سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآن انٹرنیشنل یونان کے زیراہتمام شیخ الاسلام ڈاکٹر محمد طاہرالقادری کے ترجمہ قرآن ’’عرفان القرآن‘‘ اور دہشت گردی کے خلاف مبسوط تاریخی فتویٰ ’’دہشت گردی اور فتنہ خوارج‘‘ کے یونانی زبان میں ترجمہ کی تقریبِ رُونمائی مؤرخہ 2 مئی 2017 کو ایتھنز، یونان کے علاقہ نیکیا کے معروف دیموس ہال میں منعقد ہوئی، جس میں چیئرمین سپریم کونسل تحریک منہاج القرآن ڈاکٹر حسن محی الدین قادری نے خصوصی شرکت کی اور خطاب کیا۔
منہاج القرآن انٹرنیشنل کے زیراہتمام 22 اپریل 2017 کو منہاج القرآن النور اسلامک سینٹر کنیٹیکٹ امریکہ میں معراج النبی صلی اللہ علیہ والہ وسلم کانفرنس کا انعقاد کیاگیا، پروگرام کا وقت 8 بجے سے لے کر 10 بجے تک کا تھا۔ محفل کا آغاز حافظ نعمان سرور نے تلاوت قرآن پاک سے کیا اور آقا صلی اللہ علیہ والہ وسلم کی بارگاہ اقدس میں عقیدت کے پھول درود و سلام کی صورت میں نچھاور کیے گئے۔
آزاد جموں کشمیر کے سابق وزیراعظم بیرسٹر سلطان محمود چوہدری نے یکم مئی 2017 کو منہاج القرآن انٹرنیشنل سنٹر برلن کا دورہ کیا، جہاں منہاج القرآن انٹرنیشنل برلن کے صدر میاں عمران الحق نے ان کا استقبال کیا اور ان سے ملاقات کی۔
منہاج القرآن انٹرنیشنل ساؤتھ افریقہ کے زیراہتمام ڈربن کے سنٹرل سٹی ہال میں 30 اپریل 2017ء بروز اتوار 2 بجے دوپہر عظیم الشان Multi Faith Peace Conference منعقد ہوئی۔ کانفرنس میں منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری مہمان خصوصی تھے۔ صوبہ نٹال کے پوپ مسٹر روبن فلپ نے بھی خصوصی شرکت کی۔ مسلمان، عیسائی، یہودی، ہندو، افریقین، براہما، راج کماری سمیت تمام مذاہب سے تعلق رکھنے والے نامور سکالرز اور نمائندگان بھی اس پروگرام میں مہمان تھے۔
منہاج القرآن انٹرنیشنل ساؤتھ افریقہ کا ورکرز کنونشن 30 اپریل 2017 کو پاکستان ایسوسی ایشن ہال میں منعقد ہوا، جس کی صدارت ڈاکٹر حسن محی الدین قادری نے کی۔ ورکرز کنونشن میں ملکی و صوبائی تنظیمات کے عہدیداروں نے شرکت کی۔ اس موقع پر آپ نے ساؤتھ افریقہ میں صوبائی تنظیمات کو 5 زون میں تقسیم کیا اور زونل صدور کو نئی ذمہ داریاں سونپی گئیں۔
تحریک منہاج القرآن اور پاکستان عوامی تحریک راولپنڈی کے وفد نے 29 اپریل 2017ء کو نیشنل پریس کلب لائبریری اسلام آباد کے صدر شکیل انجم سے ملاقات کی اور این پی سی کے لیے شیخ الاسلام ڈاکٹر محمد طاہرالقادری کی 250 تصانیف کا سیٹ ان کے حوالے کیا۔
منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے 29 اپریل 2017 کو ڈربن کے علاقہ North beach میں علماء مشائخ، دانشوروں اور مختلف جماعتوں کے نمائندگان سے ملاقات کی۔ حضرت علامہ قاری فیض الرحمان سابقہ ممبر جمعیت علما پاکستان نورانی، جمعیت علما گرے سٹریٹ مسجد کے چئیرمین ایڈوکیٹ عبدالولی محمد، علامہ رفیق شاہ ممبر آف پارلیمنٹ ساوتھ افریقہ، علامہ طاہر نقشبندی، علامہ صادق قریشی، قاری شوکت علی مصطفوی، جوہانسبرگ، پریٹوریا، مینڈینی میکس اور پورٹ ڈربن کے دور دراز علاقوں سے کثیر تعداد میں معززین بھی مہمانوں میں شامل تھے۔
منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے منہاج القرآن انٹرنیشنل ڈربن کے ہیڈ آفس اور لائبریری کا دورہ کیا۔ اس موقع پر ڈربن اور منہاج القرآن انٹرنیشنل نٹال کے قائدین کی آپ سے میٹنگ بھی ہوئی۔ میٹنگ میں ورکنگ پلان کا جائزہ لیتے ہوئے آپ نے تنظیم نو کی منظوری دی۔
چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے دورہ جنوبی افریقہ کے دوران 28 اپریل 2017ء کو ڈربن میں جمعۃ المبارک کے اجتماع سے خطاب کیا۔ ڈربن کے مشہور علاقے Phoenix کی جامع مسجد رضا میں نماز جمعہ کا اجمتاع منعقد ہوا، جہاں ڈیڑھ ہزار سے زائد احباب موجود تھے۔
پاکستان عوامی تحریک ڈنمارک کے ترجمان نے کہا کہ کالعدم تحریک طالبان پاکستان کے گرفتار ہونے والے ترجمان، احسان اللہ احسان کے انکشافات ہولناک ہیں۔ قومی سلامتی کے ادارے نہ صرف ان سیاسی جماعتوں کے خلاف تحقیقات کرے جن کے بارے میں راء سے فنڈز لینے کا انکشافات کیاگیا ہے بلکہ اس معاملے کو عالمی فورمز پہ اٹھائے کہ کیسے ہمسایہ ممالک، پاکستان میں دہشت گردی کی پشت پناہی اور فنڈنگ کر رہے ہیں۔
تحریک منہاج القرآن کے ڈائریکٹوریٹ آف پبلک ریلیشنز کے 4 رکنی اعلیٰ سطحی وفد نے سربراہ عوامی تحریک بانی و سرپرست اعلیٰ منہاج القرآن ڈاکٹر محمد طاہرالقادری کی ہدایت پر مایہ ناز بلے باز سابق صدر آئی سی سی، قومی ہیرو اور ایشیئن بریڈ مین کے لقب سے پہچانے جانے والے عظیم کھلاڑی ظہیر عباس سے 27 اپریل کو لاہور پنجاب سپورٹس بورڈ میں ان کے دفتر میں ملاقات کی، وفد کی قیادت ڈائریکٹر پبلک ریلیشنز شہزاد رسول قادری نے کی جبکہ ڈپٹی ڈائریکٹر پبلک ریلیشنز عبدالحفیظ چوھدری، ڈائریکٹر انٹرفیتھ ریلیشنزسہیل احمد رضا اور ڈپٹی ڈائریکٹر پبلک ریلیشنز شیخ آفتاب احمد وفد میں شامل تھے۔
چیئرمین سپریم کونسل منہاج القرآن انٹرنیشنل ڈاکٹرحسن محی الدین قادری جنوبی افریقہ کے تنظیمی و دعوتی دورہ پر ہیں، جوہانسبرگ، کیپ ٹاؤن اور ایسٹرن کیپ کے کامیاب دورے کے بعد وہ 27 اپریل 2017 کو ڈربن پہنچے تو ڈربن ایئرپورٹ منہاج القرآن انٹرنیشنل جنوبی افریقہ کے ایگزیکٹیو ممبران نے ان کا پُرتپاک استقبال کیا۔
چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے اپنے تنظیمی و دعوتی دورہ جنوبی افریقہ کے دوران 27 اپریل 2017 کو ڈربن میں علماء و مشائخ کے مختلف وفود سے ملاقاتیں کیں۔ انہوں نے ملاقات کرنے والوں کو منہاج القرآن انٹرنیشنل اور شیخ الاسلام ڈاکٹر محمد طاہرالقادری کے عالمگیر فکری و تجدیدی خدمات سے متعارف کروایا۔ ملاقات کرنے والے علماء و مشائخ نے منہاج القرآن انٹرنیشنل کی فروغِ امن اور انسدادِ دہشتگردی کی فکر کی ترویج و اشاعت کے لیے ہر ممکن تعاون کی یقین دہانی کروائی۔
منہاج القرآن انٹرنیشنل اٹلی کا ایک اعلی سطحی وفد نے 25 اپریل 2017 کو اٹلی کے یوم آزادی کے موقع پر فوسولی میں اٹلی کے صدر سیرجو ماتاریلا (Sergio Mattarella) سے ملاقات کی اور انہیں دہشت گردی کے خلاف بانی و سرپرستِ اعلیٰ منہاج القرآن انٹرنیشنل شیخ الاسلام ڈاکٹر محمد طاہرالقادری کے جاری کردہ مبسوط تاریخی فتویٰ کی کتاب کا تحفہ پیش کیا۔
چائینہ کرسچین کونسل کے سیکرٹری جنرل ریورنڈ بوپنگ کنچی کی قیادت میں 8 رکنی اعلی سطحی وفد نے ڈائریکٹر انٹرفیتھ ریلیشنز منہاج القرآن انٹرنیشنل سہیل احمد رضا سے لاہور میں ملاقات کی ہے۔ اس موقع پر ریورنڈ فادر جیمز چنن، بشپ رابرٹ عزرایا، رویورنڈ عمانویل، سردار کلیان سنگھ، علامہ بدر منیر، علامہ عبدالمصطفیٰ چشتی بھی موجود تھے۔ وفد نے چائینہ میں بین المذاہب ہم آہنگی، مذہبی و ثقافتی رواداری اور خطے کے جغرافیائی و سیاسی حالات پر تفصیلی تبادلہ خیال کیا۔ انہوں نے دہشتگردی کے خاتمہ کیلئے ڈاکٹر طاہرالقادری اور تحریک منہاج القرآن کے بین الاقوامی کردار کو سراہا۔
4M
فیس بک
2M
ٹوٹر
© 1994 - 2025 Minhaj-ul-Quran International.
