سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
پاکستان عوامی تحریک کراچی کی طرف سے کراچی پریس کلب کے باہر ’’جسٹس فار زینب‘‘ کے لیے احتجاجی مظاہرہ کیا گیا، جس میں بڑی تعداد میں عوام الناس نے شرکت کی۔ مظاہرے سے خطاب کرتے ہوئے پاکستان عوامی تحریک کے مرکزی صدر قاضی زاہد حسین نے کہا معصوم زینب اور ماڈل ٹاؤن میں 14 شہریوں کے قتل کے ذمہ دار حکمران ہیں۔ موجودہ حکمران قوم کے جان و مال عزت و آبرو کی حفاظت کے بجائے لیٹرے بن چکے ہیں۔ شہریوں کے جان و مال کے تحفظ کی ذمہ داری ریاست کی ہے، نا اہل حکمران اپنے فرائض کی ادائیگی میں مکمل ناکام ہو چکے ہیں انکا اقتدار میں رہنے کا کوئی حق نہیں۔
مصطفوی سٹوڈنٹس موومنٹ اسلام آباد کے زیراہتمام قوم کی بیٹی معصوم زینب کے بہیمانہ قتل اور درندگی کے خلاف احتجاجی مظاہرہ کیا گیا، مظاہرے میں سید اطلس ہمدانی، افضل مذمل صدر ایم ایس ایم راولپنڈی، چوہدری طاہر، ظہور مصطفوی کے علاوہ دیگر کارکنوں نے شرکت کی۔ مصطفوی سٹوڈنٹس موومنٹ شمالی پنجاب کے صدر قاضی احسن، سید اطلس ہمدانی نے معصوم زینب کے سفاکانہ قتل کے خلاف احتجاجی مظاہرے سے خطاب کرتے ہوئے کہا ہے کہ زینب اور درندگی کا نشانہ بننے کے بعد قتل ہونے والے دیگر معصوموں کے قاتلوں کو سرعام سزا دے کر نشان عبرت بنا دیا جائے، تا کہ آئندہ کوئی بھی درندہ صفت ایسا ظلم کرنے کی جرات نہ کر سکے۔
پاکستان عوامی تحریک اور تحریک منہاج القرآن ڈیرہ غازیخان کے زیراہتمام ’’جسٹس فار زینب‘‘ کے لیے احتجاجی مظاہرہ کیا گیا، جس کی قیادت سردار محمد سیف اللّٰہ خان سدوزئی نے کی۔ مظاہرہ میں خواتین و حضرات اور بچوں نے احتجاجی مظاہرہ میں شرکت کی، اس موقع پر مظاہرین نے زینب کے قاتل کی گرفتاری اور شہباز حکومت کے استعفے کا مطالبہ کیا۔
جامعہ اسلامیہ منہاج القرآن کے عظیم استاذ علامہ محمد عتیق حیدر قضائے الہی سے وصال فرما گئے ہیں (اناللہ وانا الیہ راجعون)۔ علامہ محمد عتیق حیدر 1996 سے جامعہ میں تدریس کے فرائض انجام دے رہے تھے۔ بانی و سرپرست اعلیٰ تحریک منہاج القرآن شیخ الاسلام ڈاکٹر محمد طاہرالقادری نے ان کے وصال پر گہرے دکھ اور غم کا اظہار کیا ہے۔
پاکستان عوامی تحریک کے سربراہ ڈاکٹر محمد طاہرالقادری نے مختلف سکولوں کے بچوں اور بچیوں کی طرف سے ’’جسٹس فار زینب‘‘ احتجاجی مارچ کی قیادت کرتے ہوئے کہا کہ اگر سنگین جرائم جڑ سے ختم کرنے ہیں تو پھر شہباز شریف، رانا ثناء اللہ کو او ایس ڈی بنانا اور عدالتوں میں طلب کرنا ہو گا، فائرنگ کا حکم ایس پی، ڈی ایس پی کی سطح کا افسر دیتا ہے۔ شہباز شریف صرف لاشوں کی قیمت لگاتے ہیں۔ تیس، تیس لاکھ لے کر قصور پہنچ گئے، حکمرانوں میں اتنی جرات نہیں کہ دن کی روشنی میں قصور جاتے، جب حکمران پبلک کو فیس نہ کرسکیں تو پھر انہیں سٹیپ ڈاؤن کر جانا چاہیے۔
ڈاکٹر محمد طاہرالقادری نے اے پی سی ایکشن کمیٹی کے اجلاس کے بعد پریس کانفرنس میں متفقہ فیصلوں کا اعلان کرتے ہوئے کہا ہے کہ شہدائے ماڈل ٹاؤن کے انصاف، معصوم زینب اور قصور پولیس کی بربریت کا شکار شہریوں کے انصاف کیلئے 17 جنوری سے مال روڈ لاہور سے طاقت ور عوامی احتجاج کا آغاز ہوگا۔ قوی امید ہے احتجاج میں اے پی سی میں شریک تمام جماعتوں کی مرکزی قیادت شریک ہو گی۔ تمام آپشن کھلے ہیں کسی حد تک بھی جا سکتے ہیں۔ احتجاج کا آخری راؤنڈ فیصلہ کن ہو گا۔ 17 جنوری کے بعد کے لائحہ عمل کیلئے 16 جنوری کو 12 بجے دن ایکشن کمیٹی کا اجلاس عوامی تحریک کے مرکزی سیکرٹریٹ میں ہو گا۔
پاکستان عوامی تحریک اسلام آباد کے زیراہتمام قصور میں درندگی کا نشانہ بنانے کے بعد قتل کی جانے والی معصوم زینب کے قاتلوں کی گرفتاری، پولیس گردی اور مظاہرین کے قتل کے خلاف احتجاجی مظاہرہ کیا گیا، مظاہرے میں عوامی تحریک، تحریک منہاج القرآن، منہاج القرآن ویمن لیگ، مصطفوی سٹوڈنٹس موومنٹ، عوامی تحریک یوتھ ونگ کے کارکنان اور سول سوسائٹی کے لوگوں نے بڑی تعداد میں شرکت کی۔
پاکستان عوامی تحریک کے سربراہ ڈاکٹر محمد طاہرالقادری نے 7 سالہ بیٹی زینب جسے درندہ صفت عناصر نے اغواء کے بعد قتل کر دیا تھا کی قصور میں نماز جنازہ ادا کرنے کے بعد میڈیا سے گفتگو کرتے ہوئے کہا کہ شہدائے ماڈل ٹاؤن کے ساتھ شہدائے قصور کا بھی انتقام لیں گے، عوام کے جان و مال اور پھول جیسے بچوں بچیوں کے تحفظ میں ناکام حکمرانوں کا اقتدار میں رہنے کا کوئی جواز نہیں ہے، حکمران فی الفور عہدے چھوڑ دیں، ڈسٹرکٹ پولیس نے انصاف کیلئے آواز اٹھانے والے نہتے طلباء پر ڈائریکٹ فائرنگ کر کے سانحہ ماڈل ٹاؤن کی تاریخ دہرائی، جب تک یہ درندہ صفت، سفاک، قاتل حکمران مسلط رہیں گے، پھول جیسے بچے اور بچیاں قتل ہوتی رہیں گی۔
تحریک منہاج القرآن، منہاج القرآن یوتھ لیگ اور مصطفوی سٹوڈنٹس موومنٹ کا مشترکہ اجلاس 07 جنوری 2018 کو جامع مسجد علی المرتضیٰ کوٹ مومن میں ہوا۔ اجلاس کی صدارت تحریک منہاج القرآن ضلع سرگودھا کے ناظم اقبال کاشف نے کی۔ اجلاس میں تحریک منہاج القرآن کوٹ مومن کے سرپرستِ اعلیٰ حکیم ظفر اقبال سمیت تحریک منہاج القرآن، منہاج القرآن یوتھ لیگ اور مصطفوی سٹوڈنٹس موومنٹ کے کارکنان شریک تھے۔
پاکستان عوامی تحریک کے سربراہ ڈاکٹر محمد طاہرالقادری نے اے پی سی سٹیرنگ کمیٹی کے اجلاس کے بعد پرہجوم پریس کانفرنس کے دوران حکومت کے خلاف 17 جنوری سے احتجاج کے آغاز کا اعلان کرتے ہوئے کہا کہ اب استعفے مانگیں گے نہیں استعفے لیں گے، بات استعفوں سے آگے چلی گئی، جہاں کہیں بھی ن لیگ ہے اس کا خاتمہ ہو گا، سانحہ ماڈل ٹاؤن کے منصوبہ ساز نواز شریف، شہباز شریف، رانا ثناء اللہ اور حواری ہیں، 17 جنوری سے شروع ہونے والے احتجاج کا نیوکلیس سانحہ ماڈل ٹاؤن کا انصاف ہے، 17 جنوری کے احتجاج میں عمران خان، آصف علی زرداری، چودھری شجاعت حسین، مصطفی کمال، راجہ ناصر عباس، سمیت دیگر جماعتوں کے صدور کو شرکت کی دعوت دے دی ہے۔
مؤرخہ 25 دسمبر 2017 کو کرسمس کے موقع پر منہاج ویلفیئر فاؤنڈیشن ساؤتھ افریقہ کی طرف سے نیلسن منڈیلا کے آبائی گھر ماویزو (MVEZO) ایسٹرن کیپ ساؤتھ افریقہ میں عظیم الشان پارٹی کا بندوبست کیا گیا، جس کے تمام انتظامات منہاج ویلفیئر فاؤنڈیشن ایسٹرن کیپ نے کیے اور اس پروگرام کے انعقاد کیلئے منہاج القرآن انٹرنیشنل ساؤتھ افریقہ کے تمام زونز نے بھر پور تعاون کیا۔
منہاج القرآن انٹرنیشنل کویت کے ناظم مالیات محمد قیصر عمر نے06 جنوری 2018 کو مرکزی سیکرٹریٹ منہاج القرآن انٹرنیشنل لاہور کا دورہ کیا۔ دورے کے دوران انہوں نے مختلف شعبہ جات کے سربراہان سے ملاقاتیں، گوشہ درود میں حاضری دی اور نظامت امور خارجہ کے سیکرٹری محمد وسیم افضل قادری کے والد کی وفات پر ان سے تعزیت کی۔
مؤرخہ 6 جنوری 2018 کو مصطفوی سٹوڈنٹس موومنٹ فیصل آباد کے زیراہتمام آل سٹوڈنٹس آرگنائزیشن کانفرنس کا انعقاد کیا گیا جس میں متفقہ قرارداد منظور کی گئی۔ آل سٹوڈنٹس آرگنائزیشن فیصل آباد سانحہ ماڈل ٹاؤن اور ختم نبوت کے قانون میں تبدیلی کی مذموم حرکت کی شدید الفاظ میں مذمت کرتی ہے۔ سانحہ ماڈل ٹاؤن ریاستی دہشت گردی کا بدترین واقعہ ہے جس میں ن لیگ کی قیادت نوازشریف، شہباز شریف اور رانا ثناء اللہ سمیت بیوروکریٹس، پولیس افسران اور حکومت پنجاب کے اہلکاران ملوث ہیں۔
منہاج القرآن انٹرنیشنل ساوتھ کوریا کے صوبہ سیئول کے صدر محمد اصغر بانگی نے6 جنوری 2018کو مرکزی سیکرٹریٹ منہاج القرآن انٹرنیشنل کا وزٹ کیا۔جہاں انہوں نے مختلف شعبہ جات کو دیکھا۔ گوشہ درود میں حاضری اور نظامت امور خارجہ کے سیکرٹری محمد وسیم افضل قادری کے والد محترم کی وفات پر ان سے اظہار تعزیت بھی کی۔
منہاج یونیورسٹی لاہور کے زیراہتمام منعقدہ دو روزہ ’’ورلڈ اسلامک اکنامکس اینڈ فنانس کانفرنس‘‘ کے دوسرے اور آخری روز خطاب کرتے ہوئے ایم یو ایل کے ڈپٹی چیئرمین بورڈ آف گورنرز ڈاکٹر حسین محی الدین قادری نے اپنے اختتامی کلمات ادا کرتے ہوئے کہا کہ اسلامک بینکنگ کے فروغ کیلئے متفقہ شرعی قوانین بنانے کیلئے مسلم سکالرز سر جوڑ کر بیٹھیں، کانفرنس کے اختتام پر 6 نکات پر مشتمل قرارداد کی منظوری دی گئی اور اس بات سے اتفاق کیا گیا کہ شیخ الاسلام ڈاکٹر محمد طاہرالقادری کی سربراہی میں ایک ورکنگ گروپ بنایا جائے گا جو متفقہ شرعی قوانین کیلئے سفارشات مرتب کرے گا۔
4M
فیس بک
2M
ٹوٹر
© 1994 - 2025 Minhaj-ul-Quran International.
