سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
ڈاکٹر حسن محی الدین قادری نے بیت الزہراہ کی افتتاحی تقریب سے خطاب کرتے ہوئے کہا کہ ڈاکٹر طاہرالقادری انسانیت کی فلاح و بہبود اور یتیموں و بے سہاروں کی مدد ایسے انداز میں کر رہے ہیں کہ ان کی عزت نفس مجروح نہ ہو۔ منہاج ویلفیئر فاؤنڈیشن کے تحت یتیم و بے سہارا بچوں کے ادارہ" آغوش" کے بعد غریب بچیوں کی تعلیم و تربیت اور رہائش کیلئے منفرد اور جدید منصوبے کا ادارہ "بیت الزہراہ" کا قیام ڈاکٹر طاہرالقادری کے ویلفیئر سٹیٹ کے ویژن کی عملی تصویر ہے۔
پاکستان عوامی تحریک ملتان نے محلہ جاوید نگر، محلہ سمیجہ آباد نمبر 1 میں فری میڈیکل کیمپ کا انعقاد کیا، جس میں بڑی تعداد میں معدہ، جگر، ہیپاٹائیٹس اور شوگر کے مریضوں کا مفت معائنہ کیا گیا۔ کیمپ کے آغاز سے اختتام تک مریضوں کا تانتا بندھا رہا۔ مریضوں میں مفت معائنہ اور مفید مشوروں کے علاوہ ادویات بھی تقسیم کی گئیں۔ کیمپ میں پاکستان کے مایہ ناز سپیشلسٹ ڈاکٹر زبیر اے خان (آرگنائزر پاکستان عوامی تحریک ملتان ڈویژن) نے خصوصی شرکت کی۔ جبکہ پاکستان عوامی تحریک اور مصطفوی سٹوڈنٹس موومنٹ کے کارکنان نے رضاکارانہ خدمات سرانجام دیں۔
ریاست پاکستان کے تحفظ اور افواج پاکستان کے ساتھ اظہار یکجہتی کیلئے پاکستان عوامی تحریک نے ملک بھر میں ضلعی سطح پر تمام شہروں میں مظاہرے کئے۔ ملک کے دیگر شہروں کی طرح ٹوبہ ٹیک سنگھ میں بھی بھرپور مظاہرہ کیا گیا، جس میں پاکستان عوامی تحریک، تحریک منہاج القرآن، منہاج القرآن یوتھ لیگ، مصطفوی سٹوڈنٹس موومنٹ اور منہاج القرآن ویمن لیگ کے عہدیداران و کارکنان سمیت مرد و خواتین کی کثیر تعداد نے شرکت کی۔
خرم نواز گنڈاپور نے مظاہرے کے ہزاروں شرکاء سے خطاب کرتے ہوئے کہا کہ افواج پاکستان کی عزت و وقار کے ساتھ پاکستان کا استحکام و تمکنت اور عوام کا تحفظ اور خوشحالی وابستہ ہے۔ مضبوط فوج ہی پاکستان کے تحفظ کی ضمانت ہے۔ تحفظ پاکستان کیلئے پوری قوم پاک فوج کے ساتھ کھڑی ہے اس لیے پاک آرمی پر کوئی آنچ نہیں آنے دی جائے گی۔ حکومت وقت خاندانی آمریت کو رواج دینے کیلئے ریاستی اداروں کو روندنے کی جس روش پر چل رہی ہے وہ گھناؤنی سازش ہے۔
ریاست پاکستان کے تحفظ اور افواج پاکستان کے ساتھ اظہار یکجہتی کیلئے پاکستان عوامی تحریک نے ملک بھر میں ضلعی سطح پر تمام شہروں میں مظاہرے کئے۔ ملک بھر کے دیگر شہروں کی طرح جہلم میں بھی بھرپور مظاہرہ کیا گیا، جس میں پاکستان عوامی تحریک، تحریک منہاج القرآن، منہاج القرآن یوتھ لیگ، مصطفوی سٹوڈنٹس موومنٹ اور منہاج القرآن ویمن لیگ کے عہدیداران و کارکنان سمیت مرد و خواتین کی بڑی تعداد نے شرکت کی۔
منہاج القرآن انٹرنیشنل یونان کے پلیٹ فارم سے شیخ الاسلام ڈاکٹر محمد طاہرالقادری کے لکھے ہوئے عرفان القرآن کی گریک زبان میں ٹرانسلیشن کے معاہدے پر مورخہ 23 مارچ 2104 کو دستخط کئے گئے۔ عرفان القرآن کی گریک میں ٹرانسلیشن کا عمل قانونی پہلووں کو سامنے رکھتے ہوئے گریکی وکیل، ٹرانسلیشن کمپنی کی طرف سے نمائندگی اور منہاج القرآن کی ملکی ایگزیکٹیو کی موجودگی میں سر انجام پایا۔
تحریک منہاج القرآن ضلع گوجرانوالہ کے زیراہتمام منہاج ڈویلپمنٹ فنڈ کے سلسلہ میں شادمان میرج ہال کنگنی والہ جی ٹی روڈ میں کنونشن منعقد ہوا، جس میں مرکزی صدر پاکستان عوامی تحریک شیخ زاہد فیاض نے خصوصی شرکت کی۔ پروگرام کا باقاعدہ آغاز تلاوت قرآن سے ہوا، بعد ازاں حکیم رفعت اشفاق نے تاجدار کائنات صلی اللہ علیہ وآلہ وسلم کی بارگاہ میں درود پاک کا نذرانہ نے پیش کیا۔ اسٹیج سیکرٹری کے فرائض ڈاکٹر شفاقت علی قادری نے انجام دیے۔
تحریک منہاج القرآن گوجرہ کے زیراہتمام چک نمبر417 سیووال نوادے میں محفل میلاد مصطفی صلی اللہ علیہ وآلہ وسلم کا انعقاد کیا گیا جس میں بین الاقوامی شہرت یافتہ منہاج نعت کونسل ( امجد بلالی برادران) نے خصوصی شرکت کی۔ اس موقع پر شیخ الاسلام ڈاکٹر طاہر القادری کے شاگرد رشید علامہ ثنا اللہ ربانی نے خصوصی خطاب کیا۔ محفل میں تحریک منہاج القرآن گوجرہ کے جملہ فورمز کے عہدیداران اور کارکنان بھی موجود تھے۔ محفل کا اختتام دعائیہ کلمات سے ہوا۔
مصطفوی سٹوڈنٹس موومنٹ کھڑی شریف آزاد کشمیرکے ڈپٹی جنرل سیکرٹری محمد عاصم مصطفوی مورخہ 22 اپریل کھڑی شریف میں دریائے جہلم میں گرنے سے شہید ہو گئے۔ شہید کی نماز جنازہ انکے آبائی گاؤں نیو جبر (کھڑی شریف) میں ادا کی گئی۔
تحریک منہاج القرآن ڈسٹرکٹ کوئٹہ کے زیراہتمام ماہانہ درس عرفان القرآن کا انعقاد کیاگیا، جس میں لوگوں کی کثیر تعداد نے شرکت کی۔ پروگرام کا باقاعدہ آغاز تلاوت کلام پاک اور نعت رسول مقبول صلی اللہ علیہ وآلہ وسلم سے کیا گیا۔ اس موقع پر تحریک منہاج القرآن کے جملہ عہدیداران اور کارکنان بھی موجود تھے۔ درس عرفان القرآن کے شرکاء سے علامہ غضنفر حسنین قادری (مرکزی ناظم دعوت لاہور) نے خصوصی خطاب کیا۔
ریاست کے بچوں کو مفت تعلیم، صحت، روزگار اور تحفظ کی فراہمی حکومتوں کی ذمہ داری ہے اگر لوگ اپنے طور پر بچوں کے تعلیمی اخراجات برداشت کرتے ہیں تو یہ ان لوگوں کا حکومتوں پر احسان عظیم ہے۔اس نیکی کا صلہ سوائے رب العالمین کے اور کوئی نہیں دے سکتا۔ ان خیالات کا اظہار تحریک منہاج القرآن آزاد کشمیر کے مرکزی زونل ناظم ظفر اقبال طاہر نے مرکزی ایوان صحافت مظفر آباد میں 107 نادار اور مستحق طلبہ میں مفت نصابی کتب تقسیم کرتے ہوئے کیا۔
شاعر مشرق ڈاکٹر علامہ محمد اقبال کے یوم وصال کے موقع پر پاکستان عوامی تحریک شعبہ تعلقات عامہ کے صدر شہزاد رسول گجر اور PAT پنجاب کے صدر بشارت عزیز جسپال کی قیادت میں پارٹی وفد نے حکیم الامت علامہ ڈاکٹر محمد اقبال رحمتہ اللہ علیہ کے مزار پر حاضری دی اور پا کستان عوامی تحریک کے قائد ڈاکٹر محمد طاہر القادری کی جانب سے پھولوں کی چادر چڑھائی اور فاتحہ خوانی کی۔ وفد میں سہیل احمد رضا، فیاض وڑائچ، راجہ زاہد، میاں عبد القادر، ساجد بھٹی، حاجی اسحق، طیب ضیاء، سردار رنجیت سنگھ و دیگر بھی شامل تھے۔
ڈاکٹر محمد طاہرالقادری نے کہا ہے کہ سیاست دوبارہ ریاست کو روندنے کی تیاریاں کر رہی ہے مگر قوم ایسا ہر گز نہیں ہونے دے گی۔ عوام سیاست کو فرعون بننے دیں گے اور نہ ہی ریاست کے ستونوں کو گرنے دیا جائے گا۔ آئین میں دئیے حقوق واپس لینے کیلئے عوام 11 مئی کو تیاری کے ساتھ نکلیں۔ گھروں میں جلنے مرنے سے کچھ نہیں ملے گا، غاصبوں سے حق چھیننا ہوں گے۔ ریاست کے تحفظ کا آئیندہ لائحہ عمل11 مئی کو دونگا۔
تحریک منہاج القرآن لاہور کے زیراہتمام 20 اپریل 2014ء کو مرکزی سیکرٹریٹ تحریک منہاج القرآن پہ سوشل میڈیا کے حوالے سے ایک تربیتی نشست کا اہتمام کیا گیا، جس میں لاہور کے مختلف ٹاؤنز سے رضاکاران نے شرکت کی۔ اس نشست کے مقاصد میں سوشل میڈیا کا مثبت اور بہترین استعمال، سوشل میڈیا پر عملی کام کے دوران احتیاطی تدابیر سے آگہی اور سوشل میڈیا کو حقیقی تبدیلی کے لئے بہتر طریقے سے استعمال کرنے کی ٹپس شامل تھیں۔
تحریک منہاج القرآن گھوٹکی (سندھ) کے زیراہتمام تنظیمی اجلاس کا انعقاد ہوا جس کی صدارت مخدوم احمد ھاشمی (امیر منہاج القرآن سندھ) نے کی۔ اجلاس کا باقاعدہ آغاز تلاوت کلام پاک اور نعت رسول مقبول صلی اللہ علیہ وآلہ وسلم سے ہوا۔ اس موقع پر سیف اللہ قادری (زونل ناظم سکر ڈویژن) اور تحریک کے جملہ فورمز کے عہدیداران و کارکنان نے شرکت کی۔ اجلاس میں 11 مئی کے ملک گیر احتجاج کا پلان تیار کیا گیا اور احتجاج کی تیاریوں کا بھی جائزہ لیا گیا۔
4M
فیس بک
2M
ٹوٹر
© 1994 - 2025 Minhaj-ul-Quran International.
