سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
مؤرخہ 29 ستمبر 2017 بروز جمعۃ المبارک کو ساؤتھ افریقہ کے شہر ڈربن میں سیاسی و مذہبی تنظیموں نے ہزاروں روہنگیا مسلمانوں کی قاتل برما حکومت کے خلاف احتجاجی مارچ کیا۔ اس احتجاجی مارچ میں منہاج القرآن انٹرنیشنل ساؤتھ افریقہ کے اعلیٰ عہدیدارا ن اور کارکنان نے بھرپور شرکت کی۔ یہ احتجاجی مارچ گرے سٹریٹ مسجد سے شروع ہو کر ڈربن سٹی ہال پر اختتام پذیر ہوا۔
مرکزی نظامت تربیت کے زیراہتمام منہاج القرآن کراچی کے مرکزی زونل سکیرٹریٹ گلش اقبال میں عرفان القرآن کورس برائے معلمین و معلمات کا آغاز کر دیا گیا۔ اس حوالے سے کورس کی افتتاحی تقریب 17 ستمبر2017ء کو کراچی میں ہوئی، جس میں علامہ حافظ سعید رضا بغدادی، علامہ محمود احمد مسعود اور ان کے ساتھ مجاہد حق نواز معزز مہمانوں میں شامل تھے، جو کورس کے انعقاد کے لیے مرکز سے کراچی گئے۔
لیہ میں تحریک منہاج القران، منہاج القرآن یوتھ لیگ اور ایم ایس ایم لیہ کے زیراہتمام سالانہ محفل ذکر امام حسین کانفرنس ادارہ افکار اسلامیہ میں 28 ستمبر 2017ء کو منعقد ہوئی۔ کانفرنس میں علامہ پروفیسر بشیر احمد قادری نے خطاب کیا۔ پروگام کا آغاز تلات قرآن پاک اور حمد و ثنا سے ہوا۔ پروگرام میں لوگوں کی کثیر تعداد نے شرکت کی۔ علامہ بشیر احمد قادری نے مناقب حسین اور شہدائے کربلا کا ذکر کیا۔
منہاج القرآن کے امیر تحریک مسکین فیض الرحمن درانی کے چہلم پر تعزیتی ریفرنس 28 ستمبر 2017 کو مرکزی سیکرٹریٹ میں منعقد ہوا۔ شیخ الاسلام ڈاکٹر محمد طاہرالقادری اور چیئرمین سپریم کونسل ڈاکٹر حسن محی الدین قادری نے چہلم میں شرکت کی۔ مسکین فیض الرحمن درانی کے بیٹوں، رشتہ داروں اور خاص طور پر پشاور سے ان کے بھائیوں اور قریبی اعزاء و اقارب بھی چہلم کے پروگرام میں شریک ہوئے۔
بلوچستان اور خیبر پختونخواہ سے آئے ہوئے عوامی تحریک اور منہاج القرآن کے سینئر رہنماؤں کا اجلاس اور ڈاکٹر طاہرالقادری سے ملاقات 27 ستمبر 2017ء کو مرکزی سیکرٹریٹ میں ہوئی۔ اجلاس میں سید حبیب اللہ شاہ، شیخ عبد اللہ گنڈا پور، ضیاء الرحمن خان، تنویر احمد، اویس احمد ایڈووکیٹ، پرویز حسین، حاجی شوکت حیات، عزیز اللہ محسود، ولی اکبر خان، بادشاہ حسین، سید محمد اسماعیل شامل تھے۔ اس موقع پر خطاب کرتے ہوئے ڈاکٹر طاہرالقادری نے کہا کہ بلوچستان ترقی اور خیبر پختونخواہ امن کا گیٹ وے ہے۔ ہمیں وہ ترقی نہیں چاہیے جس کے ثمرات سے غریب عوام محروم ہوں۔
چیئرمین سپریم کونسل ڈاکٹر حسن محی الدین قادری کی ہدایت پر مرکزی ناظم منہاج القرآن علماء کونسل میر آصف اکبر قادری نے 10 سے 22 ستمبر 2017ء تک متحدہ عرب امارات کا دورہ کیا۔ اس دوران انہوں نے ملکی، علاقائی تنظیمات کی طرف سے فکری اور تربیتی نشستوں اور پروگراموں میں شرکت کی۔ میر آصف اکبر قادری نے پروگراموں، کانفرنسز اور تقاریب میں منہاج القرآن انٹرنیشنل کا پیغام، شیخ الاسلام ڈاکٹر طاہرالقادری کی عالمی قیام امن کے لیے خدمات اور افکار کو لوگوں تک پہنچایا۔
تحریک منہاج القرآنحیدرآباد سندھ کے امیر یونس القادری, ناظم جان محمد بروھی اور پاکستان عوامی تحریک یوتھ ونگ کے صدر مبشر شاہ نے اپنے مشترکہ بیان میں کہا ہے کہ باقر نجفی کمیشن رپورٹ کو پبلک کرنے کے احکامات انصاف اور قانون کی فتح ہے۔ دونوں رہنماوں نے کہا کہ ماڈل ٹاون کے 14 بے گناہ شہدا کا خون ایک دن رنگ لائے گا اور قاتل وزیر اعلی شہباز شریف اور انکے حواری جلد از جلد قانون کے کٹہرے میں ہوں گے۔
منہاج القرآن یوتھ لیگ ضلع جہلم کی تحصیل دینہ میں یوتھ لیڈر شپ ٹریننگ کیمپ 24 ستمبر 2017ء کو منعقد ہوا۔ کیمپ میں یوتھ لیگ کے مرکزی ڈپٹی سیکرٹری جنرل و نگران شمالی پنجاب محمد انعام مصطفوی نے قیادت کے اوصاف پر لیکچر دیا۔
تحریک منہاج القرآن اور پاکستان عوامی تحریک پشاور کا مشترکہ اجلاس 24 ستمبر 2017ء کو ہوا، جس میں گذشتہ سہ ماہی کے اہداف کا جائزہ لیا گیا اور آئندہ سہ ماہی کے اہداف مقرر کئے گئے۔ اجلاس میں فیصلہ کیا گیا کہ صوبائی صدر اور جنرل سیکرٹری کے انتخابات کیلئے حسب دستور 5 اکتوبر کو پشاور میں ہوگا۔ اس اجلاس میں این اے فور کے ضمنی انتخاب میں امیدوار کی سپورٹ بارے پارٹی پالیسی کا فیصلہ ہوگا۔
تحریک منہاج القرآن کراچی نظامت تربیت کے زیراہتمام عرفان القرآن کورس تسلسل سے جاری ہے جس میں بڑی تعداد میں اسکالرز، ڈاکٹرز، انجینئرز، اساتذہ، علماء سمیت طلباء و طالبات حصہ لے رہے ہیں۔ کورس کی ساتویں کلاس 22 ستمبر 2017ء کو ہوئی، جس میں مرکزی نظامت تربیت کے ڈائریکٹر علامہ سعید رضا البغدادی الازہری نے شرکاء کو لیکچر دیا۔ انہوں نے کہا قرآن صحیفہ انقلاب ہے جسکی تعلیمات انسانیت کیلئے دنیا و آخرت کی کامیابی کا ذریعہ ہیں۔
منہاج ویلفیئر فاؤنڈیشن حیدرآباد کی جانب سے روہنگیا مسلمانوں کے لئے امدادی کیمپ کے ذریعے اکٹھی ہونے والی رقم برما بھجوا دی گئی۔ منہاج ویلیفئر فاونڈیشن حیدرآباد نے شہر میں تین روزہ امدادی کیمپ لگایا تھا، جس کا پہلا مرحلہ انتہائی کامیابی سے اختتام پزیر ہوا۔ برما کے مظلوم مسلمانوں کی امداد جیسے عظیم کارِ خیر کا اہتمام علامہ جان محمد بروہی اور یونس قادری کے زیرِ نگرانی کیا گیا۔
تحریک منہاج القرآن لودھراں کا ماہانہ درس عرفان القرآن 22 ستمبر 2017ء کو منعقد ہوا، جس میں علامہ محمد احسان رضوی نے خطاب کیا۔ انہوں نے کہا کہ واقعہ کربلا حق و باطل کی جنگ تھی جو آج بھی جاری ہے۔ یزید ایک شخص کا نام نہیں بلکہ کردار کا نام ہے ہر دور میں اسلام کی عزت و ناموس کو پامال کرنے کے لیے یزیدی کردار پیدا ہوتا ہے، اس کے مقابلہ کے لیے اللہ تعالیٰ حسینی کردار کو پیدا فرما کر یزیدیت کا خاتمہ کرتا ہے۔
لاہور ہائی کورٹ نے سانحہ ماڈل ٹاون میں جسٹس باقر نجفی کمیشن کی انکوائری رپورٹ شائع کرنے کا حکم دے دیا ہے۔ جمعرات کو فیصلہ سناتے ہوئے لاہور ہائی کورٹ نے حکم دیا کہ پنجاب حکومت سانحہ ماڈل ٹاون کی انکوائری رپورٹ شائع کرے۔ سانحہ کی انکوائری رپورٹ پبلک کرانے کے لیے سانحہ ماڈل ٹاون کے شہداء کے لواحقین نے لاہور ہائی کورٹ میں جسٹس مظاہر نقوی کی عدالت میں درخواست دائر کی تھی۔ دو روز قبل عدالت نے اس کیس کا فیصلہ محفوظ کر لیا تھا، جسے جمعرات کو سنا دیا گیا۔
لاہور ہائی کورٹ کے جسٹس باقر نجفی کمیشن رپورٹ کو شائع کرنے کے حکم کے بعد قائد عوامی تحریک ڈاکٹر طاہرالقادری نے 21 ستمبر 2017ء کو مرکزی سیکرٹریٹ ماڈل ٹاون میں ہنگامی پریس کانفرنس کی۔ اس موقع پر انہوں نے مطالبہ کیا کہ جسٹس باقر نجفی کمیشن کی رپورٹ فوری طور پر پبلک کرتے ہوئے شہداء کے ورثاء کے حوالے کی جائے۔ اگر وہ رپورٹ شائع نہیں کرتے تو یہ توہین عدالت ہوگی۔ شہباز شریف سمیت سانحہ ماڈل ٹاون کے تمام ملزموں کو بیرون ملک جانے سے روکنے کے لیے فوری طور پر ان کے نام ای سی ایل میں ڈالے جائیں۔
برما میں روہنگیا مسلمانوں کی امداد کے حوالے سے منہاج القرآن ویلفئیر فاونڈیشن حیدرآباد نے 3 روزہ امدادی کیمپ کا اہتمام کیا ہے۔ کیمپ حیدرآباد میں تلک چاڑی کے مقام پر منعقد ہے۔ کیمپ میں لوگوں کی بڑی تعداد دل چسپی کا اظہار کرتے ہوئے روہنگیا مسلمانوں کے لیے اپنے عطیات جمع کرا رہی ہے۔ کیمپ میں یونس القادری، جان محمد بروہی، دلنواز بلوچ، ذوہیب حسین، ادریس میمن، آصف قریشی، نایاب انصاری اور ثناء اللہ بروہی نے اپنے عطیات جمع کروا کر کیمپ کی ڈونیشن مہم کا آغاز کیا۔
4M
فیس بک
2M
ٹوٹر
© 1994 - 2025 Minhaj-ul-Quran International.
