سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
تحریک منہاج القرآن کی نظامت تربیت کے زیراہتمام کے مرکزی سیکرٹریٹ پر عرفان القرآن کورس شروع ہو رہا ہے جس کا تعارفی سیشن 16 جنوری 2017ء کو ہوا جبکہ کلاسز کا باقاعدہ آغاز 23 جنوری کو ہوگا۔ افتتاحی تقریب کی صدارت مرکزی نائب ناظم اعلیٰ سید فرحت حسین شاہ نے کی، راجہ زاہد محمود، علامہ عثمان سیالوی، علامہ محمود شاہ اور مظہرمحمود علوی بھی اسٹیج پر موجود تھے۔
منہاج القرآن انٹرنیشنل کی سپریم کونسل کے صدر ڈاکٹر حسن محی الدین قادری اپنے دورہ یورپ میں 11 جنوری2017 کو اٹلی پہنچے۔ منہاج القرآن انٹرنیشنل کارپی مرکز آمد پر ڈاکٹر حسین محی الدین قادری کا شاندار استقبال کیا گیا۔ کارپی کے مقامی ہال میں ورکرز کنونشن منعقد ہوا، جس میں ڈاکٹر حسین محی الدین قادری مہمان خصوصی تھے۔ پروگرام کا آغاز تلاوت اور نعت سے ہوا، جس کے بعد ڈاکٹر حسین محی الدین قادری کو اٹلی تنظیمات کے کارگردگی سے آگاہ کیا گیا۔ اس موقع پر انہوں نے کارکنان سے خطاب بھی کیا۔
منہاج القرآن انٹرفیتھ اینڈ ویلفیئر فاونڈیشن انڈیا کولکتہ مغربی بنگال کے زیرانتظام کماراٹھی میں فری ہیلتھ میڈیکل کیمپ 15 جنوری 2017ء کو لگایا گیا۔ پی کے پی شرما ہندی سکول چنگری تلب میں لگائے گئے کیمپ میں مریضوں کا فری چیک اپ کرنے کے بعد انہیں ادوایات بھی مفت دی گئیں۔ کیمپ میں 8 ماہر ڈاکٹروں کی ٹیم نے 800 سے زائد مریضوں کا دن بھر چیک اپ کرنے کے بعد انہیں ادوایات بھی دیں۔
پاکستان عوامی تحریک اور تحریک منہاج القرآن بورے والا کا مشترکہ اجلاس 15 جنوری 2017 کو منعقد ہوا۔ اجلاس میں پاکستان عوامی تحریک جنوبی پنجاب کے صدر فیاض احمد وڑائچ، مصطفوی سٹوڈنٹس موومنٹ کے مرکزی صدر عرفان یوسف اور منہاج ایشیئن کونسل و منہاج القرآن انٹرنیشنل جاپان کے صدر علی عمران سمیت پاکستان عوامی تحریک اور تحریک منہاج القرآن بورے والا کے عہدیداران اور کارکنان شرکت کی۔
منہاج القرآن انٹرنیشنل انڈیا کے زیرانتظام منہاج پبلی کیشنز انڈیا نے دہلی میں منعقدہ سالانہ ورلڈ بک فیئر 2017ء میں شرکت کی اور شیخ الاسلام ڈاکٹر محمد طاہرالقادری کی سینکڑوں کتب کو نمائش کے لیے پیش کیا۔ ایشیا کا سب سے بڑا کتب میلہ 7 سے 15 جنوری تک جاری رہا، جہاں مختلف مذاہب کی موثر شخصیات کے علاوہ عام وزٹرز کی بڑی تعداد نے شیخ الاسلام ڈاکٹر محمد طاہرالقادری کی کتب کے اسٹال کا وزٹ کیا اور یہاں سے خریداری بھی کی۔
منہاج القرآن انٹرنیشنل آئرلینڈ المرگ کے زیراہتمام مدثر آغاز کی رہائش گاہ پر محفل میلاد 14 جنوری 2017ء کو ہوئی، جس میں علامہ محمد عدیل نے مہمان خصوصی تھے۔ محفل میں منہاج القرآن انٹرنیشنل آئرلینڈ کے فنانس سیکرٹری حافظ محمد سعید، میاں عبدالوحید، میاں عبدالقدیر، عبدالغنی، ناصر عباس، محمد یونس، کاشف اور مقامی مسلم کمیونٹی نے بھرپور شرکت کی۔
تحریک منہاج القرآن الہ آباد کے زیراہتمام 14 جنوری 2017ء کو جامع مسجد ابوبکر سوڈھی والا میں محفل میلاد ہوئی، جس میں کوہ نور ٹی وی کے اینکر اور عالم دین علامہ وقاص خالد قادری مہمان خصوصی تھے جبکہ علامہ قاری محمد طارق علی قادری نے صدارت کی۔ یہ پروگرام منہاج القرآن پی پی 180 کے صدر ڈاکٹر ناصر علی کی زیرنگرانی منعقد ہوا۔
منہاج القرآن انٹرنیشنل اٹلی کے زیرِاہتمام 12 جنوری 2017 کو بڑی گیارہویں شریف کے موقع پر ’’ سالانہ غوث الوریٰ کانفرنس‘‘ کارپی میں منعقد ہوئی، جس میں منہاج القرآن انٹرنیشنل کے رفقاء، عہدیداران اور کارکنان کی کثیر تعداد نے شرکت کی۔ کانفرنس کا آغاز تلاوتِ کلامِ پاک سے ہو۔ عرفان حیات رانجھا اور حاجی اعجاز احمد نے آقائے دوجہاں صلی اللہ علیہ وآلہ وسلم کی بارگاہ میں عقیدت کے پھول نچھاور کیے۔
تحریک منہاج القرآن خیبر پختونخوا کے صوبائی ناظم دعوت علامہ حافظ محمد عبد الجلیل نے آستانہ عالیہ گھمکول شریف کے سجادہ نشین صاحبزادہ پیر حبیب اللہ شاہ سے ان کی رہائش گاہ پر ملاقات کی۔ اس موقع پر حافظ عبدالجلیل نے انہیں شییخ الاسلام ڈاکٹر محمد طاہر القادری کی کتب تحفہ دیں۔ سجادہ نشین گھمگول شریف نے شیخ الاسلام کی تصانیف کو گراں قدر قرار دیتے ہوئے اسے امت مسلمہ کے لیے علمی سرمایہ قرار دیا۔
منہاج القرآن انٹرنیشنل کویت کے وفد نے دسمبر 2016 کے آخری عشرہ میں شیخ الاسلام ڈاکٹر محمد طاہرالقادری، صدر سپریم کونسل ڈاکٹر حسن محی الدین قادری اور صدر منہاج القرآن انٹرنیشنل ڈاکٹر حسین محی الدین قادری کی معیت میں عمرہ کی سعادت حاصل کی۔ اس وفد میں منیر احمد گجر (بمعہ فیملی)، کاشف علی (بمعہ فیملی)، سید لقمان شاہ صوفی نذیر ، صوفی کبیر، انور شاہد، چوہدری طفیل رسول، حافظ ملک جمال، حافظ نواز دیوڑا اور چوہدری قاسم منیر قادری شامل تھے۔
منہاج القرآن انٹرنیشنل برطانیہ کے زیرانتظام منہاج کالج مانچسٹر کی افتتاحی تقریب 10 جنوری 2017ء کو منعقد ہوئی، جس کی صدارت منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے کی۔ منہاج القرآن انٹرنیشنل برطانیہ کے قائدین و کارکنان اور مانچسٹر میں مقیم پاکستانیوں نے بھی پروگرام میں شرکت کی۔
منہاج القرآن انٹرنیشنل کے چئیرمین ڈاکٹر حسین محی الدین قادری اپنے دورہ یورپ کے دوران 9 جنوری 2017ء کو اٹلی میں قدیم ترین چرچ ویٹی کن سٹی پہنچے۔ پاپائے روم کی کیتھولک بین المذاہب کونسل کے نائب صدر فادر مارکس سولو کی خصوصی دعوت پر آپ نے وفد کے ہمراہ ویٹی کن سٹی کا تفصیلی وزٹ کیا، منہاج القرآن انٹرفیتھ ریلیشز کے ڈائریکٹر سہیل احمد رضا اور منہاج القرآن انٹرنیشنل اٹلی کے مرکزی قائدین بھی آپ کے ساتھ تھے۔
تحریک منہاج القرآن کے مرکزی نائب ناظم اعلیٰ جنوبی پنجاب سردار شاکر خان مزاری نے لودھراں میں ٹرین حادثہ میں جاں بحق طلباء کے والدین سے اظہار تعزیت کیا ہے۔ سردار شاکر مزاری اور PAT کے مقامی قائدین 8 جنوری 2017ء کو لودھراں میں جاں بحق ہونے والے طلباء کے گھر گئے اور ان کے لواحقین سے تعزیت کی۔
منہاج القرآن انٹرنیشنل برطانیہ کے زیراہتمام منہاج کالج مانچسٹر کی میلاد کانفرنس 8 جنوری 2017ء کو مانچسٹر کی مرکزی مسجد میں منعقد ہوئی، مہمان خصوصی منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے کانفرنس کی صدارت کی۔ شیخ عدنان سہیل، منہاج القرآن انٹرنیشنل لندن کے ڈائریکٹر علامہ ذیشان قادری اور منہاج القرآن انٹرنیشنل یوکے کی سنٹرل ایگزیکٹیو کے صدر سید علی عباس بخاری اس پروگرام کے میزبان تھے۔
تحریک منہاج القرآن کے مرکزی نائب ناظم اعلی سردار شاکر خان مزاری نے 7 جنوری 2017ء کو شجاع آباد کا تنظیمی دورہ کیا۔ اس دورہ میں انہوں نے منہاج القرآن کے تنظیمی نیٹ ورک میں شجاع آباد کو ضلع کا درجہ دیا، اس سے پہلے شجاع آباد ضلع ملتان کے تنظیمی نیٹ ورک میں شامل تھا۔
4M
فیس بک
2M
ٹوٹر
© 1994 - 2025 Minhaj-ul-Quran International.
