سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآن انٹرنیشنل جنوبی افریقہ نے 20 اپریل کو ویلکم سٹی ھال فری اسٹیٹ میں معراج النبی صلی اللہ علیہ وآلہ وسلم کی مناسبت سے عظیم الشان کانفرنس کا انعقاد کیا۔ کانفرنس سے چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے خطاب کیا۔ انہوں نے اپنے خطاب میں کہا کہ سفرِ معراج سارے کا سارا سفرِ محبت ہے۔ رات محبوبوں کی ملاقات کے لئے خاص ہوتی ہے، جب دنیا سو جاتی تو محب اور محبوب مل بیٹھ کر راز و نیاز کرتے ہیں۔ شب معراج اللہ رب العزت اپنے محبوب کی دلجوئی کے لیے تنہائی اور رات کے سناٹے میں ہم کلام ہوئے۔
منہاج القرآن ویمن لیگ لاہور کے زیراہتمام گوشہ درود برائے خواتین کی افتتاحی تقریب مؤرخہ 19 اپریل 2017 کو منعقد ہوئی جس کی صدارت مادر تحریک محترمہ رفعت جبیں قادری نے کی۔ تقریب میں محترمہ فضہ حسین قادری اور محترمہ درۃ الزہرہ نے خصوصی شرکت کی۔ مادر تحریک محترمہ رفعت جبیں قادری نے تقریب کی شرکاء سے خصوصی خطاب کیا، انہوں نے اپنے خطاب میں کارکنان کی مشن کے لیے خدمات کو سراہا اور ان کی حوصلہ افزائی کی۔ انہوں نے ورکرز کی تربیت کے حوالے سے ان کو چند ضروری نصیحتیں کیں، اس کے ساتھ گوشہ درود کے نظم و ضبط کے حوالے سے رہنمائی، ہدایات اور درود پاک کی اہمیت کو اجاگر کیا۔
منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے جوہانسبرگ میں حضرت خالد شاہ چشتی اجمیری رحمۃ اللہ علیہ کے مزار اقدس پر حاضری دی، فاتحہ خوانی کی اور ان کے مزار پر چادر چڑھائی۔
منہاج القرآن انٹرنیشنل جنوبی افریقہ کے زیراہتمام 18 اپریل 2017 کو صوبہ Mpumalanga کے شہر Bushbuckridge کے مریم کمیونٹی ہال میں عظیم الشان ’شان و ادبِ مصطفیٰ ﷺ کانفرنس‘ کا انعقاد کیا گیا۔ کانفرنس میں چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے خصوصی شرکت کی اور کانفرنس کے شرکاء سے خطاب کیا۔
منہاج القرآن انٹرنیشنل جنوبی افریقہ کے زیراہتمام 17 اپریل 2017 کو جوہانسبرگ میں عظیم الشان ’امن کانفرنس‘ کا انعقاد کیا گیا، جس سے چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے خطاب کیا۔ انہوں نے حدیث جبرئیل کی روشنی میں ادب و تعظیم رسول صلی اللہ علیہ وآلہ وسلم کی اہمیت کو اُجاگر کرتے ہوئے کہا کہ جبرئیل علیہ السلام نے صحابہ کرام رضوان اللہ علیھم اجمعین کو بارگاہ نبوت کے آداب سکھائے۔
استاذ العلماء، شارح بخاری، عینیِ زماں، شیخ الحدیث علامہ محمد معراج الاسلام قضائے اِلٰہی سے وصال فرما گئے ہیں۔إِنَّا لِلّهِ وَإِنَّـا إِلَيْهِ رَاجِعونَ۔ تحریک منہاج القرآن کے بانی و سرپرست اعلیٰ شیخ الاسلام ڈاکٹر محمد طاہرالقادری اور دیگر تمام قائدین و کارکنان اللہ رب العزت کی بارگاہ میں ان کی بلندیِ درجات کے لیے دعا گو ہیں۔
منہاج القرآن کے تعلیمی اداروں سے فارغ التحصیل، مختلف شعبہ ہائے زندگی میں انجام دینے والے 500 سے زائد پروفیشنلز اور ماہرین پر مشتمل ’’منہاجینز پارلیمنٹ‘‘ کا 26 واں اجلاس منہاج القرآن سیکرٹریٹ میں منعقد ہوا۔ اجلاس کی صدارت ابولحسن الازہری نے کی جبکہ منہاج القرآن انٹرنیشنل کے صدر ڈاکٹر حسین محی الدین قادری نے آسٹریلیا سے منہاجینز پارلیمنٹ سے ٹیلی فونک خطاب کیا۔
منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری 15 روزہ دعوتی وتنظیمی دورہ پر ساؤتھ افریقہ پہنچ گئے۔ افریقہ کے شہر جوہانسبرگ کے (O. R. Tambo International Airport) پر منہاج القرآن انٹرنیشنل افریقہ کے عہدیداران و وابستگان اور علامہ صادق قریشی نے چیئرمین سپریم کونسل کا پرتپاک استقبال کیا۔
چیئرمین سپریم کونسل منہاج القرآن انٹرنیشنل؛ ڈاکٹرحسن محی الدین قادری کی ساؤتھ افریقہ آمد پر پرٹیوریا لذیزہ ریسٹورنٹ میں شاندار استقبالیہ کا اہتمام کیا گیا۔ تقریب میں ساؤتھ افریقہ میں ہائی کمشنر آف اسلامی جمہوریہ پاکستان نجم الثاقب نے خصوصی شرکت کی اور پروگرام میں آمد پر ڈاکٹرحسن محی الدین قادری کا استقبال کیا۔
چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے اپریل 2017 میں اپنے دورہ ساؤتھ افریقہ کے دوران کیپ ٹاؤن میں مشہور روحانی شخصیت حضرت شیخ یوسف رحمۃ اللہ علیہ اور ڈربن میں حضرت صوفی بھائی جان کے مزارات پر حاضری دی۔ آپ نے مزارات پر فاتحہ خوانی کی اور چادر چڑھائی۔
منہاج القرآن علماء کونسل فیصل آباد کے زیراہتمام 13 اپریل 2017 کو سٹی آفس میں علماء کونسل کا اجلاس منعقد ہوا۔ اجلاس میں منہاج القرآن علماء کونسل کے مرکزی ناظم علامہ میر آصف اکبر، نائب امیر علامہ اختر حسین اسد، ڈاکٹر یوسف سیالوی، شبیراحمد وٹو، قاری سرفراز سیالوی اور رضا امین سمیت سکالرز، علماء اور طلبہ نے شرکت کی۔
منہاج القرآن ویمن لیگ نے خواتین میں قرآنی علوم کی تعلیم و فروغ کے لیے ’الہدایہ پروجیکٹ‘ کا آغاز کیا ہے۔ پروجیکٹ کی افتتاحی تقریب الہدایہ ریجنل آفس ڈیفنس لاہور میں 10 اپریل 2017 کو منعقد ہوئی، جس کی صدارت مسز فضہ حسین قادری نے کی۔ تقریب میں سیاسیات، اقتصادیات، میڈیکل اور تعلیم سمیت مختلف شعبہ ہائے زندگی سے تعلق رکھنے والی خواتین نے شرکت کی۔
خواجہ غریب نواز معین الدین چشتی اجمیری رحمۃ اللہ علیہ کے 805 ویں عرس مبارک کی تقریبات میں منہاج القرآن انٹرفیتھ ریلیشنز کے ڈائریکٹر سہیل احمد رضا کی قیادت میں وفد نے شرکت کی۔ سہیل احمد رضا نے اجمیر شریف میں خواجہ غریب نواز کے مزار پر شیخ الاسلام ڈاکٹر محمد طاہرالقادری کی جانب سے پھولوں کی چادر چڑھائی اور دعا کی۔ وفد میں منہاج القرآن انڈیا اجمیر شریف کے صدر سید راحت علی موتی والا، اجمیر شریف کے خادم سجادہ نشین حمیداحمد خان، صدر یوپی منہاج القرآن محمد سراج علی، حاجی محمد الیاس، حاجی محمد فتح اللہ خان شامل تھے۔
شیخ الاسلام ڈاکٹر محمد طاہرالقادری کی جانب سے استاذ العلماء، شارح بخاری، عینیِ زماں، شیخ الحدیث علامہ محمد معراج الاسلام کی جلد صحت یابی و کامل شفا کے لیے خصوصی دعاباری تعالیٰ اپنے حبیب مکرم ﷺ کے طفیل انہیں شفاء عاجلہ و صحت کاملہ عطا فرمائے اور امت ان کے علم و فیوضات سے بہرہ یاب ہوتی رہے۔ (آمین)
منہاج القرآن انٹرنیشنل جرمنی کے زیرِ اہتمام فرنکفرٹ میں قائد ڈے کی پر وقار تقریب کا انعقاد کیا گیا۔ تقریب کا آغاز پروفيسر حافظ حامد رضا نے تلاوت کلام پاک سے کیا۔ محمد اعجاز، چوہدری زاہد راجہ اور ابرار قادری سمیت ثناء خوانِ مصطفیٰ صلی اللہ علیہ وآلہ وسلم نے بارگاہِ نبوی میں گلہائے عقیدت پیش کیے۔ نقابت کے فرائض راجہ وحید سلطان اور ڈائریکٹر منہاج القرآن اسلامک سنٹر فرنکفرٹ قاری مدثر اقبال نے سرانجام دیے۔ تقریب کے شرکاء نے شیخ الاسلام ڈاکٹر محمد طاہرالقادری کی شخصیت اور امت مسلمہ کے لیے آپ کی خدمات پر انہیں خراج تحسین پیش کیا۔
4M
فیس بک
2M
ٹوٹر
© 1994 - 2025 Minhaj-ul-Quran International.
