سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
شہر اعتکاف کی منسوخی کے بعد ہزاروں معتکفین متاثرین سیلاب کا خادم بن کر متاثرہ علاقوں کو روانہ ہو گئے ہیں اور اعتکاف پر اٹھنے والے 3 کروڑ روپے کے اخراجات سیلاب زدگان کی بحالی پر خرچ کرنے کا آغاز ہو گیا ہے۔ 15000 رضا کاران پہلے ہی متاثرہ علاقوں میں امددی سرگرمیوں میں مصروف ہیں۔
شیخ الاسلام ڈاکٹر محمد طاہرالقادری کی ہدایات کی روشنی میں منہاج القرآن ویمن لیگ کے زیراہتمام سیلاب سے متاثرہ لوگوں کی امداد کیلئے ’’12 روزہ امدادی اعتکاف‘‘ کا آغاز ہو گیا ہے۔ جس کا مقصد متاثرین کو عید کی خوشیوں میں شامل کرنے کے لیے اور ان کی بحالی کے لیے فنڈ ریزنگ اور امداد اکٹھی کرنا ہے۔ اس سلسلہ میں کارنر میٹنگز اور فیلڈ میں وزٹس کا آغاز مورخہ 31 اگست 2010 سے کیا گیا۔
تحریک منہاج القرآن کے سات روزہ دروس عرفان القرآن کی آخری نشست کے ہزاروں شرکاء سے میونسپل اسٹیڈیم میں خطاب کرتے ہوئے معروف سکالر علامہ شکیل احمد ثانی نے کہا کہ حضور نبی اکرم صلی اللہ علیہ وآلہ وسلم کی حیات مبارکہ کو آج آئیڈیل بنانا ہوگا اس میں ہی امت مسلمہ کی کامیابی ہے۔ انہوں نے مزید کہا شیخ الاسلام ڈاکٹر محمد طاہرالقادری آج کے نوجوان کو عشق مصطفی صلی اللہ علیہ وآلہ وسلم سے سرشار دیکھنا چاہتے ہیں۔
رمضان المبارک کی آمد کے ساتھ ہی جہاں نورانی کیفیات کا ظہور شروع ہو جاتا ہے وہاں اہتمام رمضان کے مناظر پاکستان کی طرح پیرس میں بھی دیدنی ہوتے ہیں مگر اس سال پاکستان میں تاریخ کے بدترین سیلاب کی زد میں ہونے کی وجہ سے یہ رنگ گہنا چکے ہیں اور افطار کا اہتمام بھی رسمی ہو رہا ہے۔
کل کائنات کا علم قرآن میں ہے اور قرآن قلب مصطفی صلی اللہ علیہ وآلہ وسلم پر اترا۔ رمضان میں قرآن اور صاحب قرآن سے باہمی تعلق استحکام ایمان کے باعث ہے۔ تقویٰ حب رسول صلی اللہ علیہ وآلہ وسلم کے بغیر نصیب نہیں ہو سکتا۔ جس طرح ہر رسول کے لیے نبی ہونا شرط ہے اسی طرح ہر ولی لازمی طور پر عالم ضرور ہوتا ہے۔ ماہ صیام میں حب رسول صلی اللہ علیہ وآلہ وسلم سے مزین ہو کر ہی تقویٰ کا نور حاصل کیا جا سکتا ہے۔
مصطفوی سٹوڈنٹس موومنٹ اسلام آباد نے 28 اگست 2010ء کو ایک افطار پارٹی کا انعقاد کیا جس میں ناظم تحریک منہاج القرآن اسلام آباد ابرار رضا ایڈووکیٹ نے خصوصی طور پر شرکت کی۔ پارٹی میں اسلام آباد کے مختلف سکولز اور کالجز سے تعلق رکھنے والے طلبہ نے بھی شرکت کی، جبکہ منہاج القرآن یوتھ لیگ اسلام آباد کے صدر احمد ذوالقرنین بھی تقریب میں موجود تھے۔
شیخ الاسلام ڈاکٹر محمد طاہر القادری نے 20 سال سے لگاتار ہونے والے شہر اعتکاف کو سیلاب زدگان کی مدد کے لیے اس سال منسوخ کرنے کا اعلان کیا ہے اور اعتکاف پر تحریک کی طرف سے خرچ ہونے والے 3 کروڑ روپے بھی سیلاب زدگان پر خرچ کرنے کا اعلان کیا ہے۔
شجر ایمان کی جڑ عقیدہ ختم نبوت ہے۔ عقیدہ ختم نبوت وہ بنیاد ہے جس پر قصر ایمان قائم ہے۔ اگر اس بنیاد کو نکال لیا جائے تو قصر ایمان دھڑام سے گر جاتا ہے۔ لہذا اوائل دور اسلام سے ہی اس عقیدہ پر حملے بھی ہوتے رہے اور عاشقان مصطفی صلی اللہ علیہ وآلہ وسلم ہر دور میں ان حملوں کو پسپا کرتے رہے۔ ان خیالات کا اظہار تحریک منہاج القرآن کے مرکزی نائب ناظم اعلیٰ علامہ رانا محمد ادریس قادری نے ہفت روزہ دروس عرفان القرآن کی پانچویں نشست سے خطاب کرتے ہوئے کیا۔
نیکی محض نماز روزے حج زکوٰۃ کا نام نہیں بلکہ صلہ رحمی اور خدمت انسانی ہی اصل نیکی ہے ان خیالات کا اظہار تحریک منہاج القرآن کے زیراہتمام جاری ہفت روزہ دروس عرفان القرآن کی چوتھی نشست سے خطاب کرتے ہوئے مرکزی ناظم دعوت علامہ سید فرحت حسین شاہ نے کیا۔ انہوں نے کہا اسلام انسانیت کی سربلندی کے لیے آیا۔
الشيخ محمد الادروس جو فاطمي سيد ہيں اور مکہ پاک ميں ہي امامت کے فرائض انجام دے رہے ہيں۔ آپ ان دنوں يورپ اور امريکہ کے دورے پر ہيں، فرانس پہنچنے پر منہاج القرآن فرانس کي انتظامدرخواست پر آپ مرکز تشريف لائے آپ کے ساتھ امام درانسي اور امام فرانس شيخ حسن شال گومي بھي تھے۔
منہاج ويلفيئر فاؤنڈيشن انٹرنيشنل کي پاکستان میں سيلاب متاثرين کے ليے امدادي کارروائياں جاري ہيں۔ متاثرين کے لئے ضروريات زندگي کا امدادي سامان جس ميں بستر، ٹينٹ، کمبل، پہننے کے کپڑوں کے علاوہ نقدي شامل ہے کي کوليکشن جاري ہے اس سلسلے ميں منہاج القرآن انٹرنیشنل يورپ بھر کے مراکز ميں سيل قائم کر دیئے گئے ہيں، جن ميں لوگ اپني انفرادي اور اجتماعي کوششوں سے تعاون کر رہے ہیں۔
اسلام روز اول سے ہی انسانی حقوق کا محافظ ہے۔ تکریم آدمیت کا حکم اللہ رب العزت نے تخلیق آدم کے وقت ہی جاری کر دیا تھا۔ مغرب آج انسانی حقوق کا چیمپیئن بننے کی کوشش میں ہے حالانکہ اٹھارھویں صدی میں مغرب کو انسانی حقوق کا ہوش آیا۔ ان خیالات کا اظہار تحریک منہاج القرآن کے مرکزی رہنما علامہ اعجاز ملک نے ہفت روزہ دروس عرفان القرآن کی تیسری نشست سے خطاب کرتے ہوئے کیا۔
دعا سے انفرادی ترقی تو خدا دے دیتا ہے مگر قوموں کا مقدر اجتماعی کوشش سے ہی روشن ہو سکتا ہے۔ آج قومی تباہی کی بڑی وجہ ہمارے چھوٹے چھوٹے ذاتی مفادات ہیں جن کے لیے ہم نے قومی مفادات کو پس پشت ڈالا ہوا ہے۔ تحریک منہاج القرآن کے ہفت روزہ دروس عرفان القرآن کے دوسرے روز لوگوں سے خطاب کرتے ہوئے تحریک منہاج القرآن کے مرکزی ناظم دعوت علامہ فیاض بشیر قادری نے کہا کہ قیام پاکستان سے ہی ملک عدم استحکام کا شکار ہے۔
پاکستان کی تاریخ کے بدترین سیلاب کے متاثرہ لوگوں کی بحالی کے لیے منہاج ویلفیئر فاؤنڈیشن کی امدادی سرگرمیاں بلا ناغہ جاری ہیں۔ منہاج ویلفیئر فاؤنڈیشن کی طرف سے متاثرین سیلاب کیلئے 56 لاکھ مالیت کے امدادی سامان کے مزید 7 ٹرک نوشہرہ اور جنوبی پنجاب بھیج دیئے گئے ہیں۔
سرزمین لودھراں پر تاریخ ساز ہفت روزہ دروس عرفان القرآن 23 اگست 2010ء سے شروع ہو گئے ہیں۔ پہلے روز درس عرفان القرآن سے خطاب کرتے ہوئے علامہ ظہیر احمد نقشبندی نے تحفظ ناموس رسالت صلی اللہ علیہ وآلہ وسلم کو موضوع سخن بنایا۔ انہوں نے خطاب کرتے ہوئے کہا کہ ادب رسالت مآب صلی اللہ علیہ وآلہ وسلم سے خالی ہر عبادت اور ہر عمل با رگاہ خدا میں مردود ہے۔
4M
فیس بک
2M
ٹوٹر
© 1994 - 2025 Minhaj-ul-Quran International.
