سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
تحریک منہاج القرآن کے صدر ڈاکٹر حسین محی الدین القادری نے مرکزی سیکرٹریٹ میں منعقدہ مجلس ختم الصلوۃ علی النبی ﷺ کی ماہانہ محفل سے خطاب کرتے ہوئے کہا کہ اسلام امن اور بھائی چارہ کے فروغ کا دین ہے۔ نبی آخر الزمان ﷺ نے معاشرتی، سیاسی، سماجی اقدار کے فروغ کیلئے رہنماء اصول متعین کئے۔ انہوں نے کہاکہ انصاف کا قیام، اتحاد، برداشت اور رواداری اسلامی معاشرے کے اہم ستون ہیں۔
منہاج القرآن ویمن لیگ سپین کے زیراہتمام یکم اپریل 2017 کو بارسلونا میں میلاد فیسٹیول کا انعقاد کیا گیا، جس میں چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری، سپین کے ممبران پارلیمنٹ اور دیگر اعلیٰ عہدیداروں، پاکستانی، انڈین، بنگلہ دیشی اور مقامی کمیونیٹیز کی خواتین اور بچوں نے بڑی تعداد میں شرکت کی۔ میلاد فیسٹیول کا آغاز صبح 10 بجے ہوا جو شام 8 بجے تک جاری رہا۔
چئیرمین سپریم کونسل منہاج القرآن انٹرنیشنل ڈاکٹر حسن محی الدین قادری نے 31 مارچ 2017 کو بادالونا میں نماز جمعہ کے اجتماع سے خطاب کیا۔ نماز جمعہ کے اجتماع میں منہاج یورپین کونسل زون 2 کے صدر چوہدری اقبال وڑائچ، پاکستان عوامی تحریک فرانس کے صدر حاجی محمد اسلم، محمد نعیم چوہدری، طاہرعباس گورائیہ، منہاج القرآن انٹرنیشنل سپین کے عہدیداران و کارکنان سمیت مسلمان کمیونٹی کے افراد موجود تھے۔
تحریک منہاج القرآن بہاولپور ڈویژن کے عہدیداران کا تنظیمی و تربیتی کنونشن 30 مارچ 2017 کو تحریک منہاج القرآن کے مرکزی نائب ناظم اعلیٰ تنظیمات سردار شاکر مزاری کی صدارت میں ہوا۔ کنونشن ضلع رحیم یار خان، ضلع بہاولپور اور ضلع بہاولنگر کے ضلعی و تحصیلی عہدیداران نے شرکت کی۔
منہاج انٹرفیتھ ریلیشنز کے ڈائریکٹر سہیل احمد رضا نے 29 مارچ 2017 کو جارج ٹاؤن یونیورسٹی واشنگٹن ڈی سی میں الولید بن طلال مسلم مسیحی مفاہمت سینٹر کے بانی و ڈائریکٹر اور معروف مسیحی سکالر پروفیسر ڈاکٹر جان ایل ایسپوسیٹو (Prof. Dr. John L. Esposito) سے ملاقات کی اور انہیں شیخ الاسلام ڈاکٹر محمد طاہرالقادری کا دہشتگردی کے خلاف جاری کردہ مبسوط تاریخی فتویٰ پیش کیا۔ ڈاکٹر جان ایسپوسیٹو نے سہیل احمد رضا کا شکریہ ادا کیا اور شیخ الاسلام ڈاکٹر محمد طاہرالقادری کی فروغِ امن و انسدادِ دہشت گردی کی کاوشوں کو سراہا۔
منہاج القرآن انٹرنیشنل آسٹریا کے زیراہتمام منہاج القرآن اسلامک سنٹر ویانا میں ہر سال کی طرح امسال بھی اردو، ہندی اور پنجابی سے جرمن زبان کے مفت کورس کا انعقاد کیا جا رہا ہے جس میں شمولیت کے لیے داخلے جاری ہیں۔ منہاج اسلامک سنٹر کے سوشل ویلفیئر پراجیکٹ کے تحت ہونے والے اس کورس کی کلاسز کا آغاز 02 اپریل 2017 کو اتوار کے روز سہ پہر 3 بجے (15Uhr) کی کلاس سے ہوگا۔
تحریک منہاج القرآن کے صدر ڈاکٹر حسین محی الدین نے مرکزی سیکرٹریٹ میں منعقدہ تقریب تقسیم اسناد عرفان القرآن کورس میں شرکت کرنیوالے معلمین و معلمات سے خطاب کرتے ہوئے کہا کہ معاشرے میں قرآنی تعلیمات کو عام کرنے کی ضرورت ہے۔ اللہ کے کلام کواس کے مکمل معنی و مفہوم کے ساتھ سمجھنے کیلئے عربی زبان کا سمجھنا انتہائی ضروری ہے، اس اہم دینی، ملی، قومی و انسانی فریضے کو انجام دینے کیلئے منہاج القرآن نے 10 روزہ کیمپ کا مستقل بنیادوں پر اہتمام کیا ہے۔
پاکستان عوامی تحریک کے سیکرٹری جنرل خرم نواز گنڈاپور کے مطابق سربراہ عوامی تحریک ڈاکٹر طاہرالقادری کو گزشتہ روز علالت کے باعث کینیڈا (ٹورنٹو) میں مقامی ہسپتال میں داخل کروا دیا گیا تھا جہاں وہ ایک دن ایمرجنسی میں زیرعلاج رہے، ان کی حالت بہتر ہونے پر انہیں گزشتہ روز شام وارڈ میں شفٹ کر دیا گیا ہے، ڈاکٹرز کے مطابق مکمل تشخیص اور مرض کے روٹ کاز تک پہنچنے کیلئے چند ہفتے درکار ہیں، مختلف ٹیسٹ کیے گئے ہیں جن کی رپورٹس کا انتظار ہے، ابتدائی طور پر انہیں Intestines obstruction کے باعث شدید تکلیف کے بعد ہسپتال لے جایا گیا جہاں کرائسس مینجمنٹ کے بعد ان کا علاج شروع کر دیا گیا ہے۔
پاکستان عوامی تحریک صوبہ سندھ کے جنرل سیکریٹری ممتاز رضا سیال کے بیٹے ڈاکٹر قیس علی کی دعوت ولیمہ پر تحریک منہاج القرآن ضلع سانگھڑ کی طرف انہیں شیخ الاسلام ڈاکٹر محمد طاہرالقادری کے ترجمۃ القرآن‘ عرفان القرآن سمیت ان کی کتب کا تحفہ پیش کیا گیا۔
منہاج القرآن ایجوکیشنل اینڈ کلچرل سنٹر نیو جرسی امریکہ کے طلبہ میں 25 مارچ 2017 کو اسلام سے متعلقہ معلومات کا کوئیز مقابلہ منعقد کیا گیا۔ مقابلہ میں چار طرح کے سوالات شامل تھے جن میں جنرل نالج، سیرت الرسول صلی اللہ علیہ وآلہ وسلم، منہاج القرآن انٹرنیشنل اور کورس سے متعلقہ سوالات تھے۔
منہاج القرآن انٹرنیشنل سویڈن نے 26 مارچ 2017 کو سٹاک ہوم کے فیتیا سکول کے کانفرنس ہال میں ’امن کانفرنس‘ کا انعقاد کیا۔ کانفرنس سے چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے خصوصی خطاب کیا۔ انہوں نے اپنے خطاب میں کہا کہ ایمان، اسلام اور احسان کی بنیاد امن و سلامتی پر ہے۔ مومن اور مسلم فقط وہ ہے جس سے کسی کو تکلیف نہ پہنچے۔ انہوں نے غیرمسلموں کے ساتھ تاجدار کائنات صلی اللہ علیہ وآلہ وسلم کے حسن اخلاق کی بہت سی مثالیں بیان کیں۔
تحریک منہاج القرآن لاہور کا ورکرز کنونشن پی پی 144 شالامار ٹاؤن میں منعقد ہوا، جس کی صدارت منہاج القرآن کے نائب ناظم اعلیٰ انجینئر رفیق نجم نے کی۔ کنونشن میں مطالبہ کیا گیا کہ سانحہ ماڈل ٹاؤن میں مکمل انصاف کیلئے جسٹس باقر نجفی کمیشن کی جوڈیشل رپورٹ کو پبلک کیا جائے۔ کنونشن میں لاہور کے امیر حافظ غلام فرید، ناظم لاہور اشتیاق حنیف مغل، ثناء اللہ خان، اسلم طاہر، طارق الطاف سمیت منہاج القرآن و عوامی تحریک لاہور کے ضلعی، تحصیلی، پی پی رہنما کنونشن میں موجود تھے۔
مورخہ 23 مارچ کی صبح پاکستان عوامی تحریک کے ضلعی سیکریٹریٹ پر یومِ پاکستان کی تقریب منعقد کی گئی جس میں پاکستان عوامی تحریک یوتھ ونگ نے قراردادِ تعمیر پاکستان پیش کی۔ تقریب میں PAT یوتھ ونگ کے تحصیلی اور ضلعی عہدیداروں کے علاوہ PAT کے ضلعی رہنما راجہ وحید کیانی بھی موجود تھے۔ چوہدری زین جٹ (جنرل سیکریٹری) یوتھ لیگ شمالی پنجاب نے قرار داد پیش کی۔
منہاج ویلفیئر فاؤنڈیشن کے زیراہتمام 23 شادیوں کی پُروقار اجتماعی تقریب 19 مارچ 2017ء کو منہاج القرآن کے مرکزی سیکرٹریٹ ماڈل ٹاؤن کے بالمقابل وسیع گراؤنڈ میں منعقد ہوئی۔ شادیوں کی اس اجتماعی تقریب میں 21 مسلم اور 2 مسیحی جوڑے رشتہ ازدواج میں منسلک ہوئے۔ مسلم جوڑوں کا نکاح منہاج القرآن علماء کونسل کے سکالرز نے پڑھایا جبکہ مسیحی جوڑوں کا نکاح انکے مذہبی رہنماء نے پڑھایا۔ ہر دولہن کو پونے دو لاکھ روپے کا گھریلو سامان کا تحفہ دیا گیا۔ 700 باراتیوں کیلئے کھانے کا اہتمام، دولہوں اور دولہنوں کا روایتی بینڈ باجے سے استقبال کیا گیا۔
تحریک منہاج القرآن لیہ کے زیراہتمام ورکرز کنونشن مورخہ 19 مارچ 2017 کو منعقد ہوا، جس میں اسلامک سنٹر ’ادارہ افکار الاسلام‘ کو چلانے کے لئے انتظامات کو حتمی شکل دی گئی، کلاسز کا آغاز یکم اپریل سے ہوگا، تمام عہدیداران و کارکنان اس کو کامیاب بنانے کیلئے بھرپور کوشش کرینگے۔
4M
فیس بک
2M
ٹوٹر
© 1994 - 2025 Minhaj-ul-Quran International.
