درویش بابا نے چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری سے ان کی رہائش گاہ پر ملاقات کی۔ ملاقات کے موقع پر سید سردار آغا درویش بابا نے کہا کہ شیخ الاسلام ڈاکٹر محمد طاہرالقادری اور تحریک منہاج القرآن کی سرگرمیوں کی اصل غایت آج کی نوجوان نسل کی علمی و فکری اصلاح ہے۔
4M
فیس بک
2M
ٹوٹر
© 1994 - 2025 Minhaj-ul-Quran International.
